人和荳品廠

今日放工好肚餓，要食返個下午茶餐。又黎這間在灣仔的良心香港人豆腐店，當然食我最愛的炒麵及粥，這邊更有豆漿、豆腐花、煎豆腐等選擇。好多客人買外賣，煎豆腐好出名又美味炒麵唔會好油、炒麵好香，配有芽菜、豆卜等，口感好正，份量大，好美味可口花生柴魚蠔豉豬骨粥好綿好滑的粥，花生軟腍、柴魚好香、蠔豉咸香，熱熱的食完個胃好正好飽肚乾淨又簡單的環境，因抗疫的關係，客人座嘅位都有限制，但客人食完好快就清潔乾淨，有效率！…查看更多

每次去鵝頸橋都一定會幫襯哩間豆腐舖！由我細細個食到中學開嘅人和荳品廠！一個人食飯唔知食咩好，哩度嘅炒麵配魚肉豆腐就啱啱好。炒麵一碟$16，係細隻嘅碟上面堆到高一高，配料比平時炒麵多 - 肥肥嘅芽菜同埋厚厚嘅豆皮，因為係專做豆製類產品，豆皮都好濃豆味。另一個招牌就係魚肉豆腐！廚房冇停過手咁煎，一份有四塊，飽滿嘅豆腐配一小塊魚肉，同炒麵一樣$16。令平淡嘅豆腐昇華嘅配料就係我最愛嘅豆瓣醬。少少辣味同蒜頭香令豆腐更加好味。豆瓣醬亦可以加到炒麵一齊食，鍾意嘅話可以一樽樽咁買返屋企。下次唔食正餐，試試佢嘅豆漿同豆腐花再同大家分享…查看更多

今日同朋友行銅鑼灣嘅時候，朋友提出去食我哋好鍾意嘅豆腐花，大家不約而同地都話去鵝頸橋間“人和”。一來無咁多人，坐都坐得舒服啲，二來豆腐花感覺大碗過另一間銅鑼灣分店。入到去，例牌叫咗一凍一熱豆腐花($12×2)，再加碟炒麵$16，加埋都只係$40，真係抵食。總結：暫時係我哋係香港食過咁多間覺得最滑嘅豆腐花，炒麵亦都好好食。至於店員嘅服務態度，感覺就一般般，見到佢哋對拉喼嘅遊客就比較差少少，可能店內空間位比較少，而店面環境衛生都算可以。…查看更多

5月28日, 雖然甜品當咗飯食, 但係隔冇耐呀比又餓喇, 想食個小食再填填個肚~::: 炒麵 ::: $10唔好以為係普通炒麵, 竟然都加咗豆卜, 搞到好豐富咁~ 炒麵雖然比較油, 不過炒得真係好香, 加埋韭菜, 芽菜, 有爽口嘅感覺~ 最突出嘅係豆卜, 豆味真係超香, 質地有外脆內軟感~::: 煎釀豆腐 ::: $10超級俾心機之作~ 可能佢地以豆製品為主, 煎豆腐看似簡單但係絕不馬虎, 釀入嘅魚肉仲幾新鮮~ 因為啱啱煎起, 一定要好小心食, 一咬豆腐外層異常香脆, 裏面豆腐又好香嫩, 再配上魚肉, 肉味同豆味互相輝映~ 推介之作!::: 凍豆漿 ::: $6豆漿夠凍, 甜味自然, 好好飲~老店果然名不虛傳, 豆腐豆漿都屬上佳之作~ 不過衛生稍遜, 乾淨番d應該會吸引多d年青人來~ 豆腐真係幾健康, 將來亦會多加支持~…查看更多

我之前也食過銅鑼灣的人和，今天剛好路過，便進入店內吃吃東西。一進入店內，立即有人和我說隨便坐，店內衛生情況尚算滿意，我最後選了坐卡位。我點了豆腐花($10) 、煎釀豆腐($10) 和炒麵($10) 。豆腐花不是太甜，如果認為夠甜可以自己加糖，適合怕甜人士。煎釀豆腐煎得挺香，又不太油，加點甜醬絕對是好配搭。炒麵炒得非常好，鑊氣非常夠，加甜醬便更加好吃。總括來說，人和荳品廠一試也無妨。…查看更多