布萊恩·L食堂 (已結業)

呢日兩點幾落堂，同朋友都未食晏之際，就走左去呢間想試好耐既餐廳度😛👁‍🗨 火燒原條鰻魚石鍋拌飯（7.5/10）💲119其實我地都算係為左約30cm既鰻魚而黎，一上台果然好大條，足足有兩隻手掌既長度，食落厚肉、肥美、腍滑，入面大部份都係細骨黎既，淋有鰻魚汁係面，如果鰻魚汁再多啲就一流😍相機食先一陣就要撈撈啲飯，金黃色既飯焦幾香脆，份量都多夠曬飽肚，加溫泉蛋或者芝士相信會非常澎拜👁‍🗨 黑松露大啡菇手打牛肉漢堡（7/10）💲62（套餐）個包帶有牛油香，黑松露鋪滿大啡菇，食落舊菇都juicy，芝士漸漸會溶落去，七成熟既牛肉漢堡扒，中間保持粉色，幾有肉汁同肉味，味道7分🍔不過牛肉軟腍到有啲散，如果實返少少會更好🤔同埋我食完成個鰻魚石鍋飯先食個包，大概係🍄同🐮多汁既關係，包身會變得頗濕，質感6.5分🤤所以個包一黎到儘快食就係啦🤗套餐有薯條同汽水，薯條幼但脆身，調味不錯🍟🔛 整體評分（7/10）

食乜嘢：火燒原條鰻魚石鍋拌飯 ($119) + 拉絲芝士 (+$12)評分：8/10.其實講芝士鰻魚石頭飯嘅始祖，呢間小店都算係有做到幾出名吓。😁 食過鰻魚嘅人都知其實無論煮得幾好嘅鰻魚都依然會有細骨夾係入面，好在個飯真係炒得幾鬆軟，就算鰻魚骨夾咗係入面都真係可以話唔系好覺。👍👍 佢哋用嘅鰻魚係偏長而唔系闊嘅果種 (我諗冇30cm 都有 27cm) 😂 想食得有技巧啲可以先整爛半條鰻魚撈飯，其餘嘅食到咁上吓先再混落飯入面。飯底絕對推介有加拉絲芝士食因為加咗會 Creamy 好多倍。😋😋 除咗芝士之外都仲有好多其他配料可以揀點配，例如牛油大啡菇、半熟玉子、甚至連鵝肝都有得加 (只係$35)。 鍾意食飯焦嘅人可以係撈個石頭飯嘅時侯唔好刮到底食到一半就會見到一層金黃色嘅飯焦黐住咗嚮底

520呢個咁特別既日子我就選擇左陪媽咪啦知道媽咪中意食鰻魚飯﹐又咁岩屋企附近開左間可以食到鰻魚飯既舖頭﹐當然耍黎試下啦我地係中午時間去食既一去到就二話不說叫左個鎮店之寶先緊係相機食先條鰻魚好似手前臀咁長架,重要好厚架!!店員好好 提我地影完相要將突出去石鍋既部分先食掉如果唔係就會燶左架啦同埋要反下下面既飯 如果唔係就會有好多飯焦架啦影完相就開餐啦媽咪話好好味 D似都好鮮媽咪中意我就唔同佢搶食啦我就叫左個"車打芝士流心蛋手打牛肉石鍋拌飯"牛肉7成熟 加左自選既韓式醬汁賣相當然冇鰻魚飯咁好啦不過味道都唔錯架

其實黎食過依間小店好幾次，鍾意佢地服務好之餘👏🏻，食物又外貌與內涵並重，但次次都怕食唔晒唔敢叫巨型鰻魚，今次決定母親節就豪食一次，叫晒巨型鰻魚飯同巨型漢堡🤩1. 火燒原條鰻魚石鍋拌飯（＄119)🐟🍚論到賣相真係冇得輸🤩，但佢一樣有肉涵，鰻魚勁厚身之餘又夠腍滑！！！😍😍😍加上鰻魚汁同栗米粒用黎撈煙韌嘅飯粒一齊食，真係一流🤤🤤🤤完全都勁滿足！份量真係足夠兩個人食，雖然店主已經減少左飯量，但咁大條鰻魚，真係好容易食唔晒🤣不過提提大家，相機要食快D，因為個石頭窩好熱，影太耐就愈多飯焦，但唔係脆身而係硬身飯焦，會變得愈黎愈硬😅假如你係芝士控，就一定要加$13芝士，雖然邪惡，但真心吸引！😝彤樂評分：9.5/102. 招牌大隻佬漢堡（＄60)🍔以晚餐黎講🤑$60就有個咁巨型漢堡，真係超抵食，用材非常豐富，除左有100%新鮮厚牛肉🥩，仲有芝士🧀、餐肉、煙肉🥓、煎蛋🍳、紅菜頭、生菜同Bryan秘製醬汁，而麵包佈滿芝麻，不過係鬆軟款，而唔係香脆款，勁多重口感加鮮味🤤🤤🤤加$16就有薯條🍟同汽水🥤，薯條又粗又長又脆口🍟彤媽都忍唔住食左大半😂彤樂評分：8.5/103. 香蕉奶（跟餐細杯＄17/原價＄34)🍌🥛