齊柏林熱狗店 (大埔超級城) (已結業)

近期即叫即整熱狗，今日中午時間見無咩野人排隊就試下。我見best seller 係*澳式風情熱狗🌭️*就試下佢裡面有菠蘿煙肉千島醬同埋條腸，而表面就有淡淡芝士，應該是水牛芝士，都多料，感覺上好似食緊意式風情pizza 感覺，只係換左熱狗既設計味道唔差。另外睇到外賣紙條腸有得選豬牛腸，又可轉豬肉腸，但當時職員無問我，我都唔知食左咩野腸，只見是啡色，而不是傳統橙色。但上面有火槍燒過的味道，有點燶燶哋味道，美中不足。另外加$12有薯條和汽水，價錢都吸引，但因為唔太肚餓所以無加錢。服務方面：可能咁岩收錢個邊係新人關係，所以比較被動，建議可主動查問客人選擇咩野腸，因為相信有好多人好似我咁，第一次試食，都唔知有得選擇。…查看更多

終於試咗最近大熱嘅齊柏林熱狗啦！食之前睇咗食評，知道有幾款係特別推介，今次就試咗其中一款 -「澳式風情熱狗」🌭嗌熱狗加$12就可以要兩個小食，我兩份小食都揀咗薯條🍟😋熱狗好足料，除咗腸之外，仲有芝士、菠蘿、煙肉同千島醬。平時食開嘅熱狗都只係茄汁同芥茉，所以覺得今次呢個千島醬好特別，加埋菠蘿仲有好fresh嘅感覺添🤩 薯條分量超多，我嗌外賣拎到返屋企都唔會太淋，另外佢比嗰個汁超好味，應該係千島醬加茄汁嚟！但個汁比得太少，如果可以俾多啲就好啦😖…查看更多