食完個好貴既下午茶，馬上轉場黎咗金鐘太古廣場魚治食日本菜。餐牌有是日時令菜式，前菜，壽司，刺身，小食，爐端燒，一品料理，植物肉，卷物，食事，同甜品。今日一行四人，坐到卡位，都有私隱度。呢度燈光昏暗，非常之有居酒屋情調。赤崎生蠔 $82 一隻 另加一赤崎生蠔係飛機空運到港，餐廳入咗8隻，我地預先要咗4隻留起。生蠔超大隻，好吸引。食落質感實在而鮮味十足，好新鮮！廚師加左適量辣蘿蔔蓉同蔥花，配蠔食好好味。小鯛刺身 $428 另加一小鯛又名血鯛，呢條魚我地預先留起。小鯛刺身賣相好靚，連魚骨上枱，一客21片，刺身厚薄適中，魚肉嫰滑又鮮，好正。配有wasabi，或者可以加酸汁配辣蘿蔔蓉同蔥花一齊食，更加好味。魚骨煲湯 每碗湯加$25 另加一食得唔好哂，魚骨可以煲湯。出品係大大煲湯，仲有好多魚肉食，有魚頭魚尾魚鮫，魚肉好鮮又嫩，湯底係麵豉湯，加左好多京蔥，豆腐粒同昆布，味道好好，不過有魚鱗。鹽燒喜知次 $788 另加一呢條魚又係預先留起，要燒成30分鐘，慢工出細貨。魚肉燒得又嫩又滑，鹹度剛好，因為外皮用鹽醃得夠味，伴有檸檬同白蘿蔔蓉。以下係餐牌菜式。鐵板燒A4和牛粒 $268 另加一和牛粒有十幾舊，用鐵板上枱，伴有洋蔥同蒜片，另上燒汁比你自己加。和牛粒好腍，牛肉味唔錯，幾好食，個燒汁好惹味。滿足壽司 $178 另加一滿足壽司係青瓜卷8件，上面有豐富海膽，三文魚籽蟹肉同蔥花白芝麻粒吞拿魚。海膽算鮮甜唔腥，蟹肉有蟹味，吞拿魚粒都唔錯。我地特登請服務員另上三文魚籽都配合到。雲呢拿雪糕 每球$38 另加一 預先請餐廳幫手預備甜品碟慶祝，仲有蠟燭。球雲呢拿雪糕好滑溜又厚身，好飽！總括而言，食物唔錯，而服務員態度非常好，有求必應，主動幫手。今餐都好貴下，因為叫左好多貴野，不過食得高興。太古廣場呢個價錢又唔貴wor。…查看更多
