稻埕飯店 (K11購物藝術館) (已結業)

由於打風，臨時將聚餐地點，改到這間在地鐵站沿線的餐廳，最後大家都歡度了一個愉快的晚上。餐廳內有充裕的空間，令大家坐得舒服，服務員也友善，加了一些印象分。我們一行 7人總共點了9個餸，兩個飯，兩個甜品，雖然每碟份量都細，但都食得飽。我覺得好味的餸菜有：1. 櫻花蝦魚湯津白: 魚湯夠濃，櫻花蝦有炸過，擺碟也花了些心思，令簡單的餸變得吸引。2. 黑麻油雞翅：賣相普通，但勝在味道香濃。3. 古早味三杯雞：滿滿酒香的雞肉，很合我的口味。4. 滿滿骨膠原豬手：炆得香濃軟滑的豬手，令一直都不太喜歡豬手的我改觀。5. 原味黑糖珍珠冰淇淋鬆餅：脆脆的鬆餅及黑糖珍珠，令我非常滿意，下次再來時，一定會再點這個甜品。6. 桃膠燉蛋白：蛋白幼滑，令大家驚喜。有待改善的菜式，包括：1. 黑松露蚵仔煎蛋：蚵仔硬而無鮮味，令好味的煎蛋失色。2. 黑糖醋釀柑仔蜜：釀的是車厘茄，個車厘茄沒有車厘茄的味，只有酸味。3. 鵝不是鴨肉：白滷水的鵝片，淡而無味，令人失望。金銀蒜泥白肉及蒼蠅頭爆炒韮菜花都不過不失，沒有試過亿滷肉飯及石碢三蝦泡飯，但見其他人都似乎給好評。雖然對部分菜式有意見，但我仍會再光顧這間餐廳，希望下次的蚵仔會改善。…查看更多

疫情近两年不能外遊，唯有光顧特色餐廳止癮。因提早辦完公事，所以早到了15分鐘，餐廳只有少量食客。QR code落單已是常態。菜上得很快，又係食唔切。叫咗4樣嘢，好壞参半。不得不提“滿滿骨膠原豬手”，果然喺鎮店之寶，我們從來未試過在餐廳食完，意猶未盡，還要reorder一份外賣回家吃。入味，腍得嚟又有咬口，正！稻埕牛肉麵個人認為麵身硬，牛肉太厚兼有啲乾，但味道不錯。A菜唔知用咗乜嘢醬炒，好香，微甜，好味。蟹鉗肉酥蛋卷係被menu上的description 吸引到，話用约15隻蟹鉗拆肉整的。蟹肉夠份量，外皮香脆，可惜淡而無味，完全食唔到蟹肉的鮮味，我地有懷疑過廚師係咪唔記得落調味不過總括來說還是美味的。…查看更多

台灣食物永遠唔會差得去邊， 我哋今次因為有4個人， 所以選擇的種類比較多。大大碗雞扒滷肉飯，滷肉比其他的大粒但唔會好咸， 但炸雞就好似唔敢熱， 有少少可惜甜甜地的三杯雞， 好好味， 不過份量比較細， 勝價比低😂😅豬手炆得敢冧， 入口即化😘， 但太少牛肉麵， 湯底唔算好濃， 每片牛肉都有厚切， 都有5片左右🥰金瓜蒸粉肉，這個我覺這個不是太出色。 整體比較普通， 味道都是一般的😳這個鵝肉份量真的有點少😳😳，但加上汁， 令鵝肉有少少清新的感覺😜…查看更多

又是一間和天使偶遇的餐廳。由於地點還算方便，我們今天便來一試。原本還點了一個皮蛋的菜色(名字忘了)，但天使本身是不吃皮蛋的，只是從名字聯想不到是皮蛋的菜色所以誤叫了……所以便沒有刻意記下。這個菜沒什麼特別，用皮蛋和紅錄辣椒一起弄。除了辣之外沒有特別的味道。這個是"不夠。臭豆腐"。拜盤出色，可惜我被醫師勸喻近幾天不能吃豆腐所以沒有試，主要是靠天使吃的。據天使形容︰吃下去和吃多士沒什麼分別。這個也是天使誤叫的，他叫的時侯不知道原來是沙冰，但卻救了我一命…那個皮蛋菜色對我來說真的太辣了。說回這杯飲品…沒什麼特別，甜甜的、涼涼的，不難入口。這個叫"鵝不是鴨肉"，說穿了即是鵝片。味道和口感和潮州打冷的鵝片差不多，除了鵝片有骨。:(天使還一時大意，以為沒有骨頭而用力大咬，結果牙關還麻痺了一會兒。這個是滿滿骨膠原豬手。算是名符其實。豬手炆得很軟，很易入口，調味本身是滷水汁，所以很困難才會令人覺得難吃。要說特別的話，豬手之間有一束炸過的菜葉…但菜葉和豬手一起吃不夾，單吃起來又沒什麼特別…應該是用作伴碟的吧？最後上的是這個三寶麵。店員說茶餐和單叫的分量沒分別，但價錢卻相差超過一半，所以我們便叫了茶餐的，還外送一杯熱柑桔水。麵聲稱是自家制的，處理得頗不錯，頗煙靭的，但就是略嫌靭的比重較多。三寶也沒什麼特別，正正常常，沒什麼亮點。或許人的一生，可以有亮點的機會不會太多。不過不失，或許也算是一種成就吧？…查看更多

🚩鵝不是鴨肉(例牌)💰價錢：$130味道唔錯滷得好入味👍🏻肉質口感唔會太乾太嚡其它配菜有豆乾、豆芽都好食😋唯一缺點就係份量少咗啲🚩滿滿骨膠原豬手💰價錢：$106呢度菜絕對要一試望落反哂光 勁吸引🤤一份有三大舊食落非常細嫩 輕輕一咬已散接近入口即化既口感「滿滿骨膠原」既名冇改錯無敵級黏稠！俾既醬汁味道略嫌唔夠重口味😈但份量夠多可以撈飯！撈飯！撈飯食🤪🚩 石鍋三蝦泡台梗飯💰價錢：$98真係痴咗線外賣先嗌呢度菜🤦🏻‍♀️完全冇咗石鍋既風味而且份量極少🙄台梗飯粒口感硬硬地味道太普通似一般湯泡飯…查看更多

今次同瘦身P女來下午茶，K-11呢到環境好舒服，而且又方便就腳，行左個圈瘦身P女想食低碳的餐，見到呢間都幾靚又企理，就入去一同懷念一下台灣風味。瘦身P女去年曾經在台灣行山，一邊聽她娓娓道來遊歷故事，一邊品嚐台式小食，真係一樂事。先來一客滿滿骨膠原豬手兩只大大的豬手，炆得好稔好入味，而且每一口都有骨膠原，真係又美顏又好味~~~~瘦身P女最近減磅好有成績，而且開始高脂低碳食物，真係O岩曬呀~!白滷水獅頭鵝掌翼好鍾意食呢D有骨又要吮味的食物，因為個汁做得好，所以即使只係支骨都真係好味。加上鵝掌翼旁的肉都好軟，好好食。自家製台式芋蓉紅豆湯雖然瘦身，但都要食D甜蜜平衡一下，叫左呢個自家製台式芋蓉紅豆湯SHARE~WOO個芋蓉好IMPRESSIVE~!!!!超正，唔會太甜又好綿，入口即溶化的感覺相當之好。紅豆都大大粒而且煮得質地剛剛好~紅棗杞子桂圓米水飲料我選了養生次選，因為秋天了要補下血，呢個紅棗杞子桂圓米水真係幾特別，米水原來可以用來焗藥材而且味道都好夾，很有創意~手打401次咖啡瘦身P女要凍飲，所以就叫左個401次咖啡。上層的咖啡的確打得好夠，同埋好香濃的咖啡味，口感唔錯。…查看更多

小妹已有好一段長時間無寫食評喇！但今次可以成功吸引到令到小妹再次食寫評去推薦嘅係喺尖沙咀K11嘅「稻埕飯店」！一開始我們去K11仲諗緊搵去邊間餐廳食晚飯，小妹我就喺openrice搵吓，搵到呢間叫「稻埕飯店」嘅好評都幾多，而且睇到食物嘅照片都幾吸引，所以我們就決定入去食晚飯！喺門口等待店員安排我們入座嘅時候，我們睇到個放喺門口嘅大餐牌有呢個中秋節期間供應嘅「$788四人套餐」：金銀蒜泥五花白肉、福州佛跳牆、宜蘭三星蔥油鷄「例牌」、台灣白肉苦瓜炒美國頂級安格斯牛小排、蔭樹米豆乳鵝仔菜、滿滿骨膠原豬手、滷肉台梗米飯、黑糖薑母鮮奶湯圓！當中我們比較喜歡嘅分別係：金銀蒜泥五花白肉嘅賣相相當吸引，最初以為味道會係普通充滿蒜香味嘅五花肉，點知食落原來入面係有薄薄嘅青瓜片同五花肉一齊捲成，感覺非常爽脆清新，最好係唔好有好油膩嘅感覺！福州佛跳牆係最令我們驚喜嘅，因一開始打開嚟影相嗰陣祇係隨手搵到一隻鮑魚，當時已經覺得都幾大隻，但到分湯嗰陣就越分越驚喜，因無諗到小小嘅燉盅入面會有咁多湯料，除咗有鮑魚之外仲有花膠、海參、金華火腿等等等等⋯⋯真係超足料呀，湯底嘅味道非常芳香濃郁！滿滿骨膠原豬手燜得好腍好入味，肉質相當鬆軟，豬皮嘅質感非常煙韌軟滑，因燜咗有一定嘅時間，所以完全無硬實實嘅感覺！黑糖薑母鮮奶湯圓最初我們以為味道會好甜，但甜度竟然啱啱好，而且仲有桂花嘅清香味，同埋原本以為祇有湯圓，點知發現有埋芋圓，真係覺得好開心！至於宜蘭三星蔥油鷄「例牌」同另外可以用$68優惠價追加「鵝不是鴨肉」例牌嘅味道都相當唔錯，但令到我們有啲啲微言嘅就係擺放得太過側埋一邊，略嫌賣相唔太好睇！至於稻埕牛肉麵就係我們特意另外點，因每次去每一間台灣飯店牛肉麵都係我們必定會叫嚟食，一開始飯咗啖湯，湯底嘅味道超級鮮甜濃郁，牛𦟌肉質係超鬆化軟腍，而且有入口即溶嘅感覺，而且份量十足，麵質亦非常煙韌彈牙，真係值得推介再推介呀！另外喺用餐嘅時候，見到有個電子傳菜員負責送餐出嚟，感覺真係特色同可愛！…查看更多

呢間稻埕飯店環境好好，今次我咁啱坐一個私隱度好高嘅雙人卡位，視線範圍內都冇其他枱㗎🙈食物整體都唔錯㗎～.今餐主食係石鍋三蝦泡台梗飯，顧名思義係用石鍋上嘅，不過店員喺我哋枱隔離幫我地分咗兩碗先真係上枱俾我地，好貼心嘅服務👍🏻用嘅台梗米話係台灣直送，整成泡飯都好有口感。泡飯唔使落其他調味料都啱啱好，同朋友一致認為個泡飯幾好食。.另外我同朋友都好鍾意個甜品！薑汁桃膠燉杏仁鮮奶雖然唔係咩花巧嘢，但真係好好味😋食得出杏仁鮮奶嘅香味，又食得到薑汁嘅味道。一碗兩個人share啱啱好。.滿滿骨膠原豬手煮到好軟腍，都係唔錯😋胡椒蔥肉包都OK，不過佢望落好似有煎過，但食落完全冇香脆嘅感覺㗎🤣.每人仲叫咗一杯米水。朋友叫咗草莓優格米水($32)，我飲咗一啖又唔覺得有yogurt嘅味嘅🤣我叫咗熱嘅桂花胚芽米水($32)，係養生之選，略嫌有啲貴囉🤣…查看更多

今天晚上又跟友人在尖沙咀搵食，知道近排K11開左很多不同的餐廳，而今晚我們便選擇了這間食台灣菜的餐廳試試。餐廳環境寬敞，感覺舒適!這裡落單是用QR Code於網上落單，方便又環保!這裡有位客人提供消毒電話的機器，十分特別!食物種類也很多，點了幾款平時很少吃的食物試試。這裡會用上機械人送餐，十分高科技又特別，能減少店員與客人的接觸，在這疲情下會較令人安心。滿滿骨膠原豬手，這款豬手是這裡的招牌菜，豬手都幾大隻，炆得好冧好入味，食落黏口的，真的滿滿骨膠原的感覺，而且味道甜甜咸咸，很惹味，我還用了這個汁吃飯呢!胡椒蔥肉包，這個包令我想起了台灣夜市的胡椒餅，餡料有少少辣，好香蔥味，而且這個包很多汁，味道在口腔內浪浪下，令人回味!石鍋三蝦泡台梗飯，這個泡飯非但熱辣辣，上枱時湯還在滾，所以店員會幫忙拌勻及分給我們，一個石鍋大概有兩碗飯。泡飯的湯底清甜，不會好咸，內裡有鮮蝦肉、蝦米和蝦干，味道咸咸香香，而且還加入飯焦碎，口感非常豐富!薑汁桃膠燉杏仁鮮奶，桃膠是一款養顏食品，近期真係好hit。而這裡的杏仁鮮奶是熱食的，好香杏仁的味道，而且桃膠份量很多，滿滿養顏的感覺!柚薑米水、草莓優格米水，米水能夠健脾養胃，柚薑米水內有柚子肉和薑絲，飲落有柚子的甜味，也有少少薑的辣味。用米水製成草莓優格真係第一次飲，味道酸酸甜甜，而且夠冰凍，岩哂夏天飲!這間餐廳的食物味道不錯，價錢唔算好貴，而且服務貼心，有機會會再黎!…查看更多

K11新餐廳稻埕飯店，稻埕名字靈感源於台灣「大稻埕」，飯店以台灣直送優質米及滷水醬埕作概念去製作招牌滷肉台稉米飯、秘方白滷鵝肉、滿滿膠原豬手，塑造出「台灣情，台灣味」嘅餐飲體驗，讓顧客尋找到寶島嘅「那些年的古早回憶」：一道 秘方白滷鵝肉一碗 滷肉台稉米飯一口 滿滿膠原豬手稻埕飯店餐廳外之玻璃櫥窗可見台灣直送優質米及滷水醬埕擺設，算有特色，現奉政府抗疫規定，店員要替每位進入餐廳之顧客量度體温，睇下有無發燒，而未入門口就見到有自動測量體温及自動酒精搓手液機供客人洗手，之後由店員安排座位，目測枱與枱之間都有保持1.5米距離或某些枱會暫停使用以用作保持足夠距離。依家好多餐廳都用智能手機去自助落單稻埕飯店都一樣咁先進，一scan個QR Code就可點餐，另亦有提供電子及實體餐牌給客人觀看。經理推介電子餐牌上嘅秘方白滷鵝肉、滷肉台稉米飯及滿滿膠原豬手，即係門口招牌下面寫嘅那些年的古早回憶，另外雖然疫情關係，所有店員都要戴上口罩，但憑我個人經驗同佢哋嘅交流，相信大部份男店員都係後生嘅小鮮肉、應該幾靚仔添(可能估錯㗎下)、仲要全部店員好好禮貌(當日只見男店員、沒有女的)。另外經理推介另一招牌主打：桂花胚芽米水(正價$32，跟下午茶餐免費)，另再點了一杯柳丁汁(正價$28，跟下午茶餐免費)；桂花胚芽米水，首先將桂花與胚芽米水撈勻、杯內仍有軟腍嘅胚芽米、所以飲落去係飲到胚芽米同桂花香味的，而胚芽比平常嘅大米高出60%-80%的營養，所以感覺好似幾健康；柳丁汁，酸甜適中、無冰都夠凍，合格。食物首先點了經理推介嘅稻埕風味：滿滿骨膠原豬手($78)，豬手皮厚但口感糯軟而且黏口、滿口膠原蛋白、有美肌餐顏作用、豬手肉厚味濃、連骨及豬手皮都吸收哂啲汁、非常入味，食第一啖嗰下已經有驚喜嘅感覺。本身想用電子優惠券去免費換一客滷肉台稉米飯，但為食同鍾意食台式腸嘅我就點咗悠閒套餐嘅墨魚腸拼台式香腸滷肉飯($78，仲免費跟一杯餐牌有幾款選擇嘅指定飲品)，台灣米跟日本米差不多種法，兩款都非常好食的，稻埕飯店選用咗台灣直送優質台稉9號米(點解知？menu上有寫的)，台稉米飯上面見到滷肉色澤光亮、香濃肥美，而台稉米粒透明飽滿、黏性佳，撈埋滷肉一齊食最佳配搭，溏心蛋半隻不會過熟、有流心效果，脆香嘅墨魚腸及台式香腸夾住蒜片一齊食，三樣我都喜歡食，真係另一個驚喜。最後點嘅又係經理推介嘅稻埕風味：鵝不是鴨肉(例，$98)，通常香港賣的都是潮州滷水鵝及其他食品，而稻埕飯店以台式自滷水浸製，利用丁香﹑老薑等無色嘅調料製成(點解知？menu上有寫的)，白滷水鵝皮肥美嫩滑、鵝片肉嫩而且味道清爽、鵝片底部嘅鵝件連骨都吸收哂惹味嘅白滷水汁，連伴碟嘅醃蘿蔔都好好食。已經約咗朋友再去了。…查看更多