復仇者餐館 (已結業)

放工約了友人到中環食飯，上網見到一間黃店叫復仇者餐館，以為主題店即好奇食咩，搵搵下料先知同Avengers係無關，由全民造星Jason開的餐廳，主打港式fusion菜，見推介有芝士黑松露煎餃及普洱茶香雞翼及港式卡邦尼炒腸粉等，咁有創意都幾吸引，同場加映又見到係告急黃店，係黃店拯救隊出現過，經前四季酒店總廚踩場調教過後情況又會如何呢?一於試下(雖然我唔係食all day breakfast)。 book左位但取消左(full booking)，只好walk in，幸好時間尚早有兩位，店員幾好人安排到。 餐廳位於1樓，小小的面積，簡約設計，佈置了蜘蛛及巴斯光年等裝飾，玩味十足，搶眼的復仇牆，我地二人坐窗邊，不禁看下風景。 餐牌，果茶飲品以歌詞來命名的，都幾有心思。 超值套餐(二人份)，$468，對港式fusion菜有興趣，滿足晒我地既要求。 啤酒好吸引，可惜今日唔係happy friday~。 才值得勾勾手指發誓(洛神花荔枝紅茶)，微酸，淡淡的荔枝香，消暑。 能持續獲得糟蹋亦滿足(蜂蜜檸檬鐵觀音)，友人的。 紅菜頭雜菜沙律配芝麻醬，正常水準。 是日餐湯-南瓜湯，都幾大碗，個碗好中式，湯質感稀，南瓜味淡。 招牌普洱茶香雞翼(6隻)，雞翼軟滑，八角味重，茶味較薄，如果茶味濃返點會更好。 招牌慢煮茶葉炆豬腩仔，豬腩仔肉質軟腍，層厚厚的肥膏又香口，微淡的茶香味，配上薏米，感覺去濕同減少油膩感，呢個組合不俗。 港式卡邦尼炒腸粉，最期待呢個，入口味道濃郁，炒腸粉香口，醬汁多每啖都好豐富，估唔到卡邦尼同炒腸粉係可以夾架。 食物味道正常水準，有創意我鐘意，下次有機來飲啤，支持小店。…Read More

好耐之前已經見到有youtuber介紹呢間餐廳，bookmark咗好耐，前排又見佢哋被爆格，所以我終於的起心肝去支持下🤪整體來講，lunch set一律$98，包飯品，價錢都合理。而食物特別得來亦都高質，值得去支持下✨(下次會想試佢嘅黑松露餃子👅).bookmarked this place for a long time now after watching a youtuber recommend it 😆recently heard they got their money stolen 😢 so decided to give it try 😋 they got some really unique dishes like the carbonara rice roll 🤤 overall, great quality for a reasonable price!.《港式卡邦尼炒腸粉》$98 😋😋😋我諗好多人都同我一樣比呢個腸粉吸引左而嚟食嘢！果然冇令我失望😎係一個好啱我口味我會想再encore嘅腸粉！特別欣賞carbonara嘅醬汁係用蛋汁做，惹味得嚟又唔會好膩！雖然煙肉係用假煙肉粒(唔知點叫佢，見到圖就會明)，但其實我自己本身好鍾意食呢一種bacons，夠曬脆🤣不過食落就會比較鹹～整體來講，呢個腸粉fusion得來又出奇地夾，值得一試！.《惹火手撕豬肉炒意粉》$98 😋😋同朋友完全冇留意到原來佢係辣嘅，淨係見到餐牌話「送你一隻超正嘅太陽蛋」就俾佢吸引左🙊兩個唔食得辣嘅人無啦啦叫咗個辣嘅意粉，仲要份量都幾多下，所以我哋食咗少少就放棄左。最後打包拎返屋企比男朋友食，佢話好好食！嗰種辣係麻辣，會食唔停口🤪.復仇者餐館 @avengers.hk📍#BELLYwongs_central #BELLYwongs_sheungwan.#BELLYwongs_cafes #BELLYwongs_pasta…Read More

呢間復仇者餐館告緊急，其實同復仇者其實冇乜關係🤣喺中環近Soho區嗰邊，八五有罷市，避世小天堂🧝🏻‍♀️過嚟支持下黃店💛·佢係要上幾下樓梯嘅，有大大個霓虹燈喺樓梯度好搶眼💕。主打西餐同手工啤～·港式卡邦尼炒腸粉好出色。佢個醬汁係帶蛋黃creamy，煙肉有脆粒同條狀，配埋煎左少少嘅腸粉一齊食fushion得唔錯。😎😎好味道！·原本以為會有一嚿嚿牛油果粒喺珍珠茄牛油果搞醬芝士長通粉道，點知原來撈勻左入啲青醬道。佢食落第一啖會淡但之後個回甘味幾重，同卡邦尼醬成強烈對比，難分高下～😈·手工製黑松露芝士餃子，反而有啲失色，黑松露味唔算太重🤗（利申黑松露超級fans），當普通煎餃食都唔錯·最後最後，要推介佢哋賣相超級正嘅手工啤酒🍻！原本想叫一支扮生命麵包嘅酒結果賣晒，叫咗呢支扮話梅嘅啤酒，連隻紙質都係一樣㗎😱好得意呀哈哈～！估唔到真係有一陣陳皮味。幾夾喎🤗整體來講小店質素出色，好過好多樓上cafe💪🏻唔怪得知夜晚去都full full地💛支持！-港式卡邦尼炒腸粉｜$108珍珠茄牛油果芝士長通粉｜$108手工製黑松露芝士餃子｜$68手工陳皮啤｜$68另收加一-復仇者餐館 (中環)中環蘇豪嘉咸街45A號1樓-…Read More

🍴 港式卡邦尼炒腸粉 連飲品 HK$98面頭有少量配料，芝士、洋蔥、蘑菇、煙肉。 我覺得腸粉算不上超過，感覺係煎過，所以煎得少少脆皮。卡邦尼醬唔算結身，味道比起平時食開嘅淡少少。😂 呢個配搭第一次見，都係第一次食。原本仲怕佢係伏，但竟然係出奇地夾，值得一試嘅。.🥢 香煎香草雞扒涼拌芝麻醬手工上海麵 連飲品 HK$98雞扒好大塊。不過配涼拌芝麻醬，其實都遮蓋咗香草嘅味道。 😚 佢嘅手工上海麵，比起平時食嘅上海麵厚身啲有咬口啲。.🌸 今天陪你再大一歲 特飲+HK$10其實佢係蜜桃玫瑰普洱茶，點咗少甜少冰。玫瑰純粹係加係面頭，所以飲起黎，佢嘅味道唔明顯，不過係幾大杯嘅。.🍽 小食追加 HK$20/份 HK$30/兩份🐥 普洱茶香雞翼雞翼整得幾冧。普洱茶係有淡茶香，不過有少少辣味，辣味出過茶味。🧈 牛油蒜蓉炒雜菇純粹見小食唔算貴，所以點埋。基本上呢個配搭都唔會有咩問題，不過不失。--📌 午市時段 12:00-15:00📌 另收加一服務費…Read More

中環蘇豪嘉咸街已經不是和朋友們第一次來這裡找餐廳囉最先吃的是日本菜，接著留意到對面的漢堡包店！最後在吃漢堡包時發現這家餐館如果單看店名應該想像不到是吃什麼? 其實這家是吃以茶作為主題的港式fusion菜餐廳在一樓的右手邊，在樓梯的牆壁有大大個"復仇者"的霓虹燈目測只有容納到14人的座位，所以大家還是上網訂位吧！另外要注意的是這裡只收現金餐點方面~選擇不算太多，不過既然是以茶做之主題，當然不能錯過與茶相關的料理吧飲品的名字，如果本身有聽開歌的話~大概會有熟悉的感覺 (笑)我們點了 - 能持續獲得糟蹋亦滿足 ($48) & 才值得勾勾手指發誓 ($48)前前者其實是 蜂蜜檸檬鐵觀音，後者則是 洛神花荔枝紅茶茶不會很澀～入口還頗甘香的。自家制慢煮茶葉炆豬腩仔 配黑醋汁沙律 ($138)黑醋的酸甜和清新的沙律菜～這個作為開胃菜最先上桌。肉質細嫩的豬腩仔，很入味～但調味不是很鹹那種，有微微的茶香還加了薏米，配著較為肥膩的部份吃也不會覺得膩喔港式卡邦尼炒腸粉 ($98) - 平時吃卡邦尼都是配意粉，但原來配腸粉也不錯不過這個的汁比以前吃開的淡味一點，也不是很濃稠招牌普洱茶香雞翼 ($68/6pcs) - 雞翼比想像中的大隻，是以茶葉醃製~所以吃落有淡淡的茶香一改了我對普洱茶的印象，畢竟在酒樓喝到的普洱茶味道實在濃得難以入口 ...珍珠茄牛油果青醬芝士長通粉 ($98) - 同行的都覺得這個太素了~但我反而喜歡牛油果加上青醬的組合 口感Creamy，不會太膩之餘有種清新的味道。另外長通粉的軟硬度亦適中自家包芝士黑松露好好味煎餃 ($78/8pcs) - 形狀很小巧可愛～外層煎得脆脆的，雖然看起來有點燶就是了 黑松露味頗香，內餡也十分豐富~不過芝士的分佈好像不太平均?! 朋友吃到的都做不到拉絲的效果，倒是我吃的那兩隻~芝士滿滿！…Read More

喺中環嘅一間樓上小店，坐位唔算太多，但食物質素好有水準！而且好多菜色都配左茶去煮，有茶香但又唔苦澀，食得出係心機嘢，而且價錢唔貴～茶都沖得好出色，唔係就咁用現成茶包然後俾壺水你咁簡單。水壺係沖好左嘅茶（即係有味架喇），再喺杯度放一啲材料，俾你沖茶時再濃味啲，呢種做法比較少見。茶嘅濃度啱啱好，仲配搭左唔同嘅水果、蜜糖去沖添～同行有個2歲嘅BB，一上到唻好nice嘅店長哥哥就去同佢say hi，然後仲俾個玩具佢玩，好親切。值得再幫襯～！…Read More

忍唔住要還返一首歌比佢，店主有心思地將每杯飲品用感覺配上歌詞，幾特別！呢杯就係除旋律變化即興又如何雖然食物真係等得耐少少，不過好岩假期relax!值得等，因為野食真係有d 驚喜！ feel 到店主用心制作，所以野食都即叫即整，包括餃子！話說唔知有無新鮮豬肉，我地3點一開鋪到既時候，廚師正出外揾新鮮食材，好在最後揾到先有得試！所以真係即刻包嫁！咸蛋黃醬炸薯條，偏淡味，咸蛋黃醬味唔夠濃推介卡邦尼炒腸粉，係佢地招牌之一，的確有驚喜！sauce 唔會太濃太杰身，唔會有好漏既感覺，抵讚！洋蔥好香！蒜蓉牛油炒雜菌，正常發揮！總括，係中環一個可以比你relax. hea 一個下畫既地方，價錢絕對合理，適合慢活人士！温馨提示，佢地招牌菜係慢煮豬腩仔，同普洱茶雞翼，豬腩仔因為慢煮加每日新鮮整係晚市先有得試，而雞翼都係要雪既關係，限量的！…Read More