田記魚蛋牛腩專門店 (塘尾道)

在「田記魚蛋牛腩專門店」用晚膳，店舖整潔光亮，座位相距不迫，吃得舒適。崩沙腩湯伊麵~崩沙腩肉味鮮濃、滑溜可口，白蘿蔔清甜無渣，伊麵在那些年是壽麵，可以作送禮佳品，現在加$8就可以添口福了。淨水餃 ~大大隻的水餃餡料有鮮蝦、豬肉、菇、木耳絲，吃起來鮮香爽甜，滋味無窮！ 淨魚三寶~是魚蛋、魚片頭、魚皮餃。魚蛋口感彈牙，魚片頭香酥味鮮，魚皮餃的餃皮魚味香濃，厚身爽滑，肉餡味美。熱柚子蜜~是秋天最佳潤喉飲品。凍檸啡~是走奶咖啡與檸檬的味道。結帳後外賣魚疍回家與家人分享。…查看更多

已不知是第幾次幫襯，真心說，魚蛋超滑，兼有魚味，見到海報寫住百分百魚肉製作，真係味道一流，但魚餃就沒有特別，而坑腩都是愈食愈吸引，而且性價比高，當其他店的清湯腩都是60幾元時，這裡的崩沙腩麵只是$54，極抵。崩沙腩麵的配料蘿蔔夠甜，而芥蘭也沒有煮得過熟，完全符合了嘴刁朋友的胃口，朋友食完，都要立即買了一斤魚蛋及一條魚片回家孝敬父母，絕對推薦。店舖近雷生春，附近出名的食肆極多，但始終還是田記最抵食，真正地道香港美食。…查看更多

當提到塘尾道,很少會記起這一段.但吃過了這裏的牛坑腩,我相信大家唔記得街名,都會記得這裏的牛坑腩,牛味夠濃,那份咬下去的口感和那份油香,會令人心感滿足,麵吸了腩汁~掂,在腕底的生菜份量不少,再沾上碗內的蠔油,自制成蠔油生菜,可能年紀漸長,對吃蔬菜需求漸多,再來個腐乳通菜.有上湯怎小得炸魚皮,這裏的魚皮比較厚身,浸耐少少,會令你有意外驚喜.小成員喜歡肉肉,又不喜肥膏,普通牛腩最適合,牛味夠濃,她差不多喝晒成碗湯.魚蛋及魚角夠彈牙,魚皮餃咬下油香滿滿,再沾辣椒油,在口中混合~~如果不是食了之前的食物,應該會再添~再添~~…查看更多

朋友話太子有間牛腩河幾好食，我哋過來試試。呢間田記餐廳乾淨舒適，員工落單上菜都好熟練，速度幾快。牛三寶河粉：牛三寶包括牛腩、牛肚同牛筋，三款都煮得軟稔，牛味香濃，肉質爽口，牛筋軟硬適中，腍得嚟又不失口感， 牛肚爽滑。崩沙牛腩河：崩沙腩腩上有薄膜，豐富膠質，連着少許肉，爽軟不硬，口感豐富。河粉都係細河，配上多種材料熬製嘅濃郁湯頭，最後都飲光晒！淨魚三寶：魚蛋Q弹上口，鱼香四溢。魚片頭比魚蛋鹹小小，口感略脆。魚皮餃彈牙有滋味，入口爽滑。淨牛丸：好有嚼勁，牛肉味重，一咬牛汁鮮美。碗碗都十分足料，真材實料同獨特嘅風味！…查看更多

作為牛腩關注組成員之一，知道「田記」的牛腩頗為出名，我就必須要親身嚐一下，看看其炮製牛腩的功力如何。我在OpenRice 查詢，看到塘尾道店的有最多好評，就去這間。看到田記門面，寫着這裡的魚蛋是自家製造，所以都想順道試試。除牛腩之外，自家製的魚蛋都可以反映一間粉面店的實力。中午時份，田記店內已經座無虛席，看得出大部分都是街坊食開的，證明田記有它的魅力可以吸引回頭客。• 1. 崩沙牛腩河粉今日來的目的就是要一試田記的牛腩。既然田記有崩沙牛腩，寫明是煙韌爽口，牛味濃郁，那就當然要驗明正身。不要以為田記是在「吹水」，崩沙牛腩的肥瘦層次分別，咬一口實在無需過多咀嚼，牛味超濃。餐牌寫着崩沙牛腩是數量有限賣完即止，可以的話一定要叫崩沙牛腩，絕對推薦。• 2. 牛三寶米線食過崩沙牛腩，都想嚐嚐牛的其他部位。食開粉面的都知道，牛腩、牛肚和牛筋都是在港式粉面中最受歡迎的，難得田記有一碗「牛三寶」可以滿足到三個要求，實在太方便。牛三款的牛腩就比剛才崩沙牛腩的有些分別，相對之下會較瘦。不過牛筋和牛肚處理得不錯，牛筋非常大條，其骨膠原十足；牛肚就不韌口，頗為彈牙。• 3. 淨魚三寶剛才提到，田記的魚蛋是自家製，那就一如牛三寶的道理，乾脆一次嚐嚐魚蛋、魚片頭和魚皮餃。魚蛋望落非常白滑，咬一口果然亦然，極其爽口彈牙，而且在口內咀嚼時會明顯感受到其滑溜的感覺，非常驚喜。至於魚片頭和魚皮餃亦做得不錯，魚味充足，但實在魚蛋的質素比起其他的更勝一籌。• 4. 芥蘭 ｜ 通菜跟粉面各追加了一份蠔油芥蘭和腐乳通菜，$8 的份量可供二人共享。• 5. 凍咖啡 ｜ 熱檸茶跟粉面加$6 可以配飲品。食完田記後，其崩沙牛腩絕對值得推介。但想不到的是，其魚蛋同樣亦極之出色，同樣值得推薦。…查看更多

搭親巴士經過都會見到「田記魚蛋牛腩專門店」好多人幫襯，之前有次專登早一個站落車試試佢。估唔到又真係幾好食喎😳！自始，中午時份如果想食魚蛋粉加天氣許可，我都會同同事行遠少少嚟食晏。以粉麵舖嚟講，田記算係光光猛猛，乾淨企理。每枱除咗有調味醬油辣椒醬外，仲有提供紙巾，實在難得👍。我哋叫咗兩碗粉同一碗淨餸加一碟油菜，埋單都係一百蚊多啲，今時今日都唔算貴㗎喇😝。鮮蝦雲呑拼爽口牛丸麵($37)，雙拼會以貴嗰碗做底價再加$6，雙拼係貴咗😖，但幸好呢度扣嘅份量唔會太誇張，拼完後雲呑同牛丸分別仲有四粒同三粒。牛丸好出色，牛味濃，口感又夠爽口；雲吞就正正常常，唔算特別大粒🥟。麵底我要咗幼麵，麵條無鹼水味，軟硬度適中，條條分明。金牌牛腩拼墨魚丸麵($38)，🐮牛腩好入味，夠鹹，而且炆得夠淋。雖然冇鋪得好靚仔，但其實有好多件呢。反而墨丸就得兩粒🦑，有啲少，性價比低，但佢好搞笑，係似墨丸口感嘅魚蛋。麵底方面，同事要咗米線，估唔到用佢嚟代替河粉生麵都幾夾喎，我下次都試試先。淨魚三寶($31)，三寶包括四粒魚蛋、三粒魚片頭同兩隻魚皮餃，店員話淨餸比起麵食多兩粒👀。魚蛋同魚片頭不愧為招牌，真係好好食，特別係魚蛋，嗰種Q彈嘅質感不得了😂，唔通電影中形容可以用嚟做乒乓波，就係呢種？魚皮餃嘅皮比平日食開嘅大塊，但口感同樣煙韌。腐乳通菜($8)，餐廳做緊抗疫優惠，就係追加油菜，每碟只需8蚊💡，唔係唔嗌啊？通菜唔細碟，菜苗唔老，應該有揀過啊。另外，粉麵仲可加配飲品，豆漿$6支。除咗堂食粉麵，餐廳喺門口仲設有雪櫃賣火鍋佐料。下次打邊爐嘅話🍲，我一定會嚟買魚蛋牛丸返去同屋企人烚下烚下。總括嚟講，田記果然不負魚蛋專門店之名，每次食我都一樣咁滿意😋，我個人真係鍾意食呢類港式粉麵多過米線！題外話，店員哥仔好細心，我哋淨三寶嗰碗唔記得嗌走青，但佢見我哋兩碗麵都走咗，所以好醒目咁問係咪呢碗都走埋。…查看更多

次次假期都食得多姿多彩，今次個lunch真係想清淡一下，落吓地食得平凡啲，不外乎都係食吓茶記呀粉麵呀，今餐就呢間啦飲黑豆漿補腎養生先通菜好新鮮，全莖好爽口，唔會難咬，加埋腐乳冇得頂崩沙腩名不虛傳，好爽脆又煙韌，油香好自然河粉唔散易夾又綿，蘿蔔厚度適中呢度另外一個招牌係魚蛋，果然好嫩口，魚片都一樣，另外魚皮餃超大粒，咬落又實淨，唔係好食魚蛋嘅大胃食完一樣叫好雲吞滴滴骰骰，一碗其實都唔少裡面同樣好足料杏仁霜都有得嗌，水吧選擇不乏咁就過咗一個平凡又滿足嘅下晝…查看更多

喺太子行行下好肚餓，突然見到呢間餐廳有牛腩食，就入去試下。金牌牛腩河粉（走青）$32一黎到就見到個湯底充滿啡色，濃濃嘅腩汁，好吸引，一於就試下個湯底先。湯底有五香味，幾好食。牛腩有七八件，半肥瘦，有幾件好有牛味。好食。平時我覺得牛腩河好多時都好細碗，成日都要叫加底。但今次我冇叫加底，啲河粉竟然多到好似加左底咁，好抵食！另外要提下嘅係呢到嘅辣油真係好香，一揭開蓋就聞到好香。所以如果鍾意食辣嘅都可以試下加辣油。金牌牛腩飯 $45有紫菜湯送，都幾多紫菜。牛腩份量比起牛腩河再多幾件，夠送飯食。都係有五香味。入面仲有幾件煮得好入味嘅蘿蔔添！淨魚三寶（魚蛋、魚皮餃、炸片頭）$31入面有啲生菜，三寶每樣都各有三粒。魚蛋好食，充滿魚味，又好彈牙。魚皮餃都好好食，大大粒，一咬落去會爆汁。炸片頭都彈牙。淨鳳城水餃 $28有五六隻，每隻都大大隻。皮薄，入面有蝦、木耳絲、冬菇同埋肉碎。成個組合加埋之後，口感好豐富，味道都好香好夾。可以encore。同埋又係有啲生菜。好鍾意有菜食！另外仲叫左兩碟菜（菜心、生菜），每碟只係$8，份量都唔少，抵食。粉麵店黎講，呢間份量幾足，價錢幾抵。同埋比起其他粉麵店坐得闊落啲，舒服啲。…查看更多

今朝帶媽咪去雷生春做完針灸後，就去咗對面嘅呢間田記食碗魚蛋粉。餐牌清楚列出各類食品，非常清晰易明，價錢相宜，選擇亦多。金牌牛腩鳳城水餃河粉麵質夠滑，鳳城水餃餡料飽滿夠爽口，金牌牛腩有咬口，牛腩汁混合原有湯底夠惹味。鮮蝦雲吞有三粒，入面有好多鮮蝦，牛丸有三大粒，爽滑彈牙，幼麵麵質爽口。魚三寶包括有潮式白魚蛋、魚片頭、魚皮餃，仲會奉上生菜。白魚蛋有Q彈嘅感覺，魚片頭有魚嘅香味，魚皮餃嘅魚皮非常彈牙，值得推介！清湯蘿蔔只需$8，份量已經相當多，蘿蔔充滿着清湯嘅味道，口感一流！來個大合照，可以開餐！…查看更多