甘棠燒鵝

營業中

休息中

話說某飯局中薯爺提到想食燒鵝，但深覺中環名牌「鏞記」嘅水準已不大如前，名廚好友聽到即推介老店後人創辦嘅「甘棠燒鵝」。真係冇諗過電話一打就通，完全唔似坊間傳聞般咁難訂位喎！餐店位於銅鑼灣南華會一樓保齡球場內，會所四周都貼有指示，非常清晰。有一點大家要留意，經保齡球場入口雖然係近啲，但係就要行上三十幾級樓梯。行動不便的話，建議喺遠少少嘅體育大廈（即禮仁小學對面）度入，嗰邊先有𨋢搭。中菜廳個門面十分起眼，以鵝形繪成嘅「甘」字標誌可愛又到題。接待及收銀處身後透出光鮮企理嘅廚房，燒味部嘅師傅當真忙個不停！傍晚六點全店滿座，早咗半個鐘嘅XO仔要等到六點半先有得埋位，幸好在場嘅經理Joyce姐姐非常好人，得悉細佬要為長輩們搵定個𨋢同洗手間嘅位置，仲唔嫌煩咁親自帶路。光猛嘅用餐大堂其實唔算太噪，主要都係保齡球場嘅雜聲多。六人用餐有最靚嘅一號枱坐，空間感都好足。桌上擺有齊備嘅自用及公用餐具，仲有個轉盤。如果想要多啲私人空間的話，客人可以要求訂房；細房可容納上十二人，大房則可容納上十六人，最低消費為$750/位。九頁餐牌只有中文版，其中瀨粉七點已經賣哂，建議有意食的話最好乜都訂定。餐牌最後一頁寫明茶錢$1

金錢雞、燒鵝、甘一刀肥差燒、大班差燒、涼瓜炒苦瓜、西洋菜煲生魚、湯瀨一碗，這個菜單，真正我的口胃。是的，是膩了一點，但襯健康還可以，多點運動懺悔便是。甘棠燒鵝開在南華會，據聞「甘」是中環鏞記家族的其中一位，「棠」是曾經主理鏞記的「棠哥」。一般我對故事背景興趣不大，好吃的誰煮誰理根本不重要。以前去鏞記，甚麼都好吃，除了燒鵝。想當年我經常不明白，馳名燒鵝的鏞記燒鵝最不好食，這是甚麼道理？還是因為我不是富豪大款所以好吃的我沒份？知道甘棠是鏞記的人出來開的，起初其實有點卻步，但朋友說不去便走寶，所以就去試一試。嘩！上面寫的幾味，每一樣都頂級好味，如果與鏞記是同出一脈，絕對可以替鏞記「洗底」！燒鵝好食，不用形容。差燒呢，「大班差」是正常做法的那種，好味，但不是未吃過的味道。「甘一刀」較肥，我就非常喜歡。夠肥美，差燒頂層刻意燒燶，肉味香味滿瀉，極品！涼瓜炒苦瓜原來是生炒熟炒兩種炒法放在一碟，喜歡吃苦瓜的朋友一定要試。這餐廳枱不多，晚上walk-in應該不用試，有心便預早訂座。反而中午比較疏落，午餐來一碗燒鵝瀨粉加兩件差燒一碗靚湯，一生何求！強烈推薦。