燒魂 (已結業)

幾年前食過一次燒魂一, 覺得味道唔錯, 所以朋友生日又想食燒肉就決定再黎呢度門面幾靚, 悉心佈置左個層架, 地方都寬趟,由於唔想食太夜既緣故, 我地BOOK左早段6點-8點既時段, 呢段時間冇乜人裡面大部份都係卡位, 坐得都OK舒服, 環境好安靜, (變左我地幾個好似好嘈咁)一黎度就緊係點D食得既野先啦, 首先就要食刺身我地3個人食, 大部份款式都係落6件左右, 除返開每人2件, 唔太過份姐加上人又唔係多, 點解都會漏單有D款冇比我地??呢盤刺身入面有三文魚, 吞拿魚, 甜蝦, 北極貝, 鮑片同埋玉子三文魚同吞拿魚都切得好細件, 感覺唔多新鮮, 完全食唔到魚既鮮味北極貝更加係淡既, 冇乜味, 玉子同鮑片好正常, 最好食係個甜蝦對佢既刺身好失望, 都唔想再點黎食除左刺身仲有壽司叫, 由於竹得叫帆立貝刺身, 就唯有叫壽司啦但呢個帆立貝都係冇乜味, 完全冇帆立貝既鮮甜味見到有碗仔翅就心思思想試下啦, 加埋平時係出面好少有既牛骨湯, 都一次過叫埋個碗仔翅好稀, 偏咸, 裡面既料有冬菇, 金菇, 肉絲, 不試也罷個牛骨湯咸到飲唔到, 最後叫佢收走呢間餐廳仲有其他熟食既, 但味道都係好一般, 唔多詳細介紹個湯冇味既蜆, 但勝在個蜆肉都新鮮焗蠔似係用急凍蠔粒放上個蠔殼度食燒肉牛肉必定會係主角, 以下圖片包括左以下1) 黑椒一口牛肋肉 - 同骰仔粒一樣, 只係落左黑椒做調味2) 汁燒安格斯骰仔粒 - 食落JUICY好香牛肉味, 有入口即溶既感覺3) 厚割牛舌 - 厚切好食過薄切, 口感好D, 薄切好快就會燒到乾哂4) 薄切牛舌 - 太薄好易燒燶5) 黑毛飛霜空降和牛 - 第一批叫既最好食, 脂肪分佈平均, 其後叫既都比較遜色, 唔知係咪因為切出黎既部位唔同6) 騷騷牛里肌- 普通燒牛肉, 冇特別所有牛肉都冇調過味, 燒既時候要自己落鹽去帶返個牛肉味出黎, 如果唔落鹽就咁沾醬汁就冇咁好食靚既牛肉只需落小小鹽調味就已經好好食, 呢度既牛肉不過不失, 應該係即叫即切, 上碟時都仲係冰既但由於擺落去燒既時候仲未解凍,  燒既時候就會出好多水, 可能因為咁流失左應有肉味, 浪費左舊牛肉另外都試左燒雞翼同豬肉, 好普通, 調左味等於冇調味, 留返個肚黎食骰仔牛好D除左肉類, 海鮮都有, 值得推介既就係呢度既燒蠔, 真係新鮮原隻連殼上職員好悉心講解點樣燒法, 要燒幾多分鐘, 燒好如果唔識開蠔仲會主動幫你開埋除左燒蠔之外, 當職員見到我地燒法唔係幾岩既時候都會黎幫我地同指導我地, 5星級既服務丫蝦係D雪藏蝦, D肉食落已經唔彈牙, 又係可以唔食既隻蠔燒熟啦, 好肥美, 肉身都好厚, 好鮮味, 職員話呢隻蠔都屬於可以生食既級別, 但安全起見都係燒燒佢啦鍾意食蠔既朋友翻本冇難度呀!食得多肉就諗住搵D生菜包住食冇咁油膩, 但呢個生菜都唔知雪左幾耐雪到冧哂, 叫人點食?? 上比客時應該睇一睇先今次再黎真係好失望, 雖然服務好好, 但食物質素真係比上次差左好多價錢只係包括左2罐飲品, 連拎杯水都冇, 只有支裝水提供 <<會計落2罐飲品果度呢個價錢係出面可以有好多選擇, 但鍾意食蠔既朋友可以一試…查看更多

尖東逛街看到有和牛燒肉放題，就跟友人試試。門面很日式，光線充足。我們吃第二輪，8:15pm，每位$288加一。門口擺設很有特色。由於很餓，甫坐下馬上點了熟食。火炙左口魚邊壽司 - 左口魚邊入口即溶，非常甜美。帶子壽司 - 肥美多肉，配上少許芥末更顯鮮甜。吞拿魚海膽 - 海膽鮮甜，沒有腥味，加上吞拿魚蓉一起吃更有咬感。身為蠔王必點焗蠔。不過沒有想像中肥美，醬汁味道尚可。難得燒肉放題有刺身提供，就點了愛吃的三文魚、甜蝦、北寄貝、鮑片、希靈魚、吞拿魚及玉子燒。每樣擺設都很精美，味道亦不俗且新鮮，作為燒肉店來說，刺身及格。首先登場的燒系列有豆腐、甜薯及獅子狗。甜薯超級好吃，甜甜的紫薯，一小口，最適合女生們。反而獅子狗和豆腐有點乾，要配醬油吃才好點。主角登場！餐廳很貼心，把每個牛的部位都詳細列明，讓食客知道自己點的及吃的是牛的哪一個位置。最愛黑毛霜降和牛，堪稱鎮店之寶。牛味濃不在話下，重要的是薄薄一片超易入口。牛里肌不是每家燒肉店都有，亦是此店獨家，是必食之選。一口和牛在燒的時候要花點心思，因為較厚身，不過一點都不難咬開，一吃就知是上等牛。我的第二最愛便是海鮮。愛蠔之人要留意，燒蠔時每邊燒三分鐘即可，桌上有漏斗幫忙計時，不用擔心蠔會過熟。這樣就可以燒出多汁肥美的蠔了。總括而言，和牛和海鮮都很高質，以這個價錢能享受高質食材絕對是超值！…查看更多

三月都就黎 我仲係post緊一月食嘅野😂呢次係同我一樣一月生日嘅朋友一齊慶祝一下由於要食餐好嘅 於是揀左食燒肉放題原本想食個間執左 於是去左燒魂一由於即刻walk in 價錢比較貴 $318/1人大概有10張紙仔係任點的個人推薦大家吃多點刺身 幾新鮮 種類都多另外炸物是我極力推薦的 很好吃喔尤其是蝦天婦羅同香芋球🤤而牛肉呢 只有黑毛霜降和牛較好吃的帆立貝和生蠔都不錯的😛但飲品一人只有兩罐的 這點真的扣分了❌________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂…查看更多

看了一下食評 不明白為何有那麼多的負評。這次是我和朋友第一次來 因為突然很想吃和牛！哈首先想幫店鋪平反一下我們完全沒有漏單情況 服務也不錯 一位疑似老闆的人很熱心的告訴我們生蠔及白蜆要燒多久 怎樣燒😆食物方面 牛肉不錯 雖然不是十級高質但也對得起價錢吧 和牛粒及雪花牛肉片也很好吃😍海鮮方面 生蠔及海蝦白蜆也是任食的海蝦不新鮮 可一不可再 但是值得一提及令我回味無窮的是蠔和白蜆肉質鮮甜無沙 十分乾淨！！因此吃了大量 哈哈好肥美的蠔！！我個人是覺得 如果各位是很喜歡吃蠔的話 你一定不會虧本啦！哈哈店員還教我們底面各烤3分鐘 就可以吃了。P.S. menu很奇怪的 明明沒有生蠔可以選 只有扇貝項目 但我們點了扇貝就上了生蠔了 所以menu應該是錯的總括來說 300多塊 有這種質素 實在抵吃！…查看更多

總有些時候特別想吃放題，大吃大喝一番；但又總有些時候特別想吃韓燒，盡嚐啖啖肉的滋味，但其實未必需要作出取捨，雖然並非韓燒，但反而是更加高質的日式燒肉，另外更可以滿足放題欲。桌上有三款醬汁配以燒肉調味。先來一些一般日式放題會有的食物，當然少不了木，雖然款式不算十分繁多，但是基本上都應有盡有，個人最推薦肥美的劍魚腩刺身。炸物方面有在一段放題中較為少見的京都紅豆丸子，另外我們亦點了松葉蟹棒天婦羅及新宿洋風脆薯角，不過脆薯角與餐牌圖片略有出入，如果可以多添圖中醬汁的話會更好。京都紅豆丸子與酒樓的擂沙煎堆如出一轍，小小一顆以芝麻裹著的煙韌丸子包著紅豆餡料。火炙壽司方面我們試了鹽燒三文魚壽司、黑椒蒜香和牛壽司及汁燒帶子壽司三款，當中以黑椒蒜香和牛壽司味道最佳。創作壽司亦有七款之多，從左起分別為兩件水蜜桃花之戀、一件海膽三色花及兩件極上壽司。水蜜桃花之戀以水蜜桃粒代替傳統的蟹子，味道更加清新；海膽三色花則是以三文魚及吞拿魚片包住壽司飯及海膽；而極上壽司更是用上了海膽、蔥吞拿魚腩及黑松露三種矜貴材料。卷物體積較其他壽司大，點了前方的肉鬆菠蘿鰻魚卷及後方的韓牛卷，韓牛卷牛肉份量十足，味道帶辣。燒肉部份固然是重頭戲，牛肉、雞肉、豚肉及海鮮總共足足有三十款。牛肉拼盤擺盤精緻，顏色鮮紅，有矜貴的黑毛霜降和牛、熊本一口和牛及全港獨家的牛裡肌，另外更有汁燒安格斯一口牛、黑椒一口牛肋肉、青檸蒜味牛舌、薄切牛舌、厚切牛舌和蔥蒜醬油牛肋肉，當中個人最喜歡多汁肉嫩的熊本一口和牛及爽口的厚切牛舌。豚肉方面極上黑豚肉、黑椒黑豚肉、辛辣七味一口豚、血池赤豚小排及和風味噌黑豚大腸等等，黑豚肉透薄之餘油潤肥美。四款雞翼都已經分為單骨方便食用，個人頗為喜歡啖啖嫩滑的雞腿肉。海鮮方面餐牌中的帆立貝換成了日本蠔，燒過之後保持多汁；不過多春魚則較為難燒，容易斷裂。除了肉類之外，亦有其他特色燒物及蔬菜，日本豆腐厚燒烤過後表層微脆中心軟滑，一口超甜甘薯與有機超甜菠蘿都是我的最愛，值得一讚的是菠蘿片已經去皮去芯方便食用。平時到日式燒肉店單點燒肉要吃飽動輒也要上千元，這裡的牛肉質素不錯之餘更有不少矜貴款式，更加可以同時滿足想吃放題及燒肉的三心兩意，物有所值。…查看更多

其實去之前已經知得一罐野飲，但諗住佢水都有比人呱?或者再叫野飲唔會好貴。但sorry佢一滴水都冇同埋所有野都要加錢仲要係海洋公園價錢。18蚊一罐野飲，5蚊一杯冰，30蚊換個網，依個價我可以去其他地方食差唔多質素嘅燒肉放題仲要有埋野飲。同埋啲汁好怪，有一個係普通燒肉汁但點極都冇味所以我寧願點豉油，然後其餘果兩個汁係泰色汁，九唔搭八，我都冇用過。食物：都有好多種類，燒嘅有牛，豬，雞，海鮮同菜。其餘都係放題會見到嘅野，雪條做做馬要like佢地個page又要share又留言先有得食。壽司，小食同熟食我地叫得唔多，但我地叫左雞軟骨，炒雜菜，凍豆腐；壽司叫左燒和牛，黑松露帶子，有海膽果個唔知咩。雞軟骨同豆腐冇咩特別；炒雜菜好食同好香，有好多木魚係面頭；以上3款壽司都好食，壽司啲飯唔大舊，唔會係塞飽你果啲。刺身：三文魚：都ok，唔可以話好好食但夠厚；甜蝦：有我隻中指咁粗，好鮮甜燒：肉類我地淨係食左牛同豬(有雞肉)牛：牛肉粒好靚，但要燒得啱啱好先好食；牛舌唔係厚切，但都好食好重牛肉味；薄果啲牛肉(唔記得咩名)睇就靚但有筋，同埋因為未解雪所以燒左之後啲肉汁比啲雪水沖淡左啲。豬：薄果隻豬肉(又唔記得叫咩sor)燒果時有個男人(應該係老細)幫我地燒，然後佢話加啲鹽就咁食好食啲，食落又真係好食過點汁食;有一款係卷住啲菜果隻好食，唔係好大舊，係最light之選；有一款佢話係辣嘅同埋張相係卷埋一舊好靚咁嘅，黎到唔係卷埋又唔係辣，我同我個fd食完都唔知係果個黎...海鮮：蝦：必食！好甜好新鮮，新鮮到痴殼！建議唔好燒太耐，如果唔係會好乾。蠔：比左咁多錢又冇野飲，放題克星嘅我唔會蝕，同我個fd一人半打(合共一打)。好好食，重海水味，creamy，乜都唔洗落燒完就咁食。但唔識燒嘅朋友一定要問啲職員點燒佢地會教你。多春魚：好難燒因為好快痴網，味就冇咩特別。魷魚仔：好食，好香又唔係大，唔會好飽。總結係店員好nice會教你同幫你燒，任食黎講啲野食都唔錯。但水都冇滴就有啲過份，雪條又要做馬先有得食。如果唔食得多建議唔好去依間，如果自問同我一樣係放題克星請你快啲黎。…查看更多

睇食評有時真係覺得唔可靠，即使睇相片賣相吸引，但食落又可能係兩回事!想來這幫襯，其一是負評不多，其二賣相也很吸引，不過試一次就夠了！總括來講肉類還可以，不過刺身，海鮮則不夠新鮮！另外以$298的價錢，只包一罐汽水，別無他選，（相信很多人和我一樣不喜歡喝汽水），這是令人難以接受的。:(2個人$596+saka $438+10%service charge=$1140 這個價錢有好多比他更好的選擇，難怪星期六都唔爆場，一句講晒「無下次」:)…查看更多

有些人不吃牛，嫌牠毒。有些人不吃豬，嫌牠臭。但兩樣都吃的人，才能有幸品嚐兩種肉類的滋味 日式燒肉+日式放題，種類(特別係肉)非常多，就是燒魂的特色。一邊燒肉一邊食魚生，個口忽冷忽熱，都真係幾有趣~餐廳最近好似有新裝過，所以整體感覺都比較光猛舒適。餐廳用膳時間分幾個時段，夜晚8:15~10:00呢個當然係最多人的黃金時間，星期五就更加係全場爆滿，加多個位都難呀~!餐廳提供3種醬料，我最喜歡中間的泰式辣醬，較少見又野味~一開始試了一些海鮮類和魚生，賣相都不錯，不過味道只算中等。其中一隻蜆係成啖沙，大家吃時要小心啊~之後就係牛類登場的時間!! 牛舌都有分薄切和厚切兩款，絕對滿足到不同喜好人士~試了幾款不同部位的肉，全部的肉質和調味都屬高水平，整體質素有保證。薄切牛舌非常快熟，要注意火喉~~之後是豬肉，非常推介極上黑豚肉、秘制赤豚肋骨、鹿兒島煙薰黑豚。這3款豚肉的代表，除了肉質明顯很新鮮嫰滑以外，赤豚肋骨和煙薰黑豚更有獨特的調味，突出豚肉的肉香。餐廳在短短的烤肉時段內，還安排了一些特色食物限量及有條件提供。例如首5名於fb 專頁分享食物照片可得到的這碗燉湯!!!之後還有兩次機會，分別係羊架和生蠔!!燉湯用料十足，紅蘿蔔、各種菇類還有豬骨，非常滋潤，正好中和燒烤的燥熱。:)食完一堆肉，食返D蔬菜類中和一下.....菠蘿新鮮清甜，燒起來很香。一口甜薯亦是人氣之選，的確非常甜，可惜size真係好細，只有半口的size吧!!我諗要一次過好多份量先會「夠喉」熟食中的燒蠔，比想像中size大，芝士白汁焗，味道很不錯!!放題大家都會避免叫壽司呢類飽肚食物，但這裡壽司的size應該是故意做得特別細，可以滿足到大家果種想試下，但又唔想太飽肚的願望!!壽司飯醋味頗強，所以會開胃一點。壽司材料如帶子都十分新鮮甜美。餐廳只提供一罐飲品，燒烤網要交換亦需付$30，配套方面比較遜色。若果這兩方面可以改善，應該會更完善!…查看更多

自從韓流大舉入侵香港後, 來自東瀛的物品 (包括食肆)也沒有以往般受歡迎. 不過日式放題仍有不少捧場客, 日式燒肉放題便是其一. 朋友約在燒肉店晚餐, 由於大家都是早放工之人, 於是可以約吃早一點的六點場, 貪沒有那麼多客人. 位於尖沙咀的二樓燒肉店, 佔地較韓燒店大, 坐位也沒有那麼迫, 坐得挺舒服, 不過冷氣卻略為不夠. 因為放題限時兩小時, 又要燒又要吃, 所以安坐後便在點菜紙上劃呀劃. 原來除了燒肉外, 還有其他食物如刺身、沙律、壽司等. 每個客人包一罐免費飲料, 再加便要自費, 不像其他日式放題般無限量供應, 感覺有點不爽.燒肉未上前, 先來些可以即吃的食物:刺身: 款式也夠多, 試了其中的三文魚, 劍魚腩, 北寄貝, 和大甜蝦. 當中, 以甜蝦味道最鮮甜, 很大隻; 北寄貝不會硬如塑膠, 反而是爽爽腍腍的! 三文魚跟劍魚腩都是一般肥美而已.蟹籽沙律: 份量不多, 大量青瓜絲混合了不多的蟹柳絲, 上面放了不少蟹籽. 雖然不愛吃沙律醬, 但份量不多, 味道也OK, 是個清清涼涼的開胃小食. 香草牛油粟米粒: 粟米粒夠飽滿, 每一口也吃到牛油味, 不過多吃有點"漏".焗蠔: 蠔身也算大隻, 肉偏薄, 不過加上濃味的芝士, 尚可.極上黑豚肉: 豬方面只點了黑豚肉. 豬肉味不俗, 油脂豐盛, 吃凡滿咀油香.牛才是今晚的主角, 一口氣點了黑毛霜降和牛, 安格斯一口牛, 熊本一口和牛和牛裡肌. 黑毛霜降和牛: 雪花紋尚算不俗, 略燒一下已經油香溢出, 入口肉質嫩滑無渣, 牛肉味濃, 讚!!安格斯一口牛: 脂肪不多, 牛肉味濃, 入口沒有渣, 不俗! 熊本一口和牛: 雖然油脂十分充足, 不過有點過肥, 肉的部份偏少, 牛肉味也不及安格斯一口牛.牛裡肌: 最不起眼, 牛肉不嚡, 但食味跟普通烤牛肉差不多.厚切牛舌: 口感柔軟中帶爽勁, 脂肪均勻, 美味!!海鮮方面, 試了北海道香草牛油帆立貝, 沖繩小烏賊和深海大蝦. 帆立貝: 大隻又厚肉, 不過燒時牛油很容易漏出來烏賊: 細細隻, 燒起來頗香, 肉質不硬又有汁大蝦: 頗大隻, 肉質爽口彈牙菜蔬類也點了菇類, 日本南瓜和翠玉瓜. 當中, 以菇類較佳, 肥大肉厚, 吃起來不會很乾身. 大根牛骨湯: 面層的肥膏頗多, 湯內的蘿蔔煮得很腍, 湯味OK.燉湯: 限量供應, 當晚只有四盅燉湯而已, 想吃就要鬥快舉手!湯內有紅蘿蔔、瘦肉、紅棗、南北杏、南瓜及雞腳, 很足料, 夠火侯, 味道自然清甜.本來沒打算點, 但晚餐沒有米氣, 始終差一點點的, 所以點了火炙壽司.黑椒蒜香和牛壽司: 牛肉薄薄的一片, 牛肉油脂不足, 不像和牛; 而且牛肉好像沒有燒過似的, 賣相和味道都像生牛肉的. 醬燒蟹棒: 沒什麼特別.汁燒帶子:帶子也算算鮮味, 但當然比上面的帆立貝差一點啦!蟹粥: 看起來材料好像很豐富, 有一件毛蟹在粥內. 可是, 粥底太杰, 像BB糊仔多一點! 毛蟹本身細小, 肉也沒甚味道, 是令人失望次作. 這個放題其實是物有所值的, 有貴價的海鮮和燒肉任吃! 食物水準整體也算OK. 如果飲品可以無限供應的話就更好了.…查看更多

行行下街肚餓想起有尖沙咀燒魂一..咁我地一行8人上去啦上到去我上到去已經9:15分...個侍應同我講冇位啦..要等9:30個段..咁我同佢講拿位先啦....佢有同我講9:30先開左拿位咁我地係到等下啦...吹下水...............................終於等到9:30啦拿完位....有等...等等等等.....................等到10:00終於真係到我地走...有計.鬼叫佢地d野好食咩.....侍應帶我地去到個位..同上次一樣.枱上都有個3樣野比定我地...可能怕我地肚餓.......突然有個肥肥地個經理行個來教我地點燒...我立刻講我黎過2次啦..係咩....知後佢幫我地燒左一陣....佢燒d肉好食個上次幫我地燒個個...因為佢燒d肉得6x...好有肉味,有厚同好有肉汁...正D服務好好呀,,得閒有個人幫換碟..加水..食物:海膽壽司 牛舌(可以大返小小..太細好難燒) …查看更多