一鍋瘋 (已結業)

涼涼地路過女人街，記得有老友話呢間d野幾新鮮就走入去試一試佢，入座8:30 店員哥哥好有心機講解。叫我地兩個先食海鮮，話個粥底無味精所以要落左海鮮先夠鮮味，一於聽佢話，十款海鮮都唔錯，特別d蝦好新鮮仲識跳。另外嗌左個牛小排同蝦滑，仲有幾份$8配料，個牛小排第度食起碼$200以上，$98有半磅確實有誠意，蝦滑都唔錯，睇落應該係自家打出黎，好彩無再叫其他野，最後個粥有驚喜，堅好食！問左店員找左d蔥、莞茜、菜浦，簡單得黎好夠鮮味值得返轉頭，臨走聽哥仔講提早訂座有折頭

今日出旺角入貨，非工作也，夏天到又係時候換下護膚品啫！順便食個晚飯，平日晚出旺角無咁多人真好，所以捉咗屋企人陪我。成班海鮮控經過依間火鍋店就被海報吸引了。本以為是普通粥底火鍋，原來佢仲有不同選擇， 我就揀咗紫薯味，因為靚囉，嘻... 一人一鍋，正！(當然佢哋試了其他口味啦)一人有10種海鮮，我最愛"印尼白聖子"及"大連貴妃蚌"，依兩款都係口感超彈，又鮮味；但食鮮魚片就要注意有少許骨，聽說多⻣的魚較甜，佢又真係甜嘅。另外單點了一些食材，其中"玫瑰蝦滑"堅好味，唔係純蝦膠，係見到一粒粒蝦肉的，好鮮甜喎！還有"美國三角牛肩"都好重牛味，口感幾彈。最後個粥底海鮮味超甜，果然係精華所在，本來已經飽了，也忍不住食了一大碗粥添！

這天朋友邀約我去吃任食火鍋, 但向來我對任食火鍋的好感不大. 便反建議了一家其他朋友介紹過, 有一定質素的一人一鍋海鮮粥底火鍋. 店子位置於銀城廣場的背面, 不太難找. 座位頗企理, 枱面則一人一爐, 正適合我的要求, 不太喜愛與人打邊爐時朋友總愛把食材一次倒進去. 既令湯底變得混濁, 生熟交义之下我很易肚疴. 一人一爐則完全不用顧慮. 與其他的粥底火煱一樣有細心地提供食法及海鮮的加熱時間, 細心的一點. 食物的順序是先上沙律, 然後海鮮盤, 配料盤, 最後粥底火鍋. 另外自選配料每人可點3款共6款. 另外點了的有2份肥牛, 雲吞, 墨丸, 魚片頭, 魚皮餃. 送上湯底的同時附上一人一份沙律, 份量上不算少. 蔬菜也爽口新鮮. 我點的是甘荀湯底, 看起來的樣子像是較稀的甘荀汁, 用來灼食物會帶點點甘荀甜味. 朋友點的是限定菠菜湯底. 醬料盤很齊全, 又不另加醬料費, 比起很多的任食火鍋還要另收費有良心得多. 海鮮灼太久會變硬, 提供了計時器非常方便. 蟹, 鮑魚, 蝦, 及幾種貝類的2人份量海鮮拼盤. 幾款貝類均鮮甜無沙, 肉質又飽滿, 特別是蜆的份量不少. 每日分得了2隻蝦, 上桌時

話說嗰日食完麻辣派出嚟見到呢間新開嘅火鍋店一鍋瘋，主打一人一鍋海鮮粥底火鍋，試業期間，每位都係$198，好似幾吸引。於是，我哋第二日就嚟咗試啦！麻醬沙律一坐低，店員就送上沙律，新鮮開胃。一人一鍋自選粥底有粟米、甘荀、椰子同紫薯，四款畀大家揀。我哋點咗粟米同甘荀，覺得用嚟煲粥比較夾。嗰湯底一嚟，飲返啖先，味道好清，粟米同甘荀味都唔係好出。海鮮盤廚師會根據季節揀選6款即劏海鮮，真係好新鮮，海蝦仲郁緊。有膏蟹、海蝦、鮑魚、花甲、蜆同貴妃蚌！膏蟹，肉質結實，蟹味濃郁，好多膏。鮑魚，細心幫你起埋殼，爽口鮮味。花甲同蜆，洗得乾淨，一粒沙都無。貴妃蚌，鮮味最濃，口感豐富。海蝦，生猛鮮甜。餐廳仲教埋大家每樣海鮮嘅烹煮時間，唔驚會浪費咗啲海鮮。特選配料加每人3款自選配料食完海鮮盤，就到特選配料，有美國黑豚肉，蘿蔔，粟米，雞脾菇，大量丸類同一口餃。每位仲可以喺30多款嘅自選火鍋配料任揀3款，建議大家唔好再叫丸類同餃類，因為特選配料已經有相當多嘅份量。鮮味粥當嗰湯底吸收埋啲海鮮同配料嘅鮮味，當然唔好浪費，落埋南瓜粒、芋頭粒同米糊，煮成粥，絕對係精華所在，真係好滿足。