咯咯雞韓食店 (亞士厘道)

係唔係覺得炸雞食嚟食去都係嗰幾間呢？🤪除咗熱門嘅韓式餐廳之外，不妨發掘吓高質嘅小店🤩1. 半半炸雞 $248👉🏻韓式甜辣炸雞經典嘅韓式甜辣醬均勻塗滿每件炸雞🍗炸雞炸得剛好，入面嘅肉依然keep住juicy(≧▽≦)👉🏻蜜糖芥末炸雞對比起甜辣炸雞，蜜糖芥末炸雞更加有驚喜😆第一啖食落甜甜哋，之後蜜糖芥末醬嘅後勁就慢慢湧上嚟，層次更豐富☺️2. 海鮮煎餅 $98海鮮煎餅煎得邊邊微焦，好香脆，咬落去嘅口感帶點煙韌，配料主要係魷魚、洋蔥、青椒🦑🧅🫑…查看更多

之前已經食過大角咀分店覺得價錢合理，味道好食，今次同frd 約係尖沙咀 試吓另一間分店，餐廳位於港鐵L5出口，行過對面3分鐘好方便，門口以年輕colorful色調裝修為主，入到去好醒神。餐牌食物選擇多，特別係炸雞類，上次食過蒜蜜味炸雞，今次試下店員推介的酸忌廉味炸雞，同叫左個部隊鍋和海鮮煎餅。先來部隊鍋，用料豐富午餐肉、芝士腸、泡菜、年糕、海鮮、魚糕等下面有公仔麵，部隊鍋湯底吾會好辣，加入蕃茄汁，好fresh跟著係海鮮煎餅，外脆內軟，味道香口然後係酸忌廉味炸雞，原味炸雞配上酸洋蔥忌廉醬，減低油膩感。本身想叫埋甜品窩夫，但太飽所以冇叫到，大滿足的一餐。…查看更多

韓式炸雞香口不肥膩熱辣辣嫩滑多汁首推口味👉🏻柚子檸檬炸雞因為友人唔食得辣仲有好多其他口味選擇，都算選擇多😋海鮮煎餅中間粉漿比較厚身如果再薄一點就更酥脆芝士紫菜牛肉包飯經典配搭，正常水準…查看更多

😚 小編依晚約咗朋友出尖沙咀食飯，依次想食好耐都冇食嘅韓國嘢，揀咗間由香港人開嘅試試！［ 亂闖試食 ］🍽 海鮮煎餅 😋😋😋😋😋海鮮煎餅煎得好香脆，有好香嘅芝麻喺面，海鮮配料夠新鮮，主要係魷魚🦑，仲有蔥段同彩椒絲。點埋佢哋嘅煎餅醬汁，鹹鹹辣辣，好過口癮！好有韓式風味！🍽 豆漿冷麵 (甜) (夏天限定) 😋😋😋😋冷麵配料唔多，主要有青瓜絲🥒、蘿蔔絲🥕，半隻蛋🥚同少少醃蘿蔔。冷麵份量有唔少，浸住落帶微甜嘅凍豆漿，好啱夏天食！🍽 韓式拌飯 (豬) 😋😋😋叫咗豬肉🐷嘅韓式拌飯，豬肉有啲唔新鮮，食到有啲豬騷味，亦有啲嚡口😅。拌飯配料冇乜特別調味，整體主要靠辣醬增加風味。叫第二款可能會好啲！晚餐 💵💵💵 約港幣$130/人💁🏻‍♀️ 佢哋最出名係炸雞🍗，大家去嘅話，記得要叫嚟試試呀！仲有要提提大家要有心理準備排隊入座喔！😆🙆🏻‍♀️ 最後，喜歡嘅話，歡迎follow @foodirectory.hk！…查看更多

下午茶餐去到六點，叫咗兩個下午茶餐，加一個主餐牌食品。下午茶：炸雞五件（$69），除原味外，另有9款味道可供選擇，第一次食，叫甜辣味最安全。甜辣醬味道不錯，微甜微辣，而且夠“傑”黐哂落件雞度。炸雞炸粉脆，唔厚；雞肉未至於乾爭爭，但唔juicy。五件雞有1隻雞槌、2隻雞翼、2件脾肉（冇骨），咁睇就唔似用一隻雞斬件嚟做炸雞（個人比較喜歡整隻雞）。下午茶：韓式伴飯（$59），有豬/牛/雞，揀咗牛。有大量配菜（溫泉蛋、泡菜、蘿蔔絲、芽菜、菠菜、牛肉），十分豐富。自己加韓式辣醬撈勻。味道不錯，但扣分位係個飯底沒有飯焦（上枱時個石鍋熱辣辣，仲以為夠熱會有飯焦）。主餐牌：海鮮煎餅（$89），煎得好靚，外脆內軟糯，調味亦不錯（點埋個咸咸哋嘅醬汁，又幾夾，更夠味）。餡料有三色椒、洋蔥、魷魚、蜆肉（海鮮得兩款比較少，如果可以加埋蝦、蟹柳，口感同層次一定仲好啲）。跟餐要咗杯特飲（半價），唔做港豬古力（$24），即是朱古力沙冰，上面再加一球朱古力雪糕，再洒上少少花生碎。味道可以。…查看更多

今日黎尖沙咀食韓國嘢, 不過唔係去韓國街, 係去亞士厘道一間超地道炸雞*良心*小店💛價錢仲要勁親民, 性價比高!餐廳裝修都勁有韓國地道餐廳feel!豬肉紫菜包飯大大份超足料! 豬肉好彈牙, 紫菜包飯有好香麻油味, 伴碟啲芽菜都幾好味🤣海鮮煎餅同平時食開韓式果啲有啲唔同, 呢款多好多料🤣 海鮮超多, 個煎餅都好chewy蒜香醬油炸雞Menu上的炸雞口味有好多款, 有啲勁特別嘅味例如冬陰功, 蜜糖咖喱等, 全部都好吸引! 揀左餐廳最signature嘅蒜香醬油味, 食落真係好香醬油味, 幾特別, 外層都好crispy, 入面雞肉嫩滑!總結食物高質, 性價比高, staff都幾friendly,下次黎試下其他炸雞口味!!😄…查看更多

🐥鬧市中外脆內嫩炸雞🐥推介指數 ❤️❤️❤️❤️❣️一直在 #支持小店系列 的 #咯咯雞 位置方便、食物選擇唔少、價錢親民而且水準依然，由試業食到而家～🫶🏻🍗韓式蒜香醬油炸雞 HKD119/半份✨我真係好_鍾意食炸雞，剛好店員推介新出口味，當然唔放過啦～ 新鮮熱焫上枱，食落外層炸漿唔厚，外脆內juicy。面層蒜香醬油啱哂濃味愛好人士，2人share 半份5-6 件啱啱好🌊 海鮮煎餅 HKD89✨ 煎餅食落微脆軟糯，食落口感豐富。餡料有魷魚、洋蔥、青紅椒等，面層灑滿芝麻添香口，仲有泡菜同香辣芝士薯仔口味🥩 韓式牛肉炒粉絲 HKD88✨新鮮炒起出哂煙，牛肉片、菠菜、紅蘿蔔、青椒、紅椒、洋蔥，份量唔少～總結：-食物 ❤️❤️❤️❤️🤍環境 ❤️❤️❤️❤️🤍服務 ❤️❤️❤️❤️❣️.··🚪 咯咯雞韓食店 🪑尖沙咀亞士厘道20A號地舖…查看更多

我唔追韓劇韓星，不過每隔一排就會想食韓國菜，所謂韓國菜都只係想食炒年糕、食炸雞嘅水平，今次去左咯咯雞食返餐～炸雞好多口味，令次試蜜糖芥末味炸雞，個芥末味好出，同蜜糖中和唔到，雞有少少韌唔夠脆，炸皮只屬一般！食炸雞我一定會叫酸蘿蔔！喺韓國食炸雞一定會跟一盒/一碟酸蘿蔔，香港要另外自費，其實間間嘅酸蘿蔔一樣，呢間都係一貫嘅酸甜醒胃！呢個天氣食水冷麵一流，夠哂清爽！呢度嘅泡菜炒年糕唔錯，年糕煮到剛剛好，個醬唔會太咸，少少甜辣咁食哂都唔膩，海鮮煎餅好鬼大塊，有10-12吋，煎餅幾脆，上面所謂海洋都係魷魚多，唔會腥同霉，都幾驚喜會好食😋最後值得講講韓國燒酒，我未試過蜂蜜味，飲落覺得甜左少少，都係原味啱我啲～至於人人都討論嘅白衫女孩服務態度，的確無咩笑容，講嘢倔，但工作都賣力，希望佢工作愉快點，會令客人食得開心點～…查看更多