火鍋放題食得多，這間阿爺八鮮鍋不是最平，也不是最多嘢食，但是，卻是我食過咁多海鮮火鍋中最新鮮的。2.5小時嘆盡雞煲和新鮮海鮮，非常滿足。我們選了5:00-7:30pm這個時段，$368。另外加$20任飲汽水、健康工房和淳茶社。當日有炒龍蝦和象拔蚌刺身特價，每款都是$108任食。隔離枱兩個人要了3次象拔蚌刺身，每次都是好大盤，而且是即叫即劏，看到我口水流，可惜同行友人唔食刺身，所以我們選了椒鹽炒龍蝦，都好好味。好了，究竟有什麼食？1。時令燉湯清甜的西洋菜湯用茶壺盛載，還有小火爐。2。雞煲任食3種味道：四川麻辣、韓式芝士和泰式酸辣。可以食完一種再一種。我們選了酸辣，真是無選錯，超好味，酸甜辣夠惹味，雞件又嫩滑，芫荽和紅蔥頭吸收醬汁很好吃。3。湯底+霸王海鮮盤湯底有幾種，我們選了藥膳。在湯底煮滾期間，海鮮盤送到來。嘩！有澳洲大龍蝦、蘇格蘭大元貝、越南大虎蝦、臺山奄仔蟹、蟶子皇和新鮮鮑魚。全部都超級新鮮。4。任點任食生猛海鮮（蝦、蟹、蠔、蟶子、蜆、龍躉、鮑魚……）新鮮河鮮（桂花、鱸魚、脆肉鯇、白鱔……）豬、牛、雞、蔬菜、餃子、蝦滑、墨魚滑、丸丸、蔬菜……5。椒鹽龍蝦任食新鮮、惹味、多肉！食完可試另一味道：芝士炒。…查看更多
食完哂刺身、雞煲就可以開始打邊爐啦揀咗鴛鴦鍋每檯都會先上一個海鮮拼盤呢個海鮮拼盤真係無得輸有龍蝦🦞有鮑魚、有帶子啲海鮮全部都好新鮮一啲都唔求其三百幾蚊有啲咁正嘅質素真係物超所值
每人半隻都好夠食火鍋除了海鮮盤，仲有幾十種配料任食，連貴價海鮮如蟶子、花蟹、鮑魚、生蠔、海斑片都係任食，啱曬海鮮怪。特別欣賞佢嘅蝦丸，好新鮮，食得出係手打，蝦肉多粉少。睇住佢由灰白色煮成鮮橙色，就知佢堅料，好彈牙好蝦味。黃金時段每位 $338， 加二十蚊任飲啤酒汽水，有加一，但冇收醬料費，收費算合理。
火鍋種類有火焰八鮮鍋， 龍蝦花膠餐，花膠雞煲，此外仲有自選配料同其他餐單，花多眼亂，要花d時間睇。好彩店員冇忟面，態度殷勤親切，叫我地慢慢睇，仲推介我地食火熖八鮮鍋。最後，我地叫左個八鮮鍋，有蟹，貴妃蚌，蜆，鮑魚同龍蝦。店員拎咗一個空鍋同一盤海鮮黎，原來同我地一般食法好唔同，先用雞件起獲，然之後加入海鮮，點火，原來火焰八鮮鍋係咁嘅意思。店員隨即加入海鮮湯，湯底係平時飲嗰d龍蝦湯嘅橙色，裏面有香濃嘅南瓜同龍蝦味，非常香甜。每位有鮑魚一隻，貴妃蚌一隻，奄仔蟹，龍蝦半隻，同鮮蝦。海鮮全部即叫即劏，非常生猛。店員幫我地將部份海鮮放入湯底，等候期間一定要望下點食法，豬有跟足指示架，睇實個時間👀⏰出黎嘅海鮮岩岩好，唔會韌，而且鮮味十足。貝殼洗得好乾淨，冇沙。鮑魚爽口彈牙，貴妃蚌新鮮爽甜，龍蝦肉質結實爽口，蟹肉飽滿鮮甜，全部海鮮都新鮮美味。另外叫左5款配料，有豬潤，肥牛，粟米，娃娃菜同油炸鬼。由於湯底本身已經有海鮮嘅精華，所以粟米，娃娃菜都好甜，嗰個油炸鬼係必食，雖然好快飽肚，但佢索晒d海鮮湯嘅鮮甜味，外面脆脆，咬落湯汁爆出，非常好味。黎到食粥嘅時間😋正呀，店員加入粥膽，煮呀煮，金黃色嘅海鮮粥🤤🤤吸盡精華嘅粥底，粥底綿滑，有啖啖嘅鮮甜味，雖然已經食到肚子漲卜卜，但實在忍唔住食左3碗😋
