橫浜街場

今日去左旺角行街~假期一到又想食得豐富D，老公無啦啦話想打邊爐，心諗咁熱打咩邊爐?不過佢想去就陪佢去下啦~本身諗住求其去酒樓果d任食火鍋，但行行下見到棟大廈有好多餐廳，見到呢間餐廳有任食火鍋，特別之處係用木桶做器皿，上openrice碌一碌見好似唔錯於是就拿拿聲上去試下!一上到去店員帶我地埋位，即刻預備d醬油同前菜俾我地，同我地解釋下唔同既餐同點樣落單~呢度唔同既餐已經包左好多款食物，要追加食物同點飲品就用ipad落單~海鮮套餐有龍蝦又有蠔，見門口寫8點前離座仲有75折，計一計又幾抵食於是就叫左個海鮮套餐啦，湯底就叫左胡椒豬肚湯!落左單店員就拎住裝住胡椒豬肚湯既木桶擺係爐上~個木桶真係好搞笑，好似做蒸身果d木桶咁~用佢黎打邊爐真係第一次!店員擺低個桶之後就解釋下個木桶既原理，仲教我地要飲啖湯先~佢一講我先為意到原來木桶入面有d小洞，一滾d湯就會係d 小洞度流出黎，店員話咁就可以過濾到d雜質同去左d油~我一試個湯~好香濃一d都唔油!一般火鍋湯底都會偏咸但呢個胡椒豬肚湯真係可以獨立當湯黎飲~胡椒味濃唔過辣，好正!係我地飲緊個湯既時候店員就將食物陸續上檯，個海鮮船一上檯我地真係嘩一聲~好大盤，D海鮮仲要好似刺身咁新鮮!急不及待淥黎試下，龍蝦肉好爽口彈牙!蠔又夠大隻啖啖肉!D蜆仲好有鮮味!太驚喜!之後再試下d丸類同其他食物，一睇就知係手打既丸，唔係出面叫貨既材料。口味仲好特別，有黑松露同芝士丸!估唔到既係除左丸類之外，原來就連d餃、炸魚皮、墨魚膠釀油炸鬼都係全部自家製!甚至連響鈴都係自己卷既!我地係度研究緊點解D炸魚皮可以咁大塊咁完整果陣店員咁岩聽到走黎同我地講的~全部都係自己手作功夫，唔怪得食落既味道咁唔同!仲有d牛肉,一睇就知係靚牛!成本應該幾貴,食落好有牛味一d雪味都冇,又冇筋又唔韌!我平時唔係好食牛既都食左好多!食哂個套餐入面既野之後我地仲追加左D野食，要講最驚喜係你估唔到既午餐肉!因為正當我諗住淥一淥佢既時候見到佢既顏色咁金黃既?咬一啖，係熱辣辣新鮮煎起架!因為太香口既關係我地完全冇擺落個鍋度，一人幾舊1分鐘KO哂~最後幫D飲品影張相留念~呢度既飲品除左汽水同茶之外，所有酒類都係任飲!老公叫左罐啤酒，一黎到我見到個罐咁少女粉紅色咁就試一啖~本身以為係甜甜既口感，點知原來係真正好濃既啤酒!老公話比平時既罐裝啤酒仲濃味，係咁讚不絕口!食飽飽諗住埋單店員仲奉上兩個用好得意既樽仔裝住既甜品俾我地!!最後食左2個鐘飽到上心口~今餐完全覺得超級驚喜加物超所值!走果陣立下眼望到有間房仔，8卦行過去望下，店員話房仔可以坐12至14個人，入面有電視仲有得掟標!即刻whatsapp住俾d fd約下次成班黎食!…查看更多

呢棟大廈翻新左之後變左成間都係食肆，好似好吸引，所以就同左朋友去食，兩個人梗係滾下滾下好玩啲，所以我地就去左打邊爐。呢度啲裝修好有心思，為左配合返街場呢個名，將個場整到好多足球裝飾。我地揀左個海鮮套餐，湯底就揀左花膠螺頭雞湯，就跟埋個海鮮拼盤同埋主食拼盤。好得意吖，佢個爐係用木桶，而個桶側邊就有啲窿，等啲湯滾返入去，咁個味道就會愈滾愈濃郁，正。個湯底啲料都幾多。啲花膠夠大塊同彈牙，我地兩個人分都每人有4-5塊，食完覺得個人多左好多骨膠原吖😂個海鮮拼盤有驚喜喎，因為實在好揼本吖，有龍蝦，生蠔，蜆。啲海鮮夠新鮮，放係個湯底度滾滾下，特別入味！😚😚而於個主食拼盤有個必讚推介，就係油炸鬼加蟹籽。一開頭唔知係咩，所以我哋照放左落去滾，點知稔晒。後來問咗店員先知道原來本來就熟咗，所以唔淥都得，不過就算淥，淥一陣就得㗎啦，即係響鈴啲朋友。順便一提呢度仲有酒嗌咖，紅酒白酒都有。打邊爐咁高興，當然有酒就更加開心啦…查看更多

找了一家特色火鍋放題為朋友慶祝生日, 以杉木桶打邊爐, 據講有健脾益胃功效, 也比較不容易上火。店面裝修切合主題, 很有街場的感覺。一坐下店員便提供了一份小食, 是新鮮炸好的薯條, 香脆惹味。醬料架有多款配料提供為醬油調味, 當中更提供麻醬可用來搭配牛肉。火鍋放題有兩款選擇, 包括藥膳套餐和海鮮套餐。我們選了較豐富的海鮮套餐, 每位$388另加一, 除了提供海鮮和高級食材外, 另外還有一些火鍋配料和飲品無限供應。 湯底方面我們選了較為滋補的花膠螺頭雞湯, 以木桶打邊爐感覺好新鮮, 木桶底部是已加熱的石春, 湯會從木桶旁幾個小孔流出, 好像浸溫泉一樣呢。湯底滾起後店員先替我們盛湯, 讓我們打邊爐前先試一下湯底的味道。湯底很清甜, 的確能吃到花膠, 花膠質素以火鍋放題來說算是不錯, 還有很多雞件和各式藥材, 絕對足料。海鮮拼盤一上, 和朋友都忍不住相機食先, 龍蝦大大隻絕不欺場, 以龍蝦打邊爐果然夠派頭, 灼5分鐘便可以吃, 肉質彈牙。其他海鮮如海蝦都不錯, 象拔蚌煮久了也不會韌。每兩位可選一份肉類, 在豬牛羊之間選了手切安格斯肥牛片。手切牛肉很新鮮, 煮熟後也不會散開, 油花均勻而且有牛味, 口感細緻軟滑。每人一份的手工丸類和餃子都很高質, 尤其是餃子真正做到皮薄餡靚, 不是街市一般貨色。響鈴雖然只有一條, 但大大條很過癮, 盡吸湯底精華, 每人一條已很滿足。從這些配料中能感受到餐廳的誠意。餐廳以tablet下單, 環保又方便, 也不會漏單。飲品除了一貫的罐裝飲品外, 還有紅白餐酒可選擇, 同樣免費供應, 非常適合搭配海鮮呢。這裡點菜主要是以每件計算, 個人很喜歡這個安排, 不用怕浪費食物之餘, 人少也可以試盡不同食材。免費食材方面也有不少選擇, 如西洋菜, 蜂巢豆腐, 金菇, 生根等等, 能真正的吃到飽。吃過手工肥牛還可以再點雪花肥牛, 肉質也很好。最後每人還有一份甜品, 牛奶布丁不會很甜, 味道清新剛好可以清清口腔的蒜頭味。絕對是令人滿足的一餐。雖然以每位$388來說, 價錢屬中上價位, 但食物質素和服務會讓你感到值回票價。…查看更多

天氣開始凍，又係打邊爐既好季節。就黎過新年，今日同男朋友去旺角辦年貨之後，就黎期待已久的「橫浜街場」打邊爐。早前上網睇介紹這間火鍋店的爐是用杉木木桶，覺得幾有gimmick, 好想試下。-餐廳環境裝修都幾特別，籃球🏀場的設計，環境雖然不大，但座位很寬敞，坐得舒適。 當晚還播著柔和耳熟能詳的流行曲，令人有種relax 感覺。 -打邊爐套餐有兩款：藥膳/海鮮。最後我們選擇了海鮮set 。🌟前菜有手拍青瓜同麻辣木耳青瓜及木耳都幾爽口，微辣挺惹味。-♥️火煱湯底方面🌟我們選擇了花膠螺頭雞鍋（濃湯）杉木木桶打邊爐標榜「不上火」及養生。最底放上熱騰騰的石春作浄化與過濾。木桶旁邊圍著不同小孔，滾起時會有湯底噴出，職員解說由小孔噴出來的湯已經被隔去油分，所以喝起來份外清甜。而且亦十分足料！ 用上全隻鮮雞、大大花膠及螺頭！滋陰養顏補身湯水，喝了好幾碗才開始打邊爐呢。-配料方面：每兩位可揀一份豚肉/牛肉/羊肉我地選擇了手切安格斯Prime Grade 牛頸脊肥牛片！ 油花分佈平均，牛味濃而且肉質有嚼勁。-套餐主菜餐還有時令海鮮拼盤、即炸魚皮響鈴及手工餃子🥟丸子海鮮拼盤賣相精美，有龍蝦🦞、象拔蚌大蝦、刀貝、3L廣島蠔所有海鮮都相當新鮮，最愛的龍蝦相當的鮮甜！-這盤有手工韭菜餃、西洋菜餃、芫荽餃、手工安格斯芝心牛丸、西班牙豚肉黑松露丸、炸蝦乾墨魚丸等等每款都很有水準、肉丸相當彈牙最喜歡香味十足的韭菜餃及芫荽餃-響鈴魚皮一向係打邊爐的必食孖寶兩樣都炸得鬆脆可口，特別是響鈴，size 十分巨型有睇頭-除了menu內指定的食材，餐廳還提供ipad 供客人散點/追加食物及飲品。我們點了多款蔬菜🥬，例如菜心苗、金菇、超甜粟米等等-🤤任飲任食好滿足，而且還有紅白酒🍻-…查看更多

最近天氣轉涼，係時候同朋友打下邊爐。平時d邊爐就食得多喇，今次一於試下新野，黎到旺角橫濱街場食木桶火鍋。😊😊呢間餐廳嘅環境唔錯，格局整齊，裝修幾別緻，墻上有d特色嘅塗鴉畫報，真係打造成日本街頭嘅感覺。講翻呢次主角木桶火鍋，其實就係用木桶做火鍋嘅容器。木桶火鍋主打健康邊爐，食完都唔上火。打邊爐都養生，咩罪疚感都冇曬😛😛我同朋友兩個人食得唔多，就叫咗個細份嘅雞煲，同其他一d食材打邊爐。😛😛先講個木桶雞煲，上嘅時候大概8-9成熟，我地再等佢滾多兩滾就食得。雞煲入面d雞岩岩好熟，又嫩又滑，d醬汁又調得好，麻辣味嘅醬汁濃郁又野味，辣度岩岩好，亦唔會好似其他雞煲咁越食越鹹，令我好有食慾，再加上d配菜洋蔥，香菜就越滾越出味，切得唔大件嘅雞塊就越滾越索味，令成個雞煲越吃越好味。對於好中意重慶雞煲嘅我黎講，呢個木桶雞煲絕對係水準以上。👍🏻👍🏻👍🏻個雞煲好快就比我地清曬，呢個時候，侍應就幫我地加湯淥其他野食。「手切肥牛」👍🏻👍🏻👍🏻👍🏻👍🏻👍🏻可能平時食得廉價嘅肥牛d，呢個手切肥牛真係零舍好味。肥牛油脂分佈均勻，完全無筋，擺落木桶淥個十零秒就擺得入口，肉質鮮嫩，完全唔韌唔鞋，加上有小小油脂，令牛本身好獨特嘅鮮甜味道更突出，認真好食。「海鮮拼盤」👍🏻👍🏻👍🏻👍🏻👍🏻👍🏻最後就極力推介呢個海鮮拼盤。海鮮拼盤嘅種類同分量都唔算都，但勝在夠精，有一隻帶子，半邊龍蝦，一隻海蝦同一隻鮑魚。出乎意料嘅係呢度d鮮都好新鮮，唔似得其他餐廳雖然話有海鮮供應，但質量就都好麻麻，雪得太耐，唔夠新鮮，食落口有陣雪味同腥味。更加抵讚嘅係，我自己就唔多清楚要淥幾耐先係最好，d侍應會好細心咁提醒你，每一款海鮮最好要淥幾耐，保證d海鮮擺落口個陣係最佳狀態。個帶子好厚肉，完全唔韌好鮮甜，食落幾有滿足感；隻龍蝦都唔算好細，有d肉食，本身獨有嘅龍蝦喂都算幾濃；隻大蝦就真係最正喇，肉質扎實，爽口彈牙，鮮味十足，食得出係幾新鮮嘅；隻鮑魚最尾食，不過不失啦。總嘅黎講，呢款海鮮拼盤性價比好高，價錢唔貴，質量上乘，黎到必叫。我個人就覺得呢間餐廳用木桶黎做容器打邊爐都幾得意下，食物質素都幾好，好推薦大家有機會黎試下。…查看更多