斗滾 (寶輝閣)

呢間嘅雞煲同海鮮拼盤真係堅抵食！個雞煲一上枱已經超級香，啲雞件嫩滑得嚟又多汁，麻辣湯底夠哂惹味，忍唔住撈多碗白飯！海鮮拼盤份量爆棚，大蝦、蟶子、鮑魚樣樣新鮮彈牙，尤其啲蜆肥嘟嘟冇沙，蒸嘅時間啱啱好。成枱嘢埋單都係人均二百五左右，抵到爛！以後宵夜又多個飯堂啦～有雞煲任食和海鮮拼盤，海鮮十分新鮮，非常美味，雞煲香辣濃郁，雞肉新鮮嫩滑，口感好好，仲有自助區任拎飲品，環境也乾淨整齊，店員服務態度友善有耐心，性價比之選，無論價錢和味道都好出色，食過幾次啦！…查看更多

一個價錢，四種享受。任食雞煲，手切牛頸脊 、蒸焗海鮮（一次）同養生滋補火鍋。雞煲有5種辣度，不過要自炒，每2分鐘炒一次，總共炒四次，貼心嘅係每枱一部計時器。屋企人唔食得辣，揀咗BB辣，少少香辣吊下味，雞肉鮮嫩，我勁中意既紫洋蔥好juicy。蒸焗海鮮簡直係海鮮愛好者嘅天堂～海鮮肥嫩多汁，無腥味，經過蒸焗嘅海鮮，保留左海鮮嘅原汁原味，又可以鎖住營養。淮山鷓鴣湯火鍋前先飲湯，味蕾瞬間被打開。鷓鴣肉燉煮到軟爛入味，吸飽左湯底精華。淮山都係呢個湯嘅靈魂，煮到軟糯，入口即化，仲有淡淡嘅清甜，營養豐富到不得了。之後落晒啲火鍋食材，吸滿湯汁之後又係另一番滋味。牛頸脊任食但頭兩輪質素好肥，好碎。去到繁忙時間再點，變返口感軟嫩又帶有嚼勁。肉吸飽湯汁後就入哂味，每一啖都係滿滿醇厚香味。…查看更多

呢間餐廳主打非一般嘅放題，一個價錢就可以食盡雞煲、海鮮拼盤、養生鍋、火鍋同手切牛頸脊🤩🍲斗滾四式任食放題 （星期一至四$268；星期五至日及公眾假期 $298）💗第一式任食雞煲雞煲總共有5個辣度，今次選咗小辣，秘製椒麻辣醬辛辣又有麻香，加咗芫茜、豆卜、洋蔥 、辣椒等配料更加香濃惹味 🌶️雞件炒到雞皮少少焦香，雞肉嫩滑又夠入味🐓💗第二式海鮮盛宴海鮮拼盤包括鮑魚、蟶子、扇貝、海蝦、花蜆、龍躉和讚岐烏冬，全部都非常新鮮，用上蒜蓉粉絲蒸已經係最簡單嘅美味🦐💗第三式滋補火鍋（+$38）香甜椰皇雞鍋用咗1/4隻雞、椰青水、椰肉、杞子同雪梨乾一齊煲，飲落非常清甜滋補🥥💗第四式火鍋任食最後就嚟到打邊爐環節，最回本當然係任食手切牛頸脊，牛頸脊爽嫩軟滑，肉味濃而且有油香🐮另外亦設多款火鍋配料作自取，有海鮮、丸類、蔬菜、麵食等，選擇夠哂多‼️💗每人再一客椰汁雪燕為甜品作結…查看更多

每次約一大班人打邊爐食飯，就一定係食放題，食物野飲選擇多之如，又可以係有限budget之下，豪飲豪食，夠囇盡興，唔洗就住荷包💸約friend從此唔洗尷尷尬尬。打邊爐放題有好多間，但高質嘅真係唔多，呢間不但只價錢親民（晚市$300 /成人，已計服務費），仲包任點雞煲、一客海鮮拼盤（每人每款聖子、鮑魚、扇貝、花甲、蝦、魚塊，配烏冬同些少配菜，人人有得食，唔洗爭）、是日靚湯（杞子紅棗烏雞湯），重頭戲手切牛頸脊，最後仲有椰汁雪燕糖水，另外有凍櫃放咗其他基本火鍋配菜、丸、水果拼盤等等，唔少得有王子麵、辛辣麵、烏冬、出前一丁… 當日有朋友生日🎂，買咗個蛋糕去餐廳雪，呢度冇收切餅費之如，佢仲好細心咁送咗個牛頸脊蛋糕俾我哋，十分過癮😋任點雞煲其實上菜上得幾快，但每次要等2分鐘炒一炒，總共需要炒4次，最快起碼8至10分鐘先食得，啲雞先至入味，我就略嫌等得太耐。雞煲入邊啲雞肉又少，剩係得好多辣醬同配料，感覺呢度嘥咗好多時間，所以其實食一轉都已經好夠。而海鮮拼盤就各樣每人一隻，不過不失，蟶子、扇貝同鮑魚係必食，烏冬煮到淋淋地有海鮮味都幾好，全部火候都控制得幾好，唔會話過熟，絕對得起呢個價錢👍🏻碗靚湯其實有啲太鹹嘅，不過勝在落足料，飲完第一輪，最後會攞嚟做火鍋底。任點牛頸脊嚟得都好快，碟碟都有肉味有口感，唔會Hea你俾成盤肥牛出嚟。最後出場嘅椰汁雪燕糖水，其實係飲緊冰糖椰汁Jelly，叫做食完熱辣辣嘅嘢，送翻碗凍嘢俾大家潤下個口。全晚其實我飲咗2-3支水（好彩舖頭有供應支裝水😬），3-4罐解茶，你話冇味精真係呃你，不過以呢個價錢嚟講，仲邊有得咁挑剔？…查看更多