御前大江戶日式料理 (已結業)

我和老公都算是Buffet和放題達人，香港大部份的放題我們也幾乎試過了，對上一次去到新界吃了某間日本放題，已經感到好驚嘆，原來現在的放題已經不是純粹以任食刺身為主打，還有好多有份量有價值的好東西吃，甚至小禮品、娛樂、小遊戲等等。作為食客的我們真的是越來越有福!一山還有一山高，我們昨晚誤打誤撞地去了位於觀塘的御前大江户日本放題，又再一次驚嘆了！嘩，我以為是去了日本的大江户溫泉物語呢～～一入去就很有去了日本渡假的感覺，裝修很像日本呢，場地超大，食物也超多！連擺放在自助吧的食物也多得很，放飲品的雪櫃也有好幾大個，單是飲品已超多選擇了，我真的很難相信我還在這寸金尺土的香港！一進地就聞到很香的爐端磯燒香氣，很像日本地道的居酒屋，精神為之一振喔！嘩～一坐下，天呀！為什麼有個保險套送贈呢？想了３秒再定一定神一看，喔！原來是消毒濕巾！老闆真的夠創意，我就拿了回家當紀念品囉～在我們點菜我途中，店員突然端上一大盆活海鮮，有鮮鮑魚、聖子皇、大生蠔、毛蟹和大虎蝦喔！眼前一亮，內心卻是怕怕，一定是很貴的！然後跟店員說：你是送錯餐了嗎？我們還未開始點菜喔～然後店員居然說是免費送的！！！哇！才＄２８８一位居然這麼划算！那我們不客氣嚕～二話不說就燒了來吃，ＷＯＷ！鮮甜得要命！那個聖子皇和燒蠔真是百吃不厭，加點日本清酒和海鹽來燒已經了不起喇！然後我們看看剌身吧，相當肥美對嗎？我想說，除了刺身款式應有盡有外（油甘魚、劍魚、蝦也有！），真的是每件也超新鮮，可能因為場大，人又多，所以不用團績貨品吧，喜歡啖啖肉和厚切的一定會相當愛這家，但我個人喜歡薄切一點，所以我沒有點太多刺身，留肚子吃多點燒物和燒海鮮。任點任吃的海鮮有海蝦、刀貝、八爪魚、大花甲等，又是超新鮮，我不停加單又加單～～真係好鮮甜，特別係刀貝，平時在街市都少見，大大啖肉，不好之處在於內藏很大件，但只要避開那部份來吃就行了～仲食左個sukiyaki~最後當然還有冷熱,中西日各式甜品水果雪糕啦~真的不能盡錄，去一次絕對是不夠的，相信我要來好4,5次才可試盡所有美食，我真的好喜歡這間放題呀!!!如果每星期都可以吃一次就好了~…查看更多

睇到門口咁人山人海, 就知又有好野食喇, 去登記先知原來餐廳每晚只會做2輪, 所以8點來到都係要等到9點果輪先食得, 不過其實8:45分已經比你入去架喇一入去緊係周圍睇下有咩食啦, 個壽司刺身BAR好靚好日式, 附近有個好豐富既水果BAR飲品既選擇勁多, 最正係有樽裝既道地解茶同解綠茶甜品都唔惹小, 成個雪櫃雪住唔係就咁放枱面, 既衛生, 又可以保持冰凍口感雪糕櫃有2個, 好誇張, 一定有一款啱你心水周圍逛完, 坐定定睇下餐牌有乜食, 刺身, 壽司, 手卷, 小食沙律, 燒物, 天婦羅, 一品料理, 磯燒海鮮, 磯燒有機蔬菜, 磯燒鍋物咁多樣野真係無從入手呀,有選擇困難症就更加頭痛唔諗咁多住, 叫碟腰果送下梅酒先職員捧上每枱一次性既磯燒海鮮拼盤,有蟹有大虎蝦有蠔有元貝有鮑魚, 真係極之豐富唔識燒唔緊要, 職員會主動埋黎幫你手架蜆同蝦都好新鮮, 又大隻, 隻蝦仲識郁架燒菠蘿同牛油粟米都好正, 菠蘿兩面輕輕燒一燒收乾小小水就要食架喇, 咁先夠JUICY整番碟刺身先, 食食下熱野, 再食番D鮮甜冷刺身降降火, 份量都好足架再食下左口魚壽司, 爽甜最驚喜係個海膽手卷, 飯量唔會太多, 海膽亦都唔會太少, 一口可以食一個芝麻雞翼, 小心燙咀, 即炸即上碟比你, 一咬落去好香脆, 滿口肉汁又要小心燙咀, 椒鹽多春魚又係即炸比你, 脆到連D骨都可以輕易咬碎鰻魚控至愛, 汁唔會太多, 剛剛好夠味唔會太咸牛舌好爽滑, 滴幾滴檸檬汁, 分外鮮味海膽飯要自己整, 放晒D料落去先, 最後先放蛋, 慢慢攪均佢, 啖湯先係主角, 吸收晒海膽既鮮甜味埋單兩個人都唔過7百, 有咁多海鮮野食野飲, 性價比絕對一流…查看更多

喺香港食日本放題已經係一件平常事，新鮮刺身已經唔算係一個賣點！ 今次要介紹呢間"御前大江戶日式料理"除咗可以任食刺身之外仲可以任食磯燒海鮮！好似去咗日本咁^^海蝦上枱嘅時候仲係紮紮跳非常生猛真係一個驚喜,除咗可以任叫部分海鮮之餘餐廳仲會送一份龍蝦海鮮拼盤~裏面有生蠔/鮑魚/大元貝/ 波士頓龍蝦實在係勁抵食！而落order都方便咗好多 每張枱都會有一部平板電腦去落單.唔洗吓吓舉高隻手話晒我都好鬼怕醜。俾人見到我一晚舉幾廿次手都幾尷尬...燒完嘢食就叫返啲飽肚嘅嘢例如係海膽三文魚子手捲芝士龍蝦伊麵都係必食嘅。係啖啖肉㗎~…查看更多

想約朋友食呢度好耐, 今日終於去到食喇😍我地一行5人, 訂咗第二輪, 上到去見到排隊排到去後樓梯, 仲要落多兩層, 好誇張呀不過到夠鐘8:45, 安排入坐亦算很快我地一坐低好快就送上海鮮拼盤跟住就開始點野食先, 首先梗係刺身, 仲有其野食, 我地仲行出去自助吧攞沙律等等當其他野食未到, 我地就燒海鮮先到主角出場喇甲羅燒泰式生蝦都好好味呀如果係榴槤控, 呢個絕對啱你, 榴槤炸彈, 正下次一定要再嚟過…查看更多

訂左檯，5:45pm 去到，出升降機後，只見到有好多人，跟本就唔知應該係邊到入，如果有職員指示會好啲，人多到滿晒走廊，排隊等入座排到去後樓梯落3層樓，帶住D細佬同老人家確實唔方便，其實已經夠鐘，餐廳未有人既，咁多人塞住走廊，應該彈性啲，放左啲人入去先啦，第一次去就咁，感覺好差，坐低左，好快就送上一盤海鮮，有鮑魚、生蠔、扇貝、蟹蓋同蝦，新鮮同大隻既，食都唔錯，唯有蟹蓋2個人1隻同幾咸，餐廳有開咪廣播教點燒，但太吵喇!唔係好聽到，但枱面都有個牌教你燒既，間唔中會有待應黎睇下你地啲燒物，留意貝類燒得耐會爆殼。                        有1部平板落其他 order, 菜式選擇唔多，款式普通，質素更普通，有好多漏單情況，又有時以為漏單(一去到就已經叫左野)，但點知又黎番(差唔多走先黎)，炸物、串燒，只係微暖，一啲都唔熱，天婦羅蝦淋的，牛仔骨燒物好韌，壽司唔錯，細細件，泡菜豚肉鍋，味淡，豚肉好韌，菜都好老，甜品、生果、飲品自己出去攞，甜品有超細盒豆腐花(幾好，唔駛食咁多)、有雀巢甜筒、迷你雪糕糯米滋，整體食物質素一般，只是磯燒海鮮有D綽頭。另外，餐廳唔夠位，安排枱放置到升降機外讓客人進食，無論任何食客都好危險，真係要走火警，點走呢?廁所的走廊超勁煙味。…查看更多

呢度出名食燒海鮮，都幾新鮮，幾好食。不過啲蜆肉好多沙，應該比多兩杯熱水比啲客洗下。慶祝生日送既個板海膽好新鮮，好鮮甜，不過任食既海膽手卷就好難食，勁唔新鮮，千祈唔好叫。生蠔就睇人，我自己食就覺得麻麻，食咗一隻就唔想再食，好似唔太新鮮。不過呢間餐廳最差既地方係限制好多，食6至830，745就截單，唔比叫不特止，出去拎野飲同甜品個啲都唔比拎，真係有啲吃力，食得好辛苦。個日公司準時唔到走，遲咗要6點10先去到，中途打過電話通知，改完ok點知去到都遲，結果佢話入面滿晒唔比入，最後講到佢哋嘅拎多張枱坐出面，都食得幾唔舒服，但朝一次聖都可以既。…查看更多