辣吧 (已結業)

同朋友一共4個麻甩佬食，就好豪爽咁叫左個八款海鮮既鍋，送埋串串燒同熱鍋任食。一上菜，非常浮誇既大鍋，上面放住各色各樣既食材，鮑魚，聖子，蜆，帆立貝，蟹等等，仲有烏冬底，蘿蔔又入味，正呀。因為太心急，我食既時候d野未熱晒就放左入口，浪費左，大家去食既時候記得滾起先好食。最後叫左個hogarden tower, 埋單每人$450到，對窮j黎講係貴，但係食海鮮，飲啤酒，我覺得差唔多價，係一個唔錯既體驗。會推介比大家,亦會再返去食，不過應該唔會食咁貴啦~…查看更多

答應左去尖沙嘴接朋友收工，佢話想去飲酒，但飲酒前都要食d野...去左諾士佛台行左個圈，見到呢排都好多人食既辣吧，就上來試下～見到餐廳裝修有特色，乾乾淨淨辣吧最有特色既係呢隻海鮮大咖，其他餐廳好少見！主打有八款或者六款海鮮，食得海鮮當然食夠八款佢啦有蒜蓉味，辣椒味。我呢款係蒜蓉味其實仲有配菜影唔到，有烏冬、豆卜..索曬d湯底好正先食貴妃旁，啖啖肉，鮮甜多汁蟹夠晒大隻多肉！一人有三隻蝦，人人食到笑哈哈蜆X n隻...食極仲有勝在無沙夠鮮甜聖子王勁大隻，要分幾啖食帶子仲要有粉絲配埋，加埋蒜蓉汁一流鮑魚一早已經洗乾淨，清除左多餘內臟！抵讚！魷魚爽口彈牙，咬落唔會煙銀鴨舌一串三隻，鄉道朋友即刻食咗影唔切相成餐飯食咗好耐，食到飽晒！咁豐富海鮮，一人只係三百幾蚊，抵！…查看更多

位於諾士佛臺既四川菜酒吧 我係為咗佢既海鮮大咖而黎既🤩海鮮可揀6款($288)或8款($328)✨仲可以揀4款配料 麻辣或蒜味⠀上一次食過6款海鮮蒜味唔錯，今次試下8款海鮮麻辣味🌶海鮮係由師傅當日挑選👨🏻‍🍳包括帶子/ 鮑魚/ 貴妃蚌/ 蟶子王/ 🦀蟹/ 🦐蝦/ 蜆/ 🦑魷魚✨配料揀咗豆卜/ 金針茹/ 土豆粉/ 冬瓜✨每款海鮮都不錯🤤帶子好大隻啖啖肉 鮑魚鮮甜彈牙 蟹有好多蟹膏☺ 而蝦X埋X好方便 貴妃蚌&蟶子王就老左少少 蜆肉今次有好多沙 明明上次食好鮮甜架 不過配料樣樣都好吸味😋…查看更多

今晚過來尖沙咀去左諾士佛臺，原來諾士佛臺除左飲酒仲有好多餐廳又有不同種類的美食。辣吧呢間餐廳裝修好特別，裝修又紅當當又掛上一個個紅色燈籠🏮。選擇$288海鮮大咖六種海鮮：扇貝，魷魚，蝦🦐，蟹，魷魚和蜆。之後還有4種配菜：蘿蔔，荳卜，芽菜和烏冬，湯底選舉蒜味，味道香濃。鮑魚大大隻又爽口陣牙。扇貝上面舖滿粉絲和蒜蓉，扇貝又大隻又清甜。蝦又新鮮又爽口。蟹肉好多糕，糕又好香，蟹肉又鮮甜。蟹肉又有好多糕，肉又結實，海鮮全球都好新鮮，配菜索晒湯底的精華又美味可口。…查看更多

一眼就被辣吧嘅海鮮大咖吸引左，大大盤，梗係打卡行先🤣有個明火座熱成盤軍艦，影多幾張都唔怕凍哂。呢個係2人份量，有8款海鮮同4款配料。每位$328。🔥湯底係麻辣(小)，小辣都已經幾辣，一度食一度流汗😂唔好辣嘅人要小心揀！🔥海鮮包括括鮑魚、魷魚、蝦、蟹、蒜容元貝、 聖子 、花甲 、貴花蚌。聖子係相對地鮮甜爽口，其他都不過不失，基本上無霉無臭😁🔥4款配料揀左生菜、白蘿蔔、土豆粉同金針茹。全部都盡吸成個麻辣海鮮湯底精華，想唔入味都難🤤建議要快啲食土豆粉，初頭食都煙煙韌韌，浸耐左有啲太淋，無哂口感。另上等食客自己落會更好🤔總括而言，以食海鮮黎講中規中矩，但勝在用料澎湃👀Feast Level: 🔥🔥🔥/5…查看更多

勁大鍋好飽好滿足🤤我嗌左有8款海鮮既「海鮮大咖」～🤤🤤🤤第一次邊飲cocktail邊嘆火鍋！呢度特別主打中式cocktail，不時會有期間限定～menu係用竹簡製成，幾有心思嫁～啲bartender都好ok添～🤫☺️中意cocktail就一定要黎試試！📣📣📣宜家仲做緊半價優惠呀！係半價呀！🤩條件👉🏾19:30前離座/21:30後入座19:30-21:30 入座都有75折，係咪抵試先～？個場以中國風佈置，食飽飽仲可以轉去吧枱欣賞下自然風光🤭，順手打個卡呃下like～🤪#好似話唔靚仔唔靚女唔請做職員😋…查看更多

其實之前喺Facebook都見好多人分享呢間啦辣吧，之前book過實在太多人所以book唔到😂終於有機會食到好開心😁因為朋友都食過都推介我去，懷着好興奮嘅心情好食🤭果然冇令我失望👍我地叫左個海鮮大咖，配料就叫咗薯條，生菜，白蘿蔔，土豆粉，海鮮種類六款有，海蝦，膏蟹，元貝，花甲，魷魚筒，鮑魚，最推介係海蝦👍廚師好貼心咁幫你剝殼，好新鮮又彈牙，同埋我最鍾意食嘅配料係土豆粉煙韌得黎吸晒啲湯汁好食😆溫馨提示🤩如果每位ig或Fb打卡的話會送汽水一杯或救火玫瑰冰粉🥳仲要如果7點半之前離座及9點半入座會享有75折優惠🤩整體來講我一定會再黎食👍店員好有禮貌，呢個真係值得一讚，環境有氣氛坐得好舒適🤭…查看更多

最近見到好多人食海鮮鍋，我跟朋友又想黎試下。於是揀左間好多明星都食過既辣吧。於諾士佛臺1樓，地點相當方便。因為我地早來既關係，還有露台位坐，可以望到諾士佛臺既繁華盛況。我們選了海鮮大咖（六款）（$288一位）二人份量，因為朋友唔想食辣，於是嗌了蒜蓉湯底，另外有加四種蔬菜或粉，我們選了蘿蔔、土豆粉、生菜及豆卜，不消十分鐘就上桌。其實海鮮已是全熟，所以一上枱就可以食，急不及待食左條大大條蟶子皇先，爽口彈牙！扇貝上有蒜蓉粉絲加一匙湯底撈埋食，入哂味，扇貝又新鮮！花甲每粒大大粒，無沙，鮮甜！鮑魚有厚度，湯底入哂味😋魷魚浸落d仲正，又林又索哂湯底土豆粉外貌似烏冬，但更煙煙韌韌，感覺好得意。最後再加個肉醬燒茄子，我跟朋友都覺得好食！辣度微辣，再加上蒜蓉蔥花，非常香口！Like佢facebook，仲附上汽水一罐餐廳好細心，還附上紙巾及濕紙巾…查看更多

趁住正好既岀糧日，決定去食野好既慶祝，難得仲要係週末日，朋友一直都想試下係尖沙咀開左無耐既辣吧，既然決定左就唔多考慮啦。辣吧主打四川菜，有小菜有麻辣串等等既菜式，大多數都圍繞住一個辣字，而我今次食既會係爆紅既海鮮大咖。海鮮大咖(八款海鮮) $328/1位海鮮大咖分兩個選擇，應該話係數量既選擇，6款同8款，價錢相距唔大，要食就要食盡佢，我係揀左8款既。主要既8款海鮮由廚師指定，其餘既四款配料就可以自己決定，我揀既有豆卜、薯條、生菜、蘿蔔，都唔錯吧，至於湯底就揀個火辣既麻辣湯。等左20分鐘左右，海鮮大咖終於登場，望住一大盤既海鮮，見到都流口水，份量相當多到，包括有貴妃蚌、鮑魚、海蝦、聖子、肉蟹、魷魚筒、元貝同花甲。入面我最期待既就係聖子，肉厚豐滿，而且比其他每一種都要爽口甜美。貴妃蚌都係我最常食既海鮮，固然穩陣又爽口鮮甜。重點係肉蟹，係火辣既醬汁底下蟹肉仍然可以滲透岀本身既鮮甜味道。蒜蓉元貝，肉感超滿足，上面既粉絲吸收左麻辣既湯汁，別有一番風味。海蝦超級多，有吃不完既感覺。整體黎講都算唔錯，期待下次試埋佢既麻辣串。…查看更多

大堆頭海鮮是在國內十分流行的美食，但這玩意而家係香港都好受歡迎！打着川菜餐廳的旗號大賣這大堆頭海鮮鍋。在這個一大盤海鮮大咖則係麻辣川菜既市場，香港人做生意要分一杯羹談何容易？相信老闆背後都落足心機，能做出香港人滿意的麻辣味道。尖沙咀呢間新派麻辣川菜餐廳唔知夠唔夠深圳個啲咁地道，唔想北上住，就同男朋友去試一試！希望辣得過癮，滿足到我倆既味蕾啦...【辣吧】就係諾士佛臺...一聽諾士佛臺就知道地方就腳方便。出電梯轉左就係...店鋪空間十分大,環境真係川菜餐廳咁但又見到Crossover左酒吧...難怪叫【辣吧】餐廳既主題看似中國風因為裝潢以紅黑色為主，又有特色酒鍋形狀的燈飾。環境感覺舒適。而且明顯滲岀既係一種調皮感一坐低完全比枱面呢隻小熊貓筷子托吸引住，非常QQ既小熊貓真夠吸睛，此時視線也移到附近既避孕套設計既濕紙巾，感覺莫明奇妙，但又感到幾風趣，夠晒Crossover。💖【辣吧】既餐單都以成都、四川菜作招徠，有小菜，涼拌小食，更有近年在內地大熱的冷熱鍋串串海鮮大咖及宜賓把把燒。🤤而我今次食既係呢度既重點項目之一就係...海鮮大咖(八款海鮮) $328/1位...終於可以潮食海鮮大咖了...😋海鮮大咖係呢度既重點項目，基本上8-9成食客都必定會點這一個［有兩個選擇，分別係六款同八款］，價錢差距唔太多既關係...我地梗係選擇八款海鮮啦，海鮮無得自己選擇，廚師會揀選當日最新鮮既海鮮比客人，絕對包你滿意。［而海鮮鍋可以選大中小辣］，我地揀左小辣的。除左有主要既海鮮之外仲可以選四款自選配料...包括芽菜、豆卜、薯條、冬瓜、生菜、白蘿蔔，最後我揀左「豆卜、薯條、生菜、蘿蔔」，看起黎完美既配撘。仲有仲有，唔好忘記要揀湯汁哦，麻辣同蒜茸兩款口味，話明辣癮起我就梗係要麻辣啦，貪佢夠刺激嘛。其實我見menu上好多嘢食都好吸引...實下次再會黎試試其他野食！Stella artois生啤 $118/2杯美酒佳餚，話晒都係自處酒吧區，店家會提供不同的手工啤酒。唔叫返杯酒點得先呢度5點到7點係happy hour時段，基本上所有酒精飲品買一送一，好扺飲。諗諗下收工經過黎諾士佛臺淨係上黎Chill呢個Happy Hour Promotion買一送一都唔錯呢！大概15分鐘左右，強勢既海鮮大咖終於送到黎啦，盤子裝滿滿既海鮮，見到都流口水！畫面好震撼🤩呢度有個細心位就係會比客人一條圍裙，但連條圍裙都有GIMMICK架！眼見到既份量其實多到有點嚇人，鋪滿整個鍋當日海鮮入面包括既係「肉蟹、貴妃蚌、魷魚筒、元貝、鮑魚、聖子、花甲同海蝦」，淋上麻辣汁之後，散發岀香噴噴既麻辣香，忍唔住啦🤤視覺和味覺都煥然一新。個鍋既造型都好正添！係眾多既海鮮入面，我最期待既就係貴妃蚌💜💜不僅比扇貝更肉多豐滿，而且爽口甜美，肉多爽口既味道配合麻辣汁，簡直天衣無縫。緊接之後既就係肉蟹同元貝，肉蟹已經經過處理，蟹殼好容易就可以脱下，係火辣既醬汁底下蟹肉仍然可以滲透岀本身既鮮甜味道亦爽口彈牙元貝就加上了蒜蓉、青同蔥粉絲，一次過放入口入面個種滿滿豐富既肉感超爽仲有粉絲吸收左麻辣既湯汁，辣得特別爽啊🤩吸盡辣汁精華十分滋味。到到下面一排既海蝦，Size絕對令人滿意，咬起黎彈牙有口感，一啖一隻，一啖又一隻，感覺夠爽快。當然其餘既花甲、魷魚筒、鮑魚以及聖子都係高質既味道，新鮮而又清甜。鮑魚雖然不大隻，但厚肉，食落有口感，給人滿足的感覺。！！！記得魷魚筒要煮耐d，唔好太早食...因為腍身點，入味點會更好呢！味道方面每一樣海鮮都索哂個麻辣湯底，海鮮好美味，新鮮但份量就唔算好多！兩個人食都接受到！我仲試到個蒜蓉汁，好好食啊！麻辣同蒜蓉各有各好味！佢地既茶水都係浸過菊花，好清香，非常鍾意，因為食辣野，飲番啲解辣既菊花水成個人即刻減低熱氣呢！🧡🧡至於配料方面「豆卜、薯條、生菜、蘿蔔」薯條比較上最特別同最好味跟平時食脆卜卜既口感有d唔同，比較上似薯蓉既feel，而且可以增加一點飽肚感其次豆卜、生菜同蘿蔔比較大眾化點，但要留意吸辣後Keep住食既話都幾有挑戰性呢。成件事好除咗盆海鮮大咖之外，我地想試其他野食，但已經夠飽！因為辣野都會增加飽肚感呢...整體來說...嗜辣既朋友有福了因為呢間新派川菜餐廳服務、食物、飲品真係幾好幾有誠意，環境不錯好好坐，雖然價格上似係Buffet價錢，但食得出係嚴選地道四川香料用上自家麻辣醬，將地道傳統美食帶比客人。:)多人食的話仲可以試到更大更Chill既航空母艦型既海鮮大咖啊！ 打卡一流！值得一試啊💁…查看更多

最鐘意食麻辣同海鮮既我，見到近排係諾士佛臺新開既辣吧，襯生日正日即刻要同屋企人去試下😍🌶海鮮大咖一黎到個個都嘩，勁大盆鋪滿左唔同種類既海鮮，好狀觀，辣得黎好過癮😍😍 老公唔食辣但又好鐘意食海鮮，所以叫左兩盆，一盆辣一盆唔辣，老公話唔辣都好好味。順帶一提，海鮮底下既豆卜入哂d辣味好正😋🌶鍋巴土豆🥔好惹味，令我食完一粒又一粒，完全停唔到🌶鵪鶉蛋好耐都無食過喇，唔多地方有得食，正呀😋🌶熱鍋串串一串一啖好正，而且麻辣味好夠，一次可以揀十款唔同嘅素菜或者肉，岩哂鐘意食菜既我🙈🌶海星炒飯食完咁多野已經好飽，但見到有海星炒飯食，點都要叫黎試下，咁大個都係第一次食，好得意，海星既味道有啲似蟹膏食完咁多野超飽超滿足，由於我地一早打左去訂位，講左係慶祝生日，我地又點左5人以上既海鮮大咖，所以餐廳就準備左香檳同埋冰粉送俾我地❤️❤️ 超開心超滿足既一個生日🎂 冰粉好好味，酸酸甜甜岩哂食到咁飽幫助消化，女仔應該會好鐘意食😍…查看更多

海鮮大咖 $288一位我哋揀咗有六款海鮮當日有膏蟹 蝦 鮑魚 蜆 貴妃蚌 扇貝膏蟹真係超級多膏😍😍食落仲啖啖肉🤤我哋今次選咗蒜蓉味唔好以為辣吧就全部都要食辣🤣🤣店員放咗喺火上面慢慢煲住黎食非常滋味但要注意由於火比較細要啲時間先會滾返起🤗底部鋪左大量芽菜 薯條 豆腐卜索哂醬汁都係一個新鮮嘅食法🤣熱鍋串串配獨創蒜蓉汁 $128可以揀10款 每款3串😍我哋叫咗萵筍 秋葵 牛草肚 香菇 干頁豆腐 雞脆骨 煙肉卷 麻吉燒 腐皮龍蝦卷 雞郡肝全部都熱辣辣 非常滋味最適合係等海鮮大咖滾翻熱時一邊享用🤤其實係紙巾同濕紙巾…查看更多

之前飲野係諾士佛臺經過見到開左間辣野已經好想試終於約到啦👏🏻間野都幾多人9:30去到都仲滿人...不過有枱埋緊單 等左10分鐘就入得三個人黎之前已經決定要食海鮮大咖反正都係 要食就食8款海鮮😋野食上枱時忍唔住嘩左聲成盆都海鮮 勁吸引🤤因為未試過 就試左小辣先所以唔算太辣但好惹味啊!!特別要講d蟹!!D蟹膏多到爆出黎!!!仲要我中意既硬身蟹膏🤤仲有蝦都係不得了!!係剝左殼架!!! 岩哂d懶人😂食食下發現 Tick左薯粉但盆度漏左同侍應講返 好快就煮返出黎比我地食辣野就係要加薯粉🤤吸左d辣油 真係好好味!!下次要去試下中辣🌶🌶🌶…查看更多

平時去開諾士佛臺都係去下酒吧，好少係呢到食野，估唔到呢度原來有間食中式麻辣野既餐廳，而且幾有驚喜😋! -海鮮大咖 (六款海鮮每位 $288, 八款海鮮每位 $328)海鮮大咖係餐廳最出名嘅食物，基本上每位客人都會叫，海鮮係由廚師每朝去街市揀選嘅，所以冇既定嘅海鮮選擇，今次我地就有蝦、蟹、鮑魚等等。湯底我哋選擇左小辣，辣度容易入口，唔太食到辣嘅朋友都可以食到，唯一可惜嘅係個辣蓋過左海鮮味，所以若果只為咗海鮮而去嘅朋友性價比可能會偏高，但個湯底同辣度真係好香， 好有獨特嘅四川味，鍾意食辣嘅朋友一定要去試。⭐️: 8/10滑溜溜鴨血 ($58)自從係台灣無老鍋食完鴨血之後返香港其實一直好想再食麻辣鴨血，所以今次見到辣吧有鴨血第一時間叫左黎試。呢度既鴨血令我地好有驚喜，唔但只無腥臭味，而且完全吸盡碗中既麻辣湯精華😍，同無老鍋既鴨血有得揮！不過要留意呢個鴨血偏辣，如果唔食得辣但又想試既記住叫多啲朋友陪你食啦！一碗都夠兩至三個人分既。⭐️: 8.5/10熱鍋串串 ($128)呢種串串喺大陸好流行，$128可以揀10款，每款有3串，即係總共有30串。串串有分素食同葷肉兩類，有秘製麻辣同埋獨創蒜茸汁兩款俾你揀，我哋就揀咗獨創蒜茸汁。串串浸左啲蒜茸汁都幾入味，不過一定要趁熱食因為佢本身嚟嘅時候已經係唔係算好熱，放涼左之後啲油有少少擎。不過整體來講啲肉都幾好食！⭐️: 7/10辣吧（尖沙咀）📍尖沙咀諾士佛臺1號1樓#eatingstock尖沙咀#eatingstock中式#eatingstock推薦#海鮮 #鴨血 #串串鍋…查看更多

終於試到諾士佛台新開的餐廳海鮮大咖(6款) $288一位選了蒜蓉蒸煮 唔洗怕辣份量大得很驚人😱有鮑魚 膏蟹🦀貴妃蚌 蜆肉 蝦🦐最值得一讚是膏蟹的膏真的超多🤤👍🏻底部更有薯條 🍟 豆腐卜作配菜😆新鮮有趣🤣之前睇到食評見有人話海鮮有沙都有點害怕但今次完全食唔到沙 都係要親身試下先得餐廳特別設計的濕紙巾紙巾盒 不要想歪呀😂熱鍋串串配蒜蓉汁 $128有十串萵筍 干頁豆腐 香菇 秋葵🤤🤤牛草腫 雞脆骨 腐皮龍蝦卷😆配上熱辣辣的蒜蓉汁 非常過癮❤️餐廳更有提供圍巾避免我們弄髒衣服非常貼心…查看更多