滿屋日本料理

約完又約既團年飯, 終於今晚可以食到喇!原本已經定左黎呢間食, 不過成家人都輪班工作, 好不容易先夾到呢日食個團年飯.之前其實已經幫襯過呢間食店, 以價錢, 服務同食物質素黎講, 呢間的確好值得推介!!!爸爸又好鐘意食刺身, 所以一諗就諗到不如返黎複桌啦~~~今次總算每樣食物都有留影, 比上次影得足D!!!經過上次經驗, 落單已經有晒策略, 因為檯面空間實在太少, 所以今次入單還是逐批入~~食到7-8成先落第二round. 食既時候都唔係咁chur~~先黎刺身部~~ 等左一陣, 職員好快就上左一盤又大又靚既刺身. 我地懷疑, 職員已經預先準備好好多刺身, 因為有D我地冇叫既, 都有黎. but anyway, 黎乜食乜~~刺身款式大概有6-8款, 樣樣都好新鮮肥美~~而且大大件!!沙律, 少少碗, 用黎清清口腔, 都唔錯, 菜類食落都好爽脆.味道雖然冇韓式店咁辣, 不過都OK, 對於一D唔係好食得辣既人黎講, 都可以入到口! at least, 爸爸媽咪都食到!!入面主要係蔬菜類~有豆腐, 菜類等.牛肉鍋: 利用熱辣辣既鍋整熟生牛肉, 湯味甜甜的, 加埋隻生雞蛋入去, 好滑口.煮蜆: 細細份得黎都唔係得個穀, 味道都好鮮甜細細粒容易入口, 而且好甜好軟熟, 好香蕃薯味每隻都唔同SIZE (只隻蠔), 不過味道相當唔錯. 入面有洋葱, 少少薯蓉, 焗完之後, 一口可以塞晒入口~ 可稱 "一口焗蠔"芝士年糕拍得住 "元x壽司"果間既, 熱辣辣, 咬入去好似有流心芝士咁, 好好味.炸芝麻全翼, 唔單只外面鬆脆, 入面仲要係嫰滑既, 肉質唔會鞋晒!! 炸粉唔會好厚, 薄薄一層, 入面既蝦仲係好爽口添食完炸, 再食燒, 外層蝦穀有鹽喺面, 剝左穀都食到D蝦有咸味!迷你size, 唔會一食左就飽晒, 份量好好, 而且D海膽仲要有好多.呢個燒雞翼同樣好味, 佢仲要將一隻雞翼開邊, 一條條骨吐出黎, 食起來好方面, 味道亦醃得好好.呢串牛完全俾佢呃左. 一開始食物上檯後, 我地都冇乜理係咩就食, 食第一啖既時候, 個個都以為佢係羊肉串, 丫, 覺得幾好食喎, 上面又有D七味粉. 諗住再encore la. 搵極都搵唔到有得剔...開始懷疑, 呢個係咪牛呢...之後我地就order一串牛黎睇下. 果然呢串真係牛肉串....但個味道真係好似羊肉, 仲要係好食既添!!! 一個驚喜!!呢份羊架件件都好大件, 而且唔 "蘇", 味道好好.燒板上, 味道唔會太靭, 而且好有牛味~呢個粥係我堅持要叫既, 因為上次食過好好食. 所以今次幾飽都要叫一個再食. 入面仲落足海鮮料, 粥又綿, 又夠味又夠滾!! 推介!!食得太多, 都要食下D菜臨食到尾聲, 仲欠一個鰻魚飯未黎, 但呢個又係好好味, 所以一人一啖都食埋啦, 入面又係落足料, 好香!!!真係食到頂住個胃都想食.最後最後, 真係最後喇! 甜品有哈根大師或者 MovenpicK選擇, 上次食唔到M, 今次一定要再叫! 同埋叫埋D甜品黎食下, 焦糖布甸得!!!…查看更多

今晚我們去咗我們一家都比較鍾意嘅「滿屋」喺尖沙咀嘅分店食放題！由於每次嚟他們都會全場爆滿同有條長長嘅人龍排喺門口！所以我每次嚟都必定會一早預訂！:)他們供應嘅刺身款式種類比較多，同埋非常新鮮！師傅將個雜錦刺身拼盤堆砌得非常美觀，:)賣相非常吸引！油甘魚有好濃郁嘅魚香味，而且非常厚切！甜蝦好大隻同肥美，:)味道好鮮甜！北海道角螺非常爽口彈牙！壽司嘅款式都有好多款，:)不過我比較鍾意黑松露中拖羅壽司同柚子油甘魚壽司，黑松露中拖羅壽司嘅中拖羅肉質非常新鮮肥美同嫩滑，:)而且入口即溶！柚子油甘魚壽司嘅柚子將油甘魚嘅鮮味更加提升，係一個非常完美嘅配搭！:)海膽手卷嘅海膽非常新鮮甘香同軟滑！沙律亦有多款選擇，:)我比較鍾意牛油果日本蛋沙律，牛油果非常香濃軟滑，同鷄蛋夾埋一齊食，呢個配搭真係非常好！:)燒有機日本蕃薯仔係媽媽嘅至愛！他們將蕃薯嘅外皮燒得幾香脆，入面嘅蕃薯肉非常香甜軟滑！:)他們提供嘅款式種類超多！我仲有好多款式未試齊！所以我一定會再嚟食埋其他食物！:)最後每位都有一杯雪糕！…查看更多

第一次今呢間滿屋,見佢出面排晒長龍,好彩book 左位。入到去見個格局幾靚,d位唔會好似吉壽嗰啲咁迫到無得坐咁一來到梗係來返盤刺身先,一來到即刻有驚喜,三文魚腩夠肥美，吞拿魚肥美甘香，甜蝦夠大隻羊架烤得剛剛好,夠肉汁,仲保留淡淡羊羶味👍(羊有羊羶味嘅先叫羊)焗蠔一size ok，但味道一般仲有好多其他野食,但係都唔記得影相 :( 呢度最好嘅係侍應服務超好,見到吉盤即收👍同埋有“齋人”雪糕 …查看更多

滿屋。日本放題，美食滿屋，快樂又滿足、近年我對放題的要求越來越高，一啲無質素嘅放題我已經一定會去食。食得嘅都有番咁上下質素。今次就過海來到尖沙咀食一間幾有名嘅放題。就係呢間滿屋嗱！佢嘅晚市放題時間有兩段，食早段係冇咁多人咖。唔使等位。現在覺得食放題貴精不貴多，就算幾多款式，係唔好食嘅多多都無謂啦！滿屋就好似知道呢個重點，佢嘅野食選擇唔係真係好多，但係每款式都keep到水準！放題當日食過啲乜嘢太多已經唔太記得了。不如我就出盡咁介紹幾種我覺得很高質素嘅食物啦！食放題一坐低第一時間梗係食刺身架啦，都幾似新款式唔算多，三文魚，吞拿魚，玉子，帶子，甜蝦等等，但係當你一睇到送到來台上面嘅刺身船。。。唔係，係刺身龍先至真。你就會見到佢地嘅刺身係幾咁高質素架！每一件既厚度都剛剛，三文魚十分有光澤，夠大片。尤其喜歡個帶子同甜蝦，帶子好鮮甜。甜蝦好大隻呀。另外一個必點嘅就係海膽手卷，海膽夠多而且好新鮮。一睇就知係加拿大海膽絕對係唔係平料！我知道佢每一節都會有一個好特別嘅抽獎儀式，會將當日最新鮮同特別嘅食材送俾大家。活動幾好玩，不過略嫌主持人聲音太細。。當日我哋就抽中左花竹蝦刺身，花竹蝦刺身係我最鍾意嘅剌身之一，係一個好貴嘅食材，又大隻，食落去很爽口！超級好味。一碟花竹蝦值回票價。我仲知道佢地會有些清酒同埋一啲新鮮嘅鮮魚原條刺身成為抽獎獎品。各位食家記得要留意，踴躍參加！佢哋嘅壽司質素都好，飯唔會整勁大舊。上邊嘅刺身做得好仔細，細細件好容易食，最推薦既係芝士蝦，海膽蝦同埋火焰三文魚。佢地卷物都做得比較細件，方便客人可以試到唔同款式。花之戀勁好味喎。另外一樣好想推介嘅就係佢哋嘅炸物。無論係天婦羅，芝士年糕，定係雞翼等等。產品都係做到，熱辣辣，鯨乾油，唔會油淋淋。天婦羅蝦，外層同蝦肉比例剛剛好，唔會成口粉，佢有個炸番薯都值得推介。芝士年糕話更加唔使講啦！必食的，最緊要係外層唔油就會令到我食得更加開心啊。我要推介佢哋嘅炸魷魚圈。炸芝士蝦丸。外脆內軟熱辣辣，佢地真係做到架！每一個炸物，師父們都可以鯨乾油，令到我哋享受到真正食炸物嘅樂趣，罪惡感減少！而另外一個我一個人可以食咗五寸嘅美食就係燒牛舌。薄切的牛舌燒得剛好，彈牙不韌又熱辣辣，加小小嘅檸汁落去，直情係正爆！最後就點埋燒菠蘿，同燒甜薯BB , 我哋一台人，食左唔多有三十條甜薯BB,就知好食啦。其他嘅美食，沙律，枝豆等等都幾好食，仲有個牛油粟米食完停唔到手！甜品原來仲有Häagen-Dazs雪糕，每人一杯，而其他嘅甜品呢就可以任叫，好不錯啊！另外我欣賞呢度嘅點菜，到菜到達時間好短間好知。試影嘅服務質素也很好很有禮貌， …查看更多

尖沙咀新開咗一間滿屋分店今年生日同事就請我去食放題因為同事有訂位，所以去到只係需要排隊入場飲品最特別有黑糖薑茶，好好味，有濃濃的薑味，飲完再飲刺身非常新鮮，而且不是hea的，每件都好厚身仲有拖羅腩，非常肥味，新鮮又好味海膽就只有手卷，不過飯都唔算多，都唔錯燒牛舌好爽口，唔會韌燒蠔不錯，沒有多餘的水份壽司方便，我特別推介黑松露蝦，黑松露好香，味道濃郁燒羊架很有羊味，是我愛的，因為我唔鍾意無羊羶味的羊肉（這是個人口味問題）我平時最鍾意食鯖魚，不過這個有點燒得太乾身炸物非常推介，芝士年糕好好味，好多芝士，炸蠔又酥脆內嫩蟹粥就一般，沒太大驚喜另外要提的是烏冬（掛住食忘記拍照了）烏冬超彈牙，好好味，飽都想食多碗甜品每人可以叫一杯haagen-dazs，有草莓、呍呢拿、朱古力選擇真係十分抵食…查看更多