星洲總廚 (大全街)

營業中

休息中

路經大角咀，心痕痕想搵間海南雞飯食下。我記得我個FD講星洲總廚係12月裝修完，有番海南雞飯，緊係即刻去試試。好好彩門口有個1人位，直接入左去坐，即刻叫個海南雞飯。海南今次好好彩，中倒有雞脾。雞肉肉質好嫩滑，唔算係一隻好肥嘅雞，皮同肉中間油脂肥膏都唔算多。油飯好夠味，色水亦好吸引，係略微細碗左少少。湯係南瓜蘿蔔湯，飲得出唔太有味精味。3款醬我最鐘意都係薑蓉，辣醬反而唔知點解有少少生水嘅味，呢點店鋪可能要留意下。埋單都只係$71 加埋個凍奶茶，呢個質素真係無得輸了。

有一天，路過大角咀，平時大排長龍，那天剛好有位。在星洲菜館，一定先試基本盤，海南雞飯。海南雞飯，一定要配油香飯 $68。雖然雞脾要加錢，但是有時候好彩都會有雞脾送，油香飯好味，好味到要加飯，配咖哩。 傳統小印度咖哩牛腩，這裡的咖哩出奇好食，牛腩唔硬。那天我們叫了兩客，其中一客咖哩配油飯，更好食。咖哩好食，唔夠飯，叫了一客印度烤餅，他們又送咖哩汁。招牌8安士厚切豬扒飯，豬扒，好厚，好脆，好大件，抵食。配油飯都好，這裡的油飯是暖的。飲品有美祿恐龍，其實是美祿。總評味道：咖哩配油飯，更好食；環境：大角咀小店，舒適；服務：店員有禮貌；衛生：可以。喜出望外，出自宋·《與李之儀》：「八年，豈謂復有見日？漸近中原，辱書尤數，喜出望外。」

大角咀真是有好多餐廳，不過星洲總廚始終都是我和草子的首選，因為CP值超高！👍🏻當天我們12點40分來，大約等了10分鐘，就安排入座，全靠熱情有效率的小哥哥幫手他們點餐是用QR CODE下單，真的很方便。我點了招牌豬扒喇沙($64)8安士厚切豬扒，外面脆卜卜，香口得黎肉質又好JUICY。喇沙湯底椰香濃郁，好CREAMY，配料魚蛋彈牙，豆卜吸曬喇沙湯精華，好正!配米粉+油麵，摻摻真是無得輸！😋😋由於天氣炎熱，草子點了海南雞，她選了雞胸，$68雞肉份量很多，肉質嫩滑，油飯味道不錯，真的CP值超高👍🏻

💛星洲總廚·我哋本身其實唔係諗住食呢間架 我哋諗住去食附近既一間拉麵居酒屋 點知佢full左 所以我哋就嚟咗試 點知超級有驚喜 佢每樣嘢都好好食呀🤤·海南雞飯$66 (轉雞髀加$8)大家一定要轉佢個雞髀啊 佢個雞髀超級大份 而且佢係有幫你片走多餘嘅肥膏 亦都起咗少少骨 所以食得超方便 好正😍佢個雞勁嫩 而且好夠味 咬落去超級多汁 我男朋友話個雞皮都唔錯 好滑😏而且佢個飯係勁香 係好正宗個種油飯 夠香得黎唔會太油 呢一個真係超級推薦😋😋·招牌厚切8oz咖喱豬扒飯$60因為呢間餐廳冇乜小食揀 所以我哋最後嗌左2個主食🤭🤭之後我哋勁驚食唔晒 所以就加咗$10轉印度薄餅 好似無咁大負擔😂佢個印度薄餅係偏乾身同埋硬嗰種 唔係泰國嗰種 所以我自己覺得差咁啲 唔夠酥🤔但係佢個豬扒真係超出色 佢每件個肥瘦比例都啱啱好 而且佢係厚切啖啖肉得黎完全唔會un😍😍佢個咖喱都幾有層次感 有啲印度香料味 但係又唔會太搶 勁夾🤤·#rbyeat#rby東南亞菜#rby💛#rby大角咀·📍大角咀大全街57號地下

印象中嘅大角咀從來都只係奧海城, 今日應朋友之約特登入嚟呢邊同佢食lunch, 開始我哋嘅覓食之旅😎由於朋友唔係好熟路嘅關係, 搵搵下路就用多咗時間行過嚟, 奧運地鐵站行過嚟大概要10分鐘時間。過到嚟已經過咗12點, 一啲小小嘅餐廳已經逼滿人, 要等位🙁眼見呢間餐廳比較多位, 就揀咗排佢, 今日就食星馬菜啦! 😋等左10分鐘左右可以入座, 我同朋友都係快手之人, 好快就決定到食乜.. 我叫咗個熱門海南雞飯, 個油飯好香 , 唔算油膩, 啲雞肉質都好嫩, 加$8可以食髀位, 我呢份冇加嘅 分量亦都好夠, 女士們可能食唔晒個飯㗎..朋友就叫咗個馬拉肉骨茶, 加咗$8要豆卜同金菇菜, 佢嘅評語亦都係非常正面! 總結: 可以再嚟幫襯!!

星期六同屋企人黎食lunch, 估唔到星期六都有lunch set. 仲有好多款揀，價錢大約六七十蚊。lunch set會有得揀湯或者野飲，如果想兩樣都要就需要加5蚊今次個湯係粉葛湯，一飲就知係老火湯，好足料。我地有一碗咁岩比得小左湯，個侍應話轉頭比多碗我地，好開心，因為真係好好飲。😆媽咪就叫左個海南雞飯，我試左少少，個飯好有油香味，唔會太油膩。雞既肉質都算嫩滑，份量都好多，食極都食唔完咁。😛我自己就叫左豬扒喇沙，豬扒份量超多！！而且仲係半煎炸，熱辣辣，又林又juicy，不過略嫌有d油。喇沙湯底香濃，入面就有魚片豆卜芽菜半熟蛋。配料既份量都唔少，所以食每啖都有配料。真係好飽，食唔晒。

今次試試依間新加坡野，不過唔係好感覺到有新加坡味道，食完有小小中伏既感覺。無可否認個炸豬排都好淋，味道都唔錯。但其他野就略為失分。本來諗住唔食得太辣試下個烤飯同印度咖哩。唔知係咪唔屬於新加坡的關係，煮得真係有啲唔到家。怪又唔怪得佢既。咖哩得香料同辣味，但無乜味。個烤餅我諗住係印度果啲啦。點知又唔係好同。食落似烤麵包。餅乾味咁。個海南雞就不過不失，雞即肉質都有彈性，唔太差。雞都有啲味。不過啲汁就真係差啲。薑容好似淨係得啲薑味，無調過。個豉油又好單調，好普通。令到整個飯略為失色。只可講依個價錢就真係不過不失。