小糖鈕 (已結業)

好想食個海南雞飯今次終於食到，終於有人陪我食海南雞飯，個油飯勁好食，雞肉好嫩滑，酸蘿蔔同青瓜都好食唔記得咗影吓條toilet key，上面有好多粒鈕好壯觀嘢飲呢，又冇影，我飲latte，海南雞飯加latte，係唔夾，不過我鍾意咁樣，想食咩就食咩，想飲咩咪飲咩🎶🎵 願諒我這一生不羈放縱愛自由..............跟餐個芒果西米布甸，暖暖哋唔甜，軟棉棉，黏黏地，唔hea wo，仲有粒朱古力鈕，好傻咁唸咗陣食唔食得，好食，抵食，撐住呀！…查看更多

好耐之前係元朗食過一次，嗰次淨係食甜品，覺得佢啲甜品都幾精緻雖然元朗店搬咗黎尖沙咀，但水準依然1️⃣香煎帶子柚子沙律（$159）帶子煎得好香，仲要有成三隻咁多🤩西柚食落好清新好正😋2️⃣海南雞飯（半隻）（$180）雞好滑好嫩，份量都好多，仲比咗兩碗飯我地🤣 個辣既薑蓉醬都好特別3️⃣至尊澳洲和牛芝士漢堡（$169）除咗有和牛，入面原來仲有蛋同煙肉🥓，牛同煙肉都煎得好香😋4️⃣柚輪（$98）拿破崙整既圈，入面放咗個柚子雪葩，再加埋西柚做伴碟，賣相超靚😍拿破崙好夠脆，雪葩好夠凍，唔會好快溶，食落夠哂清新🌿…查看更多

This place is located near Tst mtr station and their set lunch is quite good! Lunch environment is not too busy and it is quiet and peaceful! Haiwanese Chicken rice is delicious, rice with chicken oil flavour and chicken is tender and juicy. Set lunch also comes with a soup or salad, a drink and a small piece of dessert! Definitely worth a try …查看更多

這間樓上cafe 己是第二次來! 因愛甜的我被它的甜品吸引差! 今天帶來同樣嗜甜的朋友來品嚐一番!上次沒有機會試這裡的另一名物海南雞飯，今天終於有貨了! 大廚曾在文華酒店工作，海南雞飯 ($80)沿用文華recipe，雞肉香滑入味，每件吃起來啖啖肉，飯粒粒分明而不油膩；配有三色醬料，有豉油，甜酸醬和蒜蓉醬，更添幾分美味，當然醃菜也少不了，私心希望份量多一點呢! 上次點了彼.嘉.君($108)，朋友想試試，故今次再Encore! 這是用上Bailey的蛋糕，芝士香濃幼滑，酒香溫醇；最喜歡香橙酒啫喱，清甜香彈!  另一款是富士蘋果撻($98)，亦有別於一般做法，煮過的蘋果與牛油脆脆分開，圍著柔軟的吉士忌廉，蘋果香甜又保留爽脆口感，伴著冰凍幼滑的雪糕和蘋果乾，口感豐富! 唯一是定價較進取，但食物質素是不錯，想試一些特別的甜品的朋友可考慮看看啊! …查看更多

去完K11想食個小午餐，雙腳好自然咁黎左呢度~小店位於一幢服務式住宅既3樓一推門就覺得呢度係好有童心既一個地方，一幅幅小朋友既掛畫、一大幅彩鈕既牆壁、仲有陽光照耀住窗口一樽樽彩色衫鈕。我地先點份set lunch，見糖鈕海南雞飯係招牌菜，就點了一份。跟餐既係一碗冬瓜湯，材料有夜香花 、冬菇、豆腐，並唔係"例湯"清清咁~好有住家湯既感覺!送上了海南雞飯，爽彈既雞皮喺陽光下更加金黃，雞肉既嫩滑配上三款醬汁。而我最愛係黑豉油，香濃得黎帶點甜雞飯粒粒分明略有高湯既味道，相當滋味!見menu上既甜品好精緻，反正想輕食一吓，就另加一份甜品~柚輪係蜜柚芭菲拿破崙淨係睇相已經好靚好吸引 一個柚子乳酪球喺酥皮圈入面柚子乳酪質地比雪糕更實淨可以放喺酥皮上，加埋旁邊既鮮柚子感覺好清新!!而跟餐嘅甜品係一份黑松露cheesecake，一啖入口，黑松露既香濃味隨之散發出黎，不禁靜止了一口氣細味品嚐~ 估不到一間樓上cafe 既甜品賣相同味道可以咁突出~ 就算只係跟餐既一件小甜品都感受到小店既心思!!最後點了杯Bubble drink既蜂蜜桂花茶，亦隨住輕煙送上，原來bubble就係"booboobooo"的氣泡意思，飲起來既蜂蜜滋潤又帶桂花既清香!…查看更多

星期六出想尖沙咀睇戲前想食lunch，見到呢間樓上餐廳好似幾cute咁就去睇睇有咩食😋以為係甜品舖，但原來都好多lunch set揀，啱哂本身麻麻地食甜品既男友🤣呢間餐廳喺service apartment既入口入，的確本身唔太吸晴上去。但一入到去就覺得佢裝修佈置到好homey，又有啲似cafe咁。佢以衫鈕為題，周圍都用鈕去佈置，好多打卡位🤗以為得個靚字、對食物唔算好期待。店員好細心咁介紹佢地既野食、推介我地試佢既海南雞飯🐥跟個雞湯同花茶餐飲都係80蚊，唔貴wow😯另外揀左日式咖哩吉烈蝦飯，店員就話呢個可以揀南瓜🎃湯或沙津。沙津同湯先黎，男友話個湯飛左啲油，有誠意既製作。沙津都好足料、有鴨胸肉🦆生菜同蕃茄仔🍅份量適宜。海南雞飯賣相好靚！首見先到佢啲雞、菜心同啲配菜都切得好靚同擺得好有心機👏🏼飯🍚一啲都唔會好油膩，但又有椰香同雞味，既好食感覺都好健康！而且冇骨海南雞都唔會好多肥膏🤣估唔到一間小小既樓上餐廳會有咁用心既製作！😋👍🏼日式咖哩吉列炸蝦🍤飯🍛都好食，個咖哩唔算好辣都好惹味，咖哩入面都有好多配菜，足料同有誠意之作！👏🏼炸蝦就有3隻，唔算好大隻但啲蝦肉都幾彈，製作認真😋本來跟餐都有個甜品，店員好貼心咁話如果想試餐牌既甜品可以照叫，唔食既跟餐甜品可以照減返錢👍🏼我地就揀左個富士蘋果撻用皮切條再烤乾嗰塊「皮」好香脆，有肉桂味既蘋果🍎撻身果肉好香好juicy，仲有啲吉士醬、crumble同vanilla雪糕🍨，配搭得唔錯。不過crumble有啲甜同硬，如果可以再撈多啲餅、再鬆脆啲就更好。整體黎講呢餐食得好滿意，食物製作用心、店員又好有禮貌👍🏼🤗🤗…查看更多

今朝要處理啲公司野出左黎尖沙咀，跟住就去醫下個肚啦😁下午一點左右黎到呢間餐廳，佢開係一間service apartment樓下，幾得意😅入到黎覺得裝修好特別，以button做主題，色彩繽紛，感覺都有活力啲開心啲，連天花啲燈都好花心思😁叫咗一個西冷牛扒薯菜配南瓜忌廉湯，海南雞飯 配雞湯，甜品叫咗個柚輪個南瓜忌廉湯幾滑，幾creamy，唔錯👍西冷牛扒啱啱熟，唔會韌，個薯角外面好脆，焗得好夠味， 仲有啲香草，幾出色👏雞湯清清地， 有啲豆腐，冬菇同椰菜，特別既配搭😂海南雞飯配有三款醬汁，個飯有少少雞油味，雞都算滑而個甜品呢，外面個圈係拿破崙，中間係酸酸地偏硬身既芭菲，感覺幾得意幾清新，唔會太膩既甜品，好少見😀呢間樓上餐廳都幾花心思，幾有創意🙌…查看更多

之前係依棟大廈食其他餐廳嗰陣，見到依個小糖鈕，個名好特別今次lunch time就同朋友過嚟試一試一入到去就見到好多同鈕有關既裝潢今次被安排坐窗邊，都有好多特色擺設牆上仲掛左好多畫Menu既封面都係以鈕為主😂Lunch menu價錢唔貴，配埋湯同嘢飲，仲免收加一今日係南瓜忌廉湯同煙鴨胸沙律南瓜湯好creamy，味道好濃郁仲食到有少少南瓜蓉沙律菜好新鮮，配上個酸酸地醬汁，好開胃玫瑰荔枝特飲玫瑰味幾出同幾香又唔會太甜，解渴一流:)朋友既green tea latte:)好細心咁將糖漿另上，咁就唔怕啲甜度唔啱自己啦終於上主菜我既安格斯西冷牛扒肉質唔會鞋，醬汁調味唔錯值得一讚係配菜好豐富，而且唔會馬虎，都係用心之作我好鐘意個粟米，好香之餘，仲加左牛油朋友既海南雞飯三個醬汁入面，我最鐘意嗰個甜醬油，配飯一流，食多兩碗飯都仲得雞件唔會太肥，仲有雞翼同雞鎚每人一百蚊多啲，價錢都還可以同埋依到既服務真係好好，老細會好nice咁同人傾計偷聽到隔離枱好似係熟客嚟係一間用心既餐廳今次lunch time趕時間，唔得閒試甜品:(下次會係其他時段嚟試埋佢啲甜品，睇menu覺得好似幾吸引…查看更多

難得放假，帶著輕鬆的心情到外走走，午飯的時候，再一次來到這個著名的鈕。走進店內，店員安排我坐在柱子旁的位置，窗外的光線，帶點柔和，照著餐廳的角落，令人放鬆下來。吧枱的一邊，除了擺放著各種飲品用的玻璃杯，也有小食可選購，而天花上的吊燈，非常配合這餐廳的名字，同時很有自己的特色。今天的午餐雖說只有海南雞飯，當然還可以選擇其他，反正也特別鍾愛海南雞，於是就要了一份，餐牌還註明：「忌、唔食甜品就走」，令我有點期待。只等了約數分鐘，湯已先送上，海南雞飯也隨之由另一店員送上，非常有效率。湯底顏色清淡，看來是個清湯，湯中有蔬菜絲，豆腐粒，冬菇片，湯入口清甜，當中帶點點鹹味，味道剛好，感覺不錯。雞皮雞肉看上去有點點反光，明顯不會乾，看來應該很不錯，飯粒帶點點黃，不是很深的黃，飯粒很有份量，可是看不到有油光，蔬菜放於雞肉之下，應該會吸收到雞油，不會太乾。先吃一口飯，入口乾，沒有油飯的感覺，帶點薑的味道，又有著香茅的香氣，這個味道非常特別。再吃雞翼，雞皮香滑，沒有很乾的感覺，雞翼中的雞肉口感不錯，再吃雞胸肉，肉質很嫩滑，沒有過熟的情況，雞胸部份已去骨，方便食用。有個沒穿制服的走來，該是店長，問及我覺得這個海南雞飯味道如何，看來是想了解食客對食物的感覺是否滿意，告訴他我的口感，也細心說明做法。經店長的解釋，才知道飯中除了有薑和香茅，還帶點點味道，就是雞湯煮飯的味道，伴碟的調味品也是自家制作。平時不愛用調味品，店長說是自家制作，那就試一點點，薑蓉的味道很香，卻不辣，與雞一起吃，的確令雞肉更為香口，辣椒醬入口先有點點甜，再走出辣味，很有層次感，很意外地有著這個味道。飯後，店長親自送上甜品，是一份小小的紐約芝士餅。芝士味香而不濃，入口香軟，雖未到入口即溶，但在口中漸漸地溶化的感覺反更吸引，令芝士香味停留在口中更久，而那粒小小紐，是朱古力糖，香而不濃的味道，正配合這個芝士餅。店長再次走來，問我是否要杯咖啡，可是今天不想飲咖啡，於是店長給我看看飲品餐牌，會否試下Bubble Drink，即是會放出「煙霧」，聽來很特別，於是要了一杯香檸薄荷梳打(Virgin Mojito)。送上來時真的很特別，滿滿都是綠色的薄荷葉，同時又散發著「煙霧」，當然就是杯中加入乾冰的作用，杯墊是綠色的鈕，整體非常突出。香檸薄荷梳打，薄荷葉香氣，再配上青檸點點清香，非常合適這個炎熱又潮濕的天氣，令人精神震作起來。薄荷葉浸得越久，香味越濃厚，乾冰作為冷卻作用，不會令味道變淡，影響香味及味道。這個悠閒的下午，在這著名的甜品店中，可品嚐這個用心而又花功夫制作的海南雞飯午餐，以這個制作方法，不得不花點時間，細心品嚐，同時又品嚐到這個獨特的飲品，的確可令人放慢腳步，在繁忙的都市中稍作休息。…查看更多

個人比較喜歡搵d上樓鋪， 因為通常都會比較有心意同心機， 呢到感覺幾特別因為好小餐廳色彩豐，好似小朋友嘅糖果屋咁，食都食得開心。 雖然佢主打食甜品， 但發現原來都有lunch set, 好啱幾個同事傾下計relax 下，而且d 餐都好健康。午餐有湯，仲有甜品同花茶， 叫左個比目魚柳伴薯菜魚柳煎到剛剛好，真係煎到皮脆肉滑同事就叫左個海南雞飯今日係玫瑰花茶， 清新食完正餐仲有個好精緻嘅甜品一流，是日dessert係士多啤梨水泡餅廚師好有心機，成個set精緻到以為自己去左酒店食tim, 加上lunch比cash仲唔收加一，呢個价錢酒店水準，抵過去茶記la…查看更多

今日約了位舊同事食晚飯！好想跟她好好的傾下計。 知她今天需在尖沙咀工作， 特意訂了間有晚飯食，又有甜品的餐廳。 不用走來走去嘛！ 雖然是樓上鋪 ，但門口有招牌指示 十分易找。 一進入餐廳， 已有很多人用餐 好彩我們一早訂了枱雖然人很多， 全場坐滿人 但空間感十足，不會覺得太擠擁講野亦不怕給隔離聽到🙈餐牌是中英對照， 怪不得後面坐了一枱外國人啦！我和朋友看到別人的海南雞飯好似好好味， 就跟隨他們叫了一樣的侍應告知 海南雞飯是招牌菜， 雞湯用雞骨煲姜蓉 醬汁是自家調制海南雞飯到先一試湯 ， 清甜，不油再食一啖雞  嫩滑無骨 啖啖肉 再加上甜黑豉油很好送飯少女當然要來份甜品作結尾甜品都有好多款 款款都咁吸引人 點算？ 最後 ， 我選擇了早春 和歌山士多啤梨莓玫之霧好似好浪漫喔⋯⋯甜品送上， 侍應細心地問，需要影相或拍片嗎？即時拎電話出來 影住乾冰噴出的煙 圍滿碟。 看已經很開心最驚喜的是 原來乾冰竟是玫瑰花香氣 跟隨乾冰煙聞到頂是士多啤梨棉花糖 造型特別口感得意和歌山 士多啤梨整成蓉包住QQ棉花糖食完之後拎開玻璃杯 有朵玫瑰花瓣造型的薄脆 配花香士多啤梨布甸質感細滑 唔會好假既感覺而布甸上的士多啤梨肉 更有玫瑰的花香味大大的滿足！…查看更多

終於可以去睇期待已久嘅《與神同行》，但係我男朋友仲未放工，就唯有搵個地方hea，行下行下就見到一間service apartment 入面有間甜品店，所以就打算入去食住下午茶等埋男朋友。估唔到呢度除左有甜品食之外，仲有正餐。所以我就叫左一個海南雞飯同一個甜品等男朋友黎一齊食。海南雞飯通常出去食海南雞飯，都係得脾、背、翼其中一樣，而呢度竟然每個部分都有，等我地唔駛為爭食而大打出手😂 而且海南雞飯質素都唔錯，肉質唔會太“鞋“。神秘甜品原來神秘甜品係由三款小甜品合併而成，分別係番石榴慕絲+橙肉金寶+香蕉芭菲併朱古力brownie。番石榴慕絲口感幾滑，配上番石榴果肉，令一向唔鐘意食番石榴嘅我都有對番石榴改觀。橙肉金寶不過不失，但好處係相當足料，有橙肉同西柚肉係中間。香蕉芭菲併朱古力brownie，brownie 好好食，充滿朱古力味，而芭菲味道普通，同一般芭菲一樣。…查看更多

上個星期日去完尖沙咀的GU Christmas Party，下午茶時間想吃點鹹又想吃點甜的，於是就來到小糖鈕甜品專門店。內裡裝修色彩繽紛，童心未泯，環境寬敞，坐得舒服。下午茶餐有甜品和鹹食，提供一人和二人套餐。海南雞飯 $80油飯偏向乾身，粒粒分明，不會太油膩，滲進絲絲薑黃香。金黃油亮的海南雞於上桌時已去骨，食時更方便，雞肉肉質嫩滑，雞味濃郁富有油香。隨餐附送的雞湯熱氣騰騰，湯頭清而不濁，浮油不多，調味亦不會過重。小小糖鈕拼盤 $98賣相精緻優美，糖鈕裝飾呼應餐廳主題，而且可以一次過品嚐三款甜點，絕對可滿足我這些甜食怪 XD富士蘋果撻清甜的蘋果撻滲滿肉桂香氣，配上焦糖果仁及雲呢拿雪糕，口感層次更豐富。70%特濃朱古力杯 作為朱古力控，全個拼盤中我最喜歡這款， 朱古力味香濃醇苦，慕絲質地柔嫩軟滑，配合鮮橙啫喱，酸酸的果香讓甜度恰到好處。玫瑰荔枝草莓燉蛋粉紅色的燉蛋加上玫瑰雕花極盡優雅，燉蛋入口綿柔，酸酸甜甜的荔枝草莓味道清新，玫瑰花瓣略帶脆口，散發淡淡玫瑰幽香。餐飲選了熱檸水。…查看更多

某日跟弟弟的識食女朋友說到這間人氣甜品店，原來由元朗搬到尖沙咀，碰巧要到樓下吃午餐，就一併來潮聖小糖鈕的有很濃厚童真氣息，四處掛滿色彩斑爛的水彩童畫水吧則有童話裡的紅磚屋感覺餐牌也是貫徹色彩繽紛的風格呢！而我一直以小糖鈕只有甜點吃，原來也有提供其他餐單，包括小食、飯、意粉因爲午餐沒吃到意粉、飯之類，媽媽好像沒吃飽😂於是為了令她「有飯到肚」就點了一份海南雞飯套餐跟餐的前菜是紅菜頭沙律，紅菜頭經煮過，少了草青味，質地較稔，配黑醋汁很開胃而餐湯不是一般冬瓜湯，而是雞湯色澤較深，口感不像一般雞湯油膩，很清甜海南雞飯的油飯也是小糖鈕的特式之一！這裡的雞油飯是雖有油香，但較乾身，帶有薑味的吃罷一份也不會有罪惡感，配雞的醬汁也很清爽。更驚喜的是伴碟的醃蘿蔔、冬瓜，酸甜的味道非常醒胃，而且爽口果然是非一般醃菜壓軸登場的當然是是日主菜-甜品拼盤一登場一刻已很吸引眼球👀無論是伴碟裝飾、朱古力糖鈕、還有杯中甜品都很精緻！這根本是藝術品吧！首先一定要介紹今天的冠軍Signature：小糖鈕森林🌲🌳🍃🍁💐🍄純潔白的小蘑菇上滿佈黑色的點點黑松露，白蘑菇蓋是甜甜的蛋白餅蘑菇莖部是松露口味的忌廉，盆內的是橙香Creme Brûlée，再配精緻的朱古力和燕麥裝飾。可愛的蘑菇裡每一口都吃到濃郁的松露香配上橙香味的Creme Brûlée 層次更豐富小小一杯已非常滿足！再來是二號黑馬佳麗奶茶麵包布甸，為什麼說是黑馬呢？因為這是隱藏版甜品，由甜品師傅隨機放到拼盤內的！ 麵包布甸吃得多，奶茶口味卻是第一次吃，原來當濕潤的麵包布甸配上紅茶香和奶出奇地夾！表面再放上Movenpick 皇牌雲尼拿雪糕更是甜美最後一號佳麗是壹芝兩味，底下是Tiramisu杯，上層則是Frozen Tiramisu，有點像吃芝士味雪糕，中間夾著脆米朱古力:)非普通的Tiramisu，但喜愛不平凡的我，早被前兩位佳麗奪去芳心私心上沒那麼喜歡啦！但整份甜品也充滿驚喜吃完總算滿足了體內的甜品怪獸*後記： 有眼不識泰山，原來甜品師傅曾在半島及文華東方酒店任職餅廚，怪不得每件都充滿藝術氣息店員細心推介甜品，還有不少捧場客由元朗追到尖沙咀啦！…查看更多

今日同朋友去sogo血拼。。血拼前當然要先醫飽肚。。。知道小糖鈕由元朗搬了來尖沙咀開店。。。之前係元朗分店我都食過幾次。。覺得這間甜品好有水準。。。。。所以今次到尖沙咀決定再一次到新開的小糖鈕感受一下。。這幅牆很有小糖鈕的特色。。。這裡不論格局，檯，椅子，等都是原有的風格。。而且老闆跟之前一樣都是十分風趣有禮。。。很喜歡這裡親民的感覺。。很親切。。很warm尖沙咀新店環境大了很多，更能容納更多的食客。。。而且現在除了甜食外，還有熟食的lunch menu跟dinner menu...是日的lunch menu..都有不少選擇。。仲有不同飲品可以選擇。。我點了一杯玫瑰荔枝蜜桃特飲。。朋友點了一杯熱的小糖鈕蘋果薑茶我點的特飲賣相很好。。因為一來時。。不停出煙。。十分有趣。。而且賣相精美。。粉紅色又帶點香甜的味道。。因為內有乾冰。。所以不停散出白煙。。像是活在仙境當中。。很夢幻影相一流。。而且味道又很好。。甜甜的蜜桃味。。仲有玫瑰清香。。很fresh朋友的薑茶都很暖心。。熱熱的薑茶飲品很適合這個天氣。。飲完整個身都會暖和。。而且加上了有蘋果味。。更易入口。。我們點了一客海南雞飯。。一客焗鱸魚配飯兩款食物味道及香味撲鼻我點的海南雞飯有個湯，海南雞，油飯，當然仲有靈魂醬汁湯內有豆腐粒和菇。。清清的。。雞件滑而啖啖肉。。。真是很正而且配上了自己喜歡的醬汁來吃。。。真是十分滋味。。。很喜歡這裡的雞件大大件。。。而且份量都不少呢。。而且不油膩。。很好味濃濃的雞香。。又沒有多餘的油份另外這個飯我都十分喜歡。。。因為一般的油飯都較油。。但這的飯較為乾身。。。粒粒分明。。。但又充滿香味。。。不會食到成口油朋友的焗鱸魚都十分滋味。。鱸魚厚肉。。很滋味。。。魚肉很綿身。。。而且跟這個白汁十分配合。。。不知不覺都可以把整個白飯輕易食光了。。食過正餐後。。lunch menu跟上了是日甜品是日甜品是熱情果芒果肉撻賣相很精緻。。。吃起來時吃到熱情果酸酸甜甜的口味。。再吃到芒果肉粒。。帶點甜味。。而且果味十分濃郁。。很滋味。。。雖然只是一個小小的撻。。但這客有心思的甜品。。的確令我們這一餐劃上一個完美的句號下次再要來吃吃小糖鈕的甜品不論之前在元朗，還是現在在尖沙咀。。。餐廳依然用心製造食物。。。我作為食客每一次都吃得飽飽又滿足的離開:):)…查看更多