天泰泰式海南雞外賣專門店 (已結業)

朋友成日都話呢度的海南雞好好食 今日lunch就跟佢過嚟呢度試吓先.呢間叫海南雞外賣專門店 但係唔好比佢個名呃左 其實佢係有得堂食的🙈 我哋一去到 同職員講話喺度食 佢就即刻幫我哋開咗張枱仔了由於店舖很小 所以我地就係咁坐的了 一坐低職員就俾咗餐牌 餐具同熱水我哋 我哋睇得唔使點睇 直接叫咗兩個例牌海南雞飯😎買飯會送湯或者嘢飲 我哋都揀咗湯 湯入邊有一舊冬瓜同蔥花 我哋都冇即刻飲哂 用嚟一路食飯一路飲少少海南雞飯黎喇 d 雞份量都幾多 切得大大舊 抵食 啲雞真係做到好滑好滑 d肉一啲都唔鞋 識食嘅話 食雞一定係連皮食 而我呢碟每舊雞上面都會有雞皮 我好喜歡呀 🤩🤩 啲飯好明顯見到係黃色 不過食落就唔會好重雞油香味佢會俾埋右上角嗰兩個醬你點雞 一個係豉油一個係辣醬 建議可以將兩個醬Mix埋一齊再用黎點雞 咁就一啖可以食到雞味鹹味同辣醬味 好食好多呀…Read More

又去左新北江食野揀左食海南雞飯 係日本城附近食飽啲 因為去行山黎到 當然食最岀名既海南雞啦同以前一樣咁好食 但鋪頭名好似唔同左 唔知有無轉手雞肉嫩口 就算係雞胸部位 都唔會[鞋]油飯 乾濕度適中 又香口 絕不會食到你成口油個醬汁先係成個飯既重點佢係有2個醬 一邊係甜豉油 一邊係辣醬我覺得將2個醬溝埋係最好食 所以叫左個姐姐俾多個碗我 介紹左呢個食法俾個 Fd 佢都話咁樣溝埋最好食海南雞飯 可以跟青檸水呢啲但因為我地買左貢茶飲 所以揀左湯知道佢地係用啲雞殻再加冬瓜燙 好足料但以前每碗湯 都有一隻雞腳加冬瓜今次雞腳消失了 😫😫😫…Read More

係新北江商場搵食，要調整一下心態，要接受擠迫的環境，也要接受次一點的衛生（其實旺角舊區可能差不多）。當這裡大部份食肆都逼在一條窄窄的，人流又多的通道側（連大大個綠色垃圾箱也在那條通道經過），這食店的位置間值是天堂（只對食客而言）。這食店打正旗號，賣泰式海南雞，雞件也算夠滑，溫熱度也感覺到是經過湯水滾過的，相信是海南雞的煮法，不錯。但那雞油飯就好一般，那個飯的顏色令我覺得有點怪怪的，可能因為唔均勻，食落望落都沒有油的感覺。海南雞還有一重點，就是點雞的醬。那個辣的，降低一下要求，算它合格吧，但那個黑醬油就真的哈哈～只用豉油～這個就欠點誠意啦～…Read More