泰妹餐廳 (置富嘉湖) (已結業)

友人最鍾意食泰國菜， 元朗嗰啲佢又食厭曬。 天水圍呢間開咗冇幾耐， 就同佢黎試下~menu簡易明白，多款選擇😀先黎飛天通菜， 話明飛天當然係想辣到你飛天😈 唔想食辣唔好揀飛天呀😏生菜包，多生菜，唔驚唔夠包🤭~唔覺得熱氣嘅炒金邊粉😎青木瓜沙律🥗開頭食唔知係咪食咗隻辣椒辣到標眼水😅斑蘭葉包🐣第一次食~平時都唔會叫嘅小食~ 連埋啲斑蘭葉一齊食幾特別😗泰式奶茶比港式奶味冇咁重🥛呢個都算健康熱飲~有埋薏米去濕☺兩個人食到飽飽😛三百幾蚊~

銀座裝修之後都有一段時間無過黎喇~話說媽咪早幾日去銀座果時見到有間泰國菜，所以相約我一齊黎試下好唔好食~其實黎之前有d驚驚地係伏，因為同朋友講開電話，佢話開張之後佢黎過食，d野好難食......但約左媽咪，唯有照去啦。去到見到裝修都幾靚，店員帶我去左卡位坐低，仲諗住問佢拎餐牌果時就望到旁邊有一張好大既餐牌老花都睇到....我地果日嗌左幾款野食，唔可以話好好食，但都唔係難食架喎~~串燒拼盤因為媽咪唔想食串燒牛肉，所以我地同店員講左要豬，雞各3串點知黎到比左4串豬我地..不過算啦。好彩佢好食啫...d雞肉葉得好入味，豬肉都唔鞋炸蝦餅呢個蝦餅熱辣辣炸出黎，好香口，好彈牙泰式蝦炒金邊粉呢個可以話係成餐最唔好食既一樣野，但佢又唔可以話係難食，只係味道太淡。唔多夠味到我地要用串燒d沙嗲汁去撈呢個粉......馬拉盞炒椰菜苗呢個菜炒得好野味，好香不過略嫌個菜炒得有少少硬，再林番少少就good 喇！

慶祝朋友生日，知道天水圍開咗間泰國菜一於去試吓先，七點半都好多人等位，我哋都要等左三個字到，座位闊落，環境感覺乾淨光猛，頭盤梗係叫泰式生蝦刺身$88，生蝦大隻，新鮮爽口，配合泰國辣醬簡直係一流，小食我哋揀咗串燒拼盤$98，有雞豬牛，配合個類似花生醬好好食，串燒熱辣辣，香葉肉碎生菜包$68，味道好惹味，辣辣肉碎配上脆口生菜🥬，層層疊蒜蓉包$38，香脆軟熟，好香牛油味，蛋花黃咖哩軟殼蟹火山包$148，推介黃咖哩好香而且味道吾辣，重椰汁味，軟殼蟹炸得香口，麵包焗得香軟，泰式煎蠔仔餅$88，粉漿炸得香，蠔仔大隻，泰式蝦炒金邊粉$78，蝦彈牙，金邊粉酸酸甜甜好開胃，再配合青檸梳打$28，感覺好清新，再叫泰國特色嘅嘢飲香茅蝶豆花檸檬梳打$28，顏色好靚好吸引，再叫個大大個棷青$38，蜜糖洛神花熱飲$28酸酸甜甜，上菜速度快，舒適一餐