新泰東南亞餐廳 (馬鞍山廣場)

今日好難得入馬鞍山 知道呢度有間泰國菜好正 之前去灣仔都食過新泰 果陣已經覺得好好食一定要再食 估唔到馬鞍山呢間仲大 環境舒適 食得開心坐得又舒服😌 睇餐牌又係好多嘢都想食 今次我哋三個人叫咗好多🤭🤭🤭 泰式柚子蝦沙律 $98呢個柚子沙律有蝦仲有墨魚 醬汁調較得啱啱好 酸酸甜甜作為開胃菜一流👍🏻 串燒沙嗲（雞牛豬各2串） $88串燒好香 肉質唔會燒到乾晒 加埋沙嗲醬好好味😋 南瓜焗咖喱海鮮 $148蒜蓉包 $32印度薄餅 $32 先講南瓜焗咖喱海鮮😛 一拎上台已經覺得一定要打卡 滿滿嘅咖喱醬入面唔知有啲咩海鮮 邊食邊估都幾有趣😆 仲有兩隻超大青口 厚身又多肉好味呀☺️ 印度薄餅同埋蒜蓉包基本上係食咖喱必備 一啖一啖好快清晒 食到最後仲可以食個南瓜 不過好飽刮咗少少黎試下 都幾甜😬 泰式蝦炒金邊粉 $108上面包住嗰層蛋絲 一開始都唔捨得整爛佢😂 未撈啲粉已經見到隻大蝦起面 炒得好香好好味😋 泰式烏頭 $188重頭戲要來了🤩 好耐冇試過食泰國嘢係會叫魚黎食 今日朋友突然間話好想食 咁就叫啦☺️ 烏頭既肉大大嚿 佢嘅湯係好鮮甜 點埋嗰醬酸酸甜甜咁好好味😛 同埋唔驚佢會好多細骨 啲骨都好明顯好容易就成條拆咗出嚟👍🏻 椰青沙冰 $58呢個真係必點😬 唔係好多食泰國嘢嘅地方都有椰青沙冰 打咗啲椰青肉同埋沙冰一齊 唔會太甜清清地好好味🤤 椰青 $45另外兩個朋友都叫咗椰青 大家都覺得食泰國嘢都係要飲吓椰青會更加有泰國感覺🤣 整體來講 新泰東南亞餐廳 環境舒適 食物高質 員工又好nice 同埋本身想試埋佢嘅甜品拼盤 但今次真係叫得太多太飽喇😆 所以一定會再黎食呀😬 大推👍🏻…查看更多

位於地鐵隔離的商場,超方便. 平日來到已經好多人,😱full booking. 幸好我們book了位, 😚要不然就要等位. 不過餐廳好大, 好闊落, 坐得舒服. 😚環境也很有泰國feel, 門口和內部裝潢, 配上大大隻的泰文,加上泰藉的職員,有如身在泰國. Menu 選擇好多, 全部也很想試.🥺💠泰式蝦炒金邊粉🦐🍝 $108𝙋𝙖𝙙 𝙏𝙝𝙖𝙞 𝙁𝙧𝙞𝙚𝙙 𝙏𝙝𝙖𝙞 𝙉𝙤𝙤𝙙𝙡𝙚𝙨 𝙬/ 𝙨𝙝𝙧𝙞𝙢𝙥 𝙞𝙣 𝙖𝙣 𝙊𝙢𝙚𝙡𝙚𝙩必試!! 賣相好靚. 🤩上面用了網狀形奄列包著金邊粉,裡頭有蝦, 份量多又大隻又多肉, 超好食. 金邊粉不乾身, 加入青檸汁, 酸酸地好好食.👍🏻👍🏻💠串燒沙爹 (雞, 牛, 豬) 6串 𝙎𝙖𝙩𝙖𝙮( 𝙥𝙤𝙧𝙠, 𝙘𝙝𝙞𝙘𝙠𝙚𝙣, 𝙗𝙚𝙚𝙛) 🐓🐂🐖🍢$88有齊3款肉, 3隻都好好食呀, 好嫩滑.雞肉味最特出,配合沙爹醬一齊食更野味.😋😋💠泰式甜品小拼盤 𝘿𝙚𝙨𝙨𝙚𝙧𝙩 𝙋𝙡𝙖𝙩𝙩𝙚𝙧 $88試到4款不同口味的泰式甜品. 好喜歡黃色那款, 😍雖然不知道是什麼口味, 但好好食, 好煙韌, 好似食糯米糍的口感. 椰汁西米糕跟西米露味道一樣, 入面還有栗米粒. 千層糕口感好似食布甸.🤪…查看更多

雖然馬鞍山成日比人話係個美食沙漠，但其實認真發掘下都係會搵到好野食，就例如呢間泰國菜餐廳😋🍍泰式菠蘿炒飯($118)炒飯用四分三個菠蘿裝住上台，只係睇個賣相已經覺得好吸引，而入面嘅炒飯更加係令人感到surprise~炒飯同平時食開嘅中式炒飯唔太一樣，佢加左提子乾、臘腸、蝦同菠蘿粒，大概係因為加左菠蘿汁的關係，食落仲會有淡淡的菠蘿香味🤤隨炒飯送上的，仲有一碟肉鬆同炸腰果，加落個炒飯上別有一番風味🦐泰式蝦炒金邊粉($108)朋友話咁大個女未食過金邊粉，一於叫個比佢試下，金邊粉上面有個用蛋煎出黎嘅網，令成個賣相瞬間加分左唔少金邊粉酸酸甜甜，最岩呢個炎熱的天氣食，夠曬開胃，蝦仁大隻而爽口，再加埋旁邊少少花生碎食，滿分💯~🥥🍧椰青沙冰($58)呢間餐廳的飲品主打係沙冰，menu上的沙冰口味選擇幾多，原本想同朋友一人叫一個味道試下，但環視四周發現唔少人張枱上面都有個椰青沙冰，好奇心驅使下，決定同朋友一齊share一個椰青沙冰沙冰上台嘅時候，同朋友都不約而同咁哇左聲，因為椰青好大個，而且沙冰堆到好高好滿，完全足夠兩個女仔share~沙冰的椰青味道好香好濃，飲得出真係用椰青水製作而成的沙冰，而且沙冰好綿好滑，入口即溶，飲到最底仲會食到少少椰肉~至於環境方面，餐廳裝飾好精緻，佈置得幾有東南亞風，我同朋友被安排入座沙發式卡座，坐得好舒服，而且店員都超nice，一入座就會主動上前幫手倒兩杯暖水，而因為卡座同地面之間有個台階，起身之前店員仲特意提醒我地要小心💕好sweet…查看更多

好耐冇一家三口出去商場行吓，今晚興起去咗馬鞍山廣場，個仔最鍾意旋轉木馬附近個影相位，成日有新嘢!行到攰搵嘢食，原來有間手3¹1東南亞餐廳，食過尖沙咀嗰間好好味，所以決定入去試吓!座位好舒服，光暗適中，侍應有禮貌，未食已經有好印象!“鴨肉生菜包”微微辣，夠惹味，連包3個嚟食!“越南鮮胡椒炒牛展”第一次食呢個菜式，好特別，送飯一流，所以立即叫咗一碗，牛展重點係唔可以硬，呢度夠淋入味，KO碗靚仔!“腰果芒果炒雞丁”最啱個仔，有芒果有腰果仲有雞肉，酸酸甜甜夠開胃，唔錯嘅配搭!“泰式蝦炒金邊粉”，上枱個賣相靚到不得了，估唔到係炒金邊粉，食落亦好好味，食咗碗飯嘅我都食咗兩碗!“鹹檸七”就唔算好但正常!“椰汁冰”太座話超好味道，連唔太嗜甜嘅佢都讚，應該唔錯!有咗呢間就唔使再去尖沙咀食喇!…查看更多

馬鞍山新開左間泰國餐廳，朋友成日話馬鞍山餐廳選擇少，既然有新開的食店，當然要去試一試新餐廳的水準。餐廳環境富有泰國特色，擺有多款泰國裝飾，充滿泰國風情。睇下餐牌食咩先，食物種類都幾多。我地左揀右揀，最後揀左馬拉盞通菜($75)，馬沙文牛腩($88)，泰式蝦炒金邊粉($108)，泰式炒青口($108)同埋鐵板蠔仔炒蛋($98)，飲品就揀左三色冰($38) 同埋泰式奶茶($25)。等左一陣，食物就送上了，馬拉盞通菜($75)鹹香可口，微辣惹味，通菜新鮮爽脆。馬沙文牛腩($88)咖喱香濃，牛腩夠入味，煮得夠淋唔會太韌。很喜歡這個馬沙文牛腩，惹味得黎滿滿椰香，唔會太辣，味蕾一大享受，推薦俾怕辣的朋友。泰式蝦炒金邊粉($108)賣相一流，格仔蛋花包住d金邊粉，人未食相機先食。泰式蝦炒金邊粉分量足，味道酸甜相配，不錯。泰式炒青口($108)，本來我地揀左泰式炒花蛤，不過侍應話今日花蛤質素一般，建議我地轉青口。幸好有聽侍應的建議，青口超肥美，大大隻啖啖肉，泰式炒青口，出奇地夾，好味道！鐵板蠔仔炒蛋($98）炸炸聲上枱，熱辣辣夠香口。極力推薦這款鐵板蠔仔炒蛋，蠔仔肥味大隻分量足，蛋身香口夠滑，仲有少許芽菜墊底，味道絕佳。飲品我揀左三色冰($38) ，飲落啖啖椰香，清新宜人，可惜入面的三色粒粒偏硬身。朋友揀左泰式奶茶($25)，朋友略嫌偏甜。最後埋單連加一$594…查看更多

早排先同朋友食完泰國野，覺得幾好食，搞到又心郁郁想食返泰國菜，見呢間新開泰國菜未食過，所以就黎試下新野。睇佢MENU都幾吸引，最後同朋友點左 馬拉盞通菜($75)、泰式蝦炒金邊粉($108)、鐵板蠔仔炒蛋($98)、泰式炒青口($108)、馬沙文牛腩($88)、泰式奶茶($25)、三色冰($38)馬拉盞通菜：少少辣辣地，夠惹味，差唔多每次食泰國菜都必點之選馬沙文牛腩：呢個係泰式咖哩，但因為有加入椰奶煮嘅關係，所以唔會太過辣，少少椰香甜味，而且個味道都幾濃厚，牛腩都煮得夠淋同入味裡面都有D薯仔，不過稍微硬左少少泰式炒青口： 呢個算係隱藏MENU皆因本身係得 泰式炒花蛤，但職員話今日花蛤麻麻地，所以建議幫我地由花蛤轉做青口，都幾細心佢呢到D青口每隻都幾大隻下，配合埋佢秘製嘅泰式醬黎炒，真係一流泰式蝦炒金邊粉：呢個一上菜時都幾靚仔，用蛋整成網狀咁樣包住金邊粉金邊粉炒得夠乾身，唔會痴埋一舊，味道酸酸甜甜，再吱埋青檸汁撈埋花生碎黎食，認真開胃蝦唔算多，但勝在好味兼新鮮彈牙影張合照先鐵板蠔仔炒蛋 ：呢個等左DD時間先上菜，因為佢鐵板上時熱辣辣出晒煙，不過下面加左D芽菜喺底，咁就唔駛驚會過燶。食落去超有驚喜佢炒蛋炒得夠滑身香口，裡面蠔仔數量多之餘仲夠大隻，食落去仲要係好香蠔味，可以算係我食過咁多間嘅蠔餅當中TOP 5泰式奶茶：夠晒香滑，不過比起出去飲開D泰式奶茶甜左少少三色冰：飲落椰香味十足，D三色粒粒食落都OK補一補MENU埋單連加一後$594，整體食物質素幾好，環境都幾企理，不過如果可以推出D套餐，抵食D就更加好題外話：食到咁上下，阿姐見我地食到隻碟放左D青口殼，主動俾隻新碟我地更換，服務都幾NICE…查看更多