樂天經典 (奧海城二期)

營業中

休息中

前排我同屋企人出街食飯慶祝父親節.本來屋企人想返大陸食中菜, 但最後揀咗呢間餐廳.唔想諗食乜？最簡單就係叫套餐.今次我哋就試咗父親節四人餐同加咗一隻HK$1海南雞同一個餸.青瓜 (小食)唔算醃得好入味.新加坡海南雞 (HK$1)雞都算大份, 肉都幾多.味道唔錯.父親節四人餐 (HK$1,140)樂天營三彩 （梅子石榴、菠蘿、車厘茄）顏色係幾靚嘅.不過我冇食到, 所以俾唔到comment.蒜香紅海蜇頭第一次見咁多水浸住嘅海蜇.我就覺得味道正常.但我媽話好好食, 酸酸地, 好開胃.椒鹽香酥鮮淮山食落有啲似天婦羅.Z蟹肉海皇羹個羹都幾多料嘅.味道亦都唔錯.不過蟹肉我就唔係好見到喇.芹香爆炒帶子好明顯係芹菜多過帶子.但味道唔錯, 炒得好香, 好啱送飯.砂鍋豆腐蝦裡面係玉子豆腐, 所以勁滑.同埋蝦球都幾多.酸甜生魚片之前食過嘅甜酸魚多數都會係炸得大嚿啲.因為依個係生魚片, 所以會薄啲.雖然冇滿滿嘅魚肉口感, 味道都唔錯嘅.金牌脆皮燒雞我個重點去咗個蝦片度, 因為仲係脆㗎!講返燒雞先.皮脆肉嫩.我覺得幾好食.金銀蛋浸時蔬其實屋企人食到呢碟餸, 已經覺得好飽.呢個菜嘅份量都幾多.味道正常.蝦味魚子蝦

呢日同朋友嚟咗奧海城食呢間新加坡菜，叫咗個經典自選二人餐B，都有幾多款菜式，特別鍾意佢嘅黑胡椒蟹🤤星洲黑胡椒蟹有四款口味嘅蟹可以選擇，黑胡椒口味真係招牌菜嚟，惹味得嚟又唔會蓋過蟹嘅鮮甜🦀 肉質唔會鬆散，份量我地兩個人享用。星馬金磚豆腐都有十件，而且每件都有均等嘅size🫢 金黃嘅外層包裹住嫩滑嘅豆腐，配搭唔錯。泰式炭燒豬頸肉呢個豬頸肉夠晒乾身，食落口唔會太肥膩🐷 點埋泰式甜酸醬更加解膩。蝦味魚子蝦球炒飯炒飯粒粒分明，入面有彈牙嘅大蝦，蝦油味道好香，配埋魚子成個飯嘅鮮味都好出眾🦐飲品套餐包括兩款飲品豆漿同埋檸檬薏米水，個人幾鍾意檸檬薏米水，幾清新同消滯🍋招牌酸柑香茅凍味道幾fresh，有幾Q彈嘅香茅凍配埋提鮮嘅酸柑汁🥰呢個二人餐真係好豐富，我同友人都食得好滿足，鍾意食蟹嘅一定要試吓🤗

今日去奧海城附近行街 煩緊今晚食咩好 突然諗起朋友之前話有間餐廳好好食就決定去試試🥳🥳黑胡椒蟹 (中) $368本身想食大蟹點知今日冇所以就揀咗中蟹 中蟹都幾大隻😄😄 第一次食黑胡椒味嘅蟹估唔到都幾夾 會有少少辣 隻蟹好新鮮啖啖肉好鮮甜好味😋😋 仲有呢度會提供埋圍裙手套同埋蟹鉗 勁細心唔使驚整污糟衫啦🥰🥰泰式炭燒豬頸肉 $88估唔到係中式餐廳見到我最鍾意嘅泰式菜😱好有泰式嘅味道 用炭燒啲肉完全係原汁原味🤩仲有少少香茅同黑椒調味加埋啲甜酸醬😋好好食❤❤濃郁炭燒味好香口 肉質爽嫩😍😍😍😍😍椰子西米露湯圓 $38唔會太甜 椰子味好突出😆😆西米煮得啱啱好 又滑又有口感🤫湯圓係我最愛嘅黑芝麻湯圓 食落唔會太粉 夠彈牙💕💕💕