味道

營業中

休息中

喺網上面見到佢嘅炸雞髀好出色🤤於是遠道而來試一試佢💁🏻‍♂️店舖位置係一啲角落小巷，舖位亦都唔係好大，但食物質素有驚喜👍🏼🥘炸雞髀配冬陰功金邊粉萬眾期待嘅炸雞髀果然冇令到我失望😆新鮮出爐熱辣辣，炸到外脆內軟，咬落去肉汁十足，好juicy! 冬陰功湯底酸辣味十足，夠晒惹味👍🏼🍢泰式炭燒豬肉串串燒肉質鬆軟，咬落去啖啖肉😌而且沙嗲醬有好濃郁嘅花生味，夠晒正宗🤭🍳蔥油豬扒蛋飯豬扒煎到啱啱好，咬落去一啲都唔覺得老👍🏼蔥油配白飯，簡直係絕配，加埋太陽蛋，撈埋蛋汁去食超級正🤣🍹泰式奶茶/青檸梳打泰式奶茶奶味濃，而且唔會太甜，啱晒香港人口味😙青檸梳打青檸味十足，好清新👍🏼

見朋友食過幾次都話好食，終於到我去試下。平日夜晚去都唔少食客，多數係啲年青人，餐廳面積唔算大，但熱熱鬧鬧，氣氛幾好!葱油豬扒蛋飯🍖🍖見好多食客都叫呢個飯，我地都覺得要試下，見識下佢嘅魅力所在。一上枱，非常震撼，因為塊豬扒好大塊，佔左隻碟嘅一半面積，仲要好貼心咁幫你切到適當嘅大小，等你一啖一嚿! 😘😘豬扒肉質嫩，肥瘦適中，加上流心蛋撈飯，難怪人人食過都讚好!🐷🐷🐖🐖🐽🐽🐗炸雞脾冬陰公金邊粉🍗🍗🍗雞脾炸得香脆又juicy, 最重要係份量大大隻，仲要同碗粉分開上，唔會影響炸雞脾嘅口感。冬陰公金邊粉味道好正宗，集酸﹑咸﹑辣於一身，仲要有超多嘅芽菜，食落更爽口。夏天食啲酸酸辣辣嘅嘢，特別醒胃!🍜🍜🍜泰式炭燒豬肉串🍢🍢豬肉串好嫩，而且充滿炭香，加埋佢嘅沙爹汁，係唔錯嘅小食。😋😋同時跟餐加左2杯飲品：青檸檬梳打🍹🍹﹑泰式奶茶🍸🍸，前者好fresh, 後者唔甜有茶味，係解渴佳品!🥳🥳🤩

Weekend帶媽咪食呢間上環熱店😋呢度超受打工仔歡迎，全部主食都係$70左右，包飲品▶️ 泰式炭燒豬肉串 ($65)一客四串，同一般食開豬肉串燒唔同似豬肉乾，但肉質超腍且有肉汁食落油脂四射🐷配合甜甜沙嗲醬，正▶️ 炸雞髀配泰式冬陰功金邊粉 ($84)隻炸雞髀勁巨型！大過手板炸到雞皮脆卜卜焦香，比得上豬腩仔皮😍平日唔食皮嘅我都忍唔住雞髀厚肉，肉質滑嫩🐔protein滿滿泰式冬陰功湯底勁濃郁，微微酸辣，配合芫荽香，食得出正宗冬陰功風味🌶️不過略嫌偏鹹，食完幾口渴金邊粉麵質唔錯，索湯又煙靭另外有豆卜▶️ 越式香茅蔥油豬扒煎蛋飯 ($70)蔥油豬扒大大塊🐷切條方便食用豬扒軟腍，一啲都唔乾柴👍🏻香茅味唔算太出，不過蔥油真材實料又夠惹味煎蛋蛋黃熟咗少少🤏🏻未能做到勁流心效果白飯飯質偏硬身🍚個人幾鍾意仲可以自行加豉油，令味道再昇華▶️ 泰式奶茶 (+$12)竟然飲到杯唔係死甜嘅泰式奶茶😋真係有茶葉香，帶雲呢拿味見到師傅一路煲住茶葉，自家調配嚟到必試！▶️ 青檸檬梳打 (+$12)媽咪鍾意飲有氣梳打，食完辣嘢飲好解渴🧊-係混入港式本土風味，但仍保留正宗東南亞味道嘅餐廳🍴最欣賞係佢啲肉類，生炸雞脾🍗豬肉串燒必食❤️

聽說一小店以融合中泰美食為理念，心生好奇，決定一試餐廳位於一條寧靜的小巷，店外掛著明亮的招牌環境以現代工業風為主，白磚牆搭配木製桌椅，氣氛舒適服務員熱情有禮，細心介紹菜單，讓我們倍感親切蔥油豬扒蛋飯豬扒煎得金黃酥脆，搭配嫩滑的荷包蛋和香濃的蔥油炸雞髀配冬陰功雞髀外皮酥脆，冬陰功湯頭濃郁辛辣泰式炭燒豬肉串呈現炭烤焦香，肉質鮮嫩多汁飲品青檸檬梳打清新解渴，帶點氣泡，十分開胃泰式奶茶濃郁順滑，冰涼舒爽，甜度恰到好處

#MC帶你去上環.走入橫街窄巷，終於搵到依間小店‼️➖✨ 味道 𝙔𝙪𝙢 𝙔𝙪𝙢.餐廳主打多國菜式，其中以生炸巨大雞髀贏得青睞，廣受打工仔幫襯；店內裝潢簡潔明亮，環境乾淨整潔。➖🥢 越式香茅蔥油豬扒煎蛋飯｜$70 ✨人氣之選✨.上枱前豬扒已預先剪開，十分貼心！豬扒煎至兩面金黃色，口感軟腍有嚼勁，搭配大量蔥油香味撲鼻，加上太陽蛋黃撈飯，好邪惡！➖🥢 炸雞髀配泰式冬陰功｜$84 ✨招牌菜式✨.雞髀先用大量蒜蓉醃至入味，再新鮮即叫生炸，外皮金黃色澤而且炸得酥脆可口，內裡雞肉嫩滑，好入味；冬陰功湯底帶陣陣泰式香料味，香茅味突出，入口酸而不辣好開胃，搭配豆卜、粟米筍、魚片、芫茜、紫洋蔥及金邊粉，份量足料又滿足！➖🥢 泰式炭燒豬肉串｜$65／4串.豬肉串表面塗上蜜糖醃料，入口偏甜，肉質嫩滑，搭配秘制沙爹醬花生香味十足，好惹味。➖🥢 泰式奶茶｜$12.泰國奶茶奶香濃郁，口感香醇幼滑，而且預設甜度少甜，適合香港人口味。➖🥢 青檸梳打｜$12.泰國梳打水加上新鮮青檸，酸爽又清新！➖⚠️ 服務費｜Service Charge.全店沒有加一服務費。➖➖➖➖➖➖➖➖➖➖➖➖➖➖

星期六去上環食飯, 之後去灣仔睇無人機演出。餐廳主打泰越菜, 位於上環小巷, 坐位唔多, 但經常大排長龍。我哋叫左炸雞脾泰式冬蔭公湯河粉, 雞脾好大隻, 炸得香脆嫩滑, 咬落去好多汁, 配合冬蔭公酸辣湯底, 十分開胃好食。越式豬扒煎蛋飯, 豬扒香茅味突出, 加上自家製葱油十分好食。泰式炭燒豬肉串, 燒得好嫩滑, 配上花生沙嗲醬十分惹味。另外, 餐廳提供套餐配以飲品選擇, 而且份量十足, 十分抵食, 如果下次去開中上環下次可以再試。

去咗上環人氣排隊小店「味道」，去到見到個餐牌就會有選擇恐懼症，因為有齊日韓泰越嘅菜式選擇，仲有一個係港式嘅主食，最多人推薦嘅係佢哋嘅招牌菜炸雞髀配泰式冬陰功河粉同埋越式香茅蔥油豬扒煎蛋飯。星期五晚去到舖頭都仲好多人排隊，人氣都好高。我哋食咗兩個 signature主食 ，一杯泰式奶茶，再飲返杯青檸檬梳打平衡下冬陰功湯嘅味道，另外仲有一個炭燒豬肉串燒做小食。炸雞髀配冬陰功河係一個幾特別嘅配搭，本身生炸雞髀係好港式嘢感覺，冬陰功係泰式嘢，滿足到兩個願望都唔錯，個炸雞髀手掌咁大隻，雖然自己衰鍾意食嘅嘢擺到最尾先食，但係隔咗大半個鐘頭先食都依然都仲好 juicy，佢嘅外皮唔係厚厚炸漿炸出嚟嗰隻，而係薄脆嘅生炸外皮，佢嘅肉質因為生炸嘅關係保持到嫩滑，冬陰功同炸雞髀好似有啲南轅北轍嘅感覺，但係食落又冇咩違和感，冬陰功微辣，所以飲過梳打水中和下就啱啱好，個河粉唔係闊河粉有少少可惜，因為我去過泰國之後愛上左闊河粉，不過始終傳統河粉配湯應該都係match啲，而佢個河粉配冬陰功都係好味嘅，食完之後覺得如果一啖河粉一嚿雞髀咁樣食好似有風味啲。至於個香茅蔥油豬扒煎蛋飯，蛋係太陽蛋輕微煎個燶邊，我覺得再燶啲會更

呢間餐廳係喺附近返工嘅友人介紹嘅 因為餐廳唔係喺大街 所以比較難發現呢間隱世小店😙 呢日就嚟咗食返餐 餐廳有多款亞洲菜式 都幾抵食㗎越式香茅蔥油豬扒煎蛋飯呢個豬扒真係醃得好香 肉質有口感 唔會太韌🪿 側邊仲有特製蔥油 同埋太陽蛋🍳 撈飯食已經好正㗎喇 不過一定要試埋呢度嘅自家製豉油 甜甜地 同個豬扒係好夾㗎🥰炸雞髀配泰式冬陰功河粉炸雞髀係即叫即炸 香脆嘅外皮包住勁多肉汁又嫩滑嘅雞肉🍗 呢個餐仲配埋個冬陰公河粉 酸酸辣辣嘅湯好開胃同埋河粉份量好多 真係好抵食🍜泰式炭燒豬肉串額外加咗呢份小食 配埋沙嗲醬 好香花生味 同本來甜甜地嘅豬肉一齊食就啱晒🤣 豬肉半肥瘦 唔會太肥膩 肉質幾軟腍🤪 推介大家嗌返份試吓泰式奶茶比起其他餐廳嘅泰式奶茶 呢度嘅調味更加啱我嘅口味 唔會太甜 而且完全冇苦澀味☕️ 樽仔裝住幾有特色☺️呢間餐廳都幾受歡迎 可能係因為套餐性價比高 選擇又多啦 如果係喺中上環呢頭返工嘅朋友又多個午餐選擇啦😋

上環依間隱世美食，平時返工都諗住去試下，但每次都唔記得咗，今日專登去完AIA玩，再去試吓，然後一試就知道點解咁多人會食啦🤩🤩好味+人情味=味道越式香茅蔥油豬扒煎蛋飯 $70推薦指數🗯️：🌟🌟🌟🌟🌟平時食蔥油豬扒，除咗豬扒之外就冇其他配料，而這間竟然還放多咗一隻煎蛋🙊🙊睇落似平時茶餐廳碟頭飯咁，但千祈唔好俾佢的外表欺騙到，因為配埋他們特別調整的醬油，你就明白蛋汁加醬油加落個飯一齊食，係有幾咁好食🤤🤤🤤咁當然主角蔥油豬扒一樣唔輸蝕，不單止份量好多，食落肉質軟淋，唔會太乾身，本身調味都已經做得好好，香茅味都突出，另外配蔥油一齊食的話，就會完全係另一種感覺😋炸雞髀配泰式冬陰功河粉 $84推薦指數🗯️：🌟🌟🌟🌟🌟我一開始會想嚟依間餐廳的原因，就正正係依個大大隻炸雞脾🤩🤩外皮炸到香脆，一啖咬落去，發出的聲音真係令人忍唔住一啖接一啖，而且就係外皮脆到咁脆，入面依舊保持到好juice 而冬陰功河粉同樣高水準，食落就知唔係得個樣，冬陰功味好濃，酸酸辣辣咁好開胃泰式炭燒豬肉串 推薦指數🗯️：🌟🌟🌟🌟🌟令我對炭燒豬肉串完全改觀，食落有咬口，唔似豬扒咁淋身，質感比較似豬肉乾，但冇咁乾身；味道唔會太濃，帶少少炭香味，

上環的店舖通常是只做閒日早上至中午時段，今晚和朋友在文娛中心看完劇場，就在附近見到這間小店，價錢都算幾親民，店內聚滿人很熱鬧。【炸雞髀配泰式冬陰功河粉】炸雞髀外脆內嫩，咬落去吃到雞髀的鮮嫩又鎖着肉汁，搭配辣味的泰式冬陰功湯，帶來了一種辛辣和酸爽的口感。【越式香茅蔥油豬扒煎蛋飯】豬扒經過調味後煎至金黃色，搭配香茅和蔥油的調味，帶來了一種香氣四溢的口感，加上店家特製的醬油，味道不會太鹹但又令整體感覺提升。太陽煎蛋的加入使整道菜更加豐富，增添了一份柔軟滑流流的口感。【泰式炭燒豬肉串】這道泰式炭燒豬肉串是一道美味的燒烤小吃。豬肉經過調味後串在竹籤上，經過炭火燒烤後，外層呈現炭燒的香脆，內部保持著豬肉的嫩滑口感。泰式調味的醬汁帶來了一種甜辣的風味，配搭沙嗲醬更有口感。【泰式凍奶茶】以泰國特有的茶葉和香料混合而成，加入冰塊和牛奶後攪拌均勻，形成一種濃郁的奶茶口感。泰式凍奶茶的味道香濃而微甜。【青檸檬梳打】青檸檬的酸味和梳打水的氣泡結合在一起，非常適合在炎熱的天氣中飲用，能夠解渴並提供一份清新的口感。