永珍越南菜館

來到九龍城，當然要試吓出名既泰國菜啦！我最初看到招牌既時候不禁有點疑惑，明明寫著越南菜鋪？但係所有菜色都似係泰國菜！（我本著一試的心態，和家人入去試吓到底掛著越南菜館招牌既餐廳，做出來既泰國菜好不好吃？）我們先點了生蝦和司蚶，見到賣相不錯廚司亦很細心，把做生蝦刺身剩下來的蝦頭炸脆，作小小既點綴（炸蝦頭都好好味，脆到可以整件食落肚）。白灼司蚶煮得不錯，起碼不會整碟都是紅紅的血水。冬陰功湯可以選（蝦，海鮮或雞），我們點了蝦冬陰功湯。蝦，是新鮮彈牙的，而不是煮到d蝦肉「梅」晒。除了食物要讚之外，這餐廳員工的服務態度都要讚。👍👍👍不會因為店鋪繁忙而忽略顧客的需求。…查看更多

父親節食飯， 一家四口去左九龍城食永珍越南菜館， 但其實係泰國菜， 可以話係越南泰國菜。 好彩我地早左食飯，6:45PM到，唔洗點等位， 因為坐咗一陣已經越來越多人入嚟，仲全場滿座添。屋企人喜歡食咖哩， 點都要叫咖哩， 最終點左個咖哩海鮮煲， 食咖哩要用麵包點汁食先夠yummy， 再 order咗份蒜蓉包， 我哋另外仲叫咗越式炒牛柳粒、 泰式活蝦刺身、 越式香芒炒飯、泰式炒雜菜。 叫到成枱都係食物好滿足。越式香芒炒飯-$66 (好味指數 / 抵食指數) - 5個為最高。越式香芒炒飯煲仔上， 即使由廚房拎到上枱都仲熱辣辣， 一放上枱成煲金黃色， 好想即刻擺入口食。 成煲金黃色不單是因為香芒， 連飯都炒到金黃色，仲有好多肉鬆，大大粒蝦肉青瓜片同菜粒。 好欣賞佢個炒飯炒得好入味， 真係連啲配菜例如蝦肉菜粒都好夠鑊氣同夠鹹味， 豬肉鬆本身香香脆脆，配個炒飯一齊食更加香口惹味， 主角芒果大大件，最重要係一啲都唔酸超級香甜。 呢個越式香芒炒飯炒得好好味，成煲飯炒得夠均勻夠鑊氣。咖哩海鮮煲-$128 (好味指數: / 抵食指數:) - 5個為最高。話咁快咖哩海鮮煲同蒜蓉包一齊上枱喇， 咖哩海鮮煲面頭有一層厚厚的辣油， 看似好辣，食過之後原來都不算太辣， 得成個海鮮煲攪拌均勻後，會見到椰奶其實沉晒底， 椰香味好重， 但唔算太甜， 味道係偏鹹且少辣。海鮮煲內有切件魷魚筒、 蟹柳 、蝦粒、 青口同時菜， 個人覺得海鮮煲材料不算吸引，寧願選擇咖哩雞或牛腩， 不過屋企人想要海鮮都冇辦法啦。 咖哩海鮮煲個重點唔係d海鮮，主角真係啲咖哩汁，個咖哩汁好味到要用蒜蓉包不斷咁點汁黎食， 蒜蓉包食完都唔夠喉，最後要叫多兩碗白飯撈汁食。 蒜蓉包呢，一份有三大件，好香蒜蓉味同夠乾脆。 夠乾脆點咖哩汁一流。泰式活蝦刺身-$96/7隻  (好味指數:/ 抵食指數:) - 5個為最高。泰式活生蝦完完全全係冰鎮， 可保持生蝦爽口及鮮味。 一碟有七大隻， 晶瑩剔透， 望到都覺得夠新鮮， 最欣賞呢度個廚師能好好利用蝦頭， 炸埋個蝦頭俾你食，一啲都唔會浪費， 一蝦兩食， 認真夠爽！越式炒牛柳粒-$96  (好味指數:/ 抵食指數:) - 5個為最高。完全冇諗過呢個越式炒牛柳粒係咁大碟咁抵食㗎，$98 有咁大碟又咁多粒嘅炒牛柳粒， 仲要個味道都唔錯喎， 講到明越式就緊係香料味重啦， 唔知有啲咩調味，但係就食到啲香茅味。炒牛柳粒多到我哋4個人都食唔曬，因為太飽啦！ 呢個超級抵食！泰式炒雜菜-$49  (好味指數:/ 抵食指數:) - 5個為最高。泰式炒雜菜， 有幾種不同的時菜， 最主要夠鑊氣， 炒菜夠入味。話咁快成個餐廳就坐滿人，仲要出面排隊等入嘅人都不少， 最鍾意上菜夠快而且廚房鑊氣夠重， 唔怪得咁多人嚟食啦！ 最後叫咗咁多個菜埋單都係520蚊到， 絕對覺得咁既價錢配咁嘅食物質素同服務係好ok嘅！…查看更多