暢和號 (翠怡花園)

太和好多好嘢食就好多人都知，呢一間泰國餐廳，仲要又抵食又好食🤤👍🏻 - 招牌海南雞：雞肉好滑，就算係雞胸都唔會好鞋口👍🏻而且雞皮下面仲有一層薄薄嘅啫喱，如果會食雞皮嘅，應該會好鍾意 - 香料雞油飯：好香嘅香茅同黃薑粉味，而且啲飯粒粒分明煮得唔錯，配海南雞一流👍🏻 - 参巴醬生菜： 之前未食過參巴醬，味道甜甜地，帶少少辣味生菜點呢隻醬嚟食會開胃好多😋 - 秘。芝麻蝦多士：超級脆口！最勁係每一片多士都壓到好薄，但係每一啖都會食到淡淡嘅蝦膠👍🏻而且面頭超級多芝麻，勁香口🤤值得一讚係每一粒都黐得實一實，唔會甩到成枱都係👏🏻 - 香濃喇沙湯麵（另加 $12）勁大碗！估唔到套餐都係俾一個full size嘅喇沙我地！😍重點係！個喇沙係摻摻（即係油麵+米粉）嚟架😍😍個湯底唔會好辣，好香椰汁味😋 - 泰國清邁冬蔭功湯（另加$48）：本身以為2-3人份淨係得3-4碗但其實可以分到6-7碗，而且有好多材料🤤有好多蝦、青口、草菇、香茅味道有啲酸，而且比較辣，所以怕辣嘅記得要小辣呀 - 泰式椰汁西米糕：其實我地已經好飽好飽，最後仲有椰汁西米糕🤰🏻🤰🏻好在個西米糕唔係好甜，有淡淡椰汁味唔錯唔錯👍🏻 就算好飽都食得晒 味道：🤤🤤🤤🤤🤤/5性價比：🤤🤤🤤🤤🤤/5 抵食二人套餐：$178- 招牌海南雞半隻- 香料雞油飯- 参巴醬生菜- 秘。芝麻蝦多士- 香濃喇沙湯麵（另加 $12）- 2-3人份 泰國清邁冬蔭功湯（另加$48）- 泰式椰汁西米糕…查看更多

上次和朋友來，見她點的喇沙湯麵不錯，這次自己來都吃一碗🤣 🍴加一服務費：✖ ✿ 暢和號招牌海南雞配喇沙湯麵 $79 選了拉麵，湯底很重椰香，微辣，個人很喜歡!魚片頭感覺魚味比一般的濃👍海南雞應該是雞胸位，但也嫩滑，不用點醬已經好吃 ✿ 泰式椰汁西米糕 $16 (加配價)一份原來4件這麼多Σ(ﾟДﾟ)西米帶煙韌，不爛👍一個人輕易吃完4件😂😂一邊吃一邊發現左右附近的都是熟客，又有不少外賣訂單，看來真的受街坊歡迎…查看更多

成日聽人講太和有間暢和號嘅海南雞唔錯，咁啱今日經過太和決定去試吓😍😍去到門口，好快就見到暢和號嘅招牌，隔離仲寫住喇沙同海南雞，店舖入邊坐無虛席，出邊嘅等緊嘅人已經講緊呢間餐廳平靚正，我估呢間餐廳啲嘢食應該唔錯，果然不出所料😍等候嘅時間唔長，店員好快就招呼咗我哋入座，雖然店舖唔係好大，但係都算坐得舒適。點餐嘅時候用QR code自助落單，非常方便，如果有問題，店員都會即刻過嚟幫手，服務態度超好👍🏻一打開個餐牌，好多嘢食都好似好好味，見到個圖畫都好想食而且價錢唔貴，無論係小食，定係麵粉飯類，都好齊全😀樣樣嘢都好想試吓😛揭多兩版，見到呢個抵食二人套餐，望咗個價錢之後，不禁嘩咗出嚟「咁抵食😍😍」，於是決定咗試吓呢個二人套餐😋😋海南雞非常嫩滑，最特別嘅係舖頭提供咗三種唔同嘅醬汁，包括薑蓉、醬油同泰式醬為客人增添了更多風味選擇。每個人的口味不同，所以有不同的偏好。令到海南雞嘅味道更加多樣性🥰每個人都可以根據自己口味喜好黎享受這道美食。我最鍾意嘅係薑蓉醬汁，我最鍾意嘅係薑蓉，帶出咗海南雞嘅鮮味同埋嫩滑😛青瓜非常之清新爽脆，除咗一般嘅醋、辣椒等調味料之外，仲混入咗清新嘅柚子醋，令到成個涼拌青瓜口味更加獨特，酸酸甜甜非常開胃，食到滯嘅時候，夾一兩舊青瓜食，又可以消滯，極力推薦👍🏻呢一個泰式炸蝦餅係我食過最好食嘅蝦餅，蝦餅炸到外表金黃，非常香脆，佢張蝦餅切成一半，令到食落去更加有口感，配埋獨製嘅柚子甜酸醬，味道更出色💖至於生炸香茅雞翼，佢先用特製的香茅醬料醃漬，使雞翼入味，然後放入油中炸至金黃酥脆。這令外皮酥脆，內部肉質嫩滑多汁，且帶有香茅的獨特香氣，更加美味可口。💓呢碗香濃喇沙湯麪果然係要擺喺招牌隔離嘅其中一個美食，味道相當出色。湯底以椰奶為基底，加入豐富的香料，經過緩慢熬煮而成。湯底濃郁香濃，帶有奶香同甜味完全唔辣，讓人一嚐難忘。湯麪中配料也包括魚片、豆腐、同埋滷水蛋。這些配料提供咗豐富的口感，使每一口都充滿了層次感。而麪有兩種，由米粉同埋油面作為主食，口感彈牙，能夠完美吸收湯底的美味。味道豐富而獨特，絕對不會讓你失望。滷水湯麵湯底清新，用生菜作為配菜，同樣都係由油面同埋米粉組成，配搭蔥花，如果鍾意食得清淡嘅人不妨一試🥰我哋加咗$6叫咗兩杯特飲，分別係泰式奶茶同埋利賓納雜果梳打。講下泰式奶茶，奶香同茶香完美融合，口感順滑而香甜。飲第一啖就可以感受到茶葉的深度和奶香嘅柔和，令人心曠神怡。糖嘅適度和冰嘅清涼感令呢杯奶茶更加清爽。如果你仲未試過泰式奶茶，真係值得一試，佢絕對可以讓你成為佢嘅忠實粉絲。利賓納雜果梳打好好飲！這杯飲品充滿咗水果嘅鮮甜同氣泡水嘅清爽。每一口都能品嚐到不同水果的風味，令人口感愉悅。泰式椰汁西米糕口感滑順，椰香濃郁，甜度適中。非常美味，係一道令人滿足的甜點。值得一提嘅係呢個甜品係呢個餐送嘢唔使錢。😋😍最後我哋埋單只不過係$230，就有9樣嘢食，每人平均消費都係$115，非常之抵食，雖然當日舖頭客人好多，店員依然好有禮貌招呼我哋，隨傳隨到，連老闆都親力親為，落場幫手，非常之親民。未食完呢餐已經諗定下次幾時再嚟食。😍絕對值得推介嘅平民東南亞/泰國菜💓💓同我一樣鍾意食平靚正野食嘅人就唔好錯過啦#香港美食 #美食推薦 #美食日記 #東南亞菜 #泰國菜#香港美食推介#太和美食推介 #平民美食推介#東南亞餐廳 #打卡餐廳 #暢和號#東南亞餐廳關注組 #大埔#太和好去處 #食在大埔太和 #晚餐#Taipo#Tai wo #Asian food#Thai food#hongkong#hongkongfood #hongkongfoodie…查看更多