檬茶茶 (已結業)

喺附近街市買完餸行過見倒哩間茶飲店好靚咁，反正天氣熱想飲啲凍野，就入去望下。成間鋪都用左淺粉紅色做主色，少女心大爆發。原來佢地主打用唔同生果mix檸檬茶，另外佢地都有賣小食，價錢正路。香橙蜜桃檸檬茶($44), 士多啤梨檸檬茶($42) & 西柚檸檬茶($42) - 檸檬茶好大杯，我地揀左少甜，飲落唔會太甜，茶味夠亦唔會太澀，三款果茶都飲倒少少相應嘅水果味道，但因為本身都有檸底，所以分別唔算大。泰式小魷魚($48) - 泰式酸辣汁個味道好出好醒胃，辣度都有小辣至中辣程度。惹味雞槌($58) - 雞槌外賣返到屋企都仲有少少脆，肉質唔會太鞋，如果再重味更好。

🍋粉紅檸檬茶店💕有別於一般飲品店，主打係港式檸檬茶！無論茶餐廳或者紙包飲品，我都勁鐘意檸檬茶，簡直檸檬茶中毒者😆招牌桃膠爆打檸檬茶🍋喺炎熱得天氣下，檸檬茶真的是十分解渴！而且又有桃膠又雪燕十分滋補。雪燕入口的感覺碎碎的，都幾特別。🍊香橙蜜桃檸檬茶用上新鮮嘅橙，橙味非常突出！推介～寒天波波奶茶好重茶味，唔係好似台式咁重奶味。偏甜人士可以無需少甜。寒天波波有點爽脆，口感特別。黑椒台灣腸黑椒一粒粒喺條台灣腸入面，咬開勁重黑椒味～泰式小魷魚🦑好耐無食小魷魚，小魷魚口感爽脆，配合特免泰式醬料，惹味而且幾特別。💕呢間餐廳仲好有愛心，為區內有需要人士提供免費食物及飲品。

先生最近經常OT，放工喺公司附近行吓，見到呢間充滿少女心嘅小店，順便買定飲品同小食等佢放工。店入面有超可愛嘅擺設同少女心爆棚嘅花花背景，超想坐低打卡！飲品方面主打檸檬茶，加入唔同嘅元素令到檸檬茶變得非常有新鮮感，特別係加入養顏嘅雪燕，十分吸引！除咗檸檬茶之外仲有奶茶同咖啡可以選擇，亦有幾款惹味小食，價錢合理。除咗少女心爆棚嘅裝修之外，另一樣令我好有衝動想幫襯嘅原因係呢張poster，令人感覺勁窩心！日子唔容易過，但總會遇上令你會心微笑嘅人同事。飲品方面揀咗香橙蜜桃同西柚口味嘅檸檬茶，有滿滿嘅鮮果同雪燕，睇見都透心涼。香橙蜜桃檸檬茶透住淡淡嘅蜜桃香氣，加入香橙同檸檬茶毫無違和感，甜度亦適中。檸檬茶加入西柚一拍即合，同想像嘅一樣咁清新，酸甜開胃，清爽解渴。一口蝦多士即叫即製，蝦膠鮮味，配上香脆嘅多士同沙律醬，絕對令人一啖接一啖食唔停，非常推薦！泰式小魷魚新鮮彈牙，配上酸甜開胃嘅泰式醬汁非常惹味，而且份量多，兩個人分享剛剛好。難得遇上一間質素高心地又好嘅小店，絕對值得支持！