越男仔

火灸燒牛+脆雞撈檬 $78皇牌3+2撈檬 $69（手撕雞+豬頸肉絲+脆豬肉+扎肉絲+烤牛肉）夏天就係要食撈檬！今次食呢兩款撈檬都好正，配料好多好足料！火炙燒牛入口即化，好好食🤤蒜蓉脆雞扒炸得香脆又係無得輸！法式芝心蝦多士 $39炸到熱辣辣脆卜卜，記得要趁熱食！多士外脆內軟，中間仲有流心芝士，好好味！串燒沙嗲拼盤 $39（豬牛雞各一串）豬肉串最嫩最好味！串燒淋上花生味濃郁嘅沙嗲醬～超正！！檸檬紅茶(凍）跟餐+$3鮮菠蘿梳打冰 跟餐+$18#devietson #越男仔 #越南美食 #越男仔沙田店 #沙田美食…查看更多

🤍💛旺角- 越男仔💛🤍以前放工成日經過但都無入去食，今次去開旺角就第一次試下啦～ 店入面掛住好多唔同嘅畫，幾有特色既。🍜雞絲扎肉椰汁酸湯濛粉呢陣獨特既椰汁酸湯我勁like~ 濛粉索哂湯汁好食，手撕雞好淋，連骨都係淋既可以咬開，扎肉味道正常，最正係佢有調味盤，分別有蒜蓉、辣椒粒、青檸仔，任你落。🍲生牛肉湯河牛肉都多片，河粉好滑，味道唔錯。由於老公唔鍾意酸味，所以淨係落咗蒜蓉去調味。🦐法式芝心蝦多士面頭有大量白芝麻，爽滑彈牙嘅黑膠包住流心芝士，我仔最愛，差唔多1碟4件都係佢食晒😱🍖串燒沙嗲拼盤配燒菠蘿牛、豬、雞肉各1串，個人喜好雞肉多d，爽滑彈牙，豬肉好入味易咬，牛肉帶有青檸酸味，沙嗲汁上邊嘅花生非常脆口，好食，燒菠蘿味道有少少酸，還可以啦～🍅冰鎮蜜糖蕃茄擺盤好靚呀，估唔到蕃茄同柚子蜜係咁夾，雪到凍冰冰，好消暑解膩👍☕️凍朱古力咖啡採用滴漏嘅形式去做，等到滴晒成杯再倒落杯冰度，老公話好濃好好飲🍋凍雙檸檬茶茶入邊有青檸及檸檬，嗌左小甜，正常味道估唔到呢間小店又幾好食喎，下次黎可以試下其他食物，例如海南雞🤤…查看更多

今次到沙田搵錢，朋友話想食越南菜，我腦海中第一時間出現了”越男仔”三個字。因為下午4點關係，所以唔使等位就可以入座餐廳內佈置都好有趣味假日限定套餐，超級抵食，有兩款小食，一個主食連一杯飲品下午茶時段(2:30-5:30) 都有好多選擇1. 牙車快沙律+椒鹽脆蛋魚柳。小食份量超多，沙律入口醒神，魚柳即炸，外脆內熱，美味2. 法式芝心蝦多士，上枱時熱辣辣，兩邊麵包炸到超脆，內裡蝦膠超多，配上熱溶芝士，確係絕配3. 三色雞翼拼盤，有蒜蓉味、牛油味、酸辣味，喜歡食炸物一定唔好錯過，食落外脆內熱，唔會油淋淋，值得推薦4. 牛+豬 PHO 紅蕃茄湯檬(生牛+烤牛+豬頸肉+豬扒)，蕃茄湯底真材實料，配餸勁多，一碗差唔多夠兩個人食，豬扒同豬頸肉都出色，配假日套餐超級抵整體來講，$220左右，兩個人食到超飽，食物性價比超高，值得一試再試…查看更多

今天在沙田覓食, 見到餐牌set lunch包小食兩款、主食、餐湯及飲品, 感覺很豐富, 就試一試. 我們二人叫了兩個set lunch (@$89), 另外, 看到圖片很吸引, 所以另外加了一個小吃.餐湯 :牛骨湯 – 有淡淡的牛肉味.椰汁酸湯 (加$5) - 有酸汁嘅椰子湯, 酸汁的酸味加上椰汁的清甜, 味道幾特別又開胃好味, 果然加五蚊要呢個湯係正確嘅選擇.小食 :“牙車快沙律”配“椒鹽脆蛋魚柳” - 魚柳外層炸得酥脆, 魚柳帶有少許蛋香味.“無骨鳳爪沙律”配“手撕雞檬紙卷” - 檬紙卷裡面包了洋蔥、菜、米粉、雞絲, 檬紙卷皮很軟熟, 加上越式酸汁, 味道清爽.法式芝心蝦多士 (另加, 跟餐價 $39) - 蝦膠帶有小小蝦鮮味, 加上蝦膠超厚身, 非常彈牙, 中間配上少許流心芝士, 麵包很薄, 另一邊配上芝麻, 炸得很香口, 好吃.主菜 :招牌無骨雞配黃薑飯 - 很久沒有吃過這麼滑的雞, 而且冇骨啖啖肉.河內蔥油三味 (扎肉, 豬扒, 豬頸肉) 配黃薑飯 - 這個主菜的飯及餸份量超多, 扎肉, 豬扒, 豬頸肉各有三件. 豬頸肉外層燒得很香脆, 豬肉很嫩滑, 扎肉上放了些蔥油, 味道很香很夾, 豬扒味道正常但稍為乾身.飲品 :龍眼花蜜茶 (加$12) – 很多龍眼, 不太甜漏漏啡 (加$9) - 本身我亦是一個咖啡控, 但很少飲越式滴漏咖啡, 雖然配上煉奶, 咖啡味依然濃郁, 不會太甜, 十分欣賞這杯咖啡.餐廳雖然不大, 但坐位舒適, 而且裝修都很特別, 服務很好, 這餐廳仍有其他特色菜, 我應該再會來試其他菜式.…查看更多

終於開返晚市堂食，好多野食其實都係餐廳食先有佢既原味，無論賣相擺盤定熱度味道都係。今日簡簡單單同屋企人出街食個晚餐，諗起好耐無食脆卜卜熱辣辣既小食，仲有滴滴下既越南咖啡，於是就揀左間食越南菜既。餐廳名叫「越男仔」，除左因為老闆係一個做越南菜既男仔之外（當時開店係男仔，而家十年過去都變成男人啦），亦都希望好似「譚仔」咁打響一個屬於香港人既招牌，諗起越南菜就會諗起「越男仔」呢種親民既感覺。又真係wor，我今晚就係想食越南野，就諗起附近有呢間。另外個「男」字拆開係「有田有力」，希望用唔同既食材努力研發多d菜式比大家試。所以餐廳裝修都幾有玩味，用好似香港路牌既字體寫左d港式搞笑真言。又不乏越南風既竹帽，仲有越南殖民地時期既馬賽克瓷磚，fusion得幾特別。唔知有冇人同我一樣，食越南泰國野都鍾意叫返杯龍眼冰？食炸野辣野要襯返返杯凍既甜野，但椰汁果d又怕肥同埋會越飲越渴，龍眼果種清甜就岩哂。呢度果杯因為係加埋花蜜同茶，唔好見佢咁深色，唔係死甜既，仲有好多龍眼肉落雨濕濕，屋企人就想點返杯熱野。越南咖啡非常signature，真係上枱係你面前慢慢滴咖啡渣聞落去好香，滴完用匙羹將咖啡同鍊奶層攪勻，個比例岩岩好，甜得黎又提昇到咖啡既甘香，更濃滑香醇，好飲芝士蝦多士係呢度嘅名物，用左越式蝦餅加入港式既蝦多士既殼，所以係非常足料彈牙既蝦膠，入面包埋流心既芝士真係超邪惡 外面滿滿既白芝麻鋪係薄薄既脆多士，比傳統港式茶餐廳嘅蝦多士減少澱粉質，變相有更多蝦、更真材實料。番茄湯酸酸地比較開胃，配全豬既配料就會覺得無咁膩。四寶分別係香茅豬扒、扎肉、豬頸肉條、炸豬肉絲，各有唔同口感。香茅豬扒最為驚豔，香茅醃料非常入味，就算真係蕃茄入面都唔會搶咗個味。檬粉即使浸係湯入面耐左都唔會變得太腍，仲有爽而分明既口感，仲因為吸左番茄湯而變得惹味。椰汁酸湯係呢度另一個招牌，都係出面搵唔到嘅味道。湯頭鹹鹹酸酸好惹味，加少少椰汁香而不膩。成鑊用火鍋連爐火上，涼涼地既晚上食就最好不過。鑊仔菜仲會跟個飯或者豬仔包，豬仔包比想像中大個，烘至熱脆先上碟，浸落湯果度食都唔會太腍，吸湯一流雞扒夠哂腍但唔算油，吸左椰汁既味道好夾 大蝦爽又大隻，仲好貼心咁用火槍稍微烤到帶少少焦，香氣四溢餐廳而家做緊好多優惠，除左外賣有$1海南雞外，堂食就有飲品第二杯半價、精選菜式特價。我哋三人嗌左兩個主食一個小食，加埋嘢飲已經非常足夠，絕對係抵食之選。…查看更多

路過沙田搵食，見到花間越南餐廳款式又多又新穎，於是就試一試。晚市價錢偏貴，而且冇套餐。樓面姐姐好有禮貌，會主動解答同介紹👍🏼.他他牛海膽卷 $98 - 他他牛俾我嘅印象應該係生牛肉，但呢個都接近8成熟，包住嘅都係青瓜絲同洋蔥等，只係面頭有少少火炙咗嘅海膽，其實味道唔錯，只係價錢偏貴。如果唔加海膽，其實對整體味道都冇太大影響。法式芝心蝦多士 $65- 幾有驚喜初初諗住都係好普通，但炸得好香脆，而且蝦膠好彈牙，芝麻亦都點綴咗非色香口。.冰鎮蜜糖凍蕃茄 $45 - 其實整體都唔錯，但加咗有柚子蜜就有啲畫蛇添足，完全蓋過咗蕃茄嘅味。…查看更多

同朋友去科學園維修機頂盒，順度去沙田吃越南菜，因為之前系旺角吃過，好好味，有新派清爽的風格。越男仔，在沙田勵城花園地鋪，河畔花園後面，鋪頭門口，是芥末黃的顏色，好有新穎的感覺。內部裝修，看得出，放了不少心思，當中還可以尋找到不少驚喜。法式芝心蝦多士，濃郁芝士，面頭鋪滿芝麻，香脆美味，食不停口。牙車快(柚子手撕雞肉)，清新爽甜，不會重口味，雞肉嫩滑入味。紅蕃茄四寶湯檬粉，豬頸肉份量超大，湯底蕃茄味濃郁。燒吞拿魚柚子檬紙卷，包的好精緻，有點不捨得吃它，吞拿魚有燒烤味，柚子甜甜酸酸，絕配。…查看更多

今日放工好想食檬粉~於是就同朋友兩個人嚟到沙田嘅越南仔食撈檬啦。我哋一坐定定就叫咗手撕雞檬紙卷同豬扒拼雞翼撈檬！手撕雞檬紙捲，紙捲好薄呢，一舊放落口好快就俾我哋清咗啦！而豬扒拼雞翼撈檬，份量都好多，即刻滿足到想食撈檬嘅期望。食食下見隔離食緊雞翼，我哋又想一次過試曬三款唔同嘅口味，就追加咗法式芝心蝦多士同三色雞翼，兩個人嚟講食份量都好夠呢XDD我就鍾意佢哋嘅牛油味，味道唔太濃啱啱好！而芝心蝦多士脆卜卜，啱曬身為芝士控嘅我呀~…查看更多

去完新城市廣場睇聖誕燈飾，就行去吃晚餐餐廳地點唔算太易搵，可能因為我地唔係新界人啦鋪店設計好有特色，除左一本本既menu, 牆上都可以參考特別推薦既餸菜之前上網睇到，個個都話最好食係法式芝心蝦多士，一定要趁熱食，脆卜卜咁蒜香牛油脆雞翼就一般好重牛油味，炸得好厚粉，兩個人食的話會有d滯呢個蝦餅併豬頸肉撈檬係咁多樣最好食既如果下次再泥，一定要再食重頭戲係呢個煲，有蝦同青口，好濃味不過好快燶，所以要食快d啦…查看更多

法式芝心蝦多士 $68蝦膠打得好彈牙，而且份量亦都唔少，絕對稱得上係一件厚切蝦多士，內層芝士做到流心效果，而外層嘅麵包亦都炸得好薄脆，加上香口嘅芝麻，的確係一款好唔錯嘅小食。越南蒜香牛油雞翼 $59一碟有5隻，兩個人share足夠有多。雞翼嘅size 平均，而且好夠肉，雞皮炸得香脆，牛油都好突出，而且蒜蓉落得都幾多，啱晒鍾意食蒜蓉嘅我。金菠蘿海鮮炒飯 $88呢個炒飯我地一致覺得可以encore，菠蘿夠多汁又甜，裡面海鮮嘅款式喺一個炒飯嚟講亦都相當齊全 (當中我覺得最好味係隻蝦），而且係每一啖都一定會食到海鮮。另外覺得幾特別嘅係呢個炒飯用左紅米，食落肚會不自覺地覺得多左一份營養。…查看更多

以前讀U時，每個星期都會到河畔這邊幫人補習，從娘家步行過來只是十分鐘左右，這天舊地重遊，來到越男仔吃越南菜。門面裝修比一般越南菜新潮年青，小店面積雖然不大，不過卡位坐得闊落舒服。星期一至四亦有晚餐供應，價錢比散叫抵食。金蒜脆雞翼 $28跟餐加錢就可加配小食一客，份量澎湃壯觀的炒蒜覆蓋整碟，一上枱已是蒜香撲鼻。雞翼夠大隻厚肉，炸得金黃脆口，一咬開肉質嫩滑，肉汁豐富。越式三寶炒金邊粉 $108三寶配料有扎肉、豬頸肉和脆豬粒，鹹香惹味，一鍋上份量超足，足夠兩三個人share。即叫即炒有鑊氣，幼身金邊粉幼滑爽口，不會黏成一團，不過就炒得較為濕身，吃得多就會覺得有點油膩。會安炸春卷 $55將春卷包上一塊生菜一起伴食，這種吃法可以減低油炸的肥膩感，感覺亦好像沒那麼容易上火。輕薄的外皮炸得脆卜卜，包著蘿蔔、木耳、肉碎、粉絲等，口感層次十分豐富。法式芝心蝦多士 $68多士厚度適中，外皮沾滿香口芝麻，炸得外脆內軟。將鮮蝦打成蝦膠，配上脆脆的白麵包，彈牙有嚼勁，中間湧出流心芝士，將蝦鮮味與芝士融為一體。串燒菠蘿 $55採用連皮切件的新鮮菠蘿，果味天然香甜又多汁，清新健康，好味得來又全無罪惡感。菠蘿不會燒得過乾，加上燒完後蒸發了生果中的水分，令酸甜果香更加突出。跟餐附送一杯飲品。…查看更多