老富昌法國餐廳

話說今日同個舊同事食飯，對於我地呢D OL黎講，難得可以放平日，緊係去食貴野啦。識食一定食LUNCH。因為平好多，嘻嘻!!!首先叫個前菜先啦。燒雞凱撒沙律。好多時燒雞都會好乾、好柴，但呢個完全無，仲好滑，附帶一股燒烤既味道，好味!!!其次，沙律菜好甜，沙律醬既份量恰到好處。唔會太少太乾，亦唔會太多太漏。第二個前菜就係法式焗田螺。本身我唔食的，但聞到好香，都試左一粒。我只覺得林林地，無咩咬口，但我朋友就話幾好食。呢個我無得比較。主菜就叫左鵝肝雜菌芝士意大利飯。其實我唔係想叫呢個，原先係想叫佢地有個意大利飯直接係好大舊芝士到整，但唔知係唔係得夜市先有，唯有叫呢個。先講鵝肝，份量都十份大舊，煎得好香，油脂我覺得多得滯。食半舊已經覺得好肥膩。到個飯，質感都唔錯，唔會太硬同太淋，但雜菌同芝士味都唔太突出，魏個人覺得唔算出色。由於對個主菜有少少失望，所以對甜品都無寄望。但世事就係咁，你愈無期望既野就帶比你愈大既衝擊。呢個朱古力心太軟，一切開濃濃既朱古力醬好澎湃咁流出黎，一食，應該係黑朱古力，唔太甜，食到少少既苦味。加埋個暖暖既外皮同凍凍既雪糕，噢!終於滿足了!!!!!!!…查看更多

早前去咗位於尖沙咀的老富昌法國餐廳食晚飯, 這是我首次來這裡, 環境不錯.這裡的晚餐是從頭盤, 湯, 主菜和甜品中自選三道菜或四道菜, 其實兩者只是相差三十蚊, 所以我地選咗四道菜.而每款都有不少的選擇, 所以都幾難取捨.頭盤我點了法式焗田螺. 上枱時已經香味撲鼻. 香草田螺是最佳拍擋, 田螺幾大隻, 香草汁又夠濃郁, 再有薯蓉伴碟, 好夾.友人點了洋蔥煙肉芝士焗大啡菇, 賣相不俗. 味道適中.湯我點了法式海龍皇湯. 湯中有不少的海鮮, 湯帶點酸, 好醒胃.友人點了是日廚師精選餐湯, 忌廉幾滑身, 唔算太油膩.主菜我點了煙比目魚. 平日較少食以煙的煮法, 所以想一試. 最特別是魚的表面帶點甜甜地, 較為乾身, 但魚質地好滑. 加上配菜, 完全唔會覺得膩, 份量唔算少.甜品是我期待的一環. 我點了芝士雪糕蛋糕, 這個幾特別, 好少甜品有這個. 賣相好靚, 一上枱已經覺得好吸收. 有淡淡的芝士香味, 好滑, 唔會覺太濃, 加上凍凍地, 雙重口感.友人點了焗朱古力布甸伴雲呢拿雪糕, 這個要額外加五十蚊, 而且製作時間要二十分鐘.朱古力味尚算濃, 但不會過甜. 外脆內暖, 食番啖雲呢拿雪糕, 中和晒.餐飲我就點了熱咖啡, 這裡的咖啡幾香, 而且夠熱. 我鍾意用較熱的水沖咖啡, 因為我會加入較多的奶, 這樣就啱啱好.平日假期食飯總時限着交枱時間, 但這裡卻沒有, 可以慢慢一邊食, 一邊傾計.…查看更多

朋友聚會兼補祝生日，其中一位對吃要求極高的朋友提議到老富昌法國餐廳。我曾去過旺角的老富昌，沒想到同是「老富昌」，尖沙咀和旺角大有不同呀！旺角的較經濟，像家庭式般；尖沙咀的則較有情調，食物更出色。我們點了兩個$288的四道菜餐，可以在餐牌內選頭盤、湯、主菜、甜品各兩款。精打細算的我決定以價錢來選，每一項都選最貴的(見下文括號內的原價)，選擇困難症不用發作，哈哈！ 結果我們吃了～ 麵包：一籃法式長麵包，本來以為又硬又乾，事實比預期香軟。 湯：$75的法式海龍皇湯真才實料，有蝦、有青口，但我更喜歡$68的法式洋蔥湯，湯內有大量洋蔥，非常香濃，好！ 頭盤：法式焗田螺($92)有濃郁的香草味，田螺下滑溜的薯蓉也好味道，好味道；鮮芒果雞絲沙律配酸辣汁($85)甚有越式風味，酸中帶微辣，很開胃。 主菜：本來擔心三個人吃兩個主菜會不夠飽，幸好份量足夠，剛剛好。法式香橙燒鴨($208)火候恰到，鴨肉嫩滑，橙色的醬汁並不是橙味的，反而帶鹹味；紐西蘭牛柳拼虎蝦($228)也不遜色，虎蝦既啾啖肉又爽口，個人認為牛柳可以再生一點。另外值得一讚的是墊底的薯蓉，又滑又香，加上汲收了肉汁、調味料，絕不會吃膩。 甜品：焗蘋果撻($72)十分鬆化，除了面層烘過的蘋果外，還有肉桂味的雪糕，實在是錦上添花，令人回味；法式燉蛋($68)則不過不失。 餐飲：吃得飽飽的我們喝了凍檸茶和熱檸水，幫助消化。我們由六時半開始用餐，以法國人的步調慢慢享受美食，吃飽後仍一直聊天，坐至近十一時，眼看餐廳快要關門才結帳離開，期間完全不受騷擾，亦感受不到任何催促我們交枱的壓力，老富昌法國餐廳實在是聚會的好地方。…查看更多