文化烘焙 (黃大仙中心南館)

朝早要去黃大仙做嘢，搞掂之後順便買啲嘢食返Office。黃大仙中心地庫間烘焙店面積好大，名叫「Culture Bakery文化烘焙」，勁多街坊幫襯，要排隊畀錢😳。小店可以話係非一般嘅烘焙店，因為所賣嘅產品種類超多👍。我買咗一塊薄餅同一個布甸包，食完飽到唔使食晚餐。法式布甸麵包($15)，🍮布甸包係近期炙手可熱嘅人氣食品，越來越多麵包舖有得賣，呢度亦唔例外。不過佢仲有兩款原創口味，包括栗子麻糬同紫米麻糬🌰。但我第一次食，所以就揀咗原味。🥖麵包本身質感都算鬆軟，無法包咁硬，有啲似配咖喱食嗰種農夫包。麵包中間挖空，以放入布甸，布甸味道好正，蛋味濃郁，口感稠密，甜度適中🥚。夏威夷薄餅($35/件)，估唔到小店有Pizza賣🍕，並有多款口味選擇，而且仲有得揀呎吋。呢度嘅薄餅係加大碼，單塊都已經大過我塊面🤣。佢另外亦提供原個訂製服務，12吋或20吋，價錢平過連鎖店。我揀嘅夏威夷口味好足料🌭，有香腸、火腿、菠蘿、粟米同洋蔥等，另外當然唔少得勁量拉絲芝士🧀。餅底自身味道都唔錯，就連Pizza邊我都全部食晒！總括嚟講，我好滿意今日食嘅兩款產品😀，味道有驚喜，價錢亦算大眾化，難怪小店咁受歡迎。遲啲有機會再經過嘅話，我會試埋其他嘢食🍞🍰。…查看更多

之前喺西貢都幫襯過，聽聞開業嘅麵包師傅攞過好多獎，大有來頭，難得喺黃大仙有分店，經過就買來回味下。葡撻$9 ($45@6個)買左返到屋企再焗返熱食，葡撻酥皮非常鬆化，無油膩嘅感覺，而且幾香牛油味。蛋漿幾滑，唔會太甜。法式布甸麵包 $15用170度焗左四分半鐘，焗到只係外面熱，法式麵包外脆，個麵包感覺好輕盈，布甸超級多，甜度剛好。黑糖麻薯紫米布甸包$20估唔到又幾match，可能我本身幾鍾意食麻薯，紫米，煙煙韌韌，呢個雪凍左比較好食。栗子麻薯布甸麵包 $20粟子cream唔會太甜，麻薯軟糯煙韌。千島雜錦pizza $45同樣焗返熱先食，pizza勁大塊，好足料，薄餅邊焗完超香脆。鍾意佢用德國豬肉腸，比起辣肉腸好似冇咁多肥肉，仲有火腿，豬肉漢堡及菠蘿粒粒。…查看更多