海記合桃坊甜品 (已結業)

前排見到有朋友post左張海記芋圓既相,覺得好吸引,一直都想搵機會黎試下咁岩當晚晚餐唔係食得太飽,決定去試下!本身以為要去太子,但原來尖沙咀都有分店九點幾入到去人唔算多,坐低諗好食咩就要去收銀處落單比錢呢間感覺係無咩服務可言 見到有其他人不斷嗌呀姐,呀姐都係各有各傾計本來我係為左試芋圓而黎,但最後竟然敵唔過一碗合桃糊,因為睇圖好吸引,面頭有一層合桃碎 一碗沙沙合桃糊$30 最後無令我失望,面頭好多合桃碎增加口感下次有機會既話會試下紫薯芋圓

係尖沙咀行街行到累累地想搵個地方坐經過iSquare側邊有間海記合桃坊之前又食過幾次覺得都幾好味咁就入左去食碗糖水坐一坐黎親唎到都只係會叫合桃糊同埋芋圓今次一樣, 嗌左碗沙沙合桃糊同埋芋圓紫薯雪樂冰平時合桃糊一定唔會係我食糖水既第一選擇但唎到既沙沙合桃糊有好多合桃碎, 將d合桃碎連埋合桃糊一齊食都唔會浸到淋唒合桃糊稀稠度適中, 都唔會太過甜芋圓紫薯雪樂冰紫薯雪糕普通紫薯味唔濃芋圓口感煙韌味道都係唔特別唔濃不過天氣咁熱食冰係爽既, 埋冇合桃糊咁甜有樣野不得不提, 就係今次係尖沙咀唎間分店食,可能因為時間仲早,大概4,5點左右樓面姐姐坐左係近廚房果張枱除左鞋, 棟高隻腳, 冇著襪, 係到摔腳趾.....

本身都幾鍾意海記嘅紫薯香芋系列~不過平時就幫襯開太子聯合附近嗰2間分店~今次第一次喺尖沙咀分店食~但呢間衛生明顯無太子分店咁好，一坐低，同事就喺枱底掂到d未抹乾淨嘅糖水😣枱面都未收拾好，仲有上一手食完嘅碗碟喺度~呢度同其他分店唔同，都幾得意，要出收銀位落完單+埋單先~🙄襯人多，今次叫咗幾款唔同嘅紫薯香芋系列嚟同fds share~1. 紫薯芋圓紅豆沙2. 紫薯雪樂冰芋圓西米露3. 紫薯香芋雪樂冰芋圓紫米露4. 芋圓喳咋.個人就偏好雪樂冰紫米露&西米露~西米露有勁濃嘅椰香味，好正👍🏻👍🏻而紫米露嗰碗就口感好豐富~😋😋可以一次過食到紫薯、香芋、煙韌嘅芋圓&紫米~但唔知係季節問題定分店問題，總覺得呢度嘅紫薯&香芋無咁香~另外，見合桃糊係呢度嘅招牌，當然要叫個嚟試下啦~第一次幫襯海記嘅合桃糊，都唔錯，好足料~總括而言，每人都係$30左右，都算抵食~但論衛生&好食程度，我會prefer太子2間分店多d~🙈🙈

第二次試海記，今次經過尖沙咀店黎試下，不過點的依然係沙沙合桃糊！可能天氣凍左，碗熱合桃露整得比上次喺土瓜灣食更熱，依然同上次一樣香、濃、滑，甜度剛剛好，連埋面頭既香脆合桃碎一齊食，更加香口、好味道！冬天來了，整番碗熱既中式甜品真係打從心底大滿足！😛😄

今日夜晚同屋企人八點食完中餐之後仲有啲口癢，就去左海記座位唔多大約二十個，不過我地早到所以唔駛五分鐘就有位坐我同阿妹分左一個沙沙合桃糊，呀妹唔鐘意熱糖水所以叫左個凍既合桃糊份量都幾大，自己一個飯後未必食得晒🙈味道香濃，質感滑但係比較稠，筆起身望落有啲似漿糊，嚇親我地兩個😂上面既合桃粒粒又多又脆，唔會因為天氣潮濕冧晒，應該係新鮮切粒，同合桃糊撈埋一齊雙重口感😍反而可能因為食得太有興致，結果都係唔夠飽🤤二十八蚊一碗大大既糖水其實都幾抵，不妨同朋友黎試試😋

不嬲幫襯開太子嗰間海記。經過樂道見到有海記。二話不說走咗入去食碗糖水先。招牌沙沙合桃糊合桃香。份量多。d糊唔會水汪汪。合桃炒得剛剛好無過火。唔似其他糖水店d 合桃有燶味合桃控快d 黎試下喇