大和牛石燒專門店

一點鐘揾食來到呢間餐廳，人流唔算多，仲有好多卡位。🍔和牛漢堡 $42 （升級午巿套餐+ $12）個升級午餐真係好抵食！有是日餐湯🥣、炸薯條🍟、沙律菜🥗仲有汽水🥤沙律菜和餐湯都係自助吧，但今日係一個人嘅午餐，真係唔食得咁多，所以剩係拔左沙律。Burger 嘅和牛漢堡厚身juicy😋，厚到一啖都唔可以一次過咬晒，連埋蕃茄、菜一齊食，肥膩感即是減半。🥩美國安格斯牛小排（200g) $148我呢一個牛魔王見到呢度最出名就係’牛’，忍唔住都係要order 返一道牛排。牛排上菜時就放在熱辣辣嘅石燒上，自己可以因應喜愛的生熟度而控制牛扒上碟嘅時間。牛質鮮嫩，今次牛扒差不多10成熟，但係一啲都唔會覺得過韌，再配合埋燒汁一齊食（自助吧有多款醬料），真係超好食😋…查看更多

行過德寶，發現一間專食靚牛嘅餐廳，門面招牌有我至愛嘅Burger，餐廳環境整潔，最正有卡位座，看餐牌選咗三重cheese 和牛Burger，平時習慣叫煎到7成熟就夠，職員回覆和牛關係廚師會以95至全熟為佳，好吧，第一次幫襯先跟返廚師意見，我地仲選咗加$12套餐，包汽水薯條＋湯,沙律,飯(任食)，初初我地跟本不清潔是任食，之後職員落單後通知可到後方自取湯,沙律,飯，咦，自助自取即係任食啦，仲要加$12就又汽水又沙律菜，沙律菜可配柚子汁或芝麻醬，好fresh好好味，仲有麵豉湯及珍珠白飯任裝。主角到啦，大大個和牛burger有9成熟，咬落Juice，食落帶有少少筋，咁樣食起來先有咬口，我只食到2重芝士的口感，可能因為已經溶化咗，另外有啲好似芝士mix薯溶嘅係肉扒面上幾好味，食哂個包已經好飽，最後食埋啲幼身薯條，呢個薯條如果改用粗波浪會更佳，薯條略為唔夠香口。埋單個價錢超級抵，食到和牛burger仲要配菜任食包飲包湯寔係$60，真係唔知邊到搵。…查看更多

今次同我個牛魔王朋友去食石燒牛，既然佢揀得食呢間，牛嘅質素當然有保證😆呢到有唔同價位嘅牛同埋重量選擇，任君選擇，同埋原來仲有新MENU有BURGER揀添😮今次叫左日本A5和牛肉眼蓋($278/200G)、澳洲M6和牛小排($218/200G)、美國SRF和牛板腱($188/200G)、七寶札幌生啤($48/杯)*2落完ORDER後，就可以出去自助吧區，呢到白飯、湯、沙律無限任添，就算幾大食嘅人都唔使驚食唔飽😍另外仲有唔同醬汁可以選擇，等陣間食牛時配合唔同醬汁風味食👍🏻而每枱枱面都有岩鹽同黑椒作調料沙律正常，白飯軟硬適中，湯都幾多料👍🏻日本A5和牛肉眼蓋：作為呢到最貴價嘅牛，水準當然非常之高👍🏻油花分佈均勻，切得夠薄身，所以放上去石燒短短十幾秒已經食得，如果唔係就會過熟。食落果然好多和牛油脂香味，入口即溶冇得輸🤤澳洲M6和牛小排：呢到D牛扒上碟時預設3成熟，職員細心提醒先將D牛放去碟到，要食時先再放上去燒，否則就好容易過熟，服務果然細心🥰呢款肉味都幾香濃牛味，再點D柚子汁、燒肉汁會更加惹味😋美國SRF和牛板腱：同樣地預設3成熟，由於牛扒比較厚身，所以建議切細件D再燒會比較容易控制外同內嘅生熟程度😄呢款美國牛食落有D驚喜，肉味香濃程度同澳洲M6唔差得幾遠，簡簡單單撒D黑椒已經好好味🤩但個肉質口感我覺得再好食D，價錢仲要平多少少所以更加抵食😎七寶札幌生啤：食靚牛飲返杯生啤先夠CHILL😆呢到免加一，埋單$780，食左幾款牛扒，都覺得呢到食材質素幾好，而且仲要白飯、湯、沙律任添，真係幾滿足🤩同埋呢到職員都好友善，有提我地如果石燒板唔夠熱可以再換另一塊，好細心值得讚賞👍🏻👍🏻👍🏻另外新出個BURGER MENU睇返價錢又唔貴，仲有湯同沙律附送，都幾抵食，遲D過黎食下佢個BURGER先至得😋 補MENU…查看更多

昨晚放工約了朋友食晚飯， 他帶我到牛頭角牛頭角道3號得寶商場地下123號舖的大和牛石燒專門店， 一聽個名就知道有和牛食。 坐低不久看看餐牌， 發現有很多款牛選擇，來自不同的國家，有日本、美國、澳洲和紐西蘭， 如果不喜歡吃牛的也可以選擇豚肉和雞上髀。 而我就選擇了日本A5和牛肉眼蓋200g $278 & 澳洲M6和牛小排200g $218， 可口可樂$10 ＆忌廉$10。白飯、沙律、湯～ 這三款都是自助形式， 沙律非常新鮮， 我食了兩碗🤤， 湯是青紅蘿蔔湯， 清熱又甜美。日本A5和牛肉眼蓋🐮～肉眼蓋是指順住肉眼牛肉的筋膜所切落的上蓋肉🐂，是肉眼牛排的精華部位。 再用近期流行的石燒烹調方法， 令肉質再柔軟多汁， 油脂花紋分布得很均勻，肉質滑嫩， 牛肉味濃而且肉汁滿溢。澳洲M6和牛小排🐮～200g份量已經好大塊，牛味濃郁，口感軟滑， 這麼優質的牛肉基本上不需要任何調味， 原汁原味已經很好吃。非常推介喜歡吃牛的朋友， 這裏有很多款選擇， 價錢又抵， 食和牛都只需要二百幾一個餐，鍾意食牛肉的你千萬不要錯過啊！💯…查看更多