水門雞飯 (萬勤商業大廈)

📍尖沙咀泰國嘅海南雞飯一向出名，好彩喺香港都可以食到相對平價而又出色嘅地道泰式海南雞飯香港人鍾意食海南雞飯，除咗走高檔路線嘅文華，天天，Chatterbox Café之外，我都好鍾意食水門雞飯位處尖沙咀金馬倫道地舖，好明顯並唔係上述餐廳所攻嘅顧客群，而係針對比較大眾化價錢嘅市場招牌菜水門雞飯$54，轉雞髀肉加$10 ；雞肉嫩滑，再配特製泰式醬汁，非常可口開胃；油飯份量恰到好處，同海南雞相輔相成，但又唔會覺得太油膩；再加上泰式冬瓜湯，入面有胡椒，小辣好味🤤然後可以再加$8配泰式飲品，我覺得無論泰式檸檬茶或泰式奶茶都好有特色，必點…查看更多

成日經過呢度都好多人 終於有時間嚟試下～星期五晚當然坐得好滿 不過啲人交枱都快 等一等就有枱啦打頭陣胡椒湯清得嚟好勁胡椒香味啲雞好淋 而且夠入味 唔會好似煲湯雞肉咁份量都好對得住價錢 有兩層雞肉 我地冇加錢要髀位 都有半胸半肉食個飯粒粒分明 而且唔會太油 雖然呢度叫水門雞飯 其他嘢食都好食呢個冬陰公湯河 湯底味道剛好 唔會太濃食到後面會覺得膩 而且只係少少辣 鍾意食辣又食唔到太辣嘅就啱晒個豬頸肉都好好食！雖然相比佢地嘢食價錢高少少 但絕對值回票價份量好足 有肉汁唔會鞋烚烚而且燒得好香 加埋個汁食淡淡肉 正啊個芒果沙冰比想像中好飲啊！佢唔會好水 飲到後面都係淡淡芒果味 又唔會太甜夏天消暑或食辣嘢揀佢就啱！…查看更多

回頭度🍪7.5/10｜人均消費💰~$50-100-🤍水門雞飯 $54雞肉嫩滑 油飯都好香口🍚佢個酸辣汁幾好食🌶️仲有個冬瓜湯都幾好飲😋味道🌕🌕🌕🌕🌑-🤍泰式豬頸肉 $98煎得超級香口😍香口到唔點醬都好食但又冇好油膩嘅感覺味道🌕🌕🌕🌕🌗-🤍鳳尾蝦泰式金邊粉（微辣）$75酸同辣嘅比例恰到好處 幾惹味蝦都算大隻爽口🍤仲有蛋絲豆卜同埋唔同香料🤤不過記得加青檸呀🍋味道🌕🌕🌕🌕🌑-🤍水門撈麵 $58有豬手雞腳仲有鴨血🦤但真係冇咩味 得麵嘅鹼水味🥲味道🌕🌕🌗🌑🌑-🤍泰式炒通菜 $54就係正正常常咁😂味道🌕🌕🌕🌑🌑-整體味道🌕🌕🌕🌗🌑抵食🌕🌕🌕🌕🌑…查看更多

享受完個泰式按摩，朋友提議黎水門雞食。水門雞一直都係行經濟實惠路線，店內選擇不算好多，水門雞飯係必吃之選，雞件味淡但嫩滑，蘸埋佢既酸辣汁，搭配香氣四溢粒粒分明的雞油飯，太match了。另一主打泰式金邊粉炒得乾爽，蛋絲，鳳尾蝦，芽菜，豆乾配料豐富，火喉十足，色香味美，酸酸甜甜，碟邊提供青檸及花生碎，喜歡辣的，可以撈埋佢提供既乾辣椒碎，超正！香辣鳳爪絕對是辣味愛好者之選，鳳爪本身無味，經過特制的調味＋芹菜，大蔥，甘荀絲等配料，帶出多重口感和濃郁的香氣，好惹味。…查看更多

香港地想食泰國野，大家都會諗起九龍城。但為左迎合香港人口味，九龍城泰菜始終有啲夠正宗。 今日放假，突然好想食到正宗泰式雞飯同粉麵，所以出左尖沙咀食水門雞飯。估唔到佢假期都有午巿套餐，$70樓下就有一碟飯/粉麵連野飲。 水門雞飯連泰式凍奶茶 ($68) 先講雞，雞肉好滑，皮都好爽，配合埋醬油好好食。飯應該用左浸雞嘅水黎煮，好有雞油嘅香味，而且粒粒分明，飯都唔錯！而個湯就比較普遍。泰式凍奶茶都算正常。 豬肉丸肉碎扎肉金邊粉連泰式凍咖啡 ($64) 除左豬肉丸肉碎扎肉，佢仲有豬左嘅豬皮同一塊脆片。全部都係行貨，所以都無乜特別。泰式凍咖啡就正常發揮。 除左味道之外，餐廳裝修都好有泰國feel，平平地又想感受下泰國風味，去水門雞飯就岩！ …查看更多

尖沙咀水門雞飯地道泰式飯堂，基本上每個月總會食一兩次，食物性價比高👍🏿今次就點午市套餐另加幾款小食都好化算😬💫炸黃門鱔魚皮 炸黃門鱔魚皮是水門雞飯店的獨有小吃之一，鱔魚皮炸得酥脆，外層金黃色內裡脆卜卜，每一口都能感受到鱔魚皮的鮮美口感，而且份量多價錢相當合理😏💫和牛串燒 嫩嫩的和牛串燒經過炭火燒烤，質地鮮嫩多汁，入口即化🐮喜歡食和牛確是一個不錯的選擇，絕對可以滿足你的味蕾👅💫泰北青冬陰魚片湯粉 泰北青冬陰魚片湯粉是最有泰式風味的湯粉。湯底鮮香濃郁，酸酸地非常開胃，魚片鮮嫩，配上金邊粉吸收湯底精華，口感絕佳，每次食我都差不多連湯飲光光😋💫熱生薑蜜🫚 熱生薑蜜健康溫暖的飲品，入面都有薑絲和蜂蜜為主要材料，因為薑味濃暖入心不過都幾辣口😌午市套餐🍱💫水門雞飯雞脾肉 當然不少得點招牌菜之一水門雞飯，加左$10轉雞脾肉，質地細嫩鮮味十足，再加上獨有醬汁辣辣地好惹味😝雞油飯感覺油而不膩，香噴噴有口感🍚💫馬拉盞肉醬芥蘭苗 馬拉盞肉醬芥蘭苗家經過炒煮後都保持到蔬菜的鮮嫩口感，再配上馬拉盞肉醬的香辣味道，呈現出獨特的風味組合🥬💫凍泰式奶茶🧋 凍泰式奶茶口感濃郁，帶有泰式奶茶特有的香氣和甜度，加上冰涼的口感，非常適合在炎熱的日子享用，跟午市優惠套餐以優惠價就換到😌總結來說，水門雞飯每一款菜式都性價比高，而且夠獨特泰式風味和價格合理☺️💕…查看更多

次次行過都見呢間排哂長龍咁，今日見時間尚早，決定去試下😏望一望個menu, 原來呢間餐廳嘅野食比我想像中平喎！ 我地2個人叫左5款食物2杯飲品🥤1. 水門雞飯 $54黎到緊係要食水門雞飯啦！因為鐘意啖啖肉，所以點左要雞胸～雖然係雞胸，但係唔算"鞋"，而且配埋個醬汁一齊食，非常惹味！而且我好欣賞佢個油飯，飯粒粒分明並帶有油香味，超讚👍2. 清湯腩船粉 $50牛腩軟腍，湯底清甜，正常發揮😂3. 和牛串燒 $20/串見餐牌寫住做緊新品推介嚐新價，緊係要try try 啦！ 一串有4大粒，跟埋個辣辣地嘅醬汁食，真係好perfect ! $20串真係好抵食，每日限售30串，真係手快有手慢無😆4. 泰式豬頸肉 $98 豬頸肉爽口夠Juicy, 略帶蜜糖味，而且醬汁同和牛串燒嘅醬汁有少少分別，比較再偏辣啲，而且更加增添風味！ 5. 燒原隻魷魚 $45 呢款絕對係出色！！個人認為係必叫嘅菜式！！！為左方便進食，揀左碎上，魷魚鮮甜爽口，有焦香味，配埋個醬汁簡直無得輸！ 而且一碟係有2串，$45堅抵食！ 6. 凍泰式奶茶 $22 味道比想像中唔太甜，甜度岩岩好～ 7. 凍洛神花茶 $20 酸酸甜甜咁，夠哂fresh~ 以後係尖沙咀又多一間(飯堂)啦！呢間真係好抵食，性價比超高！而且味道唔錯！ …查看更多

水門雞飯真係想試好耐，奈何佢條隊永遠都嚇怕我，今日終於的起心肝排下，一試佢個雞飯是咁的，我好豪氣咁加左錢咁要脾位佢係油香飯，個汁完全係重要撈落去食超正，特別要讚真係個雞肉好嫩滑，脾位都真係唔係呃你，啖啖肉食飯唔係唔添條菜嘛呢個係馬拉盞芥蘭苗，食落唔un我收貨炒金邊粉有蝦，有青檸汁調味，炒得算有鑊氣，食落好幾爽口，不錯呢個限量版芒果糯米飯令人一言難盡熱到喊時要飲返杯凍飲雖然佢人多，但位都尚算好坐，唔會話要同人搭枱搭到逼逼澀澀而且佢招牌雞飯確係一定要食，性價比超高，味道亦勝許多同類餐廳…查看更多

成日經過尖沙咀呢間水門雞飯都好多人排隊，一直都未有機會試，個日見到竟然冇人排，所以就即刻衝咗入去🏃🏻‍♀️💨.餐廳店內裝修就好似帶咗你去啲泰國小店🇹🇭，好有地道特色，餐廳採用自助落單， 好方便📱👀水門雞飯 $54一場嚟到，又點可以唔試下佢嘅招牌水門雞飯🐓餐廳可以俾我地免費轉雞胸肉，或者加$10 轉雞脾肉🍗第一次試，我就乜都冇轉，諗住試下佢個原汁原味😋🥰上枱嘅時候除咗有雞飯，仲會有一碗湯同醬汁俾我地點🥣啲雞就算冇轉雞脾肉都已經好滑，同埋份量幾多，碗湯仲係熱嘅，而且有啲紅蘿蔔，飲得出唔係味精湯💕我個人覺得個汁都要記一功，雖然其實油飯本身都夠味，但係將個汁倒埋落去個飯度仲好食😍平時食慣少飯嘅我，都成碟清哂😛😛.想係香港都食到地道泰國水門雞飯，就記得嚟試吓啦，價錢合理，而且味道出色，一個人或者一班人嚟食都可以🙆🏻‍♀️👯‍♀️…查看更多

今日喺尖沙咀等睇戲 因為未夠鐘就去食個早飯～ 經過呢間 水門雞飯～ 平時排晒長龍 今日早食見到唔使等位就即刻入咗去嚕😬 入到去坐低店員就俾咗QR code我哋自己落單估唔到仲有假日午餐嘅餐牌 覺得更加抵食🤣 好快落咗單 等啲嘢食嚟嘅時候 望住姐姐喺度斬雞 都別有一番風味😗 好快就嚟咗個湯 同埋點雞嘅醬汁係胡椒味嘅湯 清清地又幾好飲～醬汁偷偷地試左先 幾濃味有少少辣 好香🤤 跟住到野飲 跟餐叫既😌- 話梅茶 酸酸甜甜好開胃- 泰式咖啡 咖啡香濃 叫左多奶 本身仲覺得有啲甜 但放咗一陣佢啲冰融左 個味就啱啱好😋 水門雞飯主角出場啦🤩 雞肉好滑本身已經有少少味 點埋個醬真係絕🤤 雞皮都好滑又唔會好油 雞油飯都出色 好香同埋粒粒分明👍🏻 呢個飯必食😌 豬肉串燒 +$26跟餐加咗個小食 豬肉串燒好香 睇落以為佢燒到乾咗 但入邊都仲食到豬既肉汁 點埋個沙嗲醬👍🏻 鳳尾蝦泰式金邊粉 呢個上枱都好香 出面嘅泰國餐廳食嘅差唔多 唔錯呀～ 燒原隻魷魚 $45呢個小食有兩隻魷魚 為咗方便食 佢仲可以俾我哋揀剪碎咁樣上 幾好😌 燒得啱啱好 好香又唔會乾晒 點埋佢嘅醬汁 辣辣哋 好惹味😋 烤麵包 $16正正常常嘅烤麵包 但點沙嗲醬 又真係第一次試🤣 全部擺埋一齊 就覺得自己叫咗好多嘢食🤣 整體來講 呢間水門雞飯 食物質素唔錯 上菜速度都幾快 同埋有套餐咁樣食係好抵食呀😋 …查看更多

呢間平時都多人排隊,今日見得兩個就去排下啦,唔洗2分鐘就入得入面裝修可以形容為一間好有泰國FEEL概快餐廳野食方面個泰式例湯雖然唔知係咩黎,見到冬瓜,湯落胡椒味好濃,去濕一流,都幾好飲黎到水門雞飯當然要點返佢概招牌菜水門雞飯招牌菜水門雞飯件雞肉好滑配埋個汁盡配配料青瓜去咗皮食落清甜飯係油飯將個汁撈飯食咗粒辣椒辣到飛起提醒各位注意香茅特飲幾有特色,好有香茅味食飽見到出面有人排隊都唔好意思坐多陣快快手埋單走人水門雞飯地址:尖沙咀金馬倫道18號萬勤商業大廈地舖電話號碼:23698128營業時間:星期一至日12:00 - 00:00…查看更多

呢日行過金馬倫道想食返個early dinner🤭見到水門雞有呢個下午茶餐食到6點前仲要星期六日都有 即刻衝入去食🤣記得當時都有不少好似我地既同類🤣🤣┈┈┈┈┈┈┈┈┈┈┈┈┈┈┈┈水門雞飯 $58賣相望落去色水比較齋食落沾返旁邊海南雞醬剛好雞件都比較鞋身彷彿是近雞胸的部份在旁跟上既湯很鹹並帶有很重胡椒味 鳳尾蝦炒金邊粉 $62即時炒起送上真係幾好食大概有六隻鳳尾蝦 蝦肉都新鮮呢碟炒得不錯雞肉串燒 追加 $24唔韌 都熱辣辣整起出黎馬拉盞肉醬芥蘭苗 追加$20 猜不到佢既微辣肉醬真豬肉碎辣得幾過癮 我唔係好食到辣既人 都覺得好食芥蘭苗都炒得唔錯喎 仲keep 到幾翠綠同爽洛神花茶 鮮檸梳打幸好兩款飲品都唔甜夏天飲品消暑一流…查看更多

［水門雞飯］$56雞肉口感不錯，沒有雞骨，食用方便。醬汁有切段的辣椒，很合我口味。油飯的香茅味不濃，不過仍食得出有。唔知點解仲有少少菇味。湯味道幾好。分量中等，唔大。女性食得飽，男就未必 😂.總括而言，水門雞飯位置方便，附近沒有同類餐廳，如想食清淡一點，是個好選擇。現時6pm後，外賣2份單點飯/麵有8折，更抵食 👍🏻…查看更多

水門雞飯（$58）份量適中，雞合格（但胸位較嚡），飯夠味又夠乾身，雞醬不錯（微酸微辣）。冬瓜湯超重胡椒味（天氣涼涼哋，驅寒驅風啱哂）。泰式檸茶，味道唔似港式茶底有澀味，偏向甜。追加小食：豬肉串燒2串（$24）、雞肉串燒2串（$24）串燒烤得好好，而且醃得幾入味，點埋沙爹醬一流（但如果二選一，我會揀豬肉串燒，肉質爽口啲）。…查看更多

行街行到夜過頭😅差不多2200 好在仲有得俾我 #懲罰 亦興幸今次唔駛排隊🤘🏼#水門雞飯 $54配有 #胡椒冬瓜湯 好暖胃🥰 雞嘅份量都幾多 唔會好肥 去骨 啖啖肉🤤🤤#泰式豬手飯 $52同樣配 #胡椒冬瓜湯豬手好入味 好腍🤤🤤 雖然啲豬手皮好似好肥咁 但食落口係好膠雖然有隻🌶 但睇開我食評都知我唔辣得😅😅所以呢隻🌶完全冇問題 只係個汁帶咗好丁點兒嘅辣 令豬手更開胃惹味👍🏻#凍泰式奶茶 $22 都有七、八成嘅相似度不過差過兩、三成係為咗更配口香港人口味🤣少甜少冰少…..=====================#黃色經濟圈 #yellowtst #yellow尖沙咀 #yellow金馬倫道 #泰國地道美食 #hker #hkig #hongkongfood #香港加油 #食好西😋 #互推互追互讚 #nofilter …查看更多