滿江紅

嚟過兩隻手數唔晒咁多次，喺香港要食川菜來來去去都喺嗰幾間，呢間我鍾意佢較平民化兼地點方便。每次來都必叫水煮魚同辣子雞，辣椒好多，魚塊都好足料兼滑溜，值得推介 辣子雞我貪佢香口，同埋我好享受喺一推辣椒入面搵雞粒嘅過程 嗜牛嘅話我覺得水煮豆腦牛肉都可一試，牛肉同豆腐都十分滑，牛肉唔洗𡁻 總括嚟講食物質素係唔錯，所以我先會encore完再encore。…Read More

經過加連威老道10萬次留意到呢間舖好耐， 但一次都冇食過孤獨的聖誕兩個毒女不想歸家連唱K都full晒，朋友突然提出不如食辣野出身汗發洩一下好,於是就去左滿江紅樓下的姐姐兇神惡剎地問：火鍋定小菜毒女朋友：我想食水煮魚姐姐：即係小菜啦！個半鐘交檯！（佢個表情神態,爭在未講一句：過主～！）（佢的裝潢同樓下姐姐令我一度以為呢間餐廳係咪有咩「背景」?不過，有咩比呢d大時大節做毒女更可怕丫？你兇我唔到o既~）一路上樓梯上二樓，途路聞到麻辣火鍋味（一樓是食火鍋）好耐冇食辣野的我條肥脷開始分泌口水了點了$318 二人餐有口水雞、水煮魚、菜、湯同細面/飯兩碗口水雞、擔擔面和渝州涼面都是中規中矩朋友更覺得渝州涼面不好吃我是覺得面身較硬，優點是不辣，可中和一下全餐的辣氣說好的水煮魚上檯，花椒味濃，全餐最好味的菜式與以前食過的正宗川菜相似可惜紅薯粉份量不足食辣野，水是消耗品同必需品壼水早已乾塘，可惜侍應人影都冇好不容易離遠有位女侍應經過的影子我在0.01秒用演唱會fans的「蘆葦手」大幅度搖曳再叫：唔該～加茶丫女侍應安靜地行過來, 再語帶斥責咁話「下次可以揭開茶蓋」哈！You seems like fun～幻覺黎架啫，嚇我唔到既！非常平靜地，我地又繼續食價錢尚算合理但在尖沙咀應該有更好的選擇吧！ …Read More

為配合朋友生日，所以挑選了四川菜，因為我不能吃得太辦辣，所以叫了個不辣的黃金蝦，但不夠蛋皇香味。反而叫了水煮魚，魚得滑，而家且又沒有想像的辣，還不錯。另外叫了辣子雞，難得佢可以將啲雞切到咁細粒，差啲仲細過啲辣椒，要响啲辣椒中間挑雞食，好累。最抵係杯咸檸七，加大凍飲，可以夠飲成餐飯。…Read More

每每同人抱怨香港的川菜，便會被推薦三希樓 滿江紅，心底默默說，又不是沒去過...承認我對川菜有很高的要求，但環境所限，如友人所言，滿江紅在香港都算不錯，我也算常客。個人認為尤其好過多數時尚包裝的川菜館，比如時代某場樓上某間，不好吐槽太多，大家各取所需，食物環境都很重要，也許滿江紅較為嘈雜的環境會嚇退了很多人呢。宮保雞丁。我又認為了，這道菜是檢驗館子的一個標準，每次試新店都會點來看下，雞肉絕不可以泡水，芡汁不多不少，剛好包住雞丁，又不可以過多殘留在盤中，雞肉鮮嫩，花生香脆，辣中有甜，甜中有辣。滿江紅都算不錯。水煮魚 辣子雞，過癮之選，辣椒花椒的陣仗，在香港川菜館子真不多見啊。只是味道，少了很多層次。這是我最不滿香港多數川菜館子的地方，除了麻和辣，也要有別味道好的麼？！！麻辣香鮮，厚重的味道，只占了兩樣，喔，還有一個味道，咸....一直都在不斷探索中，在此之前，滿江紅對我都是很好的館子，大菜辣子雞 水煮魚都只要百塊出頭，份量很多，不執著用餐環境的人應該都會喜歡的。 週末要等位，但是可以打電話問大姐排號進度，已屬於很人性的設置了。…Read More

我最愛食辣，終於試到滿江紅喇 ﹗成日經過都想黎試，但辣友不多又難約時間，撞啱今晚朋友仔得閒，又幸運地唔洗等位即時入座，爽呀 ﹗第一次黎梗係細心咀嚼下份 menu 先，兩個人叫唔到太多種類，一定先試招牌菜啦。依度有限時還枱機制，火鍋兩個鐘、小菜個半鐘。朋友仔仲話擔心唔夠時間，第一次出黎食飯咩，點都有個慨念掛。係依度食小菜有個半鐘足夠有餘啦，食多轉都仲得。真係好多菜色選擇喎，花多眼亂又胃食，好難諗呢 ﹗有辣有唔辣，最後決定叫套餐，唔洗諗。見全部侍應、帶位、落單、傳菜都係目無表情，係唔係如果幫川菜館打工都會特別燥呢？服務麻麻地，完全感覺唔到殷勤有禮。環境都好寬落，抽風仲好好添，感覺通爽。見有好多食客都係操北京話或國語喎，都幾受大陸客觀迎。麻辣豬耳，免費前菜，小麻微辣，熱身菜。軟骨脆卜卜，肉質少彈，唔錯，再凍小小就更好，紿終係涼伴菜式。凍洛神茶，味道都幾蜜桃茶架喎，係我既。柑桔蜜，同杯大既 hoggarden 差不多巨形，朋友既 ﹗例湯雞腳湯，非常濃味，係咪真材實料架？味道有點濁，感覺有點假，味精？肉精？口水雞，非常正呀 ﹗第一次食到咁好味既口水雞。多種香料味道豐富，麻辣中帶點甜味，麻辣汁調得厚而杰，漿住嫩滑雞肉一齊食，好味道 ﹗其他酒樓、飯店只係水汪汪口水雞同滿江紅無得比。清炒生菜，跟例湯一樣常濃味，到底落左咩呢？不過好有鑊氣，生菜爽嫩多水好好食喎，非常滿意，食多兩啖先 ﹗水煮魚，menu 寫住有大中小辣揀，但套餐上面無喎，只顯示小辣，唔知套餐可唔可以揀呢？我想食中辣呢。仲有水煮牛、田雞我都想試架 ﹗魚片夠滑，魚味算滿意，質感彈力不足，有點腍，不過勁勁勁多骨喎。小辣顏色唔係好紅，不過食落夠晒刺激 ﹗味道濃郁，麻辣混合多種香料，好刺激又夠辣 ﹗墊底只得幾條普通薯粉，孤寒左啲喎，真係十條都無囉。擔擔麵，依個真係要拍手掌 ﹗食過咁多間川菜既擔擔麵，麵條都係腍劈劈又無味，但滿江紅既麵夠硬夠彈牙又有趙口，湯底濃郁帶微辣，非常好食 ﹗好有添食既衝動 ﹗推介 ﹗麻醬麵，有驚喜 ﹗跟擔擔麵同樣做得十分出色 ﹗好好味 ﹗麵夠硬又夠彈，掛湯力強，麻醬香口濃郁。一辣一唔辣，兩款麵都咁好食，點算好？﹗…Read More