十二味 (銅鑼灣道) (已結業)

天氣轉涼，想食下辣野。今日收工黎左大坑呢間位於銅鑼灣道既十二味。上次黎食過午餐，今日食晚市。餐牌非常簡單，落單要掃QR code，之後服務員送上打印單俾你。今晚簡單叫左個水煮牛肉。水煮牛肉 $158 另加一水煮牛肉未食已經聞到好香辣椒味。牛肉片好多，食極都有，質感都算嫩，味道正常。除左大量辣椒，仲有芽菜，青瓜條，芹菜，蔥，蒜等，上面撒上白芝麻粒，下底仲有唔少寬粉，好滑。最少都要叫小辣，呢個小辣嘅辣度我覺得可以接受。百分百純梛青水 $20 另加一另外叫左罐百分百純梛青水解辣。簡簡單單又一餐。

是日跟同事一行三人於大坑這邊工作，認得這間川菜館分店有很多，恰巧於附近，就在皇仁書院旁邊。午市套餐好便宜，沒有加一收費，份量多且衛生。酸菜魚 - $73酸菜魚份量比想像中多，起骨魚片好滑嫩，完全沒有魚刺，有些連著魚皮有點膠質感；裡面有多款酸菜，酸度足夠之餘又有層次感，不過略厭麻辣不足，建議直接點中辣或以上，味道更為佳。水煮牛肉 - $68厚切的鮮牛肉片特別滑嫩和有口感，牛味濃郁，不老不柴，那麻辣感好豐厚。乾煸四季豆 - $52清脆的四季豆經油煸炸後，變得皺縮，但口感變得更柔軟及彈牙，混著炒香的肉碎，有肥有瘦口感佳，還有點麻辣感，配飯好搭檔。酸辣土豆絲少許爽口的土豆絲作為前菜最適合不過，有微微的酸辣感。道地檸紅茶就是普通的紙包檸茶。跟餐飲品不用加錢，其他則需要加錢。

十二味開到黎大坑！試過十二味好幾間分店，今日就試試呢間位於大坑銅鑼灣道既新店先。呢間分店細好多，大概有20個座位左右，枱同枱之間空間唔多，不過用左板隔開，都可以嘅，裝修明顯新凈。午餐有三款，價錢平啲又冇加一，有川式口水雞，酸菜魚同水煮牛肉。落單要掃QR code，之後服務員送上打印單俾你。酸菜魚 $73酸菜魚可以揀唔辣，正，天口熱可以食得冇咁刺激。連皮嘅魚有七塊左右，嫩滑冇骨。其他配料除左酸菜，仲有少見嘅雞脾菇片，白蘿蔔片，萵苣片，蒜片，薑片，蔥花，同黃色食用花瓣。最後仲灑上白芝麻粒，材料好豐富。個湯少少酸，薑味重同好香麻油味，送飯唔錯。另外，都可以揀配粉條，價錢就貴啲。水煮牛肉 $68水煮牛肉最少都要叫小辣。牛肉片大約八塊左右，都算嫩滑嘅。除左大量辣椒，仲有芽菜，芹菜，蔥，蒜等。雖然呢兜野紅卜卜，但係呢個小辣嘅辣度我覺得可以接受，要送飯食。跟餐涼菜跟餐涼菜係酸辣木耳 ，每份有四塊木耳左右，好辣。雪碧，零度可樂 跟餐加$5跟餐加$5可要汽水，仲有其他汽水同飲品可以揀。跟餐白飯好大碗，食唔哂。紅糖糍粑 $48 另加一呢個紅糖糍粑係要加一嘅。紅糖糍粑一客八件，外皮少少香脆而入面煙煙韌韌，味

放工時間喺大坑附近見完客，順便食埋early  dinner 先返屋企，客仔提議食新開嘅”十二味”，餐廳主打食川菜，係酸菜魚同水煮牛肉之戰 ！店舖唔大，裝潢係中式格局，石屎牆同紅燈籠🏮好啱打卡！掃QR code 落單，方便又快捷！🌶️水煮牛肉 $148最近食左幾餐酸菜魚，所以最後點左水煮牛肉！一上枱份量大得驚人！好彩只點左兩樣嘢！大大”盤”牛肉勁香麻辣味！水煮牛肉肉質嫩滑，牛肉有厚度，咬落有口感！點左小辣都幾辣 🔥 麻同辣都各有千秋 ！配菜有大量芽菜同我至愛嘅寬粉，非常入味！正！蔥油伴麵 $38 為左中和一下辣，我地點左完全唔辣嘅蔥油伴麵，蔥油香氣撲鼻，麵質煮到啱啱好，食落仲唔油膩，加埋水煮牛肉或配菜食好夾！

今晚又約左家姐周圍去搵食今日下午做嘢關係，要去天后嗰邊，一於近近地由天后行過去大坑搵吓有乜好食。行了一會，好快就發現一間十分搶眼的店，走近一看原来是「十二味」川菜館。原來「十二味」在大坑開了新店，今日仲要是第一天新開張，於是我和家姐立即辣癮發作。店員很恩切地招待我們入座，店子不算大，座位約有16個。店內裝修很有四川風味，掛滿了不少紅燈籠，環境整齊舒適。店鋪主打酸菜魚，不過今晚好想食水煮牛肉，然後加多一份口水雞、涼拌土豆絲、蒜泥青瓜及紅糖糍粑。「水煮牛肉」大大一盤份量十足，都只係$148，牛肉很入味而肉質嫩滑，內還配有青瓜條、芹蒜，生蒜蓉，仲有超多紅薯粉，全都是我們至愛，本人真心覺得好抵食喎。仲要係好味到停唔到口。「川式口水雞」亦超值，一份只係$68，份量亦不少。入口雞皮爽口，麻麻香香，十分正👍。而且麻和辣程度，可於落單時按個人喜好選擇。至於涼拌小菜，兩款都是 $38。家姐話涼拌菜最緊要係一定要夠凍，最怕試過有些餐廳的涼菜吾凍吾熱。今晚呢間「十二味」的涼拌小菜就夠味又夠凍啦，啱晒家姐心水。「涼拌土豆絲」拌有生蒜粒，本人十分喜歡，非常好味，而且有辣/唔辣可供選擇。「蒜泥青瓜」就加有芝麻帶