醬堡 (已結業)

熱辣辣都唔知食乜好，就試咗呢間juicy burger見到有一個川式麻辣肉醬堡，本人係因為非常鍾意食辣，所以就叫咗。朋友唔食辣就叫咗一個bbq和牛漢堡。川式麻辣肉醬堡一嚟到已經問到嗰陣辣醬味，但係食落就覺得唔係好夠辣，如果再辣啲應該會仲更加正bbq和牛堡好juicy，食到成手都係汁，裏面個bbq醬唔會蓋咗牛肉嘅味道，個包係烘過，裡面番茄同埋生菜都好新鮮，成個包覺得係有驚喜嘅小食揀咗生果盒+沙律，感覺係新鮮， 生果合簡簡單單有哈密瓜同埋火龍果， 唔係話好甜但係唔會覺得酸 沙律生菜同青瓜都好爽原本睇食評見啲人話佢啲漢堡唔 juicy ,但係食落又唔係喎，好多肉汁流出嚟,有圖有真相

大角咀一帶餐廳小店林立，一直都係覓食既好去處，無論由港鐵旺角站或奧運站行過去都好方便。今次同友人係旺角行完街，路過 醬堡 就入去睇下有咩食，餐牌上有多於十款的漢堡選擇，每款都配有特色的秘製醬汁，我同友人都覺得餓餓地，就各自點左一份套餐，各包括一個漢堡、配菜（任選兩款）。落單後漢堡係即叫即整，上菜速度都算快我叫左蜜糖芥茉醬堡套餐，揀左鮮果盒同罐裝有汽檸檬茶。漢堡當中自家製手打牛肉係真材實料，牛肉味香濃多汁，冇渣，配合多到滿瀉既水牛芝士同秘製蜜糖芥茉醬就更加ＪＵＩＣＹ另外包裡面既生菜同蕃茄都好新鮮鮮果盒係切粒既火龍果同哈蜜瓜，係清新既好選擇。友人點既蘑菇芝士雞堡用左雞髀扒，食起黎覺得特別嫩滑多汁秘製醬汁帶有甜酸味，更加提昇左漢堡既好味度配料有生菜、水牛芝士、磨菇、蕃茄，非常豐富呢。值得一讚係佢地既漢堡用既麵包都有烤過，食落更加香口同香脆！日替沙律都好大盒，絕對係健康唔熱氣既好選擇有誠意製作食物既小店值得我地多多支持～

星期六的午餐嚟到呢間漢堡店吃下午茶這間店嘅餐單都好吸引，口味有傳統嘅，亦都有特別嘅。跟餐的話，配菜亦都有好多唔同選擇，飲品亦是多元化日替沙律意想不到都幾大份，材料新鮮，有日式風味，味道配合得好好！BBQ醬和牛堡佢哋嘅漢堡包鬆軟，輕輕塗上一層牛油，感覺新鮮。BBQ醬汁香濃，牛肉有肉汁，其他配料令成個包更加口感豐富和風柚子照燒醬堡柚子醬感覺清新，配合埋牛肉一齊食味道幾配合，亦有酸酸甜甜開胃嘅感覺。飲品我哋點左蕃茄汁，以及冷泡伯爵茶。漢堡包店有冷泡茶感覺都幾特別，以佢嘅茶味都幾香，中和返味道濃嘅食物。水果盒內有兩種水果：火龍果、哈密瓜。哈密瓜幾甜總括而言，雖然店舖細細，但亦有吧枱位置比客人坐低食，店內環境幾好，都坐得幾舒服。食物嘅質素亦不錯😊

這天在大角咀Juicy burger食嘢雖然店仔細細，但入到去係會有份親切感我哋兩個點左兩份套餐先來嘅係BBQ醬和牛漢堡，配蕃薯條，菠蘿汁漢堡裏有牛肉、車打芝士、蕃茄、生菜、洋蔥、BBQ醬 。呢個配搭比較穩陣經典，材料豐富，入口有層次，牛肉味道濃郁，配菜好新鮮。番薯條好香甜！感覺比普通薯條健康！菠蘿汁好清甜，感覺健康。另外一個餐係omakase. 配薯條，水果這一日的omakase材料包括菠蘿片、雞髀扒、芝士、辣味秘製醬汁。菠蘿好厚，酸酸甜甜，好清新；雞扒加埋秘製醬汁好好味，這個組合唔錯。薯條好香口。新鮮水果盒裏有哈密瓜及橙，食完burger 後清新之選。整體來講這一餐我哋好滿足！好味burger、好味配菜、好味飲品同埋水果