牛角次男坊 (荃灣廣場) (已結業)

原本諗住去食牛角燒肉 但可惜太多人排隊🥲🥲所以無得食 太肚餓又等唔到😩所以就去咗荃灣廣場睇吓有啲咩食一入門口就見到呢一間次男坊 就即刻諗都唔諗就入咗去食🫢🫢食唔到牛角食呢間都唔錯丫😉😉見到個餐牌 簡直係選擇困難症 揀咗好耐終於揀咗個次男坊丼 個飯嘅肉量真係爆多😱😱仲多過啲飯 啲肉多到我都要考慮嗌唔買多個飯🤣🤣仲嗌咗兩個小食 一個炸雞一個漢堡扒 炸雞就真係麻麻哋吾會再嗌🙅🏻‍♀️漢堡扒可以再食…查看更多

掛住牛角呢兩字，諗住質素有保證🤔但12點9去到都無咩人，已經有種伏味濃既感覺燒鹽麴牛舌便當$60幾蚊，午餐黎講都幾抵食，份量對女士岩岩好，男士就可能唔夠食😯薄切，8塊加埋等於1塊厚切，只可以話師傅手功很利害😂😂但主要靠燒汁同紫菜帶起香味，本身牛舌味偏淡，唔夠彈牙前菜反而有驚喜，冰冰涼涼又彈口👍👍美國牛腹腩次男坊丼🐮$90幾，賣相吸引👍如果可以考慮埋食客既感受就更好，上層滿滿既牛肉同芽菜，食起上黎好易跌到四圍都係😂保留到肉汗，肉質算軟熟，牛香味重，層次較單調整體不過不失…查看更多

我自己本身好鍾意食牛角燒肉，知道佢開咗呢間食燒肉丼既副線，一直好想去試，最近終於去試左！如果你本身係Kabu會員，可以用app預先攞飛。咁就排隊等咁耐啦！店員安排左我地兩人坐係店中間類似bar檯既檯，感覺上就坐得冇咁舒服。我地叫左豚肉丼配經典牛角飯燒肉汁($78)，同埋次男坊丼配次男坊燒肉汁($88)。落單後等咗大概10分鐘上菜。睇落都幾大碗！仲配埋麵豉湯㖭！牛肉同䐁肉既肉質都夠嫩滑、juicy。不過我就麻麻地個「經典牛角飯燒肉汁」，覺得佢太甜。反而次男坊燒肉汁唔錯，好match 啲牛肉！🤩配菜方面，佢放左超多芽菜係底，我覺得多得濟同煮得唔好食！😖總括來講呢間都值得試！下次再黎會再叫次男坊丼！🤗…查看更多

荃灣廣場地下近門口位置，排隊大約十分鐘左右買完野食再安排入座，叫左一個豚肉井，一個次男坊丼。入坐之後坐低等一陣就有得食，豚肉丼睇落比較普通，次男坊丼就較吸睛，望落啲肉堆到好似成坐山咁高，可以呃下like!至於味道方面其實就兩碗都差不多，燒肉都算燒得幾香，啲燒肉汁幾入味，肉薄得嚟又唔會話太乾，送飯一流，好快就食曬成碗飯。唯一美中不足係可能鋪啲肉上飯面需時，啲肉上到檯有少少凍左唔係好熱，希望之後可以改善下。 …查看更多

荃灣鄰近市區和新界，是假日閒逛飲飲食食的好地方，走遍一田和Aeon百貨公司後，晚上選擇來到次男坊用饍。早已在網上聽聞這間牛角的副線店落戶荃灣，頗為期待興奮，大約七時門口已站滿等候入座的顧客，而且源源不絕，幸好一行二人等了30分鐘就有位。鹽燒牛丼$78，價錢合理，甫上檯，俾鋪成花狀既牛舌吸引沒，份量絕對不少，牛舌味香不靭，焦香邊，厚薄適中，配上清嫩淺白的香葱絲，相互輝映，非常出色。招牌次男坊丼$88，一丼飯配上溏心蛋，同樣價錢合理，牛肉軟滑味濃，烹煮時間合宜，配上吸收了牛肉汁醬的米飯，不難吃光光，唯相比牛舌丼下，次男坊丼未及其出色。…查看更多

終於有機會來拜訪牛角旗下的牛肉飯專門店了，聰明的我們當然早早透過會員app拿籌號啦！我們點了一個次男坊丼配上經典牛角飯燒肉汁，套餐還包了一個麵鼓湯。一端上來就看到一座牛肉山，份量真的超多的，看到口水直流 哈哈！牛肉的肉質比一般肥牛厚身少許，微微燒焦再加上帶微甜的牛角燒肉汁。味道的話，總覺得自己在牛角燒的更好吃呢。勝在米飯和芽菜都不錯，整體不是非常驚喜，算是不過不失吧。:)除了牛肉丼，我們決定來個豚肉丼。肉的份量依然讓我們驚喜，鋪滿了整個碗面，還有那光滑的流心蛋，賣相實在非常不錯！可惜跟牛肉相比之下，豚肉就略為遜色了，肉質粗糙偏韌，是有點吃瘦叉燒的感覺。而味道亦略嫌偏鹹，幸好流心蛋和牛角燒肉汁令整個飯變得濕潤起來，同時把味道中和了。 不過再回頭的機會就真的很微了⋯…查看更多

知道牛角開左燒肉丼，即刻走去試！之前曾經喺日本食過類似，即燒牛肉配上醬汁同日本米，令我十分期待今次到訪。店面都算大，採取先點餐後入座的安排。點了次男坊丼配次男坊燒肉汁。上菜前，先送上味噌湯，再送上主菜。次男坊丼上菜時用膠蓋蓋上，微熱，見到有蒸氣。 打開後，賣相幾吸引，可以見到肉量頗多，份量都足夠。可惜嘅係唔記得走葱先試燒肉，肉明顯唔係即燒，有點涷，可見只有飯係微熱。以肉質來說，偏乾身，唔係juicy，不過肉味尚算可以。次男坊燒肉汁，唔算好多，真係微辣，佢嘅辣，屬後上，要落左喉嚨先感受到佢嘅辣。整體來說，還算合格。都係嗰句:無期待，無失望。…查看更多

次男坊丼 ($88)牛丼有兩種汁可以揀 次男坊燒肉汁就係辛口嘅 而經典牛角飯燒肉汁就應該偏甜 但係兩種都試過之後根本食唔出兩者嘅分別 主角牛肉比一般嘅肥牛厚身少少 但係肉質偏韌有啲難咬  而且有幾塊都好多肥膏 好彩佢好夠味 可以彌補返肉質嘅不足飯上面其實有啲紫菜碎同埋啲冇味嘅芽菜比你送飯食 但係因為唔夠汁撈飯所以去到最後都係食唔曬啲飯整體感覺都係冇咩特別 試過一次就夠There are two types of sauce that you can choose from for the beef don. One’s meant to be sweeter whereas the other is supposed to be spicy - however after tasting both versions I couldn’t tell the difference.The beef in this don is thicker than the typical fatty beef that you get from places like Yoshinoya. However, this also made it quite difficult to chew, and the texture of the meat was relatively tough. A large portion of the beef was made up of fat as well. Luckily it was marinaded quite well and so the flavour makes up for the lack of tenderness.There’s actually a pile of bean sprouts and some seaweed bits beneath the beef to go along with the rice, but since there wasn’t much sauce to go with, it was quite hard to finish the entire bowl.Overall I would say that the quality and taste was average, probably won't go out of my way to come back here again.----💭RatingYums 7.3/10 👅Worth 8/10 👍🏻…查看更多

平時已經好喜歡食牛角今次牛角旗下新品牌次男坊當然要去試一試喇Weekend 中午唔算人很多原來要係門外點埋食物，先可入內進食侍應會為你送餐，但要自行取水環境似快餐店，其他顧客可能會坐對面🐮次男坊丼（$88）一座山的牛肉飯賣相超吸引 同埋超香啊有成500g 美國牛肩胛肉牛肉係薄薄濃味的加埋濃厚甘甜的牛角飯燒肉汁中間仲有層芽菜每個丼都附送一個麵鼓湯如果要飲品，要另外加錢🐷豚肉丼（$78）比牛肉遜色豚肉比較淡口，唔夠濃味肉質比較乾身同埋汁唔太足夠配埋溫泉蛋先多少少味道比預期中差，會prefer 食牛角多些🙈🙈🙈…查看更多

有次荃灣行見到這間牛角出品名叫次男的飯店，食物賣相突出，走打咭路線。我今日就試試，主要有3款丼，另加其他食材，當然要加錢。我叫次男坊丼，次男坊丼＋拖羅蓉刺身，豚肉丼。次男坊丼，即牛肉飯，配甜醬油，牛肉疊成山型，後面放上4塊紫菜，賣相吸引，打開牛肉內裡是用芽菜壘高，不過芽菜太多，比飯還要多，但芽菜調味一般！牛肉是薄身肥牛，肉味濃郁。次男坊丼＋拖羅蓉刺身，飯上枱前加上膠蓋保溫，所以影響咗拖羅蓉刺身的鮮味，生同熟的食物真係要分開，下次唔會再加。豚肉丼，肉上放溫泉蛋，混合飯一齊食，正！…查看更多

曾經作為牛角粉絲，知道品牌有間牛角次男坊開左喺荃灣，加上位置咁近，都想試好耐，奈何最初十個有八個都話唔好食，又要排隊，打擊左我嘅決心。事隔咁耐，人流漸散，加上星期五晚，唔算好多人等位，即管試下餐廳位於荃灣廣場，呢個位真係唔知第幾手了，座位都唔少，即使係快餐店黎講，都偏密麻，基本上聽哂隔離左右對面講野。到店先取票，等候十分鐘，成功入座，先喺收銀處埋單，由店員送餐。餐牌選擇唔多，主打4款燒肉丼：次男坊丼、燒鹽麴牛舌丼、豚肉丼、王樣豚肉丼，定價$78/88，可以$60加配海鮮配料，聽講係香港分店獨有，例如牡丹海老、海膽、帶子、拖羅蓉等。我實左諗唔到理由去追加，將一個飯由性價比唔高變左低。次男坊丼 $88/經典牛角飯燒肉汁附味噌湯，大約等左20分鐘，同圖片大致相符，丼飯上枱有少少冒煙。一片片牛肉靠著墊底嘅芽菜堆到高高，肉片份量收貨，大大話都有十幾條，有燒過嘅痕跡，食頭幾片仲感覺到暖暖地，全熟略柴不過堆到咁高都係噱頭，冇乜可能唔夾開啲肉(?)，啲牛凍左，食食下好乾幾難啃，我都明咁嘅價錢唔好講咩嫩肉。揀左牛角飯燒肉汁，自然令我諗起牛角燒肉嘅牛角飯，可以話完全唔係嗰回事。醬汁量少，飯粒略黏。豚肉丼 $78/經典牛角飯燒肉汁豚肉量多，至少見到有燒汁，中間有隻溫泉蛋，可惜味道不如賣相。豚肉薄身，剛上枱還好，愈食愈柴。由於有溫泉蛋，撈勻連同燒汁，令個飯濕笠笠兼好鹹，同牛丼情況相反。我唯有將啲飯同另一半嘅輕輕交換平衡。伝說焙茶 $12見到隔離枱有水嘅，另外有汽水($9)同北川半兵衛飲品($12)。黎之前已經用無數負評自行腦補，冇期望冇失望，就試一次滿足下好奇心。…查看更多

早前見這店新開張, 我又喜歡燒肉, 一直想試試, 但早期太多人, 終於在開張後兩三個月才在晚上8:30後見少人點有機會一試, 餐牌上主要就是牛丼和豚丼, 相信大部份人都是食這兩款, 另可加其他魚生類配料, 或俾多幾十蚊要貴價點的牛肉和豚肉. 和朋友各自叫了基本的牛丼和豚丼, 我的牛丼來到, 發覺和其他食客的牛丼比較矮了很多, 亦和餐牌上的圖片有些分別, 沒有那些紅色的長絲 topping, 豚丼就和餐牌圖片相近, 兩個的飯量都不多, 男性應該不夠飽.  牛肉有筋很花時間嚼, 沒有甚麼燒肉味, 很失望, 豚肉亦淡而無味, 那燒汁對提升肉味或撈飯完全沒有幫助. 這個價錢就如其他評論般, 相信都用在舖租上, 食物質素來說, 回頭客應不多, 恐怕新屎坑熱潮過後, 只有周五六日等才會有多點人幫襯吧.…查看更多

星期日的三點三，行完街就去試一試新開既牛角次男坊同女朋友想試好耐係門口唔算排得耐，等左一陣就入到需要係門口先揀好食咩，落單俾錢再安排入座咁我就揀左次男坊丼，女朋友揀左豚肉丼牛肉份量很多，牛味不算太濃，肉質不會很韌吃得出有燒烤過牛肉下有很多芽菜，偏油而且醬油偏咸整體來說尚可就女生而言，豚肉份量算頗多肉質很粗糙而且偏韌豚肉味不濃流心蛋正常蔥花份量適中伴飯一起吃一流但整體而言，不會再試很普通的豚肉丼，沒有太大驚喜未試過的，值得一試如果喜歡吃肉多過飯的朋友，相信應該很合適你們的口味但試過的就未必會再返轉頭了…查看更多

夜晚10點幾去到，唔使等位就有得食。佢嘅形式係先付錢買單，然後安排座位。所以各位係出面睇清楚自己食啲咩先跟住再去買飛就可以啦！我點左次男方丼，蔥味辛香，但黎到一D辣味都無，唔知係咪做錯左，不過唔緊要啦！ 整體上牛肉質素幾好，係個汁有d偏甜，食到最後有d漏…查看更多

早係幾個月前就知道燒肉品牌<牛角>會在香港開設<牛角次男坊>, 以燒肉丼飯為主打, 在日本同台灣都有分店, 開店之前已經有大大個廣告圍版在舖位, 令人期待萬分。香港人喜歡排隊, 為打咭, 為追潮流也好, 一有新的熱店開幕, 就必然有人龍, 本來諗住等熱潮過後先去試, 但和朋友剛巧路過, 大家都想試呢間熱店, 於是抱住「時間尚早應該唔會好多人掛」嘅心態, 走到舖頭嘅前面……好多人……😑最後等咗大約45分鐘終於叫我地喇, 入座前要先在前台收銀處點菜和付款, 我們分別點了2 個丼飯, 一個牛一個豬, 跟丼飯有一碗面豉湯, 醬汁可選次男坊燒肉汁和經典牛角飯燒汁。次男坊丼 $88次男坊丼就係店舖嘅王牌燒牛肉丼飯, 傳媒渲染, 強調將牛肉堆砌成16CM之高, 又話啱哂食肉獸, 好似好勁咁, 但佢嗰16CM係包括個碗同啲飯, 個碗底仲有個好高嘅”踭”喺度, 啲肉唔算少嘅, 但亦都唔係多到要強調囉, 加上16CM其實一啲都唔高, 食肉獸食完應該會好失望囉🤔至於牛肉質素呢, 我覺得唔算好差, 亦都唔係好, 肉味雖然不足, 有筋, 但牛肉都淋嘅,因為醬汁出色, 所以個飯都幾好食,插喺碗嗰幾塊紫菜唔知做咩事, 淋哂咁, 不如唔好放好過啦。 升級版熊本豚肉丼 $138 普通豚肉丼加$60就可以升級做熊本豚肉, 但其實我覺得……都無咩特別姐, 啲肉都係有筋嘅, 我想像唔到唔升級嘅豚肉會係有幾普通😬同樣地, 經典牛角飯醬汁為碗丼飯救回不少分數。2碗飯細細碗咁，食完夠飽嘅，但唔太滿足，以咁嘅質素，咁嘅份量，座位又迫枱又窄，要成$100一個人，我相信大部分嘅收費都去咗啲舖租度，所以我決定下次都係將啲錢放喺其他唔洗我幫手交租嘅店舖上面，我諗食物質素可能仲好。另外，有樣野想一提嘅☝🏼個飯碗同個托盤好似有生命咁，你一舀飯，佢就移位，個碗成日移來移去，喺度溜冰🙄呢個咩設計來架 …查看更多