盛記酒家

最近我去咗灣仔盛記酒家慶祝父親節，雖然外表比較平實，但係真係幾好食，食得好滿足。首先係金牌炸子雞，雞肉滑溜，雞皮好有光澤，炸得好脆口。紅酒燴牛尾煲，牛尾煮到好入味，肉身夠曬腍。紅酒醬汁香濃，撈飯食好過癮。欖角冰梅骨，酸酸甜甜，開胃又肥美，食到停唔到口。蝦乾魚肚浸時蔬，非常足料，好多蝦乾，仲有魚肚同蘑菇，口感味道都好豐富。椒鹽百福豆腐，外脆內軟，椒鹽好惹味，值得一試。餐後糖水叫咗芋頭蓮子紅豆沙，煮到起哂沙，好好味。…Read More

與家人晚飯在「盛記酒家」，大堂裝潢實而不華，服務也良好。很吸睛超大的深海魚！熱騰騰的熟花生米~令胃口大開！紅燒雞絲翅~小時候魚翅撈飯的日子重臨，妙哉！欖角冰梅骨~略帶鹹香的欖角配合冰梅的甜甜酸酸，令嫩滑肉排口感更添美味，下酒餸飯都一流！椒鹽百福豆腐~口感外脆內軟，又沒有上火感覺。香芒凍布甸~布甸香香滑滑，鮮芒果更令甜品如錦上添花！原來還有免費甜湯奉客，綠豆沙~起沙的綠豆沙口感非常好，還有陣陣臭草獨特的香氣，為晚飯畫了完美句號！…Read More

早前聽聞灣仔有間酒家不錯，今次就揀呢度提早做冬，酒家處於商廈之內，內裡是一般酒樓格局，有個養海鮮嘅大水族箱。茶壺、杯、碗、碟、筷子托等都印有錦鯉圖案，特別賞心悅目😍茶芥來了一碟好味嘅花生，酥腍中帶著淡淡八角香，好快就食個清光。聽聞這裡乳豬係即燒，就叫咗1/4隻😋乳豬外皮燒得鬆脆，🥰連隻碟都係熱辣辣上枱。隨燒乳豬有一籠餅皮，令人想起食北京填鴨，將餅皮夾住乳豬一齊食，脆卜卜，唔肥膩。😋就咁食，皮脆肉嫩，肉汁豐盈，味道剛好。叫個鮑魚雞煲應吓節，雞煲內有大量蒜子薑片，滋滋作響，香氣撲鼻。大約有4-5隻鮮鮑，口感軟彈，雞件嫩滑有雞味，濃濃醬汁，夠曬惹味。蔬菜揀咗雲耳百合炒藕片😋配菜有西芹、甘筍。小菜口感爽脆，味道清新。欖角冰梅骨排骨表層炸到酥脆，淋上欖角碎、冰糖、梅子煮嘅醬，外表晶瑩，味道吸引。內裡肉質鬆軟，欖角味香，和著冰糖的甜，梅子的微酸，確係色、香、味俱全。蒜片牛仔粒$98蒜片金黃惹味，牛仔粒有咬口肉味濃。食完仲有糖水送，紫米露香甜適中，正好在乾燥天氣中潤一潤。…Read More

天氣轉涼，最岩就係幾個人開圍枱食下小菜本來諗住落銅鑼灣，行經灣仔呢棟商廈見到呢間粵式菜館，就決定喺呢度解決今晚晚餐。菜館位於大廈三樓，佔地面積寬闊，有包廂，適合大小家庭式同商務客用餐。價錢以地段黎計幾合理，逢星期一至日都有不同精選菜式半價優惠。一坐低即刻開返壺靚茶暖暖身小食花生肥嘟嘟夠飽滿，脆口又帶花椒、八角、桂皮既香氣。酸薑夠哂香辣爽口，味道反而唔太酸；皮蛋晶瑩剔透，內裡呈流心，滑順稠密，比全熟更易入口，不帶沙。燒鵝上庄位置肉質偏瘦，岩哂不愛肥膩嘅女士，入口結實帶嚼勁。蘸上酸梅醬酸酸甜甜，更惹味解饞一字排先炸成金黃鬆脆，同樣加入冰糖同話梅煮成，令肉類香甜不膩，越食越開胃。硬要挑剔係一字排帶較多肥膏筋部，同炆煮比較起黎食落有啲韌必食煲仔菜一開蓋超級香！！！紅酒加上蕃茄木瓜燴煮而成，令牛尾軟稔鬆化，唔痴骨。非常足料大舊，每舊都有肉又有筋，入口煙煙韌韌，係滿滿既膠原BB呀食飽仲有糖水送！芝麻糊味道岩岩好，唔會好死甜，仲好香芝麻味。值得一讚係呢度服務態度非常好，店員會主動換碟斟茶，非常關心客戶需要，香港好少咁好服務既餐館咖啦…Read More