榕記火焰雞煲私房菜 (已搬遷)

雞煲開到一街都係，下下都麻辣你唔悶我都厭啦。今次黎到位於元朗屏山村既火焰雞煲。唔好俾個名呃左，其實一D都唔辣，係店主係順德學翻黎既新鮮本地雞煲。鍋入面有原隻新鮮雞、海蝦、花甲、鮮牛肉、豬膶、甘蔗、馬蹄、紅棗、雲耳。每日店主都會親自選購各類型新鮮材料，最後加入一整枝九江雙蒸而成，一個字甜呀🤙🏻.🔹榕記火焰雞煲 $468 (2-3人份)🔹膏蟹 $168.📍榕記火焰雞煲私房菜 (元朗)元朗屏山屏廈路112號地舖有大型免費停車場#只接受訂位 #足料 #記得加蟹 #甜上加甜 #店員細心會安排牛肉分開上 #會燒足幾分鐘🔥 #慢慢影 #唔岩影到岩😂…查看更多

多謝家姐介紹鄉郊另類自家雞煲，由西鐵站一條直路通榕記 ﹗前半段都有橙色街燈照明，尾半段接近圍村範圍就越來越陰暗，人煙稀少要格外留神，慢慢行約十分鐘就達陣咯。美女人生路不熟由城市走到大西北，懶惰的我罕有地獨自在西鐵站耐心等候護送。九月尾晚晚飯局，堅會肥到 2046 ﹗十月頭一定要破地獄減磅啊，次次還 min pay 搞到脂肪越滾越大，還成世都還唔清啦 ﹗由村屋改建，有內外座位，廁所都企理乾淨。環顧四周，美女少女比率異常之高，青春少爻、古早清純、成熟味道、等等等等，繁星閃爍，應有盡有，有如銀河沙數 ﹗圍村雞煲女兒國？請唔請侍應啊？私房菜必須預先訂檯，當日職員會來電落單買指定食材，所以基本上只要買得到想食什麼都可以。青島啤酒，正版的清爽味道，不苦澀做得好。每張檯都放著一支全新的九江雙蒸酒，不是用黎飲的！稍後整支燒酒灌入雞煲用作調味及點火，當酒精不能燃燒完全蒸發後，酒味清掉只留下醇香甜味，禮成可以立即開動。榕記火焰雞煲，基本鮮雞一隻、游水海蝦、花蛤、鮮牛肉、豬膶、雞膶、雞心、雞腎、紅棗、蟲草花、雲耳、馬蒂、甘蔗，十全大寶湯 ﹗我還預訂再加膏蟹及青龍蝦，山珍海錯共冶一爐 ﹗先等雞煲滾開，再整支米酒灌入 ﹗首次滾開，職員立即衝前替我們成支孖蒸隊晒落煲，立即點火 ﹗熊熊烈火，熱力迫人感到溫暖，非常妖艷的火種。烈火熊熊精彩萬分，當所有酒精揮發，火焰隨即慢慢熄滅。當火焰熄滅後，酒精完全揮發只剩香甜味道及芬芳氣味。開呀！煙霧彌漫滾熱辣，暖笠笠跟朋友享受美酒佳餚歡樂時光。開蓋白煙直噴，海鮮雞牛豬肉香氣打成一片，聞一聞精神爽利，索一索舒筋活絡 ﹗還未開始試食，聞得到的甜美，看得見的鮮味 ﹗海鮮耐熟能力較差，必定要優先處理 ﹗味道真係幾獨特既，秘製火焰醇酒甘蔗馬蒂海鮮啫啫雞煲，紅棗蟲草花雲耳花蛤滑牛豬膶雞膶雞心雞腎，額外再加兩隻巨型瀨尿蝦皇 ﹗雞肉吸收精華透徹，各種肉類種種海鮮，還有酒甜醬汁 ﹗有紅棗甘蔗所以甜味特別重，醃味可口，髀滑胸軟，啜得津津有味。滾起後要盡快處理，會越煮越乾越鞋越硬架。豬膶，湯引是也，在早段時候最好先處理，否則烚到乾硬韌韌唔好食咯。甘甜味濃厚，鮮膶味出眾。鮮牛，滑嘟嘟淡淡然的牛肉味道，醃味不嗆不過份。膏蟹，墜手重量級，眼測差不多有成斤重，有肉食有膏食。甘甜醇厚硬蟹膏載得滿滿，蟹汁雞湯滲透其中，滋味無窮，整隻蟹蓋被我損得乾淨淨 ﹗蟹拑巨形脫殼後大大舊髀肉露出，結實爽口，肉汁激射，興奮高興地笑住食 ﹗蟹身被肉塞得腫脹，還有大量蟹膏添附著，一啖兩種享受，白肉嫩滑鮮甜，橙膏嚼勁甘香，夢幻組合 ﹗青龍蝦，每位一整隻唔洗爭 ﹗用筷子一插一挑一塞一啖嘆掉半邊肉，動作優雅完美演繹 ﹗沒半點猶豫，游刃有餘，爽脆廷廷的肉質，鮮味超然，蝦汁甜美得宜。瀨尿蝦皇，雖然沒有膏，但勝在鮮氣迫人。啖啖嫩肉彈牙滴汁，蝦汁甜到世界盡頭，啜到不捨得吞下。奄仔蟹，軟綿蟹膏甜到痴筋講錯口，大部份蟹膏溶到湯汁，更甜更濃更滋味 ﹗蟹肉細細但激甜過份，鮮氣噴射。游水海蝦，翠紅色顯示係我最愛的油蝦族 ﹗爽彈蝦肉，甘甜蝦膏，回味再回味，沒有挑剔的機會，殺呀 ﹗花蛤，少見厚殼細肉，嬌嫩彈滑陣陣鮮甜，合格滿意。要趕緊盡快全部消滅，烚過火變成無味橡膠就真係食都無謂。如果食得慢，最好先行夾起再慢慢品嚐吧。榕記火焰雞煲，上半場接近尾聲，海鮮雞件清得八八九九，可以放湯進入下半場打邊爐啊 ﹗膏蟹，驅驅幾隻細少奄仔蟹那會夠攝牙罅呢，搏一搏問問師傅有否多隻泥蟹儲備，堅好運喎 ﹗蟹膏不及預訂的爆膏滿到瀉，免強還可以止止渴。試過上半場的炒焗，到下半場滾湯喇 ﹗正常膏蟹會跟雞一齊炒焗，因為中段才添食，唯有等到下半場滾湯。蟹膏蟹肉吸收湯汁更甜更水潤，多一點肉味，多一點海鮮味，別有另一番境界。脆肉鯇魚腩，因為餵飼蠶豆所以變成脆肉的鯇魚。居然買到如此肥美優質魚腩，不肥不甜，不夠魚脂不甜而帶草青味，脆卜卜的魚皮，結實爽彈的魚肉，沒有細骨啖啖肉，勁滿足 ﹗貴妃蚌，四眼青年不知道桂花蚌為何物，食貴妃蚌都可以。掙大雙眼，甩殼即起，爆汁鮮甜，爽彈幼嫩，海水咸鮮提味不少。象拔蚌仔，螺味出眾，鮮甜無盡，爽爽索索，出乎意料超高質，趙得過癮拍手掌 ﹗澳洲帶子，職員表示連殼活扇貝太細隻而且質素不太好，所以擅作主張轉為澳洲帶子。無所謂，最緊要好味道﹗驚喜中的驚喜，滿以為會係平平無其淡茂茂，竟然特濃純天然帶子清甜味道，霸道野蠻，餘韻持久，肉嫩厚厚，星級之選。新鮮本地石蠔，有選擇當然食本地新鮮生開啦 ﹗ 新鮮本地石蠔，肥美脹卜卜，極濃鮮蠔味，可以整隻吞下，無渣無沙不韌。蠔肚爆汁甘甜無比，沒有投訴的機會，跟罐頭美國桶蠔完全不一樣。竹笙，本身無味的野菌，海棉索汁一流，爽脆水潤，菜汁肉甜雞味盡在其中。隨著食材的種類、湯汁的變化而有著不同層次及味道，可塑性極高。黑豚肉片，簡單就是美，實而不華，平凡但好味。豬肉清甜不羶，鬆軟微彈恰到好處。四眼青年表示沒有和牛供應，亦不知道什麼係牛白肉、挽手腩，當然無緊要，食其他都可以麻。手切本地牛頸脊，堅係新鮮即日貨，還有油網在表面閃爍著，天然牛油黏黏沾在嫩紅肉片上。半生好，全熟也好，質地同樣嬌嫩彈牙，牛味強而有力，牛甜濃郁美味。稻庭手打烏冬，本想要個炒出前一丁，不過職員稱從來未煮過，沒怎樣的信心能夠駕御得到，我唯有隨便煮碗湯烏冬算吧。不是整個烏冬啊，只得半個免強夠一小碗。湯底變得清淡，不幸地面前沒有指天椒豉油呢 ﹗照樣整碗連湯連麵灌入，清淡的湯底反而讓烏冬米香更加突出。充滿強而有力的彈性，嫩嫩滑滑掛著大量湯汁，湯汁微微滲入烏冬之中，份外濕潤味甜，食得過 ﹗西洋菜，雞煲已包籃唐生菜，不過感到悶悶呢 ﹗想食西洋菜啊。送的唐生菜完全無食過，退回老闆不要浪費。翠綠頂級爽甜，菜汁澎湃飛射，好味好味。堂炒海鮮雞汁牛頸脊飯，四眼青年拿著碗白飯到來，親自操刀 ﹗堂煮濕炒飯，加多一點高湯稀釋，讓白飯吸湯再收乾，變得黏稠。色香味都完全係中式海鮮湯牛頸脊意大利飯感覺 ﹗濃厚味道有咬口的飯粒，灌注所有食材的靈魂，百味交錯，雞牛豬蝦蟹蠔蜆蚌精華互相呼應，閃閃發光，味道極有深度而複雜神秘 ﹗再以牛頸脊捲住飯粒釀到嘴仔內，陶醉無限太空漫遊 ﹗堂炒海鮮雞汁蟹味飯，壓軸表演 ﹗撈走所有食材，預備開動 ﹗老闆親自撚手炒飯，稱唔燶唔好食唔夠香口。強勁蟹味野蠻霸道，三隻奄仔蟹加一大隻膏蟹不得了！中式海鮮意大利飯，魚蝦蟹雞牛豬蜆蚌甘蔗馬蒂紅棗，黏黏濕濕集各家之大成，有鑊氣香噴噴，渾然天成手屈一指 ﹗…查看更多