特級美國豚豬肉及精選巴西雞腿肉豚肉切得很薄，所以只需要滾十秒便可以食用，每啖都爽滑彈牙，食落很多汁有口感，雞肉厚，肉質有層次有雞味，而且煮耐左都唔韌。到海鮮上場，即時所見，由左起青口、魷魚、翡翠螺、大蝦、帶子及廣島蠔。墨魚好有咬口，煙韌有肉味，大海蝦蝦多蝦糕，清甜不苦，蝦肉爽口彈牙，帆立貝煮完後仍然很大隻，味道鮮甜多汁。挪威三文魚刺身肉質鮮甜，無腥，濃厚三文魚味充斥口腔內紐西蘭青口、加拿大翡翠螺、廣島蠔青口鮮甜惹味，廣島蠔蠔味厚郁，帶有非常清新的感覺、翡翠螺肉厚彈牙西瓜味乳酪雪糕非常清新，不太甜，可以多食而不膩，配料很多，爆珠都有兩款味道（乳酪、荔枝），其他好似棉花糖同脆米都有三四款以上，再加上朱古力醬實在非常邪惡既美食，雪糕筒很脆口，威化味很濃第二碟和牛吃到一半，我們便點了第二碟和牛，很多食肆會在第二碟開始給便宜貨給客人，但這裡卻完全不一樣，一看發覺它不遜色於第一碟，油脂分泌平均多細密，最初因為和牛仍然微凍，煮完入口油香未完全溶化，稍等一會再滾，和牛的油脂得到全面釋放，口感一流
服務員充足細心，經常詢問客人是否需要添湯和補充食物，又非常勤快清潔店內及檯面，態度專業，結果我們都吃得飽飽的離開。…查看更多
。入到餐廳內，原來地方幾大，一室木啡，柔和舒服，卡位佔多數，而卡位背做得偏高少少，唔使同隔離枱你眼望我眼。我哋被安排坐得較入嘅卡位，更靜侷，方便我哋傾偈。晚市有多種套餐選擇，由$178-$378，視乎所揀嘅肉類級數，以及有無配海鮮，餐內全部肉類或海鮮無限制添加任食，當然大前提喺唔好嘥嘢啦，其他配菜、飲品、甜點自助放題食邊款套餐都包，唯一注意同枱所有人要點同一價位套餐。本應喺90分鐘放題，依家中價嗰兩款就加時到120分鐘，而最貴嗰兩款就更加不設限時。既然難得咁耐無見，就梗喺揀款無限時嘅「極上澳洲和牛+海鮮」（$378+10%）慢慢嘆，並滿足友人識食嘅要求。論到涮涮鍋，先介紹吓有咩湯底，分別有7款：北海道昆布、蕃茄濃湯、博多豬骨湯、昆布辛口地獄湯、韓式辛味泡菜湯、三文魚味噌湯及壽喜燒甜醬油湯，款款都各有特色。原來，依家仲可以加$10變成鴛鴦湯底，划算到極
，結果就揀咗北海道昆布搭蕃茄濃湯，兩者都喺健康湯底。當一入門口，就已經見有食物區，近門口嘅喺冷盤小食、沙律、甜品、軟雪糕機，啲小食同甜點仲做得精緻的骰。如大多數涮涮鍋，點選好指定肉類或海鮮類套餐後，其他嘅配料就可以晌餐廳正中央嘅食物區任攞。有啲咩食？呢個就喺我哋揀牛氣嘅原因，因為除款式多之外，又有不少特色配料，而且，試過你就知水準高，唔喺酒樓百零蚊任食火鍋可比
。涮涮鍋嘅生料後面，就喺醬料區， 有日式醬油、酸汁、胡麻醬、辣椒、炸蒜、辣椒蘿蔔蓉、長蔥、七味粉。小弟就唔喜歡太雜，醬油、蔥、炸蒜就夠喇。另一邊嘅凍櫃，放滿多款汽水、果汁自由取用，側旁更備有啡茶，怕生冷又健康少少，玄米茶或凍頂烏龍喺理想選擇。小弟本身都幾鍾意飲嘢，尤其喺火鍋呀、涮涮鍋呀，所以，成晚都飲咗好幾罐。但臨尾，食咗大大碗雪糕，嚟一杯玄米茶真喺舒服晒。走到食物區尾，有數款熱食供應，例如煲冬菇蟹肉素翅、忌廉湯、咖喱牛肉……等等。今回有對手，同老友涮唔少肉，食得好飽，所以，就無試佢哋嘅招牌咖喱牛肉飯喇。
沙律
自助餐又好，放題又好，小弟餐前必食嘅喺沙律，除咗添啲素菜平衡吓，主要喺幫助開胃，等一陣可以食更多嘢。一盤沙律菜，加幾款配料及3款醬汁，唔可以跟自助餐嘅規模比，但隨意配搭吓有啲蔬菜落吓肚就夠喇！冷盤小食喺等朋友嘅「涼」伴，隨啲拎咗啲中華沙律、味咐螺肉及八瓜魚，細細份，其實都喺貪過吓口癮。冬菇蟹肉素翅平時好少「掃街」，故甚少食街邊嘅碗仔翅，自從戒埋魚翅，就更加無食過翅。難得呢度有啲素翅，攞一小碗過口癮，翅湯內非常足料，味道唔失禮。極上澳洲和牛+海鮮 $378呢個套餐喺全店最貴嗰款，但就包晒所有涮涮鍋嘅肉類同海鮮，睇睇餐牌嘅內容，就知淨喺食佢哋都已經值回票價啦。挪威三文魚刺身三文魚厚切，件件肥美，入口油潤鮮味，唔錯。不過，刺身始終唔喺今晚嘅主角，但套餐已包，就當然要試埋。為方便多少少「無時間觀念」嘅人，餐廳俾咗兩位1分鐘及3分鐘嘅漏斗，前者喺用嚟計涮肉類嘅時間，後者就計海鮮，不過，小弟都喺隨自己喜好多啲，尤其啲靚牛，啲湯夠滾半分鐘都夠呀！同時間已上咗幾盤新鮮食材，先介紹吓盆海鮮拼盤，有日本帆立貝、日本廣島蠔、日本魷魚、嚴選大海蝦、紐西蘭青口及加拿大翡翠螺，我哋一行3人，就先嚟樣樣3件，睇落啲帆立貝同廣島蠔特別靚仔。帆立貝、魷魚、翡翠螺帆立貝厚肉鮮甜，咬落少少彈牙，魷魚烚完縮埋一炷，味道唔太特別，但啲翡翠螺好爽口，有點柔韌，沾點醬油寧舍好食。廣島蠔、大海蝦、青口估唔到啲蠔烚完仲咁大隻，而且，蠔味都頗濃，大海蝦鮮甜彈牙，又夠大隻啖啖肉，青口亦食得出靚貨，入口鮮甜，唔會韌到好似擦紙膠。極上澳洲和牛一大盆極上澳洲和牛非常養眼，老友睇見都心郁郁，好想即刻放入口，的確，油花分佈細密而平均，如雪花般綿密細膩，色澤鮮紅唔會瘀瘀黑黑。片片切得夠薄，輕輕灼十數秒就夠，入口真喺脂香滿溢，肉質嫩滑得緊要。老友大讚超好食，所以，臨尾都再「安哥」半份獨享。嚴選澳洲和牛油脂跟「極上」嘅差唔多，同樣整體都算分佈平均，如果唔喺店員講，都有少少難分辨。輕灼就可以入口，口感腍滑，而又不失肉味。極上美國牛小排色澤比起上述兩款和牛紅啲，油脂亦比較多，但分佈無咁平均，雖然口感一樣柔滑，油脂感較重，肉味卻稍濃。嚴選美國牛肩肉牛肩肉切得更薄，油份明顯就少好多，故入口脂香無咁重，亦唔喺食其油香，反而，肉質帶點韌勁，感覺好唔同。精選巴西雞腿肉雞腿肉要求安排唔好太多，相對牛肉，雞同豬肉就要灼耐少少。雞腿肉肉質意外咁嫩滑，一啲都唔嚡，又啖啖肉，皮下脂肪亦非常少。特級美國豚腩肉成日話肥豬肉，但啲豚腩肉一啲都唔肥，仲切得薄到透光，雖然喺豬肉，因超薄而無需要灼太耐，啲豚腩肉估唔到又喺好嫩滑。火鍋配料涮吓肉、涮吓海鮮，期間就穿插吓其他火鍋配料，因為款式多，實在試唔晒，但蔬菜就必不可少。之前講過，佢哋勝在連其他用料都不賴，幾款菜都好新鮮，個人推介啲丸類同墨魚滑，款款有特色，食得出唔喺溝粉貨色，唔好同我講跟「佳寶」嗰啲平嘢比。我咃都食唔少蔬菜嚟平均番吓，真喺一碟又一碟蔬菜架。詳細就唔晌度唔多講，總之就樣樣食啲，而啲蔬菜都頗新鮮。甜點 - 第一回大多數涮涮鍋專門店甜品都喺獨沽一味「軟雪糕」，但牛氣就多元化好多，晌飲品個凍櫃放咗啲，沙律枱度又放咗啲，又一大座軟雪糕機，全部夾埋有成11款，除咗啫喱粒，留咗肚要試勻佢。第一轉拎咗啲的骰甜點，包括焦糖燉蛋、牛乳布甸、3款和果子、椰汁黑糯米及南瓜露。當中，燉蛋唔算好滑，卻喺蛋味超濃，而最得歡心喺布甸及南瓜露，前者柔滑而奶香突出，後者寫明喺用上名古屋南瓜，香滑而富南瓜味。甜點 - 第二回西瓜味、芋頭味軟雪糕拼泡芙，泡芙不過不失過過口癮，而兩款軟雪糕口味獨特，兩款我都覺得好食。好彩無用雪糕筒，因為都溶得幾快，而軟雪糕機旁仲有好多配料可添加。 Movenpick雪糕讚好牛氣嘅面書，即送上Movenpick雪糕，無理由錯過架。朱古力味特別香濃，內裡仲有朱古力碎片，口感軟滑。品牌始終喺唔牌，質素有一定保證。無咗時限，真喺食得更暢快，唔需想住要回本急住食，結果，我哋7:00pm入座，食到差唔多10:00pm先走。老友大讚食物具質素，就連其他配料一啲都無欺場，佢後勁凌厲，臨尾仲添多一碟極上澳洲和牛，超滿意咁離開。…查看更多
