槾悠

行完IKEA發現開咗間新餐廳 環境擺滿綠色植物🌿 櫈、吊燈都係藤織設計 充滿熱帶風情🏝️ 見到門口”sʟᴏᴡ ᴅᴏᴡɴ ~ ᴄᴀʟᴍ ᴅᴏᴡɴ ~” 嘅slogan 配合佢哋嘅環境 即刻令我有一種relax嘅感覺😌 🔸串燒雙層塔 $198小食塔包咗魚餅、春卷、蝦餅、雞肉串、牛肉串、蝦片🍢蝦餅彈牙紮實；春卷香口；魚餅香茅味濃郁但稍為有啲辣；蝦片有蝦味 脆卜卜；雞肉肉嫩惹味😋 每一款小食都好好味 唯一係牛肉串有少少overcook 肉質有啲鞋🔸金沙麥片軟殼蝦 $128熱辣辣🔥上面鋪滿左鹹蛋黃 醬汁起沙 香口嘅軟殼蝦由頭到尾都可以食哂 真係一滴汁都唔驚浪費🦐雖然好邪惡 但真係好！好！食！🤩 鹹蛋黃控一定唔可以錯過✨🔸65℃溫泉蛋海膽醬拼刺身級煎帶子扁意大利麵 $128海膽醬濃郁creamy 麵條彈牙有咬口🍝每條意粉都掛滿醬汁 配合埋温泉蛋蛋漿🍳、三文魚籽 好滿足🥰🔸黃咖喱慢煮Prime牛筋腩 $118牛筋腩好淋好入味 筋肉比例啱啱好👍🏻估唔到入面仲有大量嘅蔬菜 豆角 椰菜花 紅蘿蔔🥕 撈2碗飯都無問題！🔸香草蒜蓉牛油多士磚(4件) $42食落牛油香十足🧈 配合蒜蓉粒🧄 *同咖喱一齊食真係prefect match* 如果再脆啲會更好🍞🔸️椰青美式咖啡 $55椰青水好清甜💧 配上fruity嘅咖啡 幾易入口建議飲一半之後 再加入咖啡 ☕ 咁就兩樣都飲到啦🤗 🔸斑斕生椰乳爆爆 $ 36飲落唔會太甜 以為係一般食開嘅爆珠 原來每粒爆珠仲包住紅豆🫘 好特別🔸椰香泡泡芒果糯米飯 $ 68糯米飯有紫色乾花伴碟 不過芒果有少少生 如果配埋椰汁會更加好！🥭🔸焦糖脆脆餅 $ 53係而家韓國好hit嘅croffle🥐 配上我鍾意嘅lotus🤎牛角包暖暖地質感鬆脆 cream質感特別 食落有啲似泡泡質感嘅棉花糖🫧 另外加咗$15配埋椰子手工雪糕🥥 不過就相對比較普通✨非常推薦哩間高質嘅新餐廳 除咗裝潢靚 食物亦都好好味 特別係鹹食！而且價錢合理👍🏻…查看更多

位於荃灣中染大廈的 The Sloth是一間新開業的泰國 fusion 菜，餐廳以木色、擺放了不少綠色植物作為裝修，彷彿置身樹林裡用餐，讓人有種放下都市的重擔，慢活地欣賞及享受食物的美味。1️⃣椰青美式咖啡 ($55)，從沒想過椰青可以跟咖啡拉上關係，很新穎的配搭，吸引到我平時晚上少飲咖啡都要叫返一個黎飲。椰青很清甜，75ml濃縮了的 Americano焦香味重，椰青最好先飲了1/3左右再加入咖啡，又不把咖啡溝得太淡，同多了一份椰青水的甜味，配搭清新。2️⃣ 恐龍下蛋 ($39)，朱古力配雲呢拿雪糕，冰冰涼涼，夏天很有消暑的感覺。3️⃣ 泰式素菜春卷($68)，春卷主要是紅蘿蔔絲、木耳絲，炸得香脆可口。4️⃣ 泰式生蝦 • 天使紅蝦 ($148)，一杯杯的刺身天使紅蝦賣相已經令人讚嘆，每一隻刺身蝦的蝦肉脹卜卜，非常新鮮，味道鮮甜，蝦身肉質細嫩柔滑，浸在泰式辣醬酸酸甜甜，香甜開胃。每一隻還加了粒粒的魚子醬作為點綴，令賣相更上一層樓。5️⃣ 松葉蟹肉配青芒莎莎蝦片 ($138)，每一片薄薄脆脆的蝦片滿載住一絲絲的松葉蟹肉，很甜很鮮味，而且份量也不少，還有粒粒脹卜卜三文魚籽、非常甜的芒果粒，連用以裝飾的蝶豆花也是其中的食材，這道小食充滿驚喜。6️⃣ 冬蔭功茄湯軟殼蟹炒意大利麵 ($138)，蕃茄意大利麵除了蕃茄醬的味道濃郁外，還加了泰國的冬陰功元素，令意粉會食得出冬蔭功的酸甜味道。原隻軟殼蟹炸得外脆內軟，口感鮮嫩多汁，還有一些蟹膏，整體配搭都好夾。7️⃣青咖喱豬頸肉 ($108)，豬頸肉份量也不少，每塊豬頸肉厚身大塊，而且肉質爽口，青咖喱很入味。同時也有不少配菜（豆角、菜花、茄子、紅蘿蔔），青咖喱帶點微辣，味道很惹味，還帶點青檸的香。7️⃣ 焦糖脆脆餅 ($53)，牛角酥窩夫焗得外脆，裡面就是酥皮質地，上面的cream加了焦糖醬和焦糖脆餅，很有滿足感。8️⃣ 椰香泡泡芒果糯米飯 ($68)，送上枱已聞到陣陣的椰香味，糯米飯蒸至半透明，與椰漿混為一體，鹹中帶甜，芒果肉香味多汁，很有水準，而且伴碟的紫色乾花增加整碟的色彩。這間餐廳除了用餐環境靚外，食物質素更是津津有味，價錢又算是合理，連食物的配搭、伴碟裝飾都可見餐廳花了不少心思，令人賞心悅目，真是值得讚賞😋😋👍🏼…查看更多

荃灣新開新派泰式餐廳 槾悠🦥招牌好可愛 園林式環境夠舒適融入慵懶悠閒生活態度𝚂𝚕𝚘𝚠 𝚍𝚘𝚠𝚗 • 𝙲𝚕𝚊𝚖 𝚍𝚘𝚠𝚗 • 𝙳𝚘𝚗’𝚝 𝚠𝚘𝚛𝚛𝚢• 𝙳𝚘𝚗’𝚝 𝚑𝚞𝚛𝚛𝚢 🦀黃咖喱海鮮軟殼蟹拼香草蒜蓉牛油多士磚香脆多士磚同泰式薄餅好夾椰汁黃咖哩🥘入面有雜菜燈籠椒青口🫑原隻軟殼蟹保持脆口🦐經典大蝦炒金邊粉金邊粉量多炒得乾身鍾意香料味可以落埋青檸汁🥜碎花生同🌶辣椒乾粒🦞香草牛油海鮮拼盤超推介必點呢個拼盤 限時優惠$288咋賣相靚海鮮種類又豐富 有齊龍蝦🦞蟹🦀蝦 🦐魷魚🦑青口🦪蜆🥦雜菜 朋友怕辣叫香草牛油味 個人較鍾意冬陰功 相信更惹味🌠星空蝶豆花梳打顏色好上鏡 吸引從未試過蝶豆花嘅朋友試吓🥥斑蘭生椰乳爆爆食泰菜就想飲椰汁 粉藍色芭堤雅天空都靚 最後揀斑蘭🥥椰乳香滑 最驚喜係紅豆爆爆珠🥭椰香泡泡芒果糯米飯只要有芒果飯就必試 泡泡代替傳統椰汁🥥軟綿綿椰子味濃🌸粉紅碎花仲好精緻🧇焦糖脆脆餅lotus脆餅🍪下係焦糖醬加一層軟滑cream同脆餅粒窩夫底…查看更多

經過見荃灣近排開左一間新嘅泰國菜，心郁郁想試好耐，最後近排同男朋友黎左試試😋餐廳泰國風嘅裝修好靚，打卡一流👍🏻加上座位好寬闊，坐得好舒服😌第一道菜，我地叫左泰式豚肉生菜包。生菜好新鮮，食落口好爽口。另外豬肉味道啱啱好，微辣。鐘意食泰國菜嘅我，點會錯過冬蔭功呢😆 依個冬蔭功好足料，湯裡面有好多海鮮，包括有青口、蜆、大蝦、魷魚圈等等。湯好濃，偏酸少辣，飲落好開胃😋另外我地都叫左青咖喱豬頸肉。青咖喱汁好濃超好味，我地撈飯食停唔到口😋😋豬頸肉每片都厚切，啱晒鍾意食肉嘅朋友😌我仲有叫左松葉蟹肉奄列。蟹肉好鮮味，連埋奄列加旁邊嘅酸辣醬食，特別有一番滋味😋主菜方面，經典大蝦炒金邊粉。金邊粉炒到好乾身，有鍋氣，好味👍🏻嘢飲方面，我地分別叫左一杯珍多冰同埋一杯凍Mocha，都唔錯👍🏻👍🏻最後我地叫左椰香泡泡芒果糯米飯做甜品，芒果糯米飯上面有焦糖碎同埋乾花瓣，又有賣相，又比平日嘅芒果糯米飯增加多一層口感，為今餐畫上一個完美嘅句號。…查看更多