羅勇泰國粉麵

呢間之前有聽過，openrice評價都唔錯，本身鐘意食泰國野，所以不防一試。地點就腳，七點鐘嚟到，係門口見到完全唔使排隊，心諗更lucky~入去竟然幾乎冇人！！反而有啲驚驚地環境比起泰式風情，更令我覺得陀地。menu唔多，價錢亦令我好surprise,呢個地段竟然都做到接近街坊價(後來發覺同份量有關)豬肉什錦湯河雖然俾朋友warn過size,但上菜時都係一shock,真係冇見過用咁迷你同扁嘅碗裝湯河。講返味道，豬肉切成一塊塊有啲厚度，咬落仲係爽口，一啲肥肉都冇，又唔'hai',非常唔錯。湯底夠濃，粉煮得岩岩好牛肉/雞肉串燒肉質好，味道好，配埋個沙嗲醬夠晒惹味泰式醬燒原隻魷魚筒(左)/燒香茅豬頸肉(右)佢問可唔可以兩樣放埋一齊，why not~魷魚一啲都唔韌，仲軟軟地，沾個酸酸甜甜泰式醬，好食~豬頸肉切得薄薄地，都燒都幾乾身，但食落唔乾，一啲肥肉都冇，好評~椰青食泰國野配返個冇加工糖嘅椰青就最正，仲可以挖啲果肉食，非常清甜解膩，唔係一般飲品比得上！一餐食晒呢度嘅雞牛豬，真心覺得佢啲肉好唔錯，一啲肥肉都冇、完全唔韌同'hai',不過份量大家睇相都睇得出係非常少，如果細食嘅人口痕想食泰國野就可以叫個粉再叫個小菜食下。如果人多啲嚟，相信差唔多可以叫晒全個menu因我哋兩個女仔食以上都唔覺好飽，不過食物質素絕對冇問題，都推介嘅~…查看更多

準備去The One 電影前，男友說帶我吃個粉麵，本以為是魚蛋粉，但原來不是，這家以泰式粉麵作主打，比平常吃的魚蛋粉另類得多，值得一嚐。**************************羅勇什錦金邊粉 (8/10)湯底十分濃味，配料充足，佐以砂糖醋等，酸酸甜甜，惹味。椰青 (8/10)好大隻又多水，味道清甜肉身亦十分淋，很容易就被我清哂椰肉吃。串燒 (7/10)正正常常，較特別是沙嗲醬有花生粒，吃落有口感。滷水鴨肉飯 (7/10)男友說醬汁不錯，而且配有的椰湯特別可口。****************************另，店員十分友善，見我的砂糖快用完便主動替我換新的。…查看更多

即興之約遇上禮拜五，又眞係好難唔洗排隊就食到心儀嘅餐廳。一行三人來到厚福街，縱觀全條街介乎間間都要排隊，我哋都係懶鬼，拒絕熱💩辣辣等位，抱著試下冇壞嘅心態行咗入去。餐廳唔大，餐桌擺位等設計有點茶記feel之餘再帶點懷舊。細看menu，食物選擇比坊間其他泰菜餐廳略少，但特色食物均一應俱全。第一時間order一個椰青消暑降溫兼下火。夠曬冰凍清甜！串燒有小驚喜，肉嫩微焦又惹味，連嗰醬汁都唔係普通嘅沙爹，幾特別。朋友嗌嘅青檸梳打就不過不失。秘制豬手湯金邊粉，湯頭濃香，秘制的豬手看似肥膩卻屬肥而不膩，有少量通菜，還有幾條脆脆豬油渣。金邊粉是我喜愛的口感，應該只是略略滾一下，口感爽滑，不會太腍。濃郁的湯頭已經蓋過了蔥花的清香。哇～ 好大隻吊桶！原隻醬燒，鮮味爽口絕不韌。沾埋酸酸甜甜嘅醬汁，停唔到口～三人之中，有個好鍾意食海南雞嘅朋友，所以lee餐飯又點少得佢呢～ 整體望落，雞肉還可以，但油飯一般。細嚐過後，最驚喜的是這碗椰子雞湯！未入口已經搵到雞湯香味，淡淡椰香，湯甜又滋潤，仲有明目的杞子，只係望落有d油。油飯的米飯質素一般，但油飯仍帶油香。雞髀去骨，嫩滑，嗰醬都唔錯。以尖沙咀週末三人簡餐來講，CP值已經值回票價！…查看更多

今晚係出名多野食既厚福街搵食, 經過呢間羅勇泰就俾佢藍色既招牌所吸引, 睇一睇餐牌原來主打食船麵, 聽就聽得多, 食就真係第一次。餐廳唔算大, 但環境光猛, 地方乾淨, 員工有禮, 仲會主動介紹食物。我地7 點到未算多人, 未需要撘枱, 所以坐得舒服。因為餐廳主打食粉麵, 所以飯類相對會比較少款選擇, 另外仲有地道小食同串燒選擇。 價錢都好平民, 旺區少有。既然主打粉麵, 更係要試下啦, 我選擇了海南雞湯金邊粉($42), 老公選擇了招牌什錦河 ($48)。上枱速度都好快, 起初見到碗麵唔算大碗, 仲諗住可能2, 3 啖就會食晒會唔夠食, 但又唔係哦, 我同老公都覺得份量岩岩好。大家既湯底都係一樣, 飲左第一啖湯,覺得好陌生, 又好特別, 未試過呢隻湯底, 最後忍唔住問左個姐姐, 佢話呢個係豬骨老水湯, 會有豬血一齊煲的, 令到湯底更加香濃。每枱仲會有泰國醬料任用, 個姐姐仲主動教我地加埋落碗粉麵更加惹味。招牌什錦河有豬肉丸, 魚旦, 魚片, 扎肉,  少許通菜墊底, 有d 香口既炸豬皮舖面, 令到成碗粉都好豐富。河粉比平時食開既河粉粗一半, 同比較薄身, 好滑, 吸埋D 老水湯, 十分惹味。海南雞湯金邊粉, 海南雞應該都係店舖主打, 我見每枱都好似有的, 多數配油飯, 如果配飯, 仲有椰子雞湯送, 感覺比較吸引。但我就鍾情食粉麵, 所以海南雞都係要配金邊粉。海南雞好滑, 份量十足。金邊粉一樣吸晒D 湯精華, 好味。 另外, 仲叫左2 串豬頸肉串燒, 每串$15( 2 串起 ), 豬頸肉燒得香脆, 唔太油, 配個秘制醬好味。個秘醬應該係自家制, 味道有D 沙嗲味, 有D 麻醬味, 有粒粒花生碎係入面, 夠特別。另外, 食泰國野, 最鍾意就係叫椰青, 岩晒咁熱既天熱, 仲要起埋D 椰肉食, 爽呀!…查看更多

今日係尖沙咀行街，同時又係覓食的時候。厚福街出名多餐廳，今日想食海南雞飯的癮起，經過羅勇，就決定試一試。餐牌雖然得一頁，但選擇都好多。今日叫了海南雞飯+豬手飯+蝦餅+青檸梳打+椰青。海南雞飯：雞肉嫩滑，如果雞件再多點，令到每啖雞都有雞餸飯，就最完美，因為飯的份量都多，哈哈，我都知好貪心，飯都好夠味。最驚喜係個汁可以選辣同唔辣，好適合我呢個愛好海南雞飯，又食唔到辣，但又好想有酸酸汁，呢間就好貼心有得選，汁酸酸地，好開胃。另外，呢間的湯並不是普通的冬瓜湯，而是特別下本的椰子雞湯，濃味，不會過鹹。豬手飯：豬手非常淋同入味，入口即溶，個豬手汁配飯好夾，令人食哂。蝦餅：蝦的份量不少，非常彈牙，熱辣辣又脆，配埋兩杯飲品，透心涼。…查看更多

話說睇戲前去了厚福街食沾麵，見到附近有間主打泰國船粉的舖頭，就一於睇完戲行一陣街之後去這裏食晚飯。泰國菜就好多地方都有，但主打船粉或泰國街頭小食的地方不多，而且這裏的價格相宜，是不錯的選擇。羅勇海南雞飯雞肉嫩滑，油飯清爽不膩，雞醬甜甜辣辣，不錯。椰子雞湯足料，有香濃的椰子味。牛肉湯河牛肉湯河是泰國船粉的湯底，配上少少的通心菜，好濃郁。入面有爽彈的牛丸，大大片的牛肉。而河粉是特製的，比正常的河粉粗了兩三倍，配上濃郁的湯底，依然入味。泰式鴨肉金邊粉鴨肉入味，金邊粉幼身，配上船粉湯底，非常吸味。炸魚餅魚餅混入泰式香茅等香料，彈牙可口，配上泰式辣醬，是不錯的小食。椰青椰青冰凍而且清甜，是消暑的好幫手。…查看更多

在尖沙咀一條小巷找到一間泰國菜，它的裝修很新穎, 內裏望落乾淨, 所以便進去吃個晚餐。我點了一個海南雞湯麵, 麵類也有幾款選擇，有金邊粉、河粉、油麵或米粉, 而我就選擇了傳統的泰國金邊粉。 另外, 我們亦點了一個椰青和兩串串燒。泰式飲品方面, 我最喜歡喝椰青, 椰青很清甜, 大大個。海南雞金邊粉來得很快, 它的份量比我想像中少, 金邊粉上的雞肉很嫩滑 , 粉的湯底是特別熬製的, 有豬紅的成份。金邊粉充分吸收到湯底的濃味。如果不夠味道, 亦可以滴一些魚露或辣椒油進去, 以增添味道。…查看更多