陳茶館芋圓甜品專門店 (黃埔天地第3期百寶坊)

營業中

休息中

睇完戲後想食甜品，得知左近有間食開心果甜品出名即去試下，假日的16:00幾都好多人，果然好受歡迎，好彩剛好有4個位即入。小小的店子，裝潢簡約柔和。餐牌，為開心果而來，必叫，友人要了其他。開心果雪燕西米露，$52。賣相好綠🤣，面層有開心果碎粒，濃郁的開心果香味，口感順滑，有粒粒個西米露，芋圓大粒，份量頗多，口感煙韌幾好味，整體都美味。芒汁芋圓西米露，$48，友人的。椰汁雪燕三寶，$45，友人的。開心果雪燕西米露好食，下次有機再戰。

第一次食呢間芋圓店八點幾已經坐得滿滿地，出面有唔少人等緊外賣，我哋好好彩咁好快都坐低咗✨第一個叫咗木瓜桃膠鮮奶，睇落簡單但原來都咁好味😍木瓜桃膠一樣咁足料飲埋鮮奶冇得輸☺️之後就到椰汁雪燕三寶三寶包括：芋泥，雪燕、芋圓，食落比較鍾意芋泥，有質感，芋圓當然好味，口感彈牙但唔假🫶🏻仲包咗幾款芋圓口味😍款款都咁出色🤤因為晚飯食得太飽我哋三個人share兩碗啱啱好😍有啲甜品仲可以熱食，啱晒養生嘅大家😍不過因為真係好多人等位，就唔可以坐太耐啦🥹下次有機會要再過嚟食🤤

超愛食芋頭嘅我點會錯過芋圓同芋泥哩啲美食😋 經過黃埔偶然見到哩間芋圓甜品專門店，梗係要試吓啦！👑椰汁雪燕三寶 $45香滑椰汁底，配埋大大份幼滑芋泥，雪燕份量都唔少，芋圓煙韌有咬口，啖啖都有多種材料，每啖都品嚐到濃濃嘅芋頭味，啱哂我哩個芋頭迷💜✨川貝麥冬陳皮燉雪梨 $38川貝化痰清熱、潤肺止咳；麥冬亦同樣有潤肺嘅功效；陳皮化痰止咳；雪梨仲可以清熱化痰。潤喉滋潤嘅糖水一定要揀熱食，食一啖就知道好足料，雖然川貝同麥冬都帶微微苦味，但加咗甘甜嘅陳皮同雪梨就中和返哂，最近哩啲天氣就好啱飲，可以潤肺潤喉👍🏻🔍整體感覺：店內用餐限時30分鐘，先付款後食用。餐廳唔係好大，但裝修簡約，環境乾淨，感覺都好舒適。職員服務態度友善客氣，食物質量更加優秀，性價比好高，一定要再encore😆