金利來

有乜野可以令你一再幫襯？係愛呀❗💕💞愛乜野❓咁梗係愛呢度嘅優良出品啦，鯉魚門 金利來餐廳 我又來了 😆可以喺咁多對手競爭之下，仍保持 屹立不倒 絕非易事 🧐呢度賣嘅除佐係優質海鮮之外，亦係一份堅持 ..... 👍大多數 海鮮餐廳，售賣方式大多數以斤両計算，如果食客人數多圍大數還可以 ......但好似我呢啲通常只有倆口子用餐，想試多幾款海鮮，簡直就係天方夜譚 😞但正正因為 金利來 嘅堅持，堅持以人頭方式計算，套餐價格有高有底，貪心想多試幾款嘅我，真係啱哂 😄今次我們 2 人選擇了人均 $380 嘅海鮮套餐 ( 不須加一 )由於本人對 蟹 不大喜好，訂位時通知餐廳，他們亦很樂意給我更改為 豉汁蟶子皇，抵讚 😘全個套餐共有十款食物，事不宜遲，去 [ 相 ] 🤣1) 清蒸鮑魚鮑魚味濃，肉質結實2) 蒜蓉粉絲蒸元貝蒜蓉特多，元貝鮮甜3) 清蒸海班肉質細滑，火喉一流4) 豉汁蒸蟶子皇香氣撲鼻，一試難忘5) 椒鹽瀨尿蝦炸蒜香口，蝦肉彈牙6) 上湯龍蝦伊麵底龍蝦鮮美，伊麵汁濃7) 蠔油生菜正常發揮，解膩首選8) 秘製海鮮湯湯頭清甜，精華所在9) 生炒臘味糯米飯糯米乾身，口感一流10) 精美水果超甜西瓜，解暑解熱Ps : 飯後感同菜式數量一樣，十全十美呀！😊…查看更多

專程回港度歲的親戚行將離開，他說想到鯉魚門吃海鮮，小人焉能不從，特意和友人陪他一趟。象拔蚌刺身是吃得出的鮮爽，預期之外的好。但跟著下來的豉油三蒸則不大合意。清蒸鮑魚就是把鮑魚蒸熟，淋一些豉油而已。鮑魚不算小，鮑香濃重，豉油則可有可無。另一碟的蒸蟶子，蟶子的肉不靭，之不過所不同的地方只是多了豉香，除此之外基本上跟鮑魚的味道雷同。再來的清蒸海斑，當然有薑有蔥亦有豉油，魚肉細滑，奈何仍是那一句：同樣的豉油，同樣的味道。來到龍蝦伊麵，以為終於都可以換一換口味了。龍蝦肉爽伊麵腍，然而上湯淡，沒多少味道，結果我們都要加一些豉油三蒸的豉油來吃才能吊出味來。吃瀨尿蝦永遠都是一件麻煩的事：要替蝦做好多運動才可以甩開蝦殼；幸好蝦肉夠大，吃著結實的啖啖肉加上香口的椒鹽，總算值得。總算一了親戚離港前的心願。…查看更多

因為今日有親戚係澳洲黎香港旅行，佢地話想食海鮮我就決定左黎鯉魚門，我經朋友介紹黎到金利來，平日同埋預先訂位時擇左菜,叫上台時即叫即整。每一樣海鮮都好新鮮好鮮味，原汁原味好新鮮,我最鐘意椒鹽賴尿蝦，象拔蚌刺身，生炒糯米飯…查看更多

(唔掂，好唔掂）係團購買左個11道菜的海鮮套餐，位位178，原本都冇咩期望 始終一分錢一分貨。夜晚7點半去到，坐低收左每人40蚊茶錢先。然後慢慢上菜，份量果然係比較的適。個湯一飲就知加左唔少味精，d海鮮唔單只賣相唔得，仲要好唔新鮮各樣海鮮上到一半之後就停滯左9個字，問左幾次都話煮緊，再搭一副（係咁架啦）既咀臉。後尾真係動氣再催佢，然後個門面竟然話我地8點半先黎（當刻8點9）等下好正常，我地等左9個字喎師兄! 全程個門面都一副你吹我唔漲既表情，sorry都冇，淨係話煮緊，我都幫你唔到。嘩咁既態度最後當然不歡而散。果然 街口第1間真係伏d…查看更多

趕緊在開學前再聚一聚, 同學仔中有是老師的, 開學後就會唔多得閒理我們了.其實去過鯉魚門不少次, 每次都係去海鮮檔先買海鮮, 然後帶去酒樓加工.  今次比較特別, 係套餐形式.金利來係一間坐落於鯉魚門海鮮群的入口處, 非常近牌坊, 一間沒有豪華裝修的酒家, 分兩層.  我們一行七人, 預早訂座, 獲分配樓上雅座   同學預先點了$350 的套餐, 我們其中5位是臨場才知曉菜單內容, 實在嚇一跳, 竟然 ...........海鮮湯 - 好足料, 有好多湯渣同荽茜, 好奇怪, 無乜荽茜味喎, 正合我意.蒜蓉粉絲蒸貴妃蚌 - 粉絲夠乾, 唔係一氹水, 貴妃蚌大隻又新鮮爽口.清蒸鮑魚仔 - 話雖鮑魚仔, 但都好大隻, 如果可以落多些果皮仲正.蒜蓉粉絲蒸扇貝 - 水準同貴妃蚌差不多, 但肉質及蚌本身的味道, 當然係貴妃蚌比較吸引油鹽焗奄仔蟹 - 正!!! 同早兩星期前到鯉魚門另一海鮮酒家食的, 有得比; 但那次的兩隻蟹是$360, 另加油料錢.  大家都認為可以從此放棄大閘蟹了.豉油皇美極蝦 - 其實我好怕食豉油皇煎蝦, 因為每次都係鹹到嘴唇好痛; 但今次完全唔同, 見到同學仔食到手指都想食埋, 我終於鼓起最大勇氣, 試吓咬落個蝦殼度. 嘩!  天呀! 嘴唇唔痛呀! 蝦殼味道適中, 帶有甜味, 蝦肉結實, 絕對新鮮.椒鹽瀨尿蝦 - 每人有一隻, 好大隻........... 唔太辣, 但好香, 肉質鮮甜; 上佳之選! 和以前食過嗰D $800三隻無乜分別囉 !!!!!!!!!!!上湯龍蝦 (伊麵底) - 好多龍蝦, 好多肉, 當然肉質結實彈牙, 一定新鮮!  但係實在太多海鮮了, 大家都食到上頭殼頂....... 終於要打包.清蒸海斑 - 成條食晒! 蒸得剛好, 嫩滑離骨, 又唔太多油太多豉油, 師傅功力真一流 !生炒糯米飯 - 雖然係單尾, 大家都飽到唔想食. 但最後每人都食了兩個半碗. 注意 : 大家開頭只取一小匙, 但最後係魅力沒法擋, 要 encore 再來, 所以係兩個半碗..... 它的顏色係原色, 並沒有如一般酒樓勁加老抽. 好味, 再來一個吧 最後是郊外油菜及鮮生果拼盤, 就一般般啦! 油菜就係灼生菜加蠔油, 如果可以改成炒菜會更加好. 果盤分量都好足, 內有西瓜, 芒果, 木瓜, 火龍果, 每種也很甜, 唔係出晒水嗰D.呢間係一間絶對會再去的酒家, 有心的酒家, 看得出你付出的每分亳都給用在出品上 (除屋租或房貸外), 不用夾錢食裝潢.  但亦因為這樣, 便不太適合作商業請客, 除非你同個客係老死.…查看更多