南大門

今次專登入南大門食海鮮，去到坐9號枱有位英姐話今晚我負責招呼你哋。因為自己拎咗兩支酒。一支係香檳，另一支係紅酒。英姐好快就準備好decanter。招呼非常好。一行四人，食咗加拿大象拔蚌刺身、阿拉斯加長腳蟹(兩食蟹身蟹蓋芝士焗伊麵底、蟹腳清蒸)、椒鹽瀨尿蝦、豉椒炒蟶子，再加個椒鹽鮮魷。飲飽食醉回味無窮。啲海鮮全部都做得好好，絕對冇投訴。現場環境舒適，海景也相當靚，值得一再光臨的餐廳。整個用餐體驗也相當好。…查看更多

慶祝朋友生日飯🥰三人行去左食海鮮～今次首試喺鯉魚門度食～以往食海鮮都只會記得屯門區同流浮山😆試過之後原來呢一間性價比都高👍🏻絕對值得再encore！海鮮部份有：-🫑豉椒蟶子（加脆米底） -🦞芝士焗龍蝦伊麵-🦐豉油皇大蝦-🧂椒鹽瀨尿蝦-🍊陳皮蒸鮑魚另外仲點咗兩個小食～（唔記得左影相🙄太肚餓）-🧡椒鹽豆腐粒-🐔香脆雞軟骨佢哋嘅煮工好好食😋特別係個豉油王大蝦真係超級一絕！同埋豉椒蟶子一定要配佢地嘅脆米底啊！最後甜品有芒果🥭同埋木瓜都超級甜😋～仲有芒果西米糖水🧡食海鮮最怕就係收費不透明既”海鮮價”！呢度好嘅地方係佢價錢算公道同埋收費好透明～會寫每一項嘅收費同埋服務都好好👍🏻係「美和」淨買海鮮價 $1886 / 3人份最後整張單「南大門」嘅加工費小食啤酒加一 $1139呢餐海鮮餐總共盛惠$3025（3人份）人均$1009 ❗️食到五種海鮮👍🏻😋…查看更多

三年疫情讓我們很久無法品嚐到南大門的美味，之前每回返港必定打卡的南大門，這次回港馬上預約了，一如既往的靓景🌊➕美食🍲，賞心悅目這次龍蝦🦞生吃➕頭尾芝士焗意麵真是老少皆宜的菜品魚🐠和扇貝軟嫩可口，時間把控剛剛好椒鹽鮮魷🦑外酥里嫩，佐酒一流，以後又多了一款菜品可選。醬爆聖子脆嫩，貝殼鮮甜，真的是大大的滿足呀這次南大門自家的脆排酸甜可口，很是開胃，奉送的糖水🍧南瓜薏米煲的軟糯適中奶香味十足。…查看更多

龍蝦芝士伊麵🍜龍蝦味濃郁不膩，龍蝦新鮮有彈性。Yummy Yummy Yummy😍😍😍椒鹽瀨尿蝦，肉多，新鮮，有點小辣.喜歡吃辣的應該會喜歡😍也很不錯nice…查看更多

系外面選好海鮮就行過去喇🦞🐙🐟平日未夠6點鐘walk in黎，有窗口位坐✌🏻皮蛋酸薑酸薑沾d糖，再放個皮蛋系面，一啖食落去，超級好味🔥🔥 皮蛋仲有d溏心👍🏻豉椒炒蟶子超肥美既聖子王，啖啖肉，又爽又嫩，系偏咸左dd蒜蓉粉絲蒸扇貝呢個味道普通，雖然有一大pat蒜蓉，但香氣差d椒鹽鮑魚成隻鮑魚包左一層薄粉落去炸，食落小小酥脆又香口椒鹽瀨尿蝦幾野味😋啖啖肉油焗奄仔蟹超級好味🔥🔥🔥 蟹膏香濃，蟹肉都好甜👍🏻…查看更多

今天兄弟在家竹戰後，準備出外食餐好的，我提議去我上次与朋友去過的鯉魚門南大門食海鮮，大家一致讚成，一行五人開車到村口牌坊盡頭，這裏有間多層公眾停車場，泊車收費平得驚奇，星期日晚$26兩小時，日間最平只$12兩小時，抵泊。一位兄弟近村口有熟識海鮮檔，選了幾樣海鮮叫送去酒家。不知是否母親節大節過后影響，路旁的酒家客人比較疏落。但到了南大門，因沒訂座，到達時大堂五坐位“有隔板孖枱”竟已坐滿，好彩經理認得我非常好招呼，有一間向大堂玻璃房空置，馬上特別處理“upgrade”到此貴賓房不過照大堂收費，皆大歡喜！今晚海鮮有白灼蟶子，蟶子肉質鮮甜，白灼才能食到真正鮮味，加上夠份量銀牙蔥絲伴食，最佳配搭。紅燒鮑魚，鮑魚紅燒火候剛好，食落煙韌有口感，汁醬夠濃味。上湯龍蝦煎米粉底，這是我的“favorite”菜式，必食，上湯汁調得夠味，落足料，肉身炒得鮮嫩，要強調那脆脆米粉底，入囗“卜卜聲”伴上龍蝦上湯汁，連食幾塊。椒鹽瀨尿蝦，仍是香口肉嫩，但今次油量稍多了一點。油焗奄仔，充滿橙黃蚧膏，膏香滑漏，咸度適中。豉椒炒蜆，豉椒汁調得夠香，但有點“削”。最后送上芒果木瓜水果。非常滿足的一餐！兄弟們都説環境舒適，招呼好，地方干淨，只是走得遠少少。下次會再來。…查看更多

相隔了個多月,今晚又同家人来了南大門食晚飯,自来了蟶子,龍蝦,海蝦,濑尿蝦,龍躉肉及骨腩,肉蟹,鲍魚给酒家加工,我地被安排坐地下大堂的1号枱.酒家的連主任負責招侍我地及安排海鮮的上菜事宜,他處理得有條不紊,细心週到,值得一讚!另外,厨師們的烹調海鲜技巧非常好,保持到水準!👍👍今晚的炇龍𧄌骨腩,沾了薄薄的粉漿,食落去脆而鬆化,又能留住豐盈的肉汁,好好味!另外蒜蓉粉絲蒸蟶子,厨師控制火喉適中,令肉質軟滑,正呀!不过,若咕嚕肉的汁醬酸D會重好!食埋酒家敬送的精美南瓜露後,就劃上完美的句號了!若来光顧,建議早幾日致電酒家訂位會好D!…查看更多

預先訂左位打算同男朋友慶祝生日，下午去到攞位，佢話未有窗口位住，員工叫我地自己出去㨂完海鮮先番黎，出到去我地行行下，有個海鮮檔嘅呀姨就話佢話佢係南大門嘅，所以就係度㨂海鮮，首先㨂左瀨尿蝦，二百幾蚊斤就有一隻，佢話兩個人一隻都夠食，再來㨂左龍蝦同象拔蚌，都係話二百幾蚊斤，之後呀姨話送個湯同埋蜆俾我地，㨂好晒最後海鮮費就大概$1,200。我地番番入去，佢就俾咗窗口位我地，窗口位加工費貴少少。我地叫左象拔蚌刺身，芝士龍蝦伊面，椒鹽瀨尿蝦，油鹽水蜆，一共四樣野。除左個油鹽水蜆，其他都正常。我地同員工反映左啲蜆有啲臭，但佢嘅回覆係實會有一兩隻係臭😅另外本身話送湯俾我地，但都冇送到，不過由於我地已經食到好飽，啲芝士龍蝦伊面都食吾晒，所以都冇再刻意去追佢地。個人覺得試過一次就夠，當日人不算多，感覺上員工嘅服務我地嘅態度好一般，明明大家都係食海鮮，但佢地對隔離枱勁客氣，又搵專人帶佢地㨂海鮮，又俾卡片，好好招呼，但對我地有啲看不起我們嘅感覺，令人感覺真係麻麻地，最後連埋加工費埋單$1,800。…查看更多

又是一年一度的中國新年。趁著初五不用拜年，特別和媽媽到鯉魚門吃海鮮，做個孝順兒子。南大門位於油塘鯉魚門。從地鐵站出發不用十分鐘便到牌坊，而餐廳的位置正正位於漁村的中間，再走大約兩三分鐘便到，十分方便就腳。可能時間還是早，餐廳沒有太多人。於是我們便特別要求經理安排我們坐在窗邊，一邊欣賞270度環迴海景，一邊品嚐我們的海鮮餐。餐廳沒有自己指定的海鮮檔，客人都是從旁邊的檔口買回來再加工。我們一行二人選了扇貝，瀨尿，蝦奄仔蟹和龍蝦等等海鮮回來品嚐。蒜蓉粉絲蒸扇貝(⭐⭐⭐⭐💢)首先上枱的是粉絲蒸扇貝。扇貝十分大隻，而且不會縮水。雖然已經蒸熟，但扇貝肉仍然黐住得很緊，這是新鮮海鮮才有的效果。扇貝吃起來肉質十分結實，而且鮮味。值得一讚的是蒜蓉香蔥味道不太重，不會掩蓋海鮮的味道，也不會覺得十分油膩。椒鹽瀨尿蝦(⭐⭐⭐⭐⭐)這個椒鹽瀨尿蝦十分大隻，一隻可以分開四件，兩人分享剛剛好。跟其他海鮮不同，這個椒鹽瀨尿蝦感覺不是十分熟透，肉質份外的鮮甜，而且蝦膏晶瑩通透，份量十分多。而且特別一讚的是侍應十分細心，吃完瀨尿蝦後拿了一碗熱茶給我們洗手。鹽焗奄仔蟹 (⭐⭐⭐⭐⭐)之後是openrice推介的鹽焗奄仔蟹。雖然現在不是吃蟹的最好季節，但這個奄仔蟹也十分不錯，中間十分多蟹膏，十分香口。 上湯焗龍蝦伊麵(⭐⭐⭐⭐⭐)然後就是最後的海鮮龍蝦伊麵。龍蝦十分大隻，大約有兩斤重。跟芝士焗龍蝦相比較起來，上湯煮的方法味道較為清淡，適用於烹調高質海鮮，以突出其鮮味。龍蝦肉質十分彈牙，是一般酒樓酒席菜式的龍蝦伊麵絕對比不上的。 瑤柱蛋白炒飯(⭐⭐⭐⭐💢)最後還點了個炒飯，有點澱粉質才會飽肚。蛋白炒飯是用隔夜飯炒的，吃起來十分乾身，而且炒得有鑊氣。瑤柱的分量也十分多，一分錢一分貨，絕不欺場。生果甜品(⭐⭐⭐⭐💢)是日甜品是椰汁南瓜露，吃起來椰汁味十分重，而且有一絲絲的南瓜肉，十分滋潤。另外的生果是木瓜和芒果，都十分鮮甜多汁，為今天的晚餐畫上完美的句號。總括而言，這個海鮮餐質素十分高，除了海鮮新鮮外，餐廳的加工廚藝也十分不錯。一分錢一分貨，偶爾吃一次也十分好。~~~~~~~~~~~~~~~~~~~~~~~~ 南大門 鯉魚門海傍道中58A號地下推介菜式：椒鹽瀨尿蝦、上湯焗龍蝦伊麵、鹽焗奄仔蟹👍🏻地點方便👍🏻海鮮鮮味👍🏻 廚藝高超 …查看更多

好耐冇食過海鮮，又好似未試過晏晝食海鮮做lunch，今日就試吓。呢度要行到最入，不過環境幾好又夠寬敞。店員話佢哋最頂層有露天座位，不過今日未ready，其實望住個海景食真係好正！聽店員介紹，去咗隔離一間海鮮檔買材料豉椒炒蟶子勁入味，唔太鹹，口感好爽一啲都唔靭椒鹽瀨尿蝦有成隻筷子咁長，輕輕用刀叉已經切得開，入面有超膏，非常好味！白灼花螺就算乜野醬都唔點已經好有鮮味豉油皇大蝦非常厚肉，蝦味濃郁，蝦頭有好多膏粉絲蒸貴妃蚌開心到想喊，因為有激多粉絲及蒜蓉，貴妃蚌肉厚彈牙陳皮蒸南非鮑魚海鮮檔話如果係果皮蒸的話，用南非鮑係最好嘅！果皮味好香，口感軟綿唔韌海鮮豆腐湯食海鮮點可以冇海鮮豆腐湯㗎呢？！飯後有芒果及木瓜，感覺好健康！服務態度一流有禮，望住個靚景食心情更加開朗…查看更多

今日同朋友去三家村影相，咁近鯉魚門，當然來個海鮮LUNCH ，朋友介紹去一間有無敵海景嘅酒樓，雖然要行到最入，但係係好值得嘅，而且樓底仲好高，地方好寬敞。間餐廳仲有兩層，樓上仲有好幾間廳房，多人嘅可以考慮，最特別嘅係佢仲有露天嘅地方，天氣涼涼哋嘅時間，坐呢到，望住無敵海景，一流行去餐廳前，先去買海鮮，分別買咗蟶子、瀨尿蝦、花螺、大蝦、貴妃蚌同南非鮑魚豉椒炒蟶子蟶子加入豆豉同三色椒，炒得好香，蟶子好入味，又不會好鹹，仲好爽口唔靭椒鹽瀨尿蝦巨型嘅瀨尿蝦，有筷子咁長，好厚肉，仲有好多膏又又長，椒鹽煮，好惹味白灼花螺清甜爽口又乾淨豉油皇大蝦好大隻，又厚肉，蝦味濃，蝦頭仲有好多膏粉絲蒸貴妃蚌好多粉絲，好多蒜蓉，咁當然要叫個白飯，貴妃蚌入味，又爽口彈牙陳皮蒸南非鮑魚好香嘅果皮味，蒸得恰度好處，好淋，仲好入味最後來一碗海鮮豆腐湯，仲有原隻木瓜配芒果做甜品，大滿足…查看更多

鯉魚門的海鮮食肆多不勝數，幸運的是次的吹水會議選址正確，一眾會員吃得開心。龍蝦刺身擺放精美漂亮，爽凍的龍蝦肉只需蘸一蘸陳醋豉油，已能盡顯鮮爽，中式刺身的極品。不知何解這碟豉椒蟶子炒得特別好吃，豉味足而不過鹹，蟶子肉大條不靭。蒜蓉粉絲蒸扇貝的扇貝肉厚大得離奇，蒜蓉的份量剛剛好，還吃到扇貝肉的鮮香。七味炸豆腐外層香脆，裏面的豆腐仍然保持有豆香，少許的七味粉已能提起味來。椒鹽瀨尿蝦超級巨型，蝦肉又厚又長，椒鹽極之惹味，正！酸酸甜甜的咕嚕肉，豬肉炸得夠透，混了汁仍是脆的，啖啖肉，徹徹底底的滿足了一群食肉獸！西蘭花好像浸在一個芝士海裏一樣，芝士汁澎湃得過份，每一件西蘭花都被芝士漿包裹著，甚至乎高過西餐的甚麼芝士焗菜的菜式！要在同類酒家當中突圍而出絕非易事，但小人就覺得這間是到目前為止在鯉魚門吃過最好的一間。…查看更多

其實去南大門食飯已經有一段的時間，但是也沒試過像這次一樣的，十八人來香港然後浩浩蕩蕩的去吃一頓飯。打電話預約了二樓39號單間，裡面還有露台，可以走到外頭看一下，相比起以往一直在樓下吃飯，這次的感覺大有不同，值得一薦。可惜是我們人始終比較多，一張桌子坐下去難免還是有點擁擠，但這也是無可厚非的，可以安排到房間已經非常難得！上載了的都是當晚的美菜佳餚，可惜的是有些圖片並沒有拍攝得很好，所以沒有放上來。大致上有，龍蝦刺身，鼓椒炒蟶子，椒鹽瀨尿蝦，象拔蚌，現仔蟹？（服務員是這樣讀的），清蒸魚，鮑魚切片，蔥油雞環境和食物都是滿分，價錢雖然是略貴了我覺得，但食過多次，也去過其他的海鮮酒家，始終覺得是這裡不錯！！…查看更多

琴日再戰南大門好耐無去食野我同朋友兩個就再去左一次一樣係老規矩要自己去買海鮮無話特別去開邊間買,就只係係街市買就算特別鐘意食蝦所以都買左幾多魚、瀨尿蝦、蜆、龍蝦、牡丹蝦鐘意去南大門除左因為食物加工煮得唔錯更要一讚佢個門面真係好靚可以飽覽維多利亞港既風景贏左唔少分數我地坐8號枱雖然個位唔算靠窗但成個感覺都係令我地覺得好舒服另外值得一讚既仲有服務員呀英姐雖然夜晚係做到踢哂腳但佢唔會窒窒搏忙就唔行過黎一擺低手上既野就會過黎唔會要我地等好耐服務態度好好…查看更多

老婆親戚到訪，想帶佢地品嚐香港地道海鮮，就唸起鯉魚門呢個專食海鮮嘅地方。我之前都食過幾間鯉魚門的海鮮店，唯獨是未有去過南大門，於是早幾日打去留位，聽聞window seat 都係一大賣點，識坐梗係坐近window 啦！我地訂左7點，親友在7月前已到酒樓並已安排入席，由於我當天要打波，所以錯過了挑選海鮮的時間 (不過咁仲可能會帶給我一點驚喜)。講講環境，酒樓的落地玻璃讓我們可以飽濫香港東的無敵大海景，當日我地仲欣賞到日落前的美景！第一道菜是龍蝦刺身，第一啖咬落口，一個字可形容‘爽’! 新鮮龍蝦蝦肉結實，有口感，至於係邊間買既？我要問下親戚先（你地有興趣可ＰＭ我）。。跟住上桌嘅係椒鹽瀨尿蝦，切好的瀨尿蝦上碟放得齊齊整整，是大廚用心制作，實屬難得。大大隻瀨尿蝦配上椒鹽真係冇得輸嘅，入面嘅蝦膏好甜美，雖然女士們一般都好介意炸嘢，但見到咁新鮮嘅椒鹽瀨尿蝦，都不得不吃了。　炸嘢梗係有Ｄ油，我接受到嘅，瀨尿蝦肉質鮮嫩，蒜味加鹽度適中，尚算乾身。吃完椒鹽瀨尿蝦，再來的是蒜蓉粉絲蒸扇貝，扇貝加上平凡的粉絲就變得不平凡了。扇貝已去了多餘的內臟、裙邊等，基本上拿上手不用看就可以吃了，唯獨蒜蓉量有點不足，粉絲好像沒吸透扇貝汁，或多或少都扣了些分數。唔好俾佢停，再來的是清蒸軟殼黃油蟹，蟹肉鮮甜，就係’蒸’先能食到黃油蟹嘅精髓，膏黃肉厚，這些黃油蟹應該有季節性，今次不吃，就可能要等下年了。花了十分鐘KO左黃油蟹，就到豉椒炒蟶子上場，這道豉椒炒蟶子皇，味道非常香濃惹味，蟶子啖啖都係肉，而沒有半粒沙，加了一點的辛辣，至為惹味，實為海鮮之佳品，可試！炒花甲是檔主送的，一樣沒有半點沙，不過不失吧！清蒸斑仔，蒸的火候剛好，魚肉嫩滑，配以醬油，的確鮮甜！我們也叫了一道時菜及炒面，炒面不油，量略少，多人吃可能要加底！最后有一道小風波，話說龍蝦頭及某部位用來煲弼，我們催了超過半個鐘，都沒人跟進或者’hea’住處理，最後等了４５分鐘才上桌，這是當晚唯一美中不足的地方。…查看更多