富記大排檔

元宵約咗一班朋友仔去大圍冬菇亭大排檔開餐。去大排檔當要食鑊氣小炒，可惜無椒鹽墨魚嘴/雞軟骨，另外叫咗幾個小菜。西檸雞，酸酸甜甜夠開胃啫啫生菜煲，夠鑊氣又惹味椒鹽九肚魚，皮脆肉嫩，好香椒鹽味斬件吊燒雞，隻雞燒到剛剛好，層皮香到不得了，又薄又脆，唔會有太多肥膏，肉又夠入味蒸水蛋大大碟夠家常，配飯剛剛好咸魚煎肉餅，肉厚有份量黃金茄子，炸完都仲保留到裡面茄子既水份，如果咸蛋味再濃啲就更好窮鬼炒麵（鼓油皇），夠味，唔會太油*近年啲大排檔全部翻新，變成有冷氣又坐得舒服。**大排檔好貼心，門口有幾張長木櫈，俾人坐住慢慢等位👍。…查看更多

🍽韭菜豬紅($48)😋差唔多20舊豬紅，唔會一夾就散😋半大碗韭菜墊底，有老有嫩，有陣時難咬啲🤤疫情之下無得掃街，食呢碗超滿足🍽椒鹽九肚魚 ($88)😋炸粉超薄，食到最後都好脆，完全無油膩感😋每舊都有翻咁上下size，同酒樓飲茶嗌嗰啲無得比‼️條魚中心嗰條骨即使炸完都係硬要吐翻出黎，自己要小心芝麻西檸雞($68) 客飯套餐－跟白飯、汽水一罐😋雞塊同樣炸粉薄，keep到好嫩同juicy😋鍾意佢雞塊無同西檸汁兜埋一齊炒，keep翻脆口之餘可以自己決定浸幾多汁😋西檸汁唔會好酸，碟底嘅雞都唔會酸到要扒好多飯👍🏻呢度將屋邨大排檔風味搬入冬菇亭，環境好左，價錢貼地👍🏻免費提供嘅熱茶唔會好淡，仲可以係食野前用黎洗食具🙌🏻環境唔會有餐廳咁好，但室內有卡位，枱之間都算有空間‼️炸野要等耐啲，但係即炸熱辣辣好開心‼️有啲姐姐落單可能無咁清晰，提翻先記得要跟飯同汽水…查看更多

雖然住咗沙田咁多年，但我都係第一次嚟隆亨村食嘢，如果唔係朋友帶我嚟，都唔知哩度有個熟食亭同埋有咁正嘅嘢食。.富記有2間舖位，所以都幾大幾多位，7點鍾嚟到，都有少量街坊晌度食緊野。哩度仲有卡位，同埋朋友嚟食飯、吹水都幾適合。.我哋叫咗🔸辣子雞煲、🔸椒鹽豆腐、🔸椒鹽九肚魚、🔸韭菜豬紅、🔸鯪魚肉浸時菜、🔸京都骨.▪️辣子雞煲充滿川麻嘅味道，雞好入味好滑，醬汁惹味，唔太辣好好味！▪️韭菜豬紅非常好食，豬紅好嫩滑，個湯汁入晒味，連我個朋友唔太食豬紅嘅佢都覺得好好味，湯嘅下低有好多韭菜。▪️椒鹽九肚魚炸得好香脆，入面嘅九肚魚好滑好Juicy，外脆內軟。▪️椒鹽豆腐就正正常，份量多，但調味唔多夠，比較淡口。▪️京都骨大大件，啲汁酸酸甜甜夠惹味，豬扒葉得都夠入味，但係我食到有少少雪藏味，哩度扣少少分。▪️鯪魚肉浸時菜，菜底我哋揀咗生菜新鮮、爽脆，味道清淡。…查看更多

疫情好嚴重嗰陣碌碌吓IG搵到呢間富記大牌檔，原來呢類冬菇亭大排檔都有黃店！佢哋位於大圍隆亨邨，中大恒大啲同學仔呀遲啲要上莊落莊成莊Inaug食宵嘅話識揀啦😈😋 菠蘿京都骨 $68😋 椒鹽九肚魚 $68 （原價$88）😋 啫啫通菜煲 $6868蚊一碟小菜喺大牌檔嚟講已經算係非常抵，而且份量都唔細！喺大排檔叫小菜有個技巧，就係一定要叫碟有汁嘅餸，咁樣撈飯就無咁寡～ 仲要叫多碟菜，咁就好似會健康啲😗 想講佢哋效率都幾高，上菜好快，仲要熱辣辣出煙嘅😆 京都骨啲肉好大嚿同好入味！九肚魚外好脆入面好軟同好熱，真係即炸咁嘅款～😋 招牌種運雞 $168諗叫雞嘅時候考慮過叫沙頭角走地雞定係呢個招牌種運雞，沙頭角雞好似本土啲但呢個就好似型啲，小編同朋友最後都係揀咗型啲嘅呢個😂 隻雞上嘅時候又係熱辣辣，外皮好脆，入面嘅雞肉肉質都好鮮嫩，自己雞髀自己撕嘅感覺真係好正 呢隻雞跟埋南乳醬，呢個配搭幾新鮮，鮮嫩嘅雞肉點埋甜甜地加少少鹹嘅醬真係perfect池😝…查看更多