Zakka (已結業)

係銅鑼灣好少會來尼邊搵嘢食，今次係經過諗住睇下有咩食。經過餐廳時見到人哋食pizza好滋味，又俾個餐牌上嘅吸引咗入來。餐廳算係開放式，包括厨房，感覺幾得意。坐低之後侍應會俾餐牌，決定之後去出邊點餐同付款。之後會俾個感應器放係枱面，到時侍應就會送餐來。而餐具紙巾同水都係自助行式。食物方面比較係日式同西式嘅結合。見到人食pizza, 自己又想食。🤣 而三款當中唯一係照燒雞比較吸引我。睇賣相已經好日式，味道都唔錯。唯一不足係我個人比較鍾意厚底嘅薄餅。尼度食物嘅賣相都好靚，😍而味道都唔錯。吉列豬扒唔會太乾，仲有啲肉汁。咖哩味道沒有太多驚喜但算不錯，如果多啲汁仲好。最後重點嘅pancakes 份量足。其實兩個人食三樣嘢真係好飽。雪糕好有奶香味，的確係北海道牛乳，但太少。😅班戟鬆軟綿密，雖然叫咗後上，但可能都放咗一陣，所以無咁熱。因為見到隔離枱上嘅時候冒曬煙。總的來說係滿足的一餐。…查看更多

去開銅鑼灣新 food court Festiva食野，係上海姥姥食左個蟹粉素鵝。一場嚟到，當然要食埋甜品先走啦~Festiva 有間食輕食嘅餐廳叫 Zakka Café除左有窩夫，班戟🥞等甜品，其實仲有burger🍔，意粉呢類主食。草根見到有呢輪大熱嘅梳乎厘班戟，諗都唔諗就即時叫呢個。叫得呢班戟就預左要等，因為佢只可以即叫即整😝梳乎厘班戟•北海道牛乳雪糕 （$88）Soufflé pancake. maple syrup. mascarpone cream. Hokkaido Milk ice cream 班戟有3層，上枱疊得幾高身，旁邊配有一小球雲呢拿雪糕，生果同糖漿。班戟夠厚身，彈力幾高好動L，口感鬆軟但未至於係空氣感💨草根姐妹其實反而中意呢款口感，好多人追求嘅空氣感反而唔係我地杯茶🍵。唔好睇少佢，食完真係有飽肚感嫁，蛋香味🥚就唔好妄想有啦，但加埋糖漿🍯又真係幾唔錯😋雪糕好普通冇特別，唯一就係球雪糕真係太細啦，大球d會滿足好多😂又估唔到Food court食到嘅梳乎厘班戟又唔錯唔喎！下次可以再嚟食下個Burger🤘🏻…查看更多

食完正餐，當然輪到甜品出場，友人想食西式甜品, 所以就即時轉另一間餐廳。行幾步就有間Café，的確很方便。望着Zakka Café的大餐牌箱，發現有九款甜品選擇。 ***********************梳乎厘班戟熱潮越來越厲害，連我也由窩芙粉絲變成班戟粉絲，移情別戀，哈！這裏雖有式的脆酥窩芙，但最終我倆還是揀了一客梳乎厘班戟•北海道牛乳雪糕 Soufflé pancake. maple syrup. mascarpone cream. Hokkaido Milk ice-cream ($88)。即點即製，雖要等待一段時間，但也絕對值得！三件厚厚的班戟 疊得高高的，旁邊配有一小碗楓葉糖漿、一球北海道牛乳雪糕、一些忌廉芝士 和鮮雜果，還以朱古力醬 在碟上畫紋，單睇賣相已令人興奮。熱辣辣的班戟 外表帶少許金黃，輕盈且極鬆軟，還有些回彈，也帶少少濕潤，加上啖啖滿有蛋奶香，不論口感和味道都一流！又試淋上楓葉糖，伴些冰凍的雪糕，味道香甜，冷暖交融，非常滋味！------------------------------老實說, 明知一客梳乎厘班戟往往很有份量, 根本上我一個人是不能完全吃掉, 但每次見到它的蹤影, 我卻抵擋不住它的誘惑……幸好今日有朋友一起共享, 一起分享這份美味, 當然一點也不會浪費。…查看更多