柳氏家炒辣雞，可以話係去韓國既必食之選，最近由韓國搬到黎香港，梗係要試一試啦！😍香港既柳氏家推出任食優惠，$88就可以任食熟食、飲品、甜品，不過炒辣雞就唔可以再添，超級抵！新野通常都係多人去朝聖🙇🙏，果然，lunch時間一去到，大把人排隊，好彩醒目既我，有book到位，等10分鐘就入得。✌今次試左佢兩款既炒辣雞，因為自己食得辣🌶，就嗌左兩個最辣既，柳氏家炒辣雞同炭烤味炒辣雞。Um...點解可以一啲都唔辣既？！😬係韓國辣到流曬汗，呢度我相信係韓國既小小辣，可能佢想就番香港人既食辣程度啦！唉！小小失望。😒柳氏家炒辣雞同炭烤味炒辣雞，味道好相似，唯一既分別係，柳氏家係一開始就切件左上，炭烤味就一大嚿上，之後再剪開佢，所以，揀其中一款試就好。☝另外一提，加左$30試佢地芝士，份量都幾慷慨下👏，可以拉到絲，不過韓國芝士講真冇咩味，滿足到視覺效果就好。❤有專人幫你炒，唔洗自己郁手。食到一半，可以叫人幫你加飯落去炒。熟食方面，選擇好少，得十款。當中得兩款炸雞可以見得下人，不過好快比人搶曬，食得都唔多🙁。相反，飲品選擇頗多，有正常罐裝韓國飲品，熱飲朱古力咖啡都有，有誠意既👍。甜品真心唔吸引，可以話望都冇望過，雪糕係唔知名既牌子，得雲呢拿、朱古力同香芋味，揀左香芋試一試，係正常既雀巢雪糕味🍦。$88呢個價錢黎講，野食真心已經算唔錯🙆，但係60mins太短，未食完已經夠鐘，雖然都已經飽左。係值得去朝下聖既，不過記得要book位！✌…查看更多
