欅 居酒屋

閨密生日決定同佢狂食慶祝🍾️於是梗係帶佢去試晒佢想食嘅野啦～ 第一站梗係去日式居酒局🎏 ⋯⋯廢話少講，食評即到⋯⋯—前菜🥑吞拿魚牛油果沙律配芥末醬 $78—🍢串燒🍢豚肉牛油果卷 $35豚肉蘆筍卷 $38七味燒豬頸肉 $38豚肉秋葵卷 $28豚肉酒盗芝士卷 $48煙肉年糕卷 $35豚肉韭菜卷 $28鹽燒黑豚腩 $98—🍙柚子胡椒鵝肝燒飯團 $98🍡日本直送紅豆鯛魚燒（2件）$18🍶清酒放題$188 /位—其實係為咗🍶「冇限時清酒放題」而去，皆因自助清酒機提供供應17種清酒及1款梅酒，我哋用QR code自行斟清酒，每款清酒均標明精米步合、米種、釀酒水源、風格等，生啤同樣任飲！店員建議梅酒係用指定酒杯，果然味道好唔同！Vienn最中意梅酒+純米大吟釀。由於閨密唔食牛，陪佢全豬宴，唔乾夠juicy 油腔滿口。豚肉牛油果卷、豚肉韭菜卷、煙肉年糕卷 都好好食，特別係豚肉酒盗芝士卷，芝士咬外脆內軟，鹹香芝士配上豚肉，再飲啖梅酒/生啤，絕絕子😍🤤另外鵝肝燒飯團，好潤好糊口，配上柚子胡椒一齊食，又係令到鵝肝嘅鮮味大大提升！由日本直紅豆鯛魚燒，外脆內軟，甜度適中～—Overall嚟講簡直啱晒我哋班酒鬼🍻重點價錢唔貴，人均消費$500左右，價錢中等。勝在食物服務質素好，無限時free flow值得1試～✨✨✨✨✨✨✨✨✨✨✨✨✨✨依家逢星期一🍶清酒放題$188 買一送一🍶✨✨✨✨✨✨✨✨✨✨✨✨✨✨如果大家中意俾個like支持下🤟🏽 𝗖𝗶𝗮𝗼....🍶欅居酒屋🍻九龍灣宏照道38號企業廣場5期Megabox11樓9號舖…查看更多

估唔到Megabox有間居酒屋🏮有趣嘅係餐廳有部香港勁少見嘅日式全自動日本酒販売機🍶多款日本酒包括清酒梅酒冇時間限制放題都只係$188一位，抵到癲！但記得量力而為呀🤣居酒屋嚟講，食物都好緊要！餐廳嘅餐飲選擇都好豐富，串燒、飯團、刺身、壽司、小食通通都有。一邊暢飲一邊食嘢傾計真係開心到爆😆柚子胡椒鵝肝燒飯團🍙 $98————————————勁大嚿鵝肝，香到爆嘅油脂湧出嚟，表皮少許香脆，入面軟嫩順滑，香氣逼人。配埋飯團真係勁滿足。炭燒牛舌(4片) $98————————————口感脆彈、有嚼勁，唔會過韌，韌度剛剛好！真係好出色嘅燒牛舌。原條日本茄子🍆 $68————————————真係大大條原條茄子，入口軟淋淋又多汁，加埋木魚、蔥花，看似簡單但好惹味。明太子青椒仔 $38————————————青椒仔唔太辣，釀入嘅明太子味道都係温和嘅，並唔係好辣同鹹嘅明太子，依個配搭好開胃，送酒一流呀。七味燒豬頸肉 $38————————————外層少許焦香，加埋七味粉就更惹味，咬落爽彈，肉香滿滿。飲到微醺😆下次要再去呀！…查看更多

呢間Megabox新開嘅居酒屋唔止嘢食正~新張期間仲有好抵嘅清酒任飲🎊,只係188一位,飲幾round都回本了🥂!油甘魚好肥美🐟,所以加埋啲酸酸哋嘅酸汁啫喱就好開胃~而沙律都好新鮮清爽🥗~呢個自家製木桶豆腐豆味好香👍,尤其個邊邊位仲特別煙煙韌韌添~職員教話簡單落少少柚子鹽🧂就可以更欣賞到豆香味~如果喜歡濃味啲就可以加薑葱豉油~我最鍾意食鰻魚,呢個炭火蒲燒原條鰻魚連埋個爐上🔥,食到尾都暖笠笠~個鰻魚皮仲有好香油脂味~佢呢度串燒選擇好多🍢,牛肉,豚肉等等🐷🐮~每款都有好多選擇~我覺得最好食嘅係牛舌~豚肉蘆筍卷~明太子雞肉棒同埋雞翼🐔~我點咗呢個燒三文魚飯團🍙,燒脆咗嘅飯團配埋脆卜卜紫菜好香~朋友仔就食咗另一款柚子胡椒鵝肝燒飯團🍘~上面有煎香咗嘅鵝肝🦆,非常甘香~呢度嘅嘢食好食,加埋個清酒放題真係無得輸😋~清酒款式眾多,仲會介紹埋各款酒嘅資料,實搵到啲啱飲嘅酒🍶~…查看更多

好耐未去過MegaBox，前兩日去開見到新開咗間居酒屋，諗住就咁食吓串燒飲吓嘢傾吓計，估唔到咁都撞到間有驚喜嘅餐廳，每樣野食都好高質，再加上自助任飲清酒🍶！正！最吸引就係$188任飲18款清酒，雖然我地完全對清酒冇研究，但佢係出去任斟的，玩吓都覺得開心🤣，試咗幾款，個人比較喜歡彌榮鶴 亀の藏舞，唔會太辣，又唔會太甜，岩岩好嘅味道同易入口👍🏻前菜試咗吞拿魚牛油果沙律配芥末醬（HK$68)，份量都多，芥末醬令到成個味好出同好開胃！自家製木桶豆腐（HK$98)，第一次食一桶蒸嘅豆腐，唔知以為食緊豆腐花🤣，雖然豆腐唔算係好滑嘅feel，但加入咗薑、蔥同埋椒鹽，味道係唔錯！串燒平日有買三送一優惠，我地order咗10串，平均HK$18-$78一串，真心每款都整得好有水準，個人覺得必試 1）豚肉酒盗芝士卷、2）煙肉凡立貝、3）美國牛小排、4）明太子雞肉，極度推介🤤另外燒三文魚飯團（HK$42）同柚子胡椒鵝肝燒飯團（HK$98)，兩款都熱辣辣，燒得好脆身，我地勁喜歡，出色🫶🏻炭火蒲燒原條鰻魚(HK$268)，以炭火烤住咁上枱，好有氣勢🤣，鰻魚肥味脆身，個人建議連埋飯團一齊食最正👍🏻…查看更多