馬來一菜館

最近愛上了吃叻沙，上網搜尋，眾人一致推薦馬來一菜館，這次終於有機會到此一試！乘港鐵到香港大學站B2出口屈地街，向著咫尺之遙的Jen Hotel一直走，直上2樓便來到經典地道星馬菜 - 馬來一菜館。獲米芝蓮指南推介的食店，餐桌佈置寬敞舒適，環境整潔寧靜。先試檳城亞參叻沙。濃稠的星洲特色辣湯底配以香甜濃烈的椰漿，簡直是天衣無逢的組合！味道香辣開胃，洋溢著檳城地道風味，辛辣湯底與清甜椰漿相輔相成，集酸鹹辣於一身，絕對是吃過翻尋味！檳城炒貴刁。極具代表性的檳城街頭美食用上從馬來西亞空運到港的新鮮爽脆豆芽，而河粉稍為厚身，口感彈牙；配料豐富，加入鮮蝦、臘腸、韭菜、豆芽及特質辣醬，鑊氣很夠，味道濃香惹味！沙嗲雞肉/牛肉串燒。串燒以傳統馬來醬料醃製，醃得非常入味。燒得剛好，微焦的外層，咬下去外脆內軟，肉質鬆軟嫩滑，再配上秘製沙嗲醬，味道更為一流！沙嗲醬夾雜著花生醬及碎花生，香濃又惹味，令人食指大動！柑桔特飲。用馬來西亞桔仔特別調製的特飲，清新潤喉又解渴，喝一口教人悶氣全消，絕對是一杯透心涼的飲品！最後一道是榴槤甜品。分別用上貓山王及D24名種榴槤製作，質地creamy滑溜，香味濃郁，不會過甜，留在舌頭上淡淡的回甘，做甜品簡直一流！鍾愛榴槤的朋友必定不容錯過，絕對令一眾榴槤迷神魂顛倒！！實在令人食上癮！超級推介！…查看更多

有朋友睇過小弟食評介紹賣星馬菜嘅馬來一，心郁郁有興趣一試，而小弟亦都好鍾意馬來西亞依個地方，尤其檳城及浮羅交怡。人少食唔到幾多嘢，所以，就不如多約幾個老友記，一齊過嚟馬來一品嚐其地道星馬美食。今日週中閒日，我哋又嚟得早，所以人客唔多，不過坐落就越嚟越多人。雖然裝修唔豪華，但喺勝在簡約舒適，地方闊落，我哋揀咗中間靠牆圓枱，貪其騷擾少啲，而背後幾張星馬街頭小攤檔黑白相，甚有味道。由於小弟嚟個幾趟，而朋友就首次到，自不然乘機將點菜重任交晌我手中，其實，未嚟之前已心裡有數，有幾款地道又富特色嘅菜式都好想俾佢哋試，所以，今次點菜無乜難度 。晌星馬，最抵就喺飲嘢，尤其一啲大牌檔、熟食市場，啲果汁抵飲到暈，一杯1L鮮菠蘿汁，都喺馬幣6蚊左右（~HKD15），而一杯近1L嘅榴槤牛奶，只賣坡紙2.5（~HKD16） 。當然，晌香港就無可能咁平啦，不過，嚟食星馬菜，點杯飲品多少都喺慣常。 涼粉冰 $23屬新加坡特色飲品，梳打水加涼粉條，算唔上好特別，只喺帶嚟涼快清爽嘅感覺。 香茅特飲 $23 :) 之前飲過，覺得特別所以介紹朋友一試，以香茅煲水，香茅味非常突出，飲一啖香茅味已衝緊入喉嚨，而青青哋嘅斑蘭果凍條，更為個特飲多添幾分趣味。 柑桔特飲 $23 :) 晌大馬旅行時，佢哋好興飲桔仔酸梅汁，大大細細食肆都見。今次，小弟就揀柑桔特飲試試，為求忠於地道，都喺用馬來西亞桔仔調製。入口柑桔味濃，味道酸咪咪，酸爽開胃，如果嫌太酸，附送嘅糖漿就大派用場。食物方面，由於今次嘅朋友都算大食，所以，較平時多點一啲菜，免得大家唔夠盡興。6道菜，加4個甜品，相信絕對可以滿足到佢哋！ 囉惹醬蔬果沙律 $53 :) :) :) 要數最有風味及地道特色，依個大馬沙律點可以唔嗌嚟俾老友試試。以菠蘿、蕃石榴、青瓜、楊桃、蓮霧、土魷跟檳城蝦醬及馬六甲棕櫚糖撈勻，再加埋油炸鬼，酸酸鹹鹹，鹹香中又帶清甜，再食都依然驚喜 :) 。 鹹魚炒芽菜 $53 :) 鹹魚炒芽菜聽起嚟無乜特別，亮點在於啲怡保芽菜，之前試過一次，覺得相當有趣，所以，再點喺俾老友見識一下。芽菜粗大而短，爽口而飽滿多汁，加蝦乾及鹹魚蓉香炒，鹹香惹味中，添幾分清爽。 馬來巴東牛肉 $88 :) 上次嚟食就配飯，今次改配印度薄餅。雖然啲巴東牛肉賣相唔討好，不過，味道一流。以椰汁及多種香料燜煮嘅巴東牛肉，肉質柔滑，味道香濃，搵印度薄餅包住一件巴東牛肉，仲好食 ！ 海南雞飯 $108 :) :) :) 賣相精緻，同埋配搭對辦，一小碟海南鮮雞，加油飯，雞清雞湯及三色醬料（薑蓉、特製辣椒醬、黑醬油）。海南雞皮爽肉滑，蘸點三色醬都只不過喺錦上添花嘅動作；雞油飯亦油香而滿，飯粒分明，反而用黑醬油加埋啲飯度，又有另一番滋味 ； 檳城福建蝦麵 $88 :) 依個蝦麵，最有趣噝用上油麵拼米粉，所以，朋友見咁樣都覺得好奇。湯底濃郁鮮香，仲滲出陣陣香辣，配料仲有鮮蝦、豬肉，味道不俗。 檳城炒貴刁 $85 :) :) 嚟馬來一好幾次，都喺第一次食佢嘅檳城炒貴刁。貴刁炒得乾身均勻，加入怡保芽菜及鮮蝦，用料不賴，尤其蝦隻，新鮮爽口，不過，份量有點細！稍後喺甜品時間，但去到依度，朋友都覺得馬來一嘅星馬菜都好好食，所以，就連甜品都投其信心一票。 椰汁黑糯米 $28 :) 黑糯米煮得煙煙韌韌，口感十足，新鮮椰漿，椰子味香濃，而個黑糯米又唔太甜，水準穩定。 香蘭椰絲卷（3件） $28 :) :) :) 抵食嘅香蘭椰絲卷又喺另一真心推介，班蘭班戟皮捲上棕櫚糖炒過嘅新鮮椰絲，唔單翠綠嘅外觀搶眼，無論口感、味道都富南洋色彩，口感軟軟糯糯，班戟皮散發微微班蘭幽香，椰絲蜜香清甜。 檳城紅豆冰 $45 :) 刨冰加上玫瑰及沙士糖漿，再墊有紅豆、涼粉、椰果、粟米粒、亞答子，最後淋上花奶而成，幾得意嘅配搭，如果加多球雪糕，就要多俾$15喇。天熱食，特別爽快透心涼，沙士味喺細個嘅A貨可樂，有啲懷念；底下混雜嘅材料，口感紛陳，未必人人覺得好食，但試過你先有多份異國見識。 榴槤布甸 $38 :) :) :) 哈哈，唔好意思，又喺佢「榴槤布甸」，因為朋友中有人鍾意食榴槤，所以，私人推介俾佢。試過之後，老友話布甸質感滑溜，口感一流，榴槤味香濃突出，啖啖飄香，果然無介紹錯。最緊要喺老友食得開心，我就放心！唔覺唔覺，邊食邊傾幾粒鐘，實在美食容易讓時光渡過。雖然西環對幾位朋友確實有點遠，不過，佢哋異口同聲都話值得老遠過嚟一試。小弟都喺，馬來一，值得一試再試！…查看更多

若果要筆者介紹一間食星馬菜的菜館，相信都離不開「好時沙嗲」、「莎巴」、「沙嗲軒」又或者「海南少爺」。不過近日就發現原來近西環山道的盛貿飯店，竟然亦開了間主打星馬菜式的餐廳，而且據聞餐廳總廚更專程走訪星馬當地取經，希望把最地道的南洋菜式，如檳城亞參喇沙、福建蝦麵等美食帶回香港。咦，聽落又好似幾吸引喎。早前有幸收到店方的邀請，跟幾位食友一起前來試菜，在此先多謝餐廳負責人當晚的詳盡介紹和熱情招待！座落於皇后大道西盛貿飯店內的「馬來一菜館」，相信很多人都知道其前身是「Café 508 咖啡廳」，原本只供應自助餐，不過近日就銳意改造成一間正宗星馬菜館。原來「盛貿」屬香格里拉酒店集團旗下副線酒店，以簡約設計及便捷服務定位，而香港的「盛貿」屬全球第 17 間。其實餐廳環境跟先前的「Café 508」分別不大，除了擺放著適合小家庭的四人方形木桌外，用餐區大都是以共用的長餐桌為主，營造出既輕鬆又可讓客人互動交流的氣氛，隨意自在。由於當晚來到的時間尚早，人客不多，正好讓我和食友們可趁機四周吓拍照，也不怕騷擾到其他食客。先來每人一杯 welcome drink，其實飲品款式頗多選擇，甚麼薑母奶茶、涼粉水、薏米水、香茅特飲、玫瑰特飲等；本來睇中玫瑰的迷人色澤，但更愛柑桔的酸甜醒胃，所以還是點了一杯柑桔特飲 ($23)。用上馬來西亞獨有桔仔調製的柑桔特飲，入口不單桔香馥郁，而且喝起來酸甜清潤，啜落更有柑桔的清新氣味，非常醒胃。小食點了沙嗲雞肉/牛肉串燒 ($72/6串)，據說雞肉和牛肉都係事先以傳統馬來醬料，即香茅及黃薑等醃製一晚，再伴以白飯、青瓜和洋蔥，另配一碗花生醬。兩款串燒入口雖然尚算汁多肉嫩，不過就稍嫌外層有欠脆口，幸而蘸點花生醬後，味道濃郁香甜，而且伴碟的一口 size 三角形飯糰，據稱是由人手搓壓而成，樣子的骰趣緻，連平日無飯癮的我亦連吞數粒。至於另一款小食，印尼沙律 ($59)，其實就是我們去印尼菜館經常會點的加多加多。食材除了雞蛋、炸豆腐外，還有豆角、芽菜、青瓜、薯仔等，十分之豐富。品嚐過後，發覺幾款蔬菜都頗清甜，而淋上的花生醬汁，入口濃稠清香，味道微甜微辣，亦討人喜愛，加上伴吃的印尼豆餅，甘苦微鹹，味道挺特別的。星洲香辣烤魚 ($32/2件)，是一道用魚肉做成的娘惹風味小吃，先以鮫魚肉打碎，再混入調味香料、蛋、椰奶和草本植物的葉子做成魚餅，然後裹上香蕉葉烤香即成。原本看見 “香辣” 二字，初頭還真的以為是一道令人吃後會辣得噴火的菜式，估不到這碟烤魚，入口辣味溫和，魚肉口感細膩，魚味濃郁，但肉質又不會乾巴巴的，真是少一點工夫也做不成。麵食方面，點來了檳城福建蝦麵、檳城亞參叻沙及檳城湯河。先說檳城福建蝦麵 ($88)，湯頭由豬骨、蝦殼、蝦頭，再加入辣椒、參巴醬等熬煮，而蝦麵的麵條就是由油麵和米粉各半組成，另加入排骨、鮮蝦、豬肉片、豆芽、通菜和酥炸香蔥，用料十足。呷一口湯底，香濃惹味，非常刺激，況且辣湯能帶出蝦隻的鮮味，加上以油麵溝混著米粉同吃，十分地道，教人回味。另一道檳城著名美食，檳城亞參叻沙 ($82)，據說湯底是以拆肉鮫魚、羅望子、叻沙葉、薑花、香茅等多種香料熬製，另加上新鮮菠蘿、青瓜絲、薄荷、蔥段等作配菜，用料與蝦麵不遑多讓。先呷一口湯頭，味道酸辣，再吃一口米線，既麻且香，集鹹酸辣於一身，而湯面的鮫魚肉，口感滑溜，亦令人吃得停不了口。由於版面篇幅有限，下文再續。…查看更多